2024 總統大選 作者:高嘉徽 創作日期:2023/06/12
我細漢寫過一篇咱國家需要啥物款 ê 領導人，來領導咱的國家，我 講治安愛好，koh 有國家 ê 政策愛有好 ê 方向，chiah 有法度 kā 咱 ê 國家治 hō͘好勢。Chit-má 我大漢--ah!我認為以我是母語老師 ê 角色來 講，就是除了咱 ê 國勢 kap 外交愛創 hō͘好勢以外，就是愛 kò͘咱本土 ê 語言。台文通訊罔報 ê 總編輯陳豐惠老師講過，母語是正港咱國家 ê 語言，因為語言包含 tioh 咱臺灣 chiok 豐富 ê 文化，m管是台語、客 語︑原住民語 lóng-sī 咱臺灣 siōng 寶貴 ê 文化資產。我 bat tī chit 篇 文章講過，咱 nā-sī 無好好仔保護咱在地 ê 語言文化，tō 失去國家 ê 根基。按呢來講，實在 chiok bô-chhái 工，我認為咱 2024 年 ê 國家領
導人，iah 就是未來 ê 總統，su-iàu 照顧 tioh 咱 ê 本土語言 kap 本土文
化，尤其咱 ê 國家語言發展法已經通過，chit-má 中學 mā 必須要 oh，
m-koh 現此時母語 ê 環境誠需要國家級 ê 領導人來��領阮，kā 母語救
tó 轉來，若無，chhun êlóng-sī 加講 ê。
除了母語政策正常化，我感覺國際 ê 視線 mā kài 要緊，咱 ê 祖先留 hō͘阮 ê，應該愛保護，未來規个臺灣 ê 局勢 ê 鋪排 mā chin 重要，我 向望 2024 選 tioh ê 總統，向望伊 ē-tàng 好好仔��領阮 ê 國家，有好
ê 政策︑有 koh-khah 友善 ê 環境，當然咱人民 mā ē-sái 做伙來拍拚， 做伙 kā 國家迎向愈好 ê 未來。