Den unge Heine kjem til heimbygda for å gravleggje far sin. Han ryddar i naustet, snakkar med gamle kjente og hentar blomstrar hos blomsterhandlaren.
Under alt renn ein mørk straum. «Alle» veit at faren var alvorleg psykisk sjuk. Men korleis veit folk meir om faren, og om familien hans, enn Heine gjer sjølv? Kvifor tviheld mora på gamle sanningar? Og kva var det eigentleg som skjedde i båten ute på fjorden den gongen?
Gamle minne og traume trengjer seg stadig tettare på. Og når systera Hanna forlovar seg med den utolelege Trym, er smertegrensa snart nådd.
Heimkomst er ein medrivande debutroman, skriven med stor psykologisk innsikt og litterær autoritet.
