Cuovkanan speajal
Cuovkanan speajal
Noveallat
MARIANNE
SOLBAKKEN BOINE
Telefovnna čiegusvuohta
– It go bija eret dan telefovnna? Veallán irggi bálddas, njávkkan su sevdnjes vuovttaid. Gilvván cummážiid su muhtui ja čeabehii dan botta go guoskkahalan su álás liikki vai liikái. Seammás go suorpmat njávket su garra dehkiid, badjánit himut eanet ja eanet. – Dánil, it go sáhte bidjat eret dan telefovnna? Don leat aitto jávkan olles vahkkoloahpa.
Šattan gierdameahttun go son ii beroš mus, ii geahčes ge munnje. Suhtuiguin jorgalan sealggi ja gaikkehan gokčasa oaivve badjel nu ahte son galgá ipmirdit ahte lean behtohallan.
Jámolaš gaskavuohta
Gullo čoalkkuheamen uksii, orro nu guhkkin muhto dattetge nu lahka. Dovddan garra oaivebákčasa, illá nagodan rahpat čalmmiid.
Čalmmit eai rahpas áibbas, buot lea nu seađas. Dovddan varrasmáhka njálmmis. Lean olgofeaskáris, láhtis veallámen. Fas čoalkkuha uksii.
– Idáš, luoitte mu sisa. Atte ándagassii. Dovddan mot váibmu coahkká rattis, ballu leavvá.
– Idáš, mun han ráhkistan du. Luoitte mu sisa vai besse hupmat dán birra.
Mikká bidjá dien litna jiena mainna álot njálggista vaikko maid baháid lea bargan.
Ale fal muital
Mun viegan bálgá mielde nu jođánit go nagodan. Oahpes bálggis muhto dattetge nu amas. Lean nu máŋgii viehkan juste dán bálgá, galggašin čárvvočalmmiid deaivat. Dovddan juohke bovnna, geađggi ja mohki.
Muhto in dán háve. Orro dego in livčče ovdal viehkan dáppe, dego in livčče diehtimen gosa lean viehkamen. Muhto in leat ge ovdal viehkan jur ná leahtuin, illá háhppehan loktet julggiid albma ládje ja máŋgii measta guossalan geađgái. Varrasmáhkka dovdo njálmmis, ganjalčalmmit dagahit ahte in oainne čielgasit. Váibmu dearpá nu jođánit
Tinder mátcha
Mus lei friddja barggus dien beaivve, veallájin seaŋggas olles beaivvi. Gehččen veaháš
Netflixa ja láittastuvven, fuomášin seammat mun geahččalan dan ođđá áppa. Dat lea vissa hui buorre áiggegollu, buoret go Netflixa.
Válljejin hui dárkilit makkár govaid bidjen iežan Tinderprofiilii. Ferte geasuheaddji ja veaháš macho maid. Ii heive jur bidjat vaikko makkár gova. Vuosttaš muitogovva han lea hui dehálaš dakkár profiillain. Makkár ahkejoavkku háliidan, de bidjen 18 jagis 30 jahkái. Ieš ledjen 28 jagi ja ledjen ge hui sáhkki makkár son lea dát Tinder go vuosttáš govva ihtá šerbmii.
Eahpedáhtolaš dilli
Lei maŋemus bargobeaivi ovdal geasseluomu go fuomášin ahte mánnodávda ii lean
boahtán dan áigge go galggašii. Ledjen measta vajálduhttán ahte lei boađi boađi, muhto áppa telefovnnas muittuhii ahte lei maŋŋonan.
Maŋŋel barggu fitnen apotehkas ovdal go vulgen ruoktot ja mannen njuolga hivssegii.
Páhkas čuoččui gal ahte lea buoremus vuordit iđit cissa, muhto mun mearridin goitge cissat sákki ala vaikko lei ge jo maŋŋelgaskabeaivi.
Boađus boahtá oidnosii vihtta minuhta maŋŋel go leat cissan sákki ala, čuoččui vel. Gal ledje guhkes vihtta minuhta ja go lei áigi geahččat
Ustitvuođa čuolbma
– Otne gal livččii fredagspilsa oba buorre. Gal dán vahkku maŋŋá gal moai ánssášetne dan, Stian dadjá go čohkkeda biilii.
– Jua, áibbas ovtta oaivilis. Ii hal dat oahppospesialiseren leat nu álki go fidnofága.
Ii dál livččii ge earet moadde mánu vel de letne ge geargan! dadjalan movttiidahttit iežan.
Dovddan man dolkan lean skuvlavázzimii, ja lean hui gearggus álgit bargui.
– Du geahčen? Stian jearrala illosit.
– Maid mu geahčen?
– Na fredagspils?
– Na in mun dieđe. Eadni han lea ruovttus, mun eahpidan.
Happy Valentines day
Várdán dálveviesuid guvlui. Muohta lea gokčan olles guovllu vielgadin. Guhkes skápma maŋŋel lea viimmat beaivváš fas ihtán ja čuvgen olles guovllu. Dál easka oainnán man čáppa guovlu mis lea. Muorat leat ritnon ja muohttagis orrot dego miljovnna diamántta mat šealgájit. Buolaš cikcu muođuid go čohkkán muohtaskutera alde ja vuorddašan dassái go oaččun telefuvnnain oktavuođa.
Gulan beatnagiid mat dollet dakkár rieja viesuid luhtte. Ja nuppe bealde joga lea eallu gárddis lahka skuhtermáđiija. Soames nuorat vuojašit skuteriiguin guovtte guvlui
Noveallačoakkáldat tabu-áššiid birra Sámis, nugo veagalváldin ja seksuálalaš illásteapmi, fysalaš ja psyhkalaš vealaheapmi ruovttus, TinderMátcha, doaruheapmi ja oaguheapmi, balaheapmi, bonjuráhkesvuohta ja eahpedáhtolaš dilli servodaga vuordámušaid dihtii. Noveallat heivejit vuosttamužžan 16-19 jahkásaččaide muhto maiddái earáide ge.
Sámis lea jaskatvuođa kultuvra, gos ii galgga hupmat veahkaválddálaš áššiid birra albmosis, ja nu dat jávket jávohisvuhtii.
Sámis lea dárbu eambbo rahpasit hupmagoahtit tabu-áššiid birra dál, ja sávvamis čuovvola Sámi servvodat dán, vai ovttasbargguin šaddat gievrrat ja nagodat servvodagas cuvket veahkaváldiid fámu, ja nannet rabasvuođa man bokte sáhttá juohke olmmoš ieš fas savvudit háviides vai eallin ain joatkašuvvá. DÁN
JUOHKE GIRJJIS MAID
DAVVI GIRJI VUOVDÁ, MÁKSOJUVVO NOK 10,MENTAL HELSE UNGDOM ÁSAHUSSIIORG.NR: 995100150.
Dán girjái leat bidjan várohusa (TriggerWarning) vai lohkkit dihtet ahte dáppe leat garra čállosat tabu-áššiid birra.