Neguko kultur programa Itziar
2022/23
Hotz zitalari aurre egiteko bota ohi dugu Barruan giro! esaera, kalean baten batekin gurutzatzerakoan. Neguaren seinale, babesean biltzeko gorputzaldia adierazten digu. Horrela moldatu dugu beste behin kultur programa xume hau datozen hilabeteerako, mamu ilunei aurre egin eta elkarren ondoan juntatzeko.
Jendarte gisa kulturak batzen gaitu eta egiten gaitu berezko. Kultura deitzen diogu herri adierazpenari, lehengo ohiturekin lotu ohi dugu, eta era berean hartzen ditu sormen molde berriak. Azkenaldian bizi izan dugun etenaldiak are nabarmenago jarri digu agerian halako premia, kultura delako ospatu eta elkarrekin bizitzeko esparrua, desberdintasun eta gatazkaz ere parekatzen gaituena.
Itziarko Auzo Udalaren eginkizuna da herritarrei eskaintza zabaldu, beharrak asetu eta lankidetza sustatzea. Horretan saiatu gara, tirriki-tarraka, eragile eta herritarren parte hartzez proposamenak jaso, tolestu eta egitaraua osatuz. Aurten, aipatzekoa da Itziarko Gazte Asanblada eratu berriaren ekarpena. Jorratutako hartu-eman ildoak izango du emaitzarik aurrerantzean ere. Bitartean ospatu eta zaindu dezagun uzta berria. Bejondaizuela!
Durangoko Azoka — Abenduak 7 - 11
Hitzaldia: ‘Ekologista naiz baina’ — Abenduak 15
BTN finala — Abenduak 18 Euskal dantza jaialdia — Abenduak 23
Gaztainerre jana — Abenduak 23
Mendi ibilaldia — Abenduak 24
Gaboneskea — Abenduak 24
Olentzero eta Maridomingi — Abenduak 24
Gabonetako Ume Festa — Abenduak 28
Julen Magoa — Abenduak 28
Kontzertua: MICE — Abenduak 29
Sansilbestre lasterketa Deban — Abenduak 31
Urte zaharrari agur Andutzen — Abenduak 31
Debako Soro Feria — Urtarrilak 7
Errege Magoen etorrera — Urtarrilak 5
Kontzertua: Landarbaso abesbatza — Urtarrilak 8
Dokumentala: Loreak belaunetan — Urtarrilak 12
Sansebastianak Elorrixan — Urtarrilak 20
Antzerkia Lasturren: “Intxaurra” — Urtarrilak 28
Pirritx, Porrotx eta Marimotots — Otsailak 3
Santeskea etxez-etxe — Otsailak 4
Kontzertua: Aitor Huergo — Otsailak 10
Inauteriak — Otsailak 16 - 26
Merendola eta Mozorro show — Otsailak 17
Egur jolasak — Otsailak 21
Hitzaldia + topaketa: Leire Milikua — Martxoak 5
Emakumeen Nazioarteko Eguna — Martxoak 8
Ekologista naiz baina?
Abenduak 15 osteguna 18:30 – Burugorri HITZALDIA:
Gorka Egia
Bizi dugun krisi egoeraz jabetu eta eguneroko ohiturak jasangarriago egiten lagunduko digu Gorka Egia aholkulariak hitzaldi praktiko honen bidez, argitaratua duen liburua oinarritzat hartuta. Hala, ura, energia, zaborrak edota kontsumo arduratsua bezalako gaiak jorratuko dizkigu.
16:00 – Zabalsoro frontoian
Merendola Buruhaundiak
18:00 – Zabalsoro frontoian
Euskal dantza jaialdia
Andutz Euskal Dantza taldean aritzen diren ume, gazte eta helduek hartuko dute parte aurtengo dantza erakustaldian. Dantza tradizionalak ez ezik, joera berritzaileagoak ere aurkeztuko dituzte.
Abenduak 23 ostirala
Gaztainerre jana
19:00 – Zabalsoro frontoian
Gazteen eskutik ohitura zaharrak egunera ekarriz, danbolinean preparatutako gaztaina errea bapo, nahi duenarentzat, bestelako jan eta edanaz lagunduta.
Gaztainak erre bitartean eta ondoren musika izango da.
Itziar –Mendaro –Mutriku
Abenduak 24 zapatua 08:30 – Itziarko plazatik MENDI IBILALDIA:
Oinetako egokia eta babes jantzia eraman. Jan-edana norbere kontu. 16 urtera artekoak helduen ardurapean.
Denbora: 5 bat ordu. Buelta garraio publikoan.
Azken urteotan gurean Gabon bezperan lagun artean ibilaldian irteteko zenbaitek hartutako ohituratik dator proposamen hau.
Argazkia: Indalezio Ojanguren, 1943. guregipuzkoa.eus webgunetik hartua CC BY-SA lizentziapean.
