Þrettándablaðið 2019 by ÍBV Íþróttafélag

Þ R E T TÁ N DA BLAÐIÐ

2019

Knattspyrnudeild ÍBV Þrettándablaðið Útgefandi: ÍBV Íþróttafélag Umsjón: Jón Ólafur Daníelsson Ljósmyndir: Addi í London // Sigfús Gunnar Blaðamaður: Guðmundur Tómas Sigfússon Umbrot: Leturstofan Prentun: Prentun.is - Stafræna prentsmiðjan Ábyrgðarmaður: Jón Ólafur Daníelsson

Viðar Stefánsson sóknarprestur í Landakirkju:

Hátíð hins gamla og nýja Í minni heimasveit er þrettándinn ekki mikil hátíð í sjálfu sér. Í mesta lagi er haldin þrettándabrenna utar í sveitinni þar sem fólk kemur saman til að hittast og ylja sér við brennuna og samvista náungans. Þá grípa íbúarnir til þess ráðs að skjóta upp síðustu flugeldunum áður en það verður ólöglegt. Á mínu heimili vorum við stundum með okkar eigin varðeld inni á eyrum ekki langt frá heimilinu. Þar var búið að safna mánuðum saman í varðeldinn og kom það stundum fyrir að sá varðeldur var stærri en sá sem sveitarfélagið stóð fyrir. Þrettándinn var að öðru leyti ekki sérstakur hátíðisdagur í sjálfu sér. Við klæddum okkur jú í fínu fötin, borðuðum góðan mat og skutum upp síðustu flugeldunum en í sjálfu sér var þrettándinn ekki mikil hátíð. Þess vegna rak ég upp stór augu þegar ég upplifði þrettándagleðina hér í Eyjum í fyrsta sinn í fyrra því það er heldur betur hátíð. Gleðileg og vegleg hátíð sem önnur sveitarfélög horfa á öfundaraugum og réttilega svo. Enda ekkert sparað í umgjörð, búningum, flugeldum eða veganbröndurum Grýlu og Leppalúða og annarra sem arka um bæinn ásamt bæjarbúum.

Áætlunarflug

Oft er það svo að við kveðjum hið gamla og heilsum hinu nýja með flugeldum. Í grunninn er það ekki gert vegna þess að gott sé að sprengja hið gamla eða að vissara sé að taka á móti hinu nýja með tveimur hrútshornum. Flugeldarnir sýna okkur hið fallega sem á að felast samtímis bæði í hinu gamla og hinu nýja. Á þrettándanum, þrettánda og síðasta degi jóla, kveðjum við jólahátíðina. Hátíð sem hefur vonandi fyllt okkur gleði og gert okkur kleift að sjá það sem skiptir mestu máli. Hátíð sem líkt og aðventan hvetur okkur til einstakrar og öðruvísi hugsunar en venjulega. En flugeldarnir á þrettándanum eru ekki gerðir til að loka því sem við höfum mótað innra með okkur. Þrettándinn er ekki útskrift í sjálfu sér. Hyggilegt er að hugsa á þann veg að það sem jólin hafa nú gefið okkur á að móta framtíð okkar. Okkur sjálfum og samfélaginu til heilla og sóma og hinu æðra innra með okkur til framgangs og dýrðar. Því er rétt að fagna. Guð gefi okkur öllum gleðilegt nýtt ár og hátíðlegan þrettánda.

„Ég er svo aldeilis“ voru orð sem leituðu á hugann trekk í trekk. Að sjálfsögðu ekki á neikvæðan hátt enda fátt neikvætt við þrettándagleðina. Allt endaði svo á glæsilegri flugeldasýningu eins og Vestmannaeyinga er háttur.

Leiguflug

Skipulagðar ævintýraferðir

Bókaðu flugið á ernir.is alltaf ódýrara á netinu

Bíldudalur

Gjögur

Húsavík

Höfn

Reykjavík Vestmannaeyjar

Upplýsingar og bókanir sími: 562 2640 netfang: ernir@ernir.is vefur: www.ernir.is

JÓNSSON & LE’MACKS

•

jl.is

•

SÍA

Gleðilegt nýtt ár

Landsbankinn

landsbankinn.is

410 4000

Dóra Björk Gunnarsdóttir skrifar:

