Published by Inhabit Media Inc. | www.inhabitmedia.com
Inhabit Media Inc. (Iqaluit) P.O. Box 11125, Iqaluit, Nunavut, X0A 1H0 (Toronto) 191 Eglinton Avenue East, Suite 310, Toronto, Ontario, M4P 1K1
Design and layout copyright © 2019 Inhabit Media Inc.
Text copyright © 2019 Inhabit Media Inc.
Illustrations by Ali Hinch copyright © 2019 Inhabit Media Inc.
Editors: Neil Christopher, Kathleen Keenan, Grace Shaw, and Monica Ittusardjuat
Art Director: Danny Christopher
Designers: Astrid Arijanto and Sam Tse
Translator: Jeela Palluq-Cloutier
All rights reserved. The use of any part of this publication reproduced, transmitted in any form or by any means, electronic, mechanical, photocopying, recording, or otherwise, or stored in a retrievable system, without written consent of the publisher, is an infringement of copyright law.
We acknowledge the support of the Canada Council for the Arts for our publishing program.
This project was made possible in part by the Government of Canada.
ISBN: 978-1-77227-211-6
Printed in Canada
ᑖᓐᓇ
ᓄᓇᕐᔪᐊᕐᒥᓗ ᓇᓂᑐᐃᓐᓇᖅ ᐃᖅᑲᓇᐃᔭᙱᑦᑕᕌᖓᒥ ᖁᕕᐊᒋᔭᖃᓚᐅᖅᑐᖅ
ᓇᒡᓕᒋᔭᓂᓗ
ᐅᖃᓕᒫᒐᖅ ᓄᑕᖅᑲᓕᒫᓄᑦ ᐱᓗᐊᖅᑐᒥᒃ ᐃᓕᓐᓂᐊᖅᑎᑕᓐᓄᑦ ᑕᓗᕐᔪᐊᕐᒥ, ᓄᓇᕗᒻᒥ, ᖁᕕᐊᒋᔭᖃᖅᑐᑦ ᐅᖃᓕᒫᕐᓂᕐᒥᒃ ᒧᒥᕐᓂᕐᒥᒡᓗ.
ᐅᖃᓕᒫᒐᖅ ᑐᕌᖅᑎᑕᖅ ᐊᓂᓐᓄᑦ, ᕌᔾᔪ ᐲᑕ ᒫᑎᐅᔅ, ᐅᖃᓕᒫᕆᐊᒃᓴᖅ ᒧᒥᕆᐊᒃᓴᕐᓗ ᖁᕕᐊᒋᔭᖃᓚᐅᖅᑐᖅ. ᐊᐅᓪᓚᖅᓯᒪᙱᑦᑕᕌᖓᒥ
ᐃᖅᑲᐅᒪᔭᒃᓴᓕᐅᕆᐊᒃᓴᖅ ᕿᑐᕐᖓᓂ
ᓇᔪᕐᓗᒋᑦ. ᑐᕌᖅᑎᑦᑐᒪᒋᕙᕋ
2 3 ᐃᒨᓂ ᐅᖃᓕᒫᕆᐊᒃᓴᖅ ᖁᕕᐊᒋᔭᖃᓚᐅᖅᑐᖅ. ᖁᕕᐊᒋᓗᐊᒧᑦ ᖃᓂᐅᔮᖅᐸᐃᑑᖅᑐᓂᒃ ᐅᖃᓕᒫᖅᐸᓚᐅᖅᑐᖅ ᐊᓈᓇᒌᒃ ᓇᒧᙵᐅᔭᕌᖓᒥᒃ. ᐅᖃᓕᒫᖃᑦᑕᖅᑐᖅ ᓇᓗᓇᐃᒃᑯᑕᕐᓂᒃ ᓂᐅᕕᕐᕕᖕᓂ, ᓯᐊᕐᕆᔮᕐᕕᖕᒥ, ᐊᒡᓛᑦ ᐋᓐᓂᐊᕐᕕᖕᒥ. ᐅᓪᓛᒃᑯᑦ ᓯᐊᕐᕆᔮᕐᕕᖕᒥ, ᐊᑭᓐᓇᕐᒥ ᑕᑯᕘᒃ ᐃᓄᖕᓂᒃ ᒧᒥᙳᐊᖅᑐᓂᒃ. “ᖃᓄᐃᓕᖓᕙ ᓴᐃᒨᓂ?” ᐊᐱᕆᕗᖅ ᐊᓈᓇ. ᓴᐃᒨᓂ ᐊᑭᓐᓇᕐᒦᑦᑐᒧᑦ ᖃᒡᓕᕗᖅ ᑕᑯᑦᑎᐊᕈᓐᓇᕐᓂᐊᕋᒥᒋᑦ ᑎᑎᕋᖅᓯᒪᔪᑦ. “ᖁᕕᐊᓱᒡᕕᖕᒥ ᒧᒥᕐᓂᑭᓴᐅᑎᓛᖅᑐᑦ,” ᐅᖃᓕᒫᖅᐳᖅ. “ᑎᓯᐱᕆ 14. ᐊᓈᓇ, ᓄᓇᓕᑦᑎᓐᓂ ᒧᒥᕐᓂᑭᓴᐅᑎᓛᖅᑐᑦ!”
