Ang lungsod ng Malolos ay napapalibutan ng mga makasaysayang lugar, kabilang na rito ay ang isang lugar na tinatawag bilang Museo ng Makasaysayang Pampulitika ng Pilipinas o Casa Real Shrine. Ito ay ang gusaling saksi sa pagdaloy ng panahon, mula sa pamamahala ng mga mananakop hanggang sa pamamahala sa panahong kasalukuyan. Bukod rito ang casa real shrine ay nagsasalaysay rin ng kultura at kasaysayan sa pamamagitan ng makulay na sining, ito ay ang tinatawag na "Kaginhawahan Mural".
Ang mural na ito ay nakapinta sa pader at makikita ito pagpasok mula sa tarangkahan ng museo, ito ay aakalain na simpleng sining lamang at pinagsama-sama kulay at imahe, ngunit kung ito ay pagmamasdan ng matagal mas mauunawaan at mas maipahayag ang malalim na kahulugan nito. Ang sining na ito ay hindi lamang tumutukoy sa pisikal na ginhawa maging sa mas malawak na konsepto ng kapayapaan—ito'y isang estado ng pagkakaisa, pag-asa at pagkakaroon ng maayos at organisadong komunidad.
Ang Mural na ito ay nakatutulong upang matuklasan ang identidad sa pamamagitan ng paglalarawan sa kung ano ang buhay mayroon ang mga mamamayan noon,nagiging salamin ito ng kultura na maaaring ipagmalaki ng mga bagong henerasyon ngayon Ang bawat imahe sa nasabing mural ay tila may mas