Annáll árið 2018

Óhætt er að segja að árið 2018 hafi verið ár stórra tilfinninga hjá okkur. Félagsmenn og félagið allt hafa gengið í gegnum sáran missi og sorg á árinu. En gleðin hefur líka verið mikil, ekki síst í tengslum við frábæran árangur meistaraflokks karla í handbolta sem urðu fjórfaldir meistarar. Landsliðsfólkið okkar stóð í ströngu á árinu, en fjölmargir leikmenn félagsins voru kallaðir til landsliðsæfinga og skipuðu leikmenn okkar stór hlutverk í landsleikjum fyrir Íslands hönd. Janúar Í lok árs 2017 hélt handboltadeild félagsins flugeldabingó sem er orðið árviss hluti af jólahaldi okkar Eyjamanna og er ávallt vel sótt. Nýja árið hófst svo á Þrettándagleði ÍBV og Íslandsbanka sem Vestmannaeyjabær styrkir. Eins og ávallt var mikið um gesti þessa helgi sem er orðin ein af stærstu helgum vetrarins hjá ferðamannaiðnaðinum hér í Eyjum. Félagið lítur á hátíðina sem þakkarhátíð til stuðningsmanna félagsins og munum við standa að henni svo lengi sem sjálfboðaliðar fyrirfinnast, því Þrettándagleðin er eingöngu mönnuð sjálfboðaliðum sem eiga miklar þakkir skyldar. Kári Kristján Kristjánsson var fulltrúi ÍBV á EM í Króatíu en strákarnir komust ekki upp úr riðlinum. Felix Örn Friðriksson var valinn til að spila æfingaleiki fyrir A landslið Íslands í fótbolta gegn Indónesíu og var hann í byrjunarliðinu í fyrri leiknum. Einnig voru eftirfarandi íþróttamenn kallaðir á landsliðsæfingar í fótbolta: Eyþór Orri Ómarsson í U-15, Clara Sigurðardóttir í U-17 og U-16, Felix Örn

Friðriksson og Dagur Austmann í U-21. Þá voru nokkrir iðkendur félagsins kallaðir á landsliðsæfingar í handbolta en það voru Óliver Daðason og Páll Eiríksson í U-18, Arnór Viðarsson í U-16, Andri Ísak Sigfússon, Daníel Örn Griffin, Elliði Snær Viðarsson, Friðrik Hólm Jónsson og Gabríel Martinez Róbertsson í U-20. Gaman er að segja frá því að Jörgen Freyr Ólafsson var einnig í æfingahópi með U-20. Hann er uppalinn hjá ÍBV en spilar nú með Haukum. Einnig voru eftirfarandi stúlkur valdar til æfinga með U-16 í handbolta: Andrea Gunnlaugsdóttir, Bríet Ómarsdóttir, Harpa Valey Gylfadóttir, Linda Björk Brynjarsdóttir og Mía Rán Guðmundsdóttir. HSÍ kallaði saman afrekshóp kvenna í byrjun árs en í honum voru fjórir fulltrúar ÍBV þær Díana Kristín Sigmarsdóttir, Erla Rós Sigmarsdóttir, Ester Óskarsdóttir og Guðný Jenny Ásmundsdóttir. Þá var einnig í hópnum Díana Dögg Magnúsdóttir eyjamær sem nú leikur fyrir Val. Sigríður Lára Garðarsdóttir fékk Fréttapýramída Eyjafrétta fyrir framlag sitt til íþrótta í Vestmannaeyjum á árinu 2017. Íþróttabandalag Vestmannaeyja valdi Sigríði Láru sem íþróttamann Vestmannaeyja árið 2017. Sísí Lára er vel að þessum útnefningum komin en hún keppti fyrir Íslands hönd á EM sumarið 2017 þar sem hún var í byrjunarliðinu í tvígang auk þess að vera lykilmaður í kvennaliði ÍBV. Sísi Lára er mikil fyrirmynd bæði innan vallar sem utan. Íþróttabandalag Vestmannaeyja útnefndi Söndru Erlingsdóttur handknattleikskonu íþróttamann æskunnar í eldri aldurshópi, ásamt Arnari Júlíussyni frá Karatefélaginu. Clara Sigurðardóttir knattspyrnukona var útnefnd íþróttamaður æskunnar meðal yngri iðkenda, en þetta var í fyrsta skipti sem þau verðlaun voru afhent. Á hófinu voru bikarmeistarar meistaraflokkanna okkar í knattspyrnu heiðraðir ásamt Íslandsmeisturum kvenna í handknattleik á yngra ári í 5. flokki, og bæði yngra og eldra ári í 6. flokki. Þá voru 27 leikmenn félagsins heiðraðir fyrir að hafa spilað með landsliðum á árinu 2017. Heimir Hallgrímsson fékk heiðursviðurkenningu Íþróttabandalags Vestmannaeyja en einnig voru nokkrir einstaklingar heiðraðir fyrir þeirra störf í þágu íþrótta í Eyjum.

Febrúar

Clara Sigurðardóttir spilaði vináttulandsleiki gegn Skotum en leikir þessir voru undirbúningsleikir fyrir EM. Karlalið ÍBV í handbolta keppti í 16 liða

úrslitum áskorendakeppninnar á móti ísraelska liðinu SGS Ramhat Hashron HC þar sem þeir unnu fyrri leikinn á heimavelli með 7 mörkum og gerðu jafntefli í seinni leiknum á útivelli, þessi frammistaða skilaði þeim áfram í 8 liða úrslit. Karla- og kvennalið félagsins í handbolta tryggðu sér keppnisrétt í undanúrslitum í Bikarkeppni HSÍ sem fram fór í Laugardalshöllinni í mars. Birgitta Sól Vilbergsdóttir var kölluð til æfinga hjá U-16 ára landsliðinu í knattspyrnu.

Mars

Felix Örn og Dagur Austmann æfðu með U-21 árs landsliðinu undir stjórn Eyjólfs Sverrissonar og Eyjamannsins Tómasar Inga Tómassonar. Clara Sigurðardóttir spilaði fyrir Íslands hönd í U-17 ára landsliðinu í milliriðli EM sem fram fór í Þýskalandi. Gaman er að segja frá því að hún var einnig valin til að spila með U-16 ára landsliðinu og spilaði með þeim í Litháen í apríl.