4 5 ᓴᐃᒨᓂᐅᑉ ᐅᖃᓕᒫᕐᓂᕐᒥᒃ ᐊᓕᐊᓇᐃᒋᓂᖅᓴᑐᐊᖓ ᒧᒥᕐᓂᖅ. ᖁᕕᐊᒋᔭᖃᓚᐅᖅᑐᖅ ᒧᒥᕆᐊᖅᑐᕆᐊᒃᓴᖅ, ᐱᖃᓐᓇᕆᔭᓂ ᓄᓇᖅᑲᑎᓂᓗ ᒧᒥᖃᑎᒋᓗᓂᒋᑦ. ᒧᒥᕐᓂᑭᓴᐅᑎᓂᖅ ᖁᕕᐊᓇᖅᑎᒋᓇᔭᖅᑐᒃᓴᐅᔪᖅ — ᐃᒻᒪᖄ ᐱᓂᖅᓴᒻᒪᕆᒃ! ᓴᐃᒨᓂ ᖁᕕᐊᓱᓗᐊᕐᓂᑯᒧᑦ ᐊᖏᕐᕋᐅᕙᓪᓕᐊᓪᓗᓂ ᒧᒥᖃᑦᑕᒻᒪᕆᓕᖅᐳᖅ, ᐃᒻᒥᓂᒃ ᑕᐅᑐᙳᐊᖅᖢᓂ ᒧᒥᖅᖢᓂ ᐱᙳᐊᕐᕕᐅᑉ ᓇᑎᐊᓂ ᐱᖃᓐᓇᕆᔭᓕᒫᒥᓄᑦ ᑕᐅᑐᒃᑕᐅᓗᓂ.
ᖏᕐᕋᕋᒥ, ᓴᐃᒨᓂ ᐃᓯᑲᐅᖅᑐᖅᐳᖅ. ᐊᑖᑕᖓ, ᓂᖅᖠᐅᖅᑐᖅ, ᑕᑯᒋᐊᖅᐳᖅ ᖁᒃᓴᓪᓚᒃᖢᓂ.
“ᐊᑖᑖᒃ, ᐊᑖᑖᒃ! ᑕᒪᑐᒪᓂ ᐊᕐᕌᒍᒥ
ᒧᒥᕐᓂᑭᓴᐅᑎᖃᑕᐅᔪᒪᔪᖓ! ᐃᓕᓐᓂᐊᖅᑎᑦᑐᓐᓇᖅᐱᖓ
ᒧᒥᐅᓯᕐᓂᒃ? ᐊᔪᕈᓐᓃᖅᓴᕆᐊᖃᕋᒪ!”
7
ᓴᐃᒨᓂ ᐅᖃᖅᐳᖅ. ᐊᑖᑕᖓ ᐃᒡᓚᖅᓯᓪᓗᓂ ᐅᖃᖅᐳᖅ ᓴᐃᒨᓂ ᐃᑲᔪᕐᓂᐊᕐᓂᕋᖅᖢᓂᐅᒃ ᐊᔪᕈᓐᓃᖅᓴᖅᑎᓪᓗᒍ.
“ᐊᔪᙱᑦᑐᑎᑦ ᓴᐃᒨᓂ,” ᐅᖃᖅᐳᖅ ᐊᑖᑕ. “ᑭᓯᐊᓂ ᐃᒃᐱᒋᔭᕆᐊᖃᖅᑕᑎᑦ ᐊᐅᓚᓂᑎᑦ
ᑎᑕᒃᑐᕐᓗ. ᐊᑕᐅᑦᑎᒃᑰᖅᑕᖅᑐᑦ.”
ᐊᑖᑕᖓᑕ ᐅᖃᖅᑕᖓᓂᒃ. ᖃᐅᔨᒪᒐᒥ ᓈᓚᖃᑦᑕᕇᕋᒥ
ᑎᑕᒃᑐᒥᒃ ᒪᓕᒃᖢᓂᐅᒡᓗ ᒧᒥᖅᐸᒃᑲᒥ. ᖃᓄᖅ ᑎᑕᒃᑐᖅ ᐃᒃᐱᒋᓇᔭᕋᒥᐅᒃᑕᐅᖅ?
