Issuu on Google+


Para Néstor e Milena, Óscar e Juan ESTHER TUSQUETS

A Anna MARÍA HERGUETA

Título orixinal: La conejita Marcela, 1980 Colección © do texto: Esther Tusquets, 1980 © das ilustracións: María Colomo Hergueta, 2011 © da tradución: Xosé Ballesteros, 2011 © desta edición: Kalandraka Editora, 2011 Italia, 37 – 36162 Pontevedra Tel.: 986 860 276 editora@kalandraka.com www.kalandraka.com Impreso en Gráficas Anduriña, Poio Primeira edición: decembro, 2011 ISBN: 978-84-8464-773-7 DL: PO 492-2011 Reservados todos os dereitos


Nun prado verde, á beira do gran río, vivía un pobo de coellos. As augas baixaban moi frías e limpas dende o alto das montañas, e xunto ao río medraba a herba, tenra e abundante. Había boa comida e boa auga para todos. De cando en vez aparecía por alí un lobo ou unha raposa ou unha aguia, e roubaba algún dos coelliños máis pequenos. Mais isto acontecía moi poucas veces, así que aquel pobo de coellos vivía en paz e harmonía.


Era un pobo ben organizado. Había coellos brancos e coellos negros. As coellas brancas casaban cos coellos brancos e parían coelliños brancos. As coellas negras casaban cos coellos negros e parían coelliños negrísimos. Sempre fora así e todos sabían moi ben o que tiñan que facer.



A coelliña Marcela