RUMOR BULLETIN ISSUE NO.6
Papalapit na ang halalan ngayong 2022, kaya naman parami na rin nang parami ang mga kumakalat na tsismis o sabi-sabi sa ating paligid. Para masigurong malinis at matagumpay ang halalan, laging tandaan: importanteng tama ang nakukuha nating kaalaman! Sa pamamagitan ng rumor bulletin na ito, ating sagutin ang mga talamak na tsismis at itama ang mga maling kaalamang maaaring magdulot ng kapahamakan sa ating halalan.
Mga Marka: Hindi Totoo Ang sabi-sabi ay napatunayang HINDI TOTOO sa pamamagitan ng pag factcheck gamit ang mga kilala at kagalang-galang na sources.
Sabi-sabi #1:
Marcos Jr., nagsumite raw ng maling resibo para patunayan ang pagbabayad ng tax liabilities
Totoo Ang sabi-sabi ay napatunayang TOTOO sa pamamagitan ng pag fact-check gamit ang mga kilala at kagalang-galang na sources. Halo Ang sabi-sabi ay natagpuang may halong katotohanan at kasinungalingan.
Marka: Totoo
Walang Basehan Walang mahanap na kilala at kagalang - galang na sources para makumpirma kung may katotohanan ang sinasabi.
Ipinaratang ni retiradong Commission on Elections (Comelec) commissioner Rowena Guanzon na “pineke” raw ng panig ni presidential candidate Ferdinand “Bongbong” Marcos Jr. ang isinumite nilang resibo bilang ebidensya sa pagbabayad ng kanyang tax liabilities sa Bureau of Internal Revenue (BIR). Sa pagsusuri sa isinumiteng resibo, ang ipinadala ng kampo ni Marcos Jr. ay para sa pagbabayad ng upa, hindi ng tax deficiencies. Hindi rin matukoy ang katunayan ng isinumiteng resibo, na photocopy lamang at hindi
ang mismong orihinal na dokumento. May social media users din na nagsasabing ang numerong “0605” na nakasulat sa isinumiteng resibo ay tumutukoy sa form 0605 ng BIR (ang opisyal na form para sa pagbabayad ng buwis). Mapanlinlang ito dahil iba ang “account symbol” sa resibo sa numero ng mga opisyal na form. Ang nasabing resibo ay isinumite sa gitna ng mga hinaharap ni Marcos Jr. na petisyon sa Comelec para idiskalipika ang pagtakbo niya bilang pangulo. Naka-angkla ang mga petisyon sa pagkakahatol ng kasong tax evasion sa kanya noong 1995.
Nauna nang maglabas ang Quezon City Regional Trial Court ng sertipikasyon noong Disyembre 2021, na nagsasabing wala silang rekord na binayaran ni Marcos Jr. ang kanyang tax deficiencies at ang mga karampatang multa nito.
Sabi-sabi #2:
Bise-Presidente Leni Robredo, kasabwat daw ng Facebook sa pagpapasara ng accounts na sumusuporta kay Bongbong Marcos Kumalat sa social media ang paratang ng isang suspendidong abogado na nakipagpulong daw sa Facebook si Bise-Presidente Leni Robredo para ipasara ang accounts na sumusuporta kay presidential candidate Ferdinand “Bongbong” Marcos Jr.
Marka: Hindi Totoo
Pinabulaanan naman ng panig ni Robredo at ng Meta, ang parent company ng Facebook, ang paratang. Sa pahayag ng Meta, sinabi nilang walang nakipagpulong sa kanila mula sa panig ni Robredo, at wala ring naging kasunduan para magtanggal ng pulitikal na content sa kanilang plataporma. Naunang sinabi ni Larry Gadon na nakatanggap siya diumano ng tip tungkol dito. Ayon sa kanya, “lahat ng mga Facebook account na sumusuporta sa UniTeam ni Bongbong Marcos at Inday Sara ay posibleng ma-suspend o mabaklas nang tuluyan dahil sa pag-uudyok ng kampo ni Leni gamit ang kathang-isip na akusasyon.”
Sabi-sabi #3:
Mga kandidato sa halalan, hindi raw kailangang magsumite ng SALN Apat sa limang kandidato sa pagkapangulo ang nagpahayag ng kanilang kahandaang maglabas ng SALN o Statement of Assets, Liabilities, and Net Worth (Pahayag ng mga Pag-aari, Liabilidad, at Kabuuang Yaman). Ang mga nasabing kandidato ay sina Manila City Mayor Isko Moreno Domagoso, Senador Ping Lacson, Senador Manny Pacquiao, at Bise-Presidente Leni Robredo.
Marka: Totoo
Bagaman may mga kandidatong handang maglabas ng kanilang SALN bilang pahiwatig ng kanilang katapatan, walang batas na hinihingi ito mula sa lahat ng tumatakbo. Sa ilalim ng Republic Act 6713 o ang SALN law, mga nahalal na opisyal at empleyado lang ng pamahalaan ang kinakailangang magsumite nito. Taun-taon itong ipinapasa tuwing ika-30 ng Abril. Ang SALN ay ang dokumentong nagsasaad ng mga ari-arian (tulad ng lupa at sasakyan) at obligasyon (tulad ng utang at mga binabayarang interes) ng mga opisyal at empleyado ng pamahalaan, pati na ng kanilang asawa at mga anak na 18 taong gulang pababa at hindi kasal.
TANDAAN! 1. Walang mali sa pagkuwestiyon sa ating mga nalalaman. May mga kaalaman at pinaniniwalaan tayong maaaring matagal na nating dala-dala. Kung mapag-alaman man nating mali pala ang mga ito, hindi natin dapat itong ikahiya o ipagkaila. Walang masama sa pagtuwid sa ating mga pinaniniwalaan — bagkus, makatutulong pa ito para masigurong tama ang mga umiikot na kaalaman sa ating komunidad. 2. Kapag may napansin tayong mali, huwag tayong mahiyang itama ito. Kung may mapansin din tayong maling kaalaman na nagmumula sa ating mga kamag-anak o kaibigan, subukin nating itama ang kanilang sinasabi. Sa maayos na pakikipag-usap, maaari natin silang mahikayat na buksan ang kanilang isip sa pagbabago. 4. Malaki ang epekto ng maling kaalaman, pero nasa atin ang kapangyarihang lumaban. Malaki ang banta ng kasinungalingan at maling kaalaman — hindi lang sa darating na halalan, kundi sa ating pang-araw-araw na pamumuhay. Sa kabila nito, may kapangyarihan tayong labanan ito. Sa tamang pananaliksik at sa walang-sawang pagmumulat sa mga tao sa ating paligid, maaari nating maprotektahan ang ating komunidad mula sa mga umiikot na maling kaalaman.
MAGING Nais mo bang makialam sa mga bagong sabi-sabi at tsismis? O kaya naman nais mo rin mag report ng mga nakikita mong sabi-sabi at tsismis online? Maari mong bisitahin at i-message ang https://www.facebook.com/ ALERTayo
Meron ka bang mga katanungan tungkol sa darating na eleksyon? Mga karapatan mo bilang botante? Maari mong bisitahin at i-message ang https://www.facebook.com/tisyahustisya Ang Tisya Hustisya Live Chat ay bukas araw-araw mula 8AM hanggang 4PM