Ester Óskarsdóttir og Guðný Jenny Ásmundsdóttir spiluðu tvo leiki í undankeppni EM en einnig var Díana Dögg Magnúsdóttir í þessum hópi. Karlalið ÍBV varð bikarmeistarar eftir frábæran sigur á Fram, en stelpurnar duttu út í undanúrslitum eftir svekkjandi tap á móti Fram. Þeir Aron Rafn Eðvarðsson og Theodór

Sigurbjörnsson voru valdir til að keppa í Gulldeildinni í Noregi með Íslenska landsliðinu. Felix Örn Friðriksson spilaði við Norður-Íra í riðlakeppni fyrir EM19. Í starfsliði liðsins voru þrír Eyjapeyjar en það voru Tómas Ingi Tómasson aðstoðarþjálfari, Davíð Egilsson læknir og Gunnar Sigurðsson markmannsþjálfari.

Agnar Smári Jónsson og Róbert Aron Hostert voru valdir til æfinga með B landsliði Íslands. Erla Rós Sigmarsdóttir var valin til æfinga með afrekshópi leikmanna sem spila í Olísdeildinni. Undankeppni HM U-20 var haldin í Vestmannaeyjum í lok mars þar sem ÍBV átti einn fulltrúa í leikmannahópnum en það var Sandra Erlingsdóttir Einnig var Hrafnhildur Skúladóttir annar af þjálfurum liðsins. Stelpurnar tryggðu sér farseðilinn á HM á þessu móti. Sex stelpur voru valdar til æfinga með U-16 í handbolta en það voru þær Andrea Gunnlaugsdóttir, Bríet Ómarsdóttir, Harpa Valey Gylfadóttir, Helga Stella Jónsdóttir, Linda Björk Brynjarsdóttir og Mía Rán Guðmundsdóttir. Eyþór Orri Ómarsson æfði með U-15 ár landsliðinu í fótbolta. Meistaraflokkur karla tryggði sér deildarmeistaratitilinn í háspennuleik við Fram þar sem Agnar Smári Jónsson tryggði okkur sigurinn þegar 6 sekúndur voru til leiksloka. Strax eftir leik var haldið til Rússlands til að keppa fyrri leikinn í 8 liða úrslitum áskorendakeppninnar á móti rússneska liðinu SKIF Krasnodar. Strákarnir unnu fyrri leikinn með 2 mörkum og seinni á heimavelli með 13 mörkum og voru því komnir áfram í 4 liða úrslit. Myndin Víti í Vestmannaeyjum var frumsýnd í lok mánaðarins en hún var tekin upp á Orkumótinu 2017. Eyjastúlkan og leikmaður ÍBV, Ísey Heiðarsdóttir lék eitt af aðalhlutverkunum. Myndin var sýnd á kvikmyndahátíðum erlendis og hlaut ýmis

verðlaun. Síðar á árinu voru sjónvarpsþættir sýndir á RÚV þar sem farið var ýtarlega í söguna. Bæði myndin og þættirnir hafa notið mikilla vinsælda hjá yngri kynslóðinni.

Apríl

Sísí Lára var valin til að leika í undankeppni HM 2019 eftir smá hlé en hún gat ekki gefið kost á sér í upphafi árs vegna veikinda. Aðalfundur ÍBV var haldinn þar sem Íris Róbertsdóttir formaður félagsins gaf ekki kost á sér til frekari stjórnarsetu. Unnar Hólm Ólafsson var kosinn nýr formaður félagsins. Tvær breytingar urðu á stjórn félagsins á fundinum. Andri Ísak Sigfússon, Ágúst Emil Grétarsson, Daníel Griffin, Elliði Snær Viðarsson og Friðrik Hólm Jónsson voru kallaðir til æfinga með U-20 ára landsliðinu og Ívar Logi Styrmisson með U-18. Elliði Snær gat ekki tekið þátt í þessu verkefni því hann var kallaður inn í B- landsliðið og fór með þeim til Hollands á æfingamót. Agnar Smári Jónsson keppti einnig með B-landsliðinu á þessu móti. Meistaraflokkur karla í handbolta keppti í 4 liða úrslitum í Áskorendakeppni Evrópu á móti rúmenska liðinu Turda, þeir unnu fyrri leikinn á heimavelli með 3 mörkum en töpuðu á útivelli með 4 mörkum og duttu því úr leik. Glæsilegur árangur hjá strákunum. ÍBV tók þátt í perluviðburði með Krafti en Eyjamenn fjölmenntu í Höllina þar sem perluð voru armbönd í fánalitunum. Armbönd þessi voru svo seld til stuðnings Krafti og til að sýna íslenska karlalandsliðinu í fótbolta samstöðu fyrir HM í Rússlandi í sumar. KSÍ kom til Eyja og var með hæfileikamótun fyrir leikmenn í 4. flokki karla og kvenna. Þorlákur Árnason stýrði þessum æfingum. Þau heiðurshjón Bergvin Oddsson og María Friðriksdóttir afhentu deildum félagsins samtals 10 milljónir í afmæisveislu sinni. Gjöf þessi er ómetanleg í erfiðum rekstri deilda félagsins.

