johanne grønstøl
Det lettar snart solveig
solveig johanne grønstøl Det lettar snart
DIKTA i Det lettar snart
utforskar relasjonar og plukkar opp kjensler, stemningar og
fargar i mellommenneskelege forhold og i natur og landskap, og set desse opp mot kvarandre og sidan av kvarandre.
SOLVEIG JOHANNE HÅVIK GRØNSTØL (1978) er utdanna pedagog og har skrive tre bøker, gitt ut ein CD med eigen musikk og vore tekstforfattar for scenekunst. Ho er oppvaksen i Ytre Nordfjord og Sunnhordland, og har hjarta sitt djupt forankra i det vestnorske landskapet. No bur ho på Bømlo, er gift og har tre vaksne barn.
Solveig delar tekst og foto på Facebook under namnet
Kvild – Solveig Johanne Grønstøl og på Instagram
@solveiggr. Dikta hennar har dei seinare åra funne veg til fleire bøker og tidsskrift.
Tilfluktsstad. CD. Tekstforfattar og komponist.
Prokla Media forlag. 2008.
Kvild. Kortprosa. Eige forlag. 2015.
Når dagane ikkje finst. Dikt. Tekst forlag. 2021.
LAND. Tekstforfattar for scenekunst. Anna-Lise Marie
Dance/Moster 2024. Moster Amfi 2022.
Det lettar snart. Dikt. Kvild forlag. 2023.
så mykje trøyst
kom og set deg under himmelen med meg
la verd vera verd
ei lita stund
no er det berre oss to her
12
kven fryktar ikkje for det som enno ikkje er vi veit at dogg fordampar at verda ikkje står i ro
men ingen veit
kva som ligg bortanfor ein morgon
13
då vi tok våre første steg
visste vi ikkje
at livet er fullt av det
stunder vi vaklar
i skumringa
14
til deg som er trøytt av livet
og ikkje orkar å opna
når nokon bankar på
skal vi ikkje opna døra
på gløtt, saman
ei lita stund berre
slik at vi kan sjå
ljosstripa treffa golvet
15
17
det er sant at folk vert forma
av bølgjer og blest
av straumlause netter
at fjell formar folk
som bur under det
at dal kan dølja så mangt
at vi som bur her
både elskar og fryktar
lyden av elvesus
i vårflaumen er vi alle like
18
vi vert til saman ingen kan leva utan
å kjenna pusten
frå ein annan
røter finn røter
hender finn hender
19
i ei solrenning
vi ror saman du eitt åretak
eg eitt du eitt
eg eitt sakte glir vi framover mot dagen
26
ser du berget bløma
og fjørekollen som strekkjer seg
over kanten
veks i sprekkane, i såre fjell
stør seg mot havet
mot rømda, mot alt det
som held alt oppe
27
eit fjell skal ikkje alltid klatrast
kanskje heller skal ein vera
modig nok til å lena seg inntil
kjenna den harde steinveggen
med heile seg
kjenna korleis kroppen
buktar seg langs sprekkane
36
tenk at ein kan finna att seg sjølv under steinar i fjøra
under tare og sand
mellom hjarteskjel og rur
på knausar og haugar
vêrslipte skrentar og svaberg
37
39
så mykje von
for fjellet kjenner inga skam
det står der når sola renn
det står der når regnet fell
det står der når skodda
ligg tjukt over kanten
det står der og raudnar i haustsola
46
mål dine gylne penselstrok over oktoberhimmelen min
farg bakkane mine okergule
med blad og jord
pust din kalde vind
gjennom hår og sinn
bak november lurer frosten
47
Først og fremst, ein stor og varm takk til deg som les dikta mine, i bokform og på nett. Du tenkjer kanskje ikkje over det, men det er slike som deg som gjev mot og inspirasjon til å skriva meir. Til min dyktige redaktør Ann-Sofi Sigmundsdatter
Emilsen, for kloke innspel, utanfrå-blikk, konstruktiv kritikk og det som skal til. Til mine gode testlesarar og skrivekollegaer som les med varme hjarte og skarpe
blikk: Bjørk, Silje, Ingvild, Monica og Tove. Til min kjære son Jonatan for sparring og kyndig hjelp med bileta mine. Takk til dei beste svigerforeldra, Kristi og Jan
Karsten, for rause lån av hytterom i havgapet når eg har trengt skrivero. Og så til slutt, takk til min kjære familie, Ingolf, Miriam, Karia og Jonatan. Vi høyrer saman og blir til saman. Takk for at de ikkje berre heiar, les og kjem med idear og innspel, men mest av alt for at de elskar, toler og held ut. Det er det som ber, når alt kjem til alt. Solveig
K K
T A
© Kvild forlag, Solveig Johanne Grønstøl
ISBN: 978-82-693291-0-0
1. utgåve. 1. opplag
Alle spørsmål om rettar skal stillast til forfattar. solveiggronstol@yahoo.no
Trykk og innbinding: Interface Media
Redaktør: Ann-Sofi Sigmundsdatter Emilsen
Grafisk utforming og design: Björk Bjarkadottir
Foto: Solveig Johanne Grønstøl
Kolorist/redigering av foto: Jonatan Kristoffer Grønstøl
Det må ikkje kopierast frå denne boka i strid med åndsverklova eller avtale om kopiering inngått med KOPINOR, interesseorgan for rettshavarar til åndsverk. Kopiering i strid med lov eller avtale kan føre til erstatningsansvar og inndraging, og kan straffast med fengsel eller bøter.
vi vert til saman ingen kan leva utan å kjenna pusten
frå ein annan røter finn røter
hender finn hender
ISBN: 978-82-693291-0-0
1
1