8 ᓇᓱᐊᕈᓯᒐᓴᖕᓂ ᓴᐃᒨᓂ ᐊᔪᕈᓐᓃᖅᓴᐃᓐᓇᖅᐳᖅ ᒧᒥᕐᓂᕐᒥᒃ. ᐅᐃᔾᔮᖅᐸᒃᖢᓂ, ᐊᓪᓗᖅᐸᒃᖢᓂ ᐊᒡᓛᑦ ᕿᒡᒋᖅᑕᖅᐸᒃᖢᓂ ᐅᑲᓕᖅᑎᑐᑦ. ᐊᔪᙱᓐᓇᓱᒋᓕᕋᒥ ᐊᑖᑕᓂ ᒧᒥᕐᓂᕐᒥᓂ ᖁᙱᐊᖁᕙᐅᒃ. ᓴᐃᒨᓂ ᑐᑭᓯᑦᑎᐊᙱᓚᖅ
10 11 ᐃᒨᓂ ᒧᒥᖃᑎᒃᓴᖅᑖᕆᐊᖃᓚᐅᖅᑐᖅ. ᑭᖑᓪᓕᕐᒥ ᐱᖃᓐᓇᕆᔭᓂ ᑕᐃᓇ ᑕᑯᒐᒥᐅᒃ, ᐅᖃᖅᐳᖅ, “ᒧᒥᕐᓂᑭᓴᐅᑎᖃᑕᐅᓛᖅᑐᖓ. ᐃᒡᕕᓪᓕ?” ᐅᓪᓛᒃᑯᑦ ᐊᓃᕋᔭᖕᓇᒥ, ᓯᕿᓐᓂᓕᕐᒪᑦ ᖃᐅᒪᓕᖅᖢᓂ, ᓴᐃᒨᓂᒃᑯᒃ ᑕᐃᓇᒃᑯᒃ ᐊᓃᕋᔭᒡᕕᖕᒥ ᐊᔪᕈᓐᓃᖅᓴᓕᖅᐴᒃ. ᐊᐳᑦ ᖃᐃᕋᖦᖢᓂ ᑎᓯᓪᓗᓂᓗ, ᓯᒥᐅᓂᒃᑯᒃ ᑕᐃᓇᒃᑯᒃ ᐊᖕᒪᓗᖅᑐᒥᒃ ᓇᓗᓇᐃᒃᑯᑦᑎᖅᓯᓪᓗᑎᒃ ᐊᑭᓕᕇᒃᖢᑎᒃ ᒧᒥᓕᖅᐴᒃ. ᐊᒃᓱᕈᕐᓇᖅᑐᕈᓗᒃ! ᓴᐃᒨᓂ ᒧᒦᓐᓇᓕᕋᒥ ᐊᔪᕈᓐᓃᖅᐸᓪᓕᐊᕗᖅ. ᑭᓯᐊᓂ ᐃᓚᑯᑕᖃᖅᑰᔨᕗᖅ. ᓱᓕ ᑐᑭᓯᙱᑦᑐᖅ ᖃᓄᖅ ᑎᑕᒃᑐᖅ ᐃᒃᐱᒋᓇᔭᕐᒪᖔᕐᒥᐅᒃ, ᐊᑖᑕᖓᑕ ᐅᖃᐅᓯᕆᓚᐅᖅᑕᖓ ᒪᓕᒡᓗᒍ. “ᐄ! ᒧᒥᖃᑎᒌᓛᓕᖅᐳᒍᒃ,” ᐅᖃᖅᐳᖅ ᑕᐃᓇ.
13 12 ᓪᓗᒐᓴᖕᓄᑦ ᐊᔪᕈᓐᓃᖅᓴᖃᑎᒋᓚᐅᖅᖢᓂᐅᒃ ᑕᐃᓇ, ᓴᐃᒨᓂᑉ ᑕᑯᕚ ᐱᖃᓐᓇᕆᔭᓂ ᑕᐃᕕᑦ ᓯᐊᕐᕆᔮᕐᕕᖕᒥ. ᓴᐃᒨᓂ ᖃᐅᔨᒪᕗᖅ ᑕᐃᕕᑦ ᒧᒥᒃᑲᐅᓂᖓᓂᒃ. ᐊᕐᕌᓂ ᒧᒥᕐᓂᑭᓴᐅᑎᔪᓂ, ᒧᒥᓚᐅᖅᓯᒪᔪᖅ ᓇᑎᕐᒥ ᓅᑉᐸᓪᓕᐊᓪᓗᓂ ᓲᕐᓗ ᑲᖒᔭᖅᑎᑐᑦ ᐊᓄᕆᓯᐅᖅᑐᑎᑐᑦ. ᓴᐃᒨᓂ ᐃᓱᒪᕗᖅ ᑕᐃᕕᑎᑐᑦ ᒧᒥᑦᑎᐊᕈᓐᓇᓛᕐᒪᖔᕐᒥ. ᖁᓱᓪᓗᓂ, ᐅᖃᐅᑎᕚ ᑕᒪᑐᒪᓂ ᐊᕐᕌᒍᒥ ᒧᒥᕐᓂᑭᓴᐅᑎᖃᑕᐅᓛᕐᓂᕐᒥᓂᒃ. “ᕼᐄᕋᐃᓐᓅᒃ!” ᐅᖃᖅᐳᖅ ᑕᐃᕕᑦ. “ᐊᔪᕈᓐᓃᖅᓴᖃᑎᒌᓛᓕᖅᐳᒍᒃ!” ᓴᐃᒨᓂ ᑎᔅᓯᑦᑕᒃᖢᓂ ᐊᖏᖅᐳᖅ. ᐊᓕᐊᓇᐃᒍᓱᒻᒪᕆᒃᐳᖅ ᐊᔪᕈᓐᓃᒃᑲᓐᓂᓛᕋᒥ!