stuðningur áhorfenda ómetanlegur í þessu einvígi og getur félagið aldrei fullþakkað stuðningsmönnum sínum fyrir sitt framlag. Þær Andrea Gunnlaugsdóttir, Bríet Ómarsdóttir, Harpa Valey Gylfadóttir og Linda Björk Brynjarsdóttir voru valdar til að spila á European Open í Svíþjóð fyrir U-16 ára landsliðið í handbolta. Vetrarlok félagsins voru haldin og fengu eftirfarandi iðkendur félagsins viðurkenningar: Meistaraflokkur kvenna: Besti leikmaður - Ester Óskarsdóttir ÍBV-ari - Guðný Jenny Ásmundsdóttir Mestu framfarir - Kristrún Ósk Hlynsdóttir Efnilegust - Sandra Erlingsdóttir Meistaraflokkur karla: Besti leikmaður - Sigurbergur Sveinsson ÍBV-ari - Andri Heimir Friðriksson Mestu framfarir - Dagur Arnarsson Efnilegastur - Daníel Örn Griffin 3. flokkur kvenna: Besti leikmaður - Ásta Björt Júlíusdóttir ÍBV-ari - Alexandra Ósk Gunnarsdóttir Mestu framfarir - Sara Sif Jónsdóttir Efnilegust - Hafrún Dóra Hafþórsdóttir 3. flokkur karla: Besti leikmaður - Bjarki Svavarsson ÍBV-ari - Páll Eiríksson

Maí

Eyþór Orri var í byrjunarliðinu í æfingaleikjunum gegn Sviss með U-15 ára landsliðinu í fótbolta. Þrjár stúlkur voru valdar til æfinga með U-18 ára landsliðinu í handbolta en það voru þær Eva Aðalsteinsdóttir, Hafrún Dóra Hafþórsdóttir og Sara Sif Jónsdóttir. Ester Óskarsdóttir og Guðný Jenny Ásmundsdóttir spiluðu fjóra leiki um mánaðamótin fyrir Íslands hönd, tvo leiki í undankeppni EM og tvo æfingaleiki gegn Japan. 4. flokkur kvenna urðu Íslandsmeistarar í handbolta 2018. þjálfarar stelpnanna voru þeir Hilmar Ágúst Björnsson og Magnús Stefánsson. 19. maí tryggði meistaraflokkur karla sér Íslandsmeistaratitilinn í handbolta. Þessi titill er annar Íslandsmeistaratitill félagsins í meistaraflokki karla. ÍBV háði einvígi við FH og vann það 3-1. Eins og oft áður var

Mestu framfarir - Ívar Logi Styrmisson Efnilegastur - Gabríel Martinez Róbertsson Sandra Erlingsdóttir var valin í lokahóp U-20 til að taka þá í HM í Ungverjalandi en Hrafnhildur Skúladóttir er annar af þjálfurum liðsins. Ákveðið var á opnum Þjóðhátíðarfundi að breyta kapphlaupinu vegna tjaldstæða en félagið óskaði eftir hugmyndum frá bæjarbúum eftir Þjóðhátíðina 2017. Þjóðhátíðarnefnd vann úr þeim hugmyndum sem komu inn og kynntu þær á félagsfundinum. Hæfileikamótun KSÍ fór fram á Selfossi þar

sem ÍBV átti eftirfarandi iðkendur: Andrés Marel Sigurðsson, Bertu Sigursteinsdóttur, Einar Örn Valsson, Elmar Erlingsson, Elmar Elí Sighvatsson, Hauk Helgason, Helenu Jónsdóttur, Karl Örlygsson, Rakel Oddnýju Guðmundsdóttur, Söru Dröfn Ríkharðsdóttur, Thelmu Sól Óðinsdóttur og Þóru Björgu Stefánsdóttur. Andri Ísak Sigfússon, Ágúst Emil Grétarsson, Daníel Örn Griffin, Elliði Snær Viðarsson og Friðrik Hólm Jónsson voru kallaðir til æfinga með U-20 og Ívar Loga Styrmisson með U-18 í handbolta. Hæfileikamótun HSÍ fór fram í mánuðinum en þar voru Andrés Marel Sigurðsson, Birkir Haraldsson, Elísa Elíasdóttir, Elmar Erlingsson, Helena Jónsdóttir, Karl Jóhann Örlygsson, Rakel Oddný Guðmundsdóttir, Thelma Sól Óðinsdóttir og Þóra Björg Stefánsdóttir.

Byrjunarörðuleikar voru á fyrirkomulagi vegna úthlutunar lóða í Herjólfsdal fyrir Þjóðhátíð 2018 en sem betur fer leystust þau mál. Ágúst Emil Grétarsson, Daníel Örn Griffin, Elliði Snær Viðarsson og Friðrik Hólm Jónsson fóru á Evrópumótið í Slóveníu með U-20 landsliðinu í handknattleik þar sem þeim tókst að tryggja sér þátttökurétt á HM á Spáni 2019. Mánuðurinn fór í að undirbúa Þjóðhátið 2018 og gekk undirbúningur í Herjólfsdal mjög vel. Litlar breytingar voru gerðar á svæðinu en farið var í að færa hliðið, merkja sölutjöld betur, gera vegvísa, tengja ljósleiðara inn í hús og koma rafstreng í veitingatjaldið svo eitthvað sé nefnt.

