ASOCIACIÓN PARROQUIAL DE CARRACEDO PUBLICACIÓN Nº I PREZO: GRATIS SETEMBRO, OUTUBRO, NOVEMBRO E DECEMBRO DE 2014
CARRACEDO FALA E TI QUE PENSAS? Entrevista a Carmen, a nosa presidenta. Entrevista a Quinín, mestre de varias xeracións de carracedenses. ASOCIACIÓN Estado económico da Asociación e relación entre ingresos e gastos. Medidas e plans levados a cabo pola Asociación. PARROQUIA Reforma dos cemiterios parroquiais. Nova directiva da Comunidade de Montes. A primeira biblioteca de Carracedo
ALGO MÁIS CA UN CAMIÑO Carracedo non sería o que é sen o Camiño de Santiago. Dende sempre, os veciños da parroquia viron pasar miles de peregrinos en dirección a Compostela. Nos últimos anos incrementouse o número de camiñantes que nos visitan de camiño á capital, unha das razóns son as moitas melloras que se incluíron no traxecto, que tamén axudaron a repuntar a economía da aldea. Os carracedenses abrímonos máis ao mundo, a escola infantil da zona puxo en
marcha un proxecto para achegar aos máis pequenos esta parte da nosa cultura. Incluso actuamos de guías, axudando aos peregrinos extraviados. Ao pasar pola Carballeira, os peregrinos contemplan a nosa igrexa con admiración, senten un gran respecto pola tradición gravada nos seus muros durante tantos séculos. Non dubidan en facerse fotos diante da fachada do edificio, así coma no cruceiro de pedra. Dende as sombras e baixo a maleza, a que
fora noutra época a “casa do cura” observa os peregrinos pasar e fotografiala, como recordo da súa estancia no noso fogar.
UNHA FEIRA DE RECORDOS O 17 de agosto, entramos nunha máquina do tempo. O Concello de Caldas, por mor das festas da vila, realizou unha feira tradicional. Carracedo non puido faltar. Alí puide-
mos ver obxectos cotiáns, eses de cando os nosos avós eran aínda uns mozos. Arados, candís, sabas de liño, volveron durante un día á vida de todos nós. Ademais, tamén
puidemos degustar, a un módico prezo, filloas, chulas e rabanadas. Dentro dun ambiente cómodo e familiar, todos puidemos gozar dunha feira de recordos.