ᓇᓱᐊᕈᓯᒐᓴᖕᓄᑦ ᓴᐃᒨᓂ ᓇᒧᙵᐅᓂᓕᒫᕐᒥᓂ
ᒧᒥᖃᑦᑕᖅᐳᖅ. ᒧᒥᖅᐸᒃᐳᖅ ᒪᑭᑦᑕᕌᖓᒥ
ᐅᓪᓛᒃᑯᑦ. ᑕᐃᓇᓗ ᒧᒥᖅᐸᒃᐳᒃ ᐃᓕᓐᓂᐊᕐᕕᐅᑉ
ᐊᓃᕋᔭᒡᕕᖓᓂ. ᒧᒥᖅᐸᒃᐳᖅ ᑕᐃᕕᑦ ᐃᙱᓕᕌᖓᑦ
ᐊᓇᐅᓪᓚᓕᕌᖓᓪᓘᓐᓃᑦ. ᑭᓯᐊᓂ ᓱᓕ ᐃᓚᑯᑕᖃᖅᑰᔨᕗᖅ.
ᓴᐃᒨᓂ ᑕᐃᕕᑎᒥᒃ ᑭᖑᓪᓕᖅᐹᕐᒥ
ᐊᔪᕈᓐᓃᖅᓴᖃᑎᖃᕐᓂᐊᖅᑎᓪᓗᒍ, ᐃᖅᑲᐃᕗᖅ ᐊᑖᑕᖓᑕ
ᐅᖃᓚᐅᖅᑕᖏᓐᓂᒃ. “ᑕᐃᕕᑦ, ᖃᓄᕐᓕ ᒧᒥᑦᑎᐊᒃᑳᓘᕕᑦ?”
ᐊᐱᕆᕗᖅ. ᑕᐃᕕᑦ ᖁᖓᑉᐳᖅ. “ᒧᒥᖅᐸᒃᐳᖓ ᑎᑕᖕᓂᖓ
ᐃᒃᐱᒋᓪᓗᒍ,” ᐅᖃᖅᐳᖅ.
14 15
ᐆᒻᒪᕆᒃᓯᓂᕐᒥᓂᒃ ᐃᒃᐱᒋᕗᖅ. ᖃᖓᑦᑕᕈᒪᖅᑰᔨᓕᖅᖢᓂ.
ᓴᐃᒨᓂ ᐅᐃᓐᓇᒥ ᓇᖏᖅᓯᕗᖅ, ᒧᒥᓕᖅᖢᓂᓗ
ᐊᒃᓱᕈᑦᑎᐊᖅᖢᓂ ᒧᒥᐅᓯᕆᓚᐅᖅᓯᒪᙱᑕᒥᓂᒃ.
16 17 ᐃᒨᓂ ᐊᖏᕐᕋᕋᒥ ᐃᓱᒪᒋᕙᐅᒃ ᑕᐃᕕᑦ ᐅᖃᖅᑲᐅᔭᖓ. ᑎᑕᒃᑐᖅ ᓂᓪᓕᖅᑎᖦᖢᓂᐅᒃ, ᓯᑯᙱᖅᖢᓂ, ᓈᓚᓕᖅᖢᓂ, ᓂᓪᓕᐊᔪᖅ ᓈᓚᒃᑕᑐᐊᑦᑎᐊᕆᓕᖅᖢᓂᐅᒃ. ᑎᒥᓂ ᐃᒃᐱᒋᓕᖅᐸᐅᒃ ᓂᓪᓕᐊᔪᒧᑦ ᒪᓕᒃᖢᓂ ᐊᐅᓚᕙᓪᓕᐊᔪᖅ.
ᙳᐊᕐᕕᖕᒧᑦ ᐊᓈᓇᓂ ᐊᑖᑕᓂᓗ ᐱᓱᖃᑎᒋᓪᓗᓂᒋᒃ
ᒧᒥᕐᓂᑭᓴᐅᑎᓂᐊᓕᖅᑎᓪᓗᒋᑦ, ᓴᐃᒨᓂ ᖁᓱᓗᐊᓕᖅᑐᖅ
ᒧᒥᕈᓐᓇᕐᓂᐊᕆᐊᒃᓴᖅ. “ᐳᐃᒍᕈᒪᓕ ᖃᓄᐃᓕᐅᕆᐊᒃᓴᖅ?”
ᐃᓱᒫᓗᒃᐳᖅ. “ᖁᓱᓕᖅᐸᓚᐅᖅᓯᒪᔪᖓ ᒧᒥᕆᐊᒃᓴᖅ ᓂᕕᐊᖅᓯᐊᖑᓪᓗᖓ,”
ᐊᓈᓇᖓ ᐅᖃᖅᐳᖅ, “ᓴᐃᒨᓂ ᑕᓯᐅᓕᖅᖢᓂᐅᒃ.
ᐃᖅᑲᐅᒪᓂᐊᖅᐳᑎᑦ ᖁᕕᐊᒋᓗᒍ ᒧᒥᕐᓂᖅ. ᖃᓄᑐᐃᓐᓇᖅ
ᐆᒻᒪᑎᖕᓂ ᐃᒃᐱᒋᔭᑦ ᓴᖅᑭᑎᓪᓗᒍ!”