Júní

Sísí Lára spilaði mað A landsliðinu gegn Slóveníu í undankeppni HM. Eyþór Orri Ómarsson æfði með U-16 ára landsliðinu í knattspyrnu. Félagið fékk styrk úr sjóðnum Viltu hafa áhrif fyrir sólpalli sunnan megin við Týsheimilið. Sólpallur þessi leit dagsins ljós í mánuðinum. Fjórir leikmenn félagsins voru valdir til æfinga með U-20 ára landsliðinu í handbolta í sumar en það voru þeir Ágúst Emil Grétarsson, Daníel Örn Griffin, Elliði Snær Viðarsson og Friðrik Hólm Jónsson. Clara Sigurðardóttir var valin í lokahóp U-16 og fór með liðinu til Noregs í júlí. Theodór Sigurbjörnsson átti þátt í því að tryggja íslenska landsliðinu í handknattleik leikheimild á HM 2019 í sigurleik geng Litháen. TM mótið í Eyjum var haldið í mánuðinum en á mótinu voru 88 lið sem spiluðu um fjögur hundruð leiki á þremur dögum. Orkumótið var einnig haldið en á því móti voru 104 lið sem spiluðu tæplega sex hundruð leiki. Veðrið var okkur erfitt á síðasta degi Orkumótsins og þurfti að blása af nokkra leiki þar sem vellir félagsins lágu undir skemmdum. Að öðru leiti fóru bæði þessi mót vel fram og félagið greinilega búið að skapa sér gott nafn sem mótshaldari þar sem vísa þurfti liðum frá á báðum mótum vegna þess að ekki var pláss fyrir fleiri iðkendur og þá sérstaklega í gistingu. Farið var í að pússa neðri hæðina á húsi félagsins í Herjólfsdal. Framkvæmdir gengu mjög vel þrátt fyrir erfitt verðurfar í sumar og er óhætt að segja að þessi framkvæmd hafi komið mjög vel út.

Júlí

Meistaraflokkur karla í fótbolta spilaði tvo Evrópuleiki við norska úrvalsdeildarfélagið Sarpsborg 08, en heimaleikurinn á Hásteinsvelli var 45. leikur ÍBV í evrópukeppnum UEFA. ÍBV komst ekki áfram í þessari keppni. Felix Örn Friðriksson var lánaður til Vejle í Danmörku.

Ágúst

Þjóðhátíð var haldin fyrstu helgina í ágúst. Mæting var góð og fór hátíðin vel fram þrátt fyrir að veðrið hafi ekki verið með besta móti þetta árið. Veður var þó gott á laugardeginum en þann dag fór fram þjóðhátíðarleikur hjá meistaraflokki karla í knattspyrnu. Nýtt fyrirkomulag á tjöldun hvítu tjaldanna reyndist koma vel út þrátt fyrir hnökra í upphafi ferlisins og mun það fara í áframhaldandi þróun næsta sumar. Magnús Birgir Guðjónsson var heiðraður af Íþróttabandalagi Vestmannaeyja við setningu Þjóðhátíðar fyrir mikil og óeigingjörn störf fyrir félagið síðustu áratugina. Biggi fékk heiðurskross bandalagsins sem er æðsta viðurkenning íþróttahreyfingarinnar í Vestmannaeyjum. Eyþór Orri Ómarsson spilaði tvo æfingaleiki með U-15 landsliðinu í knattspyrnu og var hann fyrirliði í seinni leiknum. Sigríður Lára Garðarsdóttir gekk til liðs við norsku meistarana í Lilleström. Arnór Viðarsson var kallaður á æfingar hjá U-16 landsliðinu í handknattleik. Clara Sigurðardóttir var valin í lokahóp til að taka þátt í undankeppni EM með U-17

landsliðinu í knattspyrnu.