GAINEZGAIN
G A B O N E T A K O F E S T A ABENDUA 28 Itziarko frontoian Puzgarriak: 11:00–14:00 16:00-18:00 UME
A S T E A Z K E N A Magia eta umorez betetako ikuskizuna. Magia mundura bidaiatzeko aukera edukiko dute umeek zein helduek. 18:00 Magia saioa
MICE Abenduak 29 osteguna 22:00 – Burugorri aretoan KONTZERTUA: & Sarrera: 5 € & Aldez aurretik: Burugorri Ostatuan & Egunean bertan: atean & Sarrera elektronikoa: labur.eus/miceitziar
Miren Narbaizak bere bakarkako proiektuan sakontzen jarraitzen du. 2017an sortu zuen MICE, Napoka Iria, Perlak, Drumkopters eta Dual Split taldeetan ibili ostean. Hirugarren lana kalean du jada, ‘Lautada’ izena darama eta duela urte batzuetatik bizitoki duen paisaia arabarrari erreferentzia egiten dio zuzenean. Rocka beti abiapuntu, beste estilo batzuetara hurbiltzea gogoko du MICEk, atmosfera ilunak, distortsioak, tenpo geldoak, giro arin eta argiagoekin ahaztu gabe eta ahotsa denaren gidari duela. Taldea honako musikariekin osatu du: Mikel Santxez (Kaskezur) baterian, Ibai Gogortza (Borrokan, Joseba Irazoki) eta Joseba Baleztena (Joseba B. Lenoir, Victimas Club) gitarretan, Iñigo Telletxea (Joseba Tapia, Petti) baxuan, Aitor Garcia de Vicuña (Pasadena) teklatuetan eta Narbaiza bera ahotsean.
Landarbaso abesbatza KONTZERTUA Urtarrilak 8 igandea 18:30 – Itziarko eleizan
Landarbaso Abesbatza 1991 urtean sortu zen Errenterian eta egun, bataz-besteko 31 urteko adina duten 43 abeslarik osatzen dute. Iñaki Tolaretxipi da taldearen sorreratik zuzendaria, egungo gipuzkoar zuzendari onenetarikoa. Abesbatzak oso programa zabala lantzen du, garai eta estilo desberdinetako bai obra profano eta baita eliz obrak ere abestuz. Landarbasok azken urte hauetan munduan zehar ziklo, lehiaketa eta kontzertu askotan parte hartu du, sari ugari lortuz. Horien artean nabarmentzekoak diraa 8. Bali International Choir Festivalen lortutako Grand Prix saria, 2022ko Proventzako Nazioarteko Lehiaketan lehen saria, esate baterako.
ELKARTEAREN DOKUMENTAL BAT
LANARTEA
Urtarrilak 12 osteguna 19:30 – Burugorri aretoan
DOKUMENTALA: LOREAK BELAUNETAN KULTURAREN ZAZPI AHOTS GAZTE
Zer izan nahi duzu handitan? Zaharra da galdera; erantzunak aldatuz joan dira garaiz garai. Handitan artista izan nahi ote zuten dokumental honetako zazpi protagonista gazteek? Handiagotan ere kultura egiten eta interpretatzen ikusten al dute euren burua? Beren ametsak, ekinak eta ezinak aletuz, gure kultur munduaren nolakoaren eskema zirriborratu dute zazpiron artean; baita etorkizuneko erronkena ere.
Protagonistak: Oihana Arana poeta eta bertsolaria; Amets Aranguren musikaria; Kattalin Barcena artista plastiko eta musikaria; Dom Campistron irudigilea; Ekain Ibarguren aktore, pailazo eta malabarista; Iker Maguregi zinemagile eta musikaria; Maddi Ane Txoperena kazetari, idazle eta bertsolaria. Ideia eta elkarrizketak: Amagoia Gurrutxaga. Ekoizpena: LANARTEA Euskararen Langile Profesionalen Elkartea. Irudia eta soinua: KULTURAZ Azpeitiko Kultur Kooperatiba. Iraupena: 38:30 minutu.
Dokumentalaren egileak bertan izango ditugu, lana aurkeztu eta ondorengo solasaldia gidatuz.
Terexa gaixorik dago, baina bera ez du bere osasun egoerak arduratzen. Etxeko intxaurrondoaren osasunak kezkatzen du. Intxaurrondoak ere gaitza badu. Burutan du bere garaian konponbideren bat aurkitu zuela, baina ez du zehaztasunez gogoratzen. Larritasunak, gaixotasunarekin batera, Terexa itotzen du. Bere eldarnio eta ametsetan, familiaren iraganeko hiru mamuren agerpenek, babesa eta konpainia eskaintzen diote. Urtarrilak 28 zapatua Lasturren 22:00 (21:00etatik aurrera taloa) ANTZEZLANA: Intxaurra Mairu Antzerki Tailerra Zuzendaritza : MAIRU (Manex Fuchsen laguntzarekin) Testua : Gaizka Sarasola Antzezleak : Josune Etxepare, Ainara Ribera, Ritxi Abril, Iban Garro, Juanen Saralegi eta Gaizka Sarasola Argi diseinua : Andoni Mendizabal Soinu diseinua : Ibai Gogortza Musika : Ibai Gogortza eta Gaizka Sarasola Eszenografia eta atrezzoa : Adrian Labadie eta Eduardo Conde Jantziak : Marodi Sorkuntzak Kartela : Garazi Conde Kantuetako ahotsak: Jean Baptiste Suhas (1884-1964) eta Xalbador (1920-1976)
Otsailak 3 ostirala 18:00 – Zabalsoro Urteak bete, abenturak bizi Pirritx, Porrotx eta Marimotots
Santeskea
08:30 – Irteera plazatik. Zahar eta gazte, baserriz baserri, auzoz auzo egun osoan.