18 19
20 21 ᙳᐊᕐᕕᖕᒥ, ᐅᖅᑰᕗᖅ ᖃᐅᒪᑦᑎᐊᖅᖢᓂᓗ, ᖁᕕᐊᓱᒡᕕᒃᓯᐅᑎᑦ ᖃᐅᒪᔪᑯᓗᐃᓪᓗ ᓇᓂᑐᐃᓐᓈᖅᖢᑎᒃ. ᓯᕗᓂᐊᓂ, ᓂᔾᔭᐅᓯᔭᖅᑎᑦ ᓂᔾᔭᐅᓯᔭᐅᑎᒥᓂᒃ ᐋᖅᑭᒃᓱᐃᕗᑦ. ᓴᐃᒨᓂ ᑕᑯᕗᖅ ᐱᖃᓐᓇᕆᔭᖏᓐᓂᒃ ᐅᖓᓗᓯᒪᔪᓂᒃ. ᐊᒡᒐᖏᑦ ᑭᐊᒃᑎᑉᐳᑦ ᖁᓱᓂᑯᒧᑦ. “ᓴᐃᒨᓂ!” ᑕᐃᕕᑦ ᐅᖃᖅᐳᖅ ᑐᐃᖓᒍᑦ ᐊᒃᑐᖅᖢᓂᐅᒃ. “ᐱᑐᐃᓐᓇᕆᐊᖃᓕᖅᐱᑦ?” “ᖁᓱᔪᐊᓘᔪᖓ!” ᓴᐃᒨᓂ ᐅᖃᖅᐳᖅ. “ᖁᓱᓕᖅᐸᙱᓚᑎᓪᓕ ᒧᒥᕐᓂᐊᓕᕌᖓᕕᑦ?” ᑕᐃᕕᑦ ᖁᖓᑉᐳᖅ. “ᐊᔪᕈᓐᓃᖅᓴᙳᐊᕐᓗᑎᑦ!”
22 23 ᔾᔭᐅᓯᔭᖅᑎᑦ ᑎᑕᓯᒋᐊᖅᐳᑦ, ᐅᖃᓪᓚᒃᑎᓗ ᐊᑎᕐᓂᒃ ᑕᐃᓯᑲᑕᒃᖢᓂ. ᐊᑎᖏᑦ ᑕᐃᔭᐅᔭᕌᖓᑕ, ᒧᒥᖃᑎᒌᒃ ᐊᑭᓕᕇᒃᖢᑎᒃ ᓴᖅᑭᑉᐸᒃᖢᑎᒃ ᒧᒥᖅᖢᑎᒃ ᐅᖓᓗᓯᒪᖃᑕᐅᓪᓗᑎᒃ. ᐃᓄᐃᑦ ᖁᕕᐊᓱᒃᖢᑎᒃ ᐸᑦᑕᒃᑐᖅᐳᑦ ᒪᓕᒃᖢᑎᒃ ᑎᑕᒃᑐᒥᒃ. ᐊᓱᐃᓛᒃ, ᓴᐃᒨᓂᒃᑯᒃ ᑕᐃᓇᒃᑯᒃ ᑕᐃᔭᐅᕗᒃ. ᓴᐃᒨᓂ ᓈᕐᒥᓂ ᐊᐅᓚᔾᔭᑳᓪᓚᒃᑐᒥᒃ ᐃᒃᐱᒍᓱᒃᐳᖅ. ᓱᖁᑎᒋᓇᓂᐅᒃ, ᑭᒃᑯᓕᒫᓪᓗ ᑕᐅᑐᒃᑐᑦ, ᒧᒥᕐᕕᖕᒧᑦ ᐱᓱᓯᕗᖅ.
24 25 ᑕᒃᑐᖃᓕᕐᒪᑦ, ᓴᐃᒨᓂ ᒧᒥᓕᖅᐳᖅ ᐅᑎᒧᖔᖅ ᐅᐃᔾᔮᖅᐸᓪᓕᐊᓪᓗᓂ ᐃᓯᒐᖏᒃ ᑐᒃᑲᖅᖢᑎᒃ ᓂᓪᓕᐊᔪᒥᒃ ᒪᓕᒃᖢᓂ. ᐃᖅᑲᐃᒐᒥ ᑕᐃᕕᑦ ᐅᖃᖅᑲᐅᔭᖏᓐᓂᒃ, ᓴᐃᓪᓕᕗᖅ, ᑎᒥᓂᓗ ᐊᐅᓚᑎᓕᖅᖢᓂᐅᒃ ᑎᑕᒃᑐᖅ ᒪᓕᒃᖢᒍ. ᓴᐃᒨᓂᐅᑉ ᑕᓕᓂ ᐃᓵᒃᖢᓂᒋᒃ, ᐃᑯᓯᖏᒃ ᐃᑭᒥᓪᓗᓂᒋᒃ, ᐊᒡᒐᖏᓪᓗ ᐃᓵᖓᓪᓗᑎᒃ. ᓲᕐᓗ ᑎᑕᒃᑐᖅ ᐊᐅᓚᔾᔭᐃᖕᒪᑦ ᐃᓗᐊᓂ, ᑕᓕᖏᒃ ᐃᓴᕈᖅᓱᖅᑐᑐᑦ ᐊᐅᓚᓪᓗᑎᒃ ᒧᒥᖅᑎᓪᓗᒍ ᒧᒥᕐᕕᖓᓂ ᐅᖓᓗᓯᒪᔪᒥ.