September

Meistaraflokkur karla í handknattleik fullkomnaði fernuna með sigri í leiknum um Meistara Meistaranna og eru því handhafar allra titla sem í boði eru. Felix Örn Friðriksson spilaði 2 leiki með U-21 landsliðinu í knattspyrnu í riðlakeppni EM 2019. Sigurður Arnar Magnússon var einnig kallaður inn í æfingahóp fyrir þessa leiki. Arna Sif Pálsdóttir, Ester Óskarsdóttir og Guðný Jenný Ásmundsdóttir spiluðu æfingaleiki með A landsliðinu í handknattleik. Sandra Dís Sigurðardóttir var kölluð á æfingar með B landsliðinu í handknattleik. Helena Jónsdóttir, Rakel Oddný Guðmundsdóttir, Thelma Sól Óðinsdóttir og Þóra Björg Stefánsdóttir tóku þátt í Hæfileikamóti KSÍ. HSÍ var með æfingahelgi í lok september þar sem yngri landsliðin mættu til æfinga, eftirtaldir leikmenn frá ÍBV voru kallaðir á æfingar þessa helgi: Andrea Gunnlaugsdóttir, Bríet Ómarsdóttir, Harpa Valey Gylfadóttir og Linda Björk Brynjarsdóttir með U-17 landsliðinu. Elísa Elíasdóttir, Helena Jónsdóttir, Rakel Oddný Guðmundsdóttir, Thelma Sól Óðinsdóttir og Þóra Björg Stefánsdóttir með U-15 landsliðinu. Elmar Erlingsson með U-15 landsliðinu. Clara Sigurðardóttir tók þátt í undankeppni EM 2019 með U-17 landsliðinu í knattspyrnu þar sem spilaðir voru 3 leikir. Clara var fyrirliði í einum leik og gerði sér lítið fyrir og skoraði 3 mörk í sigri Íslands á Moldavíu. Gunnar Heiðar Þorvaldsson tók þá ákvörðun að leggja knattspyrnuskóna á hilluna eftir að hafa lokið sínu 20. keppnistímabili með meistaraflokki. Hann var markahæstur leikmanna ÍBV í sumar með 9 mörk, þar af þrennu í síðasta leiknum á móti Grindavík. Sumarlok félagsins voru haldin í lok mánaðarins og fengu eftirtaldir leikmenn viðurkenningar: Meistaraflokkur kvenna: Besti leikmaðurinn - Cloe Lacasse Mikilvægasti leikmaðurinn - Adrienne Jordan Markahæsti leikmaðurinn - Cloe Lacasse Fréttabikarinn / efnilegasti leikmaðurinn Clara Sigurðardóttir Meistaraflokkur karla: Besti leikmaðurinn - David Atkinsson Mikilvægasti leikmaðurinn - Halldór Páll Geirsson Markahæsti leikmaðurinn - Gunnar Heiðar Þorvaldsson Fréttabikarinn / efnilegasti leikmaðurinn Sigurður Arnar Magnússon 2. flokkur kvenna: Besti leikmaðurinn - Birgitta Sól Vilbergsdóttir

Eftirtaldir aðilar senda bæjarbúum bestu nýársóskir

STAVEY

Bylgja VE 75 Verslun Heiðarvegi 6 | 481 1400

FRÁR VE 78

2. flokkur karla: Besti leikmaðurinn - Eyþór Daði Kjartansson ÍBV - ari - Guðlaugur Gísli Guðmundsson Markahæsti leikmaðurinn - Daníel Már Sigmarsson Mestu framfarir - Daníel Scheving

Október

Arnór Viðarsson tók þátt í æfingamóti í Frakklandi með U-17 landsliðinu í handknattleik.

Felix Örn Friðriksson spilaði 2 leiki í riðlakeppni EM 2019 með U-21 landsliðinu í knattspyrnu en Sigurður Arnar Magnússon var einnig kallaður inn í æfingahóp fyrir þessa leiki. Ívar Logi Styrmisson og Óliver Daðason voru kallaðir á æfingar með U-19 landsliðinu í handknattleik. Andri Ísak Sigfússon, Daníel Örn Griffin, Elliði Snær Viðarsson og Friðrik Hólm Jónsson spiluðu æfingaleiki með U-21 landsliðinu í handknattleik. Eyþór Orri Ómarsson tók þátt í úrtaksæfingum með U-15 landsliðinu í knattspyrnu. Haldinn var félagsfundur þar sem kynntar voru framkvæmdir sem fyrirhugaðar eru á Týsheimilinu. Bæta á búningsaðstöðu meistaraflokka félagsins í knattspyrnu sem og lyftingaaðstöðu félagsins.

Nóvember

Eyjablikksmótið í handknattleik var haldið í byrjun nóvember en þar mættu tæplega 400 stúlkur og drengir í 5. flokki á eldra ári og spiluðu handknattleik frá föstudegi til sunnudags. Felix Örn Friðriksson og Sigurður Arnar Magnússon spiluðu með U-21 landsliðinu í knattspyrnu á æfingamóti í Kína þar sem Felix skoraði mark í 1-1 jafntefli á móti Kína. Sigríður Lára Garðarsdóttir var kölluð

á æfingar með A landsliði kvenna í knattspyrnu. Clara Sigurðardóttir var kölluð á æfingar með U-17 landsliðinu í knattspyrnu. Arna Sif Pálsdóttir, Ester Óskarsdóttir og Guðný Jenny Ásmundsdóttir spiluðu vináttuleiki ásamt því að taka þátt í undankeppni HM með A landsliðinu í handknattleik. Á því móti tryggðu stelpurnar sér umspil um farseðilinn á HM þar sem þær munu leika gegn Spánverjum í sumar.

Andrea Gunnlaugsdóttir, Bríet Ómarsdóttir og Harpa Valey Gylfadóttir voru kallaðar á æfingu hjá U-17 landsliðinu í handknattleik. Elísa Elíasdóttir, Helena Jónsdóttir, Rakel Oddný Guðmundsdóttir og Þóra Björg Stefánsdóttir voru kallaðar á æfingu hjá U-15 landsliðinu í handknattleik. Eyþór Orri Ómarsson var í úrtakshóp hjá U-16 landsliðinu í knattspyrnu. Aðalstjórn bauð sjálfboðaliðum Þjóðhátíðar í matarveislu í mánuðinum til að þakka þeim fyrir óeigingjörn störf í þágu hátíðarinnar og félagsins. Var mætingin góð að vanda.