10:30 – Irteera plazatik. Ume eta guraso, kalean zehar, goizean zehar.
Otsailak
4 zapatua
Ohitura da Santa Ageda bezperan kopla zaharrak kantatu, makilarekin lurra joaz, diru edo jateko eskean ibiltzea, lehengo erara. Lurra esnatzea omen da jaiaren jatorria, neguko solstizioaren ondoren. Aurten berriz ere auzoz auzo, etxez etxe ibiliko gera, lehengo usadioan. Herriko beharretarako baliatuko da santeskean bildutako irabazia.
Otsailak 10 ostirala 22:00 – Burugorri
KONTZERTUA:
aretoan
Aitor Huergo
«Zergatik ez dituzu abestiak grabatzen?», galdetu zioten behin Aitor Huergori. Inoiz ez du bere burua musikaritzat hartu, baina estreineko lanak balio izan dio barruko paisaiak azaleratzeko. «Barruko paisaiak» diska argitaratu berri du Aitorrek, eta han-hemenka kontzertuak emanaz dabil. «Abesti bilduma xume eta soila dugu, sinpletasunak dakarren zailtasunez hornituta: ahotsa eta gitarra soilik, elkar nahasirik, fluxuan», kontatu du. Diska Endoia auzoko Beliosoro-Goikoan ekoiztu eta grabatu du, lagun artean, Unai Mimenza, Aner Hernandez, Unai Rodriguez, Mikel Markez, Keu Agirretxea eta Roberren lankidetzaz. Aukera berezia, gogoz dator itziartarren aurrean kantura, aretoan elkarrekin une goxoa sortzeko irrikaz.
Sarrera: 3 € (egunean bertan atean salgai)
Otsailak 17 ostirala INAUTERIAK 16:30 – Zabalsoro frontoian Merendola Urtero bezala bakoitzak etxetik zerbait ekarri dezala eta denon artean jango dugu. 18:00 – Zabalsoro frontoian Mozorro show! Ondoren, buruhaundiak Umeak mozorrotuta ibiliko dira eta play-back saio bat egingo dute
16:00 – Zabalsoro frontoian
Egur jolasak
Beste lurralde batzuetako tradizioak ezagutzeko asmoz, antzinako egurrezko joko tradizionalak eguneroko praktikara egokitzea da Zuresku ekimenaren bitartez antolatutako saio honen helburua, jolasak elaboratu eta plazaratuz.
Horretarako, Europako hainbat eskualde bisitatu eta bertako antzinako jolasak fabrikatu dituzte, herrietako jaietan aukera berritzaile gisa erabiltzeko. “Haurren eta adinekoen joko-jolas praktikarako eskaintza ahalik eta gehien zabaltzea” da helburua. Umeak, gurasoak, aitite-amamak, pozik aritzea desagertzear dauden jolasekin. Jolaserako aukera ederra!
Otsailak
21 asteartea INAUTERIAK
17:00 – Burugorri aretoan HITZALDI / TOPAKETA:
Lur gainean, itzal azpian
Leire Milikua Larramendi (Abadiño, 1985), arkitektoa da eta agroekologian eta genero berdintasunean espezialista. Gaur egun freelance bezala dabil lurraldearen eta biztanle/komunitateen arteko loturak berrezartzeko planak diseinatu, prozesuak eraiki eta horiek dinamizatzen.
“Lur gainean, itzal azpian” saiakera liburua (Lisipe-Susa, 2022) argitaratua du.
Martxoaren 8ari lotutako saioa. Honetaz gain beste ekitaldirik ere izango da Itziarren.
Martxoak 5 igandea
Leiho eta bozgorailu izateko borondatearekin argitaratutako lana da ‘Lur gainean, itzal azpian’. Leiho, aipu, erreferentzia eta datuekin eraikitzen duelako landa-eremua begiratzeko toki bat. Eta bozgorailu, nekazari emakumeen testigantzetatik abiatuta, beraien bizipen eta ahotsetatik, ekartzen direlako erdigunera emakume horien parte hartzean (eta bizitzan, oro har) eragiten duten zenbait faktore.
Nekazari emakumea erdigunean jarriz batuko gara saio honetan, eta Leire Milikua liburuaren egilearekin solaserako aukera ere izango dugu bertaratzen garenok. Baserri ingurukoa zein kalekoa izan, jarduera honek zure intereseko kontuak ikutuko ditu ziur, Itziarko errealitatea abiapuntu hartuta interes orokorreko gaiez jardungo dugu. Eta itziartarra ez bazara ere animatu lasai!
Saioaren ondoren mokadua eta edaria eskainiko dira, bertaratu direnentzat.
GAINEZGAIN
