Pipiwharauroa Toitū Tairāwhiti Builtsmart

Te Wharau o Hineakua

He Whakamaumaharatanga ki a Rātou

1915-2023

Kaikinikini tonu ana

Te ngau a mahara

Te taunga ki Karipori

Te tini, te mano o te toa

I haere rātou ki te mura o te ahi.

I hinga atu.

I hoki hauā mai

A wairua, ā hinengaro, ā tinana. Mo te aha ... ?

Nō tēnei marama te kitea tuatahitanga o te tohu whai tikanga mo te rawa ahu mahi, Toitū Tairāwhiti Builtsmart, arā te otinga o te hanga whare toru rūma moe i Te Wharau o Hineakua hei tuku ki te whānau kei te rori o Waiomoko ki Whāngārā. Tino harikoa ana te whānau o Brian Leach, te uri o Ngāti Konohi i te taunga o tana whare ki tana whenua.

Ahakoa kua mate tana hoa wahine a Toni Lea Martin, tokorima ā rāua tamariki, tekau ngā mokopuna. Tokorua o ā rāua tama, ngā hunaonga me ngā mokopuna ka hūnuku mai ki Whangarā noho ai ki tana taha ā ngā marama e heke mai nei, arā kia honoa te hiko me te wai.

Ā ngā marama e heke mai nei, tēra te whakatūngia o ngā whare e toru mo ngā whānau o Whangarā ki te Papa Kāinga o Matore, te whenua i whakaaetia e ngā uri whai mana kia nōhia e pā ana ki ngā whakapapa.

E toru ngā whānau kei te hūnuku mai i Tūranga me ētahi atu pākeke tokorua me ngā tamariki tokorima kei te hoki mai i Pātea.

Arā te ekenga o tēnei tohu whai tikanga e rua ngā roopu kaimahi nō Whakatane me Te Whānau ā-Apanui kei te hanga whare āwhina mo ngā whānau nō Te Araroa me Te Wairoa.

Kei te hangaia hoki he whare āwhina mo ngā whānau i pā kahatia e te āwha Gabrielle, arā te waipukehia o rātou whare e kore te hokia. Tokoono rātou o Te Karaka kua whai whare mo nāianei.

Mo tātou, mo ngā whakatipuranga. Mo tēnei whenua Nā rātou, mo tātou

E kore e warewaretia

Te mutunga