Desember

Clara Sigurðardóttir var í úrtakshóp hjá U-17 landsliðinu í knattspyrnu. Eyþór Orri Ómarsson var kalllaður á úrtaksæfingar hjá U-17 í knattspyrnu. HSÍ verður með stóra æfingahelgi í byrjun janúar og hafa eftirtaldir leikmenn ÍBV verið kallaðir á þessar æfingar: Andri Ísak Sigfússon, Elliði Snær Viðarsson og Friðrik Hólm Jónsson hjá U-21 landsliðinu. Arnór Viðarsson hjá U-17 landsliðinu. Andrea Gunnlaugsdóttir, Bríet Ómarsdóttir, Harpa Valey Gylfadóttir og Linda Björk Brynjarsdótir hjá U-17 landsliðinu. Andri Sigmarsson, Elmar Erlingsson og Hinrik Hugi Heiðarsson hjá U-15 landsliðinu.

Elísa Elíasdóttir, Helena Jónsdóttir, Rakel Oddný Guðmundsdóttir og Þóra Björg Stefánsdóttir hjá U-15 landsliðinu. Ívar Bessi Viðarsson, Kristján Ingi Kjartansson og Nökkvi Guðmundsson í Hæfileikamót HSÍ. Grétar Þór Eyþórsson og velunnarar handboltans stóðu fyrir söfnun fyrir Krabbavörn í Eyjum þegar Gleðigjafarnir spiluðu stjörnuleik í handbolta. Þetta var sjötta árið sem Grétar og félagar standa fyrir þessu frábæra framtaki og er þetta vonandi komið til að vera í undirbúningi hátíðarinnar. Kolbeinn Aron Arnarson leikmaður meistaraflokks karla í handknattleik varð bráðkvaddur á heimili sínu í lok desember. Kolbeinn Aron var 29 ára að aldri og einn af lykilmönnunum í uppbyggingu og velgengni handboltans í Vestmannaeyjum undanfarin ár. Eftir að hafa æft og leikið með yngri flokkum ÍBV lék hann 17 ára gamall sinn fyrsta leik með meistaraflokki árið 2006. Alls spilaði hann 279 leiki fyrir félagið sem gerir hann að fjórða leikjahæsta leikmanni þess frá upphafi. Kolbeinn Aron átti stóran þátt í því er liðið varð eftirminnilega Íslandsmeistari í fyrsta skipti árið 2014 og bikarmeistari ári síðar. Eins og undanfarin ár þá á félagið fjölmarga iðkendur sem hafa leikið landsleiki á árinu, en 11 leikmenn spiluðu A landsleiki, 2 B landsleiki og 15 landsleiki með yngri landsliðum Íslands. Einnig voru fjölmargir iðkendur okkar boðaðir í landsliðsúrtök á árinu 2018. Mig langar að þakka aðalstjórnarmönnum sem og öðrum stjórnarmönnum fyrir samstarfið á árinu sem er að líða. Þakka þeim Írisi Róbertsdóttur og Anítu Óðinsdóttur sem hættu í aðalstjórn á árinu sem og þeim Arnari Richardssyni, Magnúsi Birgi Guðjónssyni og Þóru Hrönn Sigurjónsdóttur í þjóðhátíðarnefnd fyrir þeirra störf. Allt stjórnarfólk félagsins hefur unnið óeigingjörn störf fyrir ÍBV íþróttafélag. Arnar Pétursson, Ásgeir Jónsson, Kristján Guðmundsson og Sunna Sigurjónsdóttir létu af störfum hjá félaginu á árinu og vil ég þakka þeim fyrir gott samstarf á liðnum árum. Fyrir hönd ÍBV vil ég þakka öllum Eyjamönnum fyrir ómetanlegan stuðning í gleði og í sorg á árinu sem var að líða. Félagið er ekkert án ykkar stuðningsmanna og sjálfboðaliða. Ég held að ÍBV sé ríkasta félagið á landinu en við höfum aðgang að um 200 sjálfboðaliðum ár hvert sem vinna sín verkefni óbeðnir. Verum góð hvert við annað og hlúum vel að félaginu okkar. Vonandi sjáum við sem flest ykkar á völlum félagsins á árinu 2019. Megi árið 2019 verða okkur öllum gott. Áfram ÍBV!

Sendum bæjarbúum bestu nýársóskir

EYJABLIKK

Sendum bæjarbúum bestu nýársóskir

Eyþór Orri Ómarsson, leikmaður ÍBV í knattspyrnu:

Langar að vera goðsögn í íslenskum fótbolta Eyþór Orri Ómarsson er einn af efnilegustu knattspyrnumönnum eyjunnar en hann er einungis 15 ára en samt búinn að leika fimm leiki með meistaraflokki ÍBV. Eyþór er yngsti leikmaðurinn til þess að spila í efstu deild á Íslandi og tókst honum að gefa eina stoðsendingu í lokaleik tímabilsins gegn Grindavík.

góður árangur að komast upp um deild og spiluðum við vel í þeim leikjum sem við unnum.“ Eyþór skoraði 9 mörk með 2. flokki sem framherji en er að spila meira sem varnarmaður með landsliðinu, hann segir að hann vilji frekar spila á miðjunni og taka sem mestan þátt í uppspilinu.