26 27 ᓯᐊᓂ ᓴᐃᒨᓂ ᑐᓴᕋᒥ ᑎᑕᒃᑑᑉ ᐃᓱᓕᓐᓂᐊᓕᕐᓂᖓᓂᒃ ᒧᒥᕐᓂᖓᓗ ᐃᓱᓕᓐᓂᐊᓕᕐᓂᖓᓂᒃ ᐅᔾᔨᕈᓱᓕᑕᐃᓐᓇᖅᐳᖅ ᐃᓄᐊᓗᐃᑦ ᐅᕕᙱᐊᕋᖅᑐᑦ ᐸᑦᑕᒃᑐᖅᑐᓪᓗ. ᑕᐃᓇᓗ ᒧᒥᕐᕕᖕᒥᑦ ᕿᒪᕉᑎᕗᒃ ᐊᓯᖏᖕᓂᒃ ᒧᒥᖅᑏᖕᓂᒃ ᐃᓇᖏᖅᑕᐅᓕᕋᒥᒃ. ᓴᐃᒨᓂ ᖁᕕᐊᑦᑕᒃᓯᒪᓗᐊᕐᓂᑯᒧᑦ ᐃᖏᑦᑐᒪᙱᓚᖅ. ᐊᓈᓇᓂ ᐊᑖᑕᓂᓗ ᑕᑯᕙᖏᑦ ᐃᒡᓗᕈᓯᐅᑉ ᐅᖓᑖᓃᑦᑑᒃ, ᖁᙱᐊᖅᑑᒃ ᒧᒥᖅᑐᓂᒃ. “ᒧᒥᑦᑎᐊᖅᑐᒻᒪᕆᐊᓘᔪᑎᑦ ᓴᐃᒨᓂ!” ᐃᓯᔾᔪᒃᐳᖅ ᐊᓈᓇᖓ, ᐃᒡᓗᐃᓐᓇᕐᒧᑦ ᐃᕿᖦᖢᒍ ᑐᐃᖓᒍᑦ. ᐊᑖᑕᖓᑕ ᐅᐱᒋᕙᐅᒃ ᑯᓪᓗᒥᓄᑦ.
28 ᐃᒨᓂᒧᑦ ᓲᕐᓗ ᐊᒥᓱᒃᑲᓐᓂᒻᒪᕆᐊᓗᖕᓂᒃ ᒧᒥᖅᑐᖃᖃᑦᑕᓚᐅᖅᑎᓪᓗᒍ ᓇᓗᓇᐃᖅᓯᓂᐊᓕᑕᐃᓐᓇᖅᐳᑦ ᓵᓚᒃᓴᖅᑐᓂᒃ. ᓴᐃᒨᓂ ᐊᓂᖅᓵᖅᑐᕈᓐᓃᖅᐳᖅ. ᐅᖃᓪᓚᒃᑎ ᑕᐃᓯᕗᖅ ᐱᖓᔪᒋᔭᐅᔪᖕᓂᒃ. ᓴᐃᒨᓂ ᐸᑦᑕᒃᑐᖅᐳᖅ ᐊᑯᓂᒍᓱᐊᓪᓗᓂ. ᐊᐃᑉᐸᖏᒃ ᓵᓚᒃᓴᖅᑑᒃ ᑕᐃᔭᐅᖕᒪᑎᒃ ᓴᐃᒨᓂ ᖁᓱᕈᔪᓗᐊᒧᑦ ᐸᑦᑕᒃᑐᕆᐊᒃᓴᖅ ᐳᐃᒍᖅᐳᖅ. “ᓯᕗᓪᓕᖅᐸᐅᔫᒃ ᓵᓚᒃᓴᖅᑑᒃ,” ᐅᖃᓪᓚᒃᑎ ᐅᖃᖅᐳᖅ, ᖁᖓᖦᖢᓂ ᐃᓄᐊᓗᖕᓄᑦ, “ᓴᐃᒨᓂ ᑕᐃᓇᓗ!”
ᐱᒐᒥᐅᒃ, ᓴᐃᒨᓂ ᐃᓄᒋᐊᒃᑎᒎᖅᐳᖅ
ᐊᓈᓇᒥᓄᑦ ᐊᑖᑕᒥᓄᓪᓗ ᐅᑎᕆᐊᖅᑐᖅᖢᓂ, ᖁᖓᑕᐅᑲᑕᒃᖢᓂ ᑐᓄᐊᒍᓪᓗ ᐸᑦᑕᒃᑕᐅᑲᑕᒃᖢᓂ
ᐱᖃᓐᓇᕆᔭᖏᓐᓄᑦ ᐃᓚᖏᓐᓄᓪᓗ. ᐊᓈᓇᖓᑕ ᐊᑖᑕᖓᑕᓗ ᐃᕿᑉᐸᐅᒃ ᖃᐃᖕᒪᑦ. “ᑎᑕᒃᑐᖅ ᐃᒃᐱᒋᔪᓐᓇᖅᓯᔭᑦ, ᓴᐃᒨᓂ!” ᐊᑖᑕ ᐅᖃᖅᐳᖅ ᐅᐱᖅᑲᓪᓗᓂ.