Heiður að vera fyrirliði landsliðsins Eyþór er einnig leikmaður U-15/U-16 ára landsliða Íslands og var hann t.a.m. fyrirliði liðsins gegn Hong Kong þegar þjóðirnar mættust á móti á Íslandi í sumar. Hvernig upplifun var það? „Það er frábær upplifun að spila með landsliðinu og kynnast fullt af skemmtilegu fólki. Það er algjör heiður að fá að vera fyrirliði liðsins sem er með fullt af góðum fótboltamönnum og ég er spenntur fyrir næstu verkefnum með landsliðinu,“ segir Eyþór en þó nokkur verkefni bíða landsliðsins á næstu mánuðum. Íslenska landsliðið spilaði við Sviss í maí en Sviss er ein af efstu þjóðum heimslistans, Svisslendingar eiga marga efnilega leikmenn og mjög öflug yngri landslið. Hvernig var það að spila gegn svo sterkri þjóð? „Það var mikil áskorun að keppa á móti svona sterku liði. Við stóðum samt í þeim mest allan fyrri leikinn og áttum góða sénsa að jafna leikinn í stöðunni 2:1 fyrir þeim. Við misstum þetta síðan niður síðustu mínúturnar. Ég fór síðan meiddur af velli eftir 20 mínútur í seinni leiknum sem við töpuðum líka. Við getum verið stoltir af frammistöðu okkar í þessum leikjum þar sem þetta var mjög sterkt lið og við sýndum að við getum alveg spilað fótbolta gegn svona sterku liði,“ sagði Eyþór en leikirnir töpuðust 1:4 og 1:3. Vil taka þátt í uppspilinu Eyþór spilaði með 2. flokki sem fór upp um deild á árinu en honum fannst liðið spila of marga leiki undir getu. „Við vorum frekar óstöðugir og spiluðum alltof marga leiki undir getu. Það er samt

eigi alveg erindi í Pepsi-deildina þó ég sé bara 15 ára gamall. Það var samt aðallega heiður og forréttindi að fá að vera partur af þessu liði og gaman að vera kominn með reynslu úr Pepsi-deildinni,“ segir Eyþór en heldur hann að spiltíminn verði meiri á næstu leiktíð? „Við erum með sterkan hóp núna og ÍBV er búið að fá til sín góða leikmenn og frábært þjálfarateymi með þeim Pedro og Jeffs og þetta lítur mjög vel út. En ef ég ætla að fá fleiri mínútur næsta sumar þarf ég að vinna mér inn fyrir því og sýna þjálfurunum hvað ég get í fótbolta. Ég með stór markmið fyrir næsta sumar,“ sagði Eyþór en hver eru markmiðin fyrir ferilinn? „Ég ætla mér alla leið. Spila með A-landsliðinu á HM og EM og spila í stærstu deildunum. Mig langar að verða goðsögn í íslenskum fótbolta. Ég hef mikla trú á mér og held að ég muni ná öllum þessum markmiðum ef ég æfi vel og rétt og verð með hausinn í lagi,“ sagði Eyþór en hann hefur mjög háleit markmið. Sindri Snær helsta fyrirmyndin

„Það er stundum skrítið að spila sem framherji einn daginn og svo viku seinna sem varnarmaður. Mér finnst ég vera að tækla þetta vel og standa mig vel í báðum stöðum, ég held að ég eigi að geta spilað allar stöður á vellinum. Mér finnst skemmtilegast að spila framarlega á miðjunni ar sem ég fæ meira frelsi að fara niður að sækja boltann og taka þátt í uppspilinu heldur en sem sóknarmaður.“ Ætlar sér að spila með A-landsliðinu á HM og EM Eyþór lék fjóra leiki í Pepsi-deildinni á tímabilinu og er eins og áður segir yngsti leikmaðurinn í sögunni til að spila í efstu deild. Hann segir að það hafi verið markmiðið. „Ég setti mér markmið fyrir tímabilið að fá að spila í Pepsi-deildinni og skora. Ég náði ekki alveg að skora en var samt mjög nálægt því í tvígang en mér fannst ég standa mig prýðilega og sýna að ég

Eyþór náði að gefa eina stoðsendingu á síðustu leiktíð en lofar ekki að þær verði fleiri næsta sumar, hann lofar þó að gera allt sem hann getur til að hjálpa liðinu. „Ég get ekki lofað því en ég ætla að gera allt sem ég get til þess að hjálpa liðinu að vinna leiki, sama hvort það sem með því að skora, leggja upp eða sinna varnarvinnunni vel. Ég hef trú á því að við munum koma fólki á óvart næsta sumar.“ Að lokum segir Eyþór að hans helsta fyrirmynd sé Sindri Snær Magnússon, fyrirliði ÍBV. „Ég reyni bara að vera ég sjálfur og vil vera góður og jákvæður leiðtogi. Ég hef enga sérstaka fyrirmynd en ef ég þyrfti að velja einn þá væri það Sindri Snær Magnússon sem er alvöru fyrirliði og er leiðtogi innan sem utan vallar, frábær í fótbolta og