30 31 ᐃᒨᓂ ᑕᐃᓇᒧᑦ ᕿᕕᐊᖅᖢᓂ ᑎᔅᓯᑦᑕᒃᐳᖅ. ᐃᒡᓗᕈᓯᐅᑉ ᓵᖓᓄᑦ ᐅᓪᓚᒃᓯᕘᒃ ᓵᓚᒃᓴᐅᓯᐊᕐᒥᓂᒃ ᐊᐃᒃᖠᖅᖢᑎᒃ. ᐊᓈᓇ ᐊᑖᑕᓗ ᖁᕕᐊᑉᐴᒃ, ᓴᐃᒨᓂᓗ ᑐᓴᖅᐳᖅ ᑕᐃᕕᑦ ᑐᖅᖢᓚᔪᖅ, “ᐊᓕᐊᓇᐃᑦ!” ᓵᓚᒃᓴᐅᓯᐊᓂ
32 33 “ ᐊᓕ ᑲᓚᓯᒪᓯ!” ᐃᓄᒋᐊᓂᑦ ᐅᖃᖅᑐᖃᖅᐳᖅ. ᐃᓄᐊᓗᐃᑦ ᑕᐃᒪᓐᓇ ᐅᖃᐅᑎᖃᑦᑕᐅᑎᑲᑕᓕᖅᐳᑦ ᓄᓇᖅᑲᑎᑎᒃ ᖁᕕᐊᓱᒡᕕᒃᓯᐅᑦᑎᐊᖁᓪᓗᓂᔾᔪᒃ, ᑎᑕᒃᑐᖃᒃᑲᓐᓂᓕᕐᒪᑦ, ᐃᓄᐃᑦ ᒧᒥᓕᖅᐳᑦ. ᓴᐃᒨᓂᐅᑉ ᐊᖓᔪᖅᑳᓂ ᒧᒥᖃᑎᒋᓕᕋᒥᒋᒃ, ᐅᐱᑉᐳᖅ ᖁᕕᐊᓱᒃᖢᓂᓗ. ᐱᓗᐊᖅᑐᒥᒃ, ᖃᐅᔨᒪᕗᖅ ᐱᔪᓐᓇᕐᓂᓕᒫᕐᒥᓂᒃ ᒧᒥᑦᑎᐊᖅᑲᐅᒐᒥ.
ᖁᔭᒋᒻᒪᕆᒃᐸᕋ ᑳᑦᓖᓐ ᑮᓇᓐ ᐋᖅᑭᒃᓱᐃᑦᑎᐊᒃᑲᐅᓃᑦ, ᖃᐅᔨᒪᓃᑦ ᐱᓕᕆᑦᑎᐊᒃᑲᐅᓃᓪᓗ ᐃᑲᔫᑎᒋᓪᓗᒋᑦ ᑕᒪᑐᒥᖓ ᐱᓕᕆᐊᖃᕈᓐᓇᓚᐅᖅᐳᖓ. ᐃᓕᑦᑎᕐᔪᐊᒻᒪᕆᖃᑦᑕᓚᐅᖅᐳᖓ ᐊᒃᓱᕈᕐᓇᖅᑐᒃᑰᖅᑎᓪᓗᖓ ᑎᑎᕋᕋᓱᒃᑎᓪᓗᖓ ᓯᕗᓪᓕᖅᐹᕐᒥᒃ ᓄᑕᖅᑲᓄᑦ ᐅᖃᓕᒫᒐᕐᒥᒃ. ᐊᒃᓱᕈᕐᓇᓕᕌᖓᑦ, ᑲᔪᓯᓇᓱᐃᓐᓇᖃᑦᑕᓚᐅᖅᐳᖓ. ᖁᔭᓐᓇᒦᒃ ᖃᓄᓕᒫᖅ ᐃᑲᔪᖅᐸᒃᑲᕕᑦ ᐃᑲᔪᕐᓂᕐᔪᐊᕆᓚᐅᖅᑕᓪᓗ ᐃᓄᑦᑎᐊᕙᐅᓂᕐᓄᑦ ᕿᒃᓵᒃᑎᓪᓗᖓ ᐊᓂᑐᐊᕋ ᐃᓅᔪᓐᓃᓚᐅᖅᑎᓪᓗᒍ, ᕌᔾᔪ, ᑕᒪᑐᒥᖓ ᐱᓕᕆᐊᖃᖅᑎᓪᓗᖓ. — 34 35
ᓯᐅᕆᑕᓐ ᓯᓚᑦᑐᖅᓴᕐᕕᖕᒥ ᑎᑎᕋᐅᔭᖅᑎᓪᓚᕆᐅᖏᓐᓇᖅᑐᖅ ᓄᑕᖅᑲᓄᑦ ᐃᓕᓐᓂᐊᕈᑎᒃᓴᓄᑦ ᐅᖃᓕᒫᒐᓕᐊᖑᔪᓂᒃ. ᑎᑎᕋᐅᔭᖃᑦᑕᖅᓯᒪᖕᒥᔪᖅ
ᐃᓄᙳᐊᓄᑦ ᐅᓂᒃᑳᒃᓴᓂᒃ, ᐋᖅᑭᒃᓱᐃᓯᒪᓪᓗᓂ ᐃᓂᒋᔭᐅᓂᐊᖅᑐᒥᒃ, ᐅᓂᒃᑳᖅᐸᓪᓕᐊᓪᓗᓂ, ᑎᑎᕋᖅᖢᓂᓗ
36 37 ᑕᓗᕐᔪᐊᕐᒥᐅᑕᖅ, ᓄᓇᕗᒻᒥ, ᐃᓕᓴᐃᔨᐅᓪᓗᓂ ᖃᓪᓗᓈᑎᑐᑦ ᓇᑦᓯᓕᒃ ᐃᓕᓐᓂᐊᕐᕕᖕᒥ. ᑲᓇᑕᐅᑉ ᐅᑭᐅᖅᑕᖅᑐᖓᓂ ᓇᓂᑐᐃᓐᓇᖅ ᓄᓇᖃᖃᑦᑕᖅᓯᒪᔪᖅ ᐃᖅᑲᓇᐃᔭᖅᓯᒪᓪᓗᓂᓗ ᐃᕗᔨᕕᖕᒥ, ᓄᓇᕕᖕᒥ. ᒐᐃᐅᓪ ᐃᓕᓴᐃᔨᐅᔪᖅ, ᖃᐅᔨᓴᖅᑎᐅᔪᖅ, ᑎᑎᕋᖅᑎᐅᔪᖅ, ᒧᒥᖅᑎᐅᓪᓗᓂᓗ. ᑎᑎᕋᖃᑦᑕᖅᓯᒪᔪᖅ ᖃᐅᔨᓴᖅᓯᒪᔭᕐᒥᓂᒃ ᑎᑎᖅᑭᕆᓂᕐᒥᒃ, ᐃᓕᓴᐃᔨᓂᒃ ᐃᓕᓐᓂᐊᖅᑎᑦᑎᓂᕐᒥᒃ, ᐃᓕᓐᓂᐊᕈᑎᒃᓴᓕᕆᓂᕐᒥᒡᓗ. ᒐᐃᐅᓪ ᖁᕝᕙᓯᓛᒥᒃ ᐃᓕᓐᓂᐊᖅᓯᒪᔪᖅ ᑐᕌᓐᑐ ᓯᓚᑦᑐᖅᓴᕐᕕᒡᔪᐊᖓᓂ ᐃᓕᓴᐃᔨᒻᒪᕆᖕᒧᑦ ᐃᑲᔪᖅᑎᐅᓪᓗᓂ ᑎᑎᖅᑭᕆᓂᕐᒧᑦ ᓂᐅ ᐳᕋᓐᓱᐃᒃ ᓴᐃᓐ ᔮᓐ ᓯᓚᑦᑐᖅᓴᕐᕕᒡᔪᐊᖓᓂ. ᑲᓇᑕᐅᑉ ᒧᒥᕐᓂᕐᒧᑦ ᐃᓕᓐᓂᐊᕐᕕᖓᓐᓂ ᐃᓕᓐᓂᐊᖅᓯᒪᔪᖅ ᓄᑕᖅᑲᓂᒡᓗ ᒧᒥᕐᓂᕐᒥᒃ ᐃᓕᓐᓂᐊᖅᑎᑦᑎᕙᒃᖢᓂ ᐊᒻᒪᓗ ᐃᓱᕋᓚᐃᑎᑦ ᒧᒥᐅᓯᖏᓐᓂᒃ. ᑖᓐᓇ ᐅᖃᓕᒫᒐᖅ ᑐᕌᖅᑎᑉᐸᐅᒃ ᐅᖃᓕᒫᖅᐸᒃᑐᓕᒫᓄᑦ ᒧᒥᖅᐸᒃᑐᓕᒫᓄᓪᓗ ᓂᔾᔭᐅᓯᔭᐅᑎᒥᓂᒡᓗ ᑐᓴᖅᓴᐅᑎᑦᑎᕙᒃᑐᓄᑦ.
ᐃᓕᓐᓂᐊᕌᓂᓚᐅᖅᑎᓪᓗᒍ
ᑕᐃᒪᙵᑦ ᑎᑎᕋᐅᔭᖅᑎᐅᓂᕐᒧᑦ
ᑎᑎᕋᐅᔭᖅᓯᒪᔪᓂᒃ ᑕᕐᕆᔭᒐᒃᓴᓕᐊᖑᔪᓂᒃ. ᒫᓐᓇ ᑐᕌᓐᑐᒥᐅᑕᐅᔪᖅ, ᓂᒡᓕᓇᖅᑐᒥᒃ ᑏᑐᐃᓐᓇᐅᔭᖅᑐᖅ ᕿᒻᒥᕐᓂᒡᓗ ᐱᖃᓐᓇᕆᔭᖅᑖᖅᐸᒃᖢᓂ.
I qal u i t • To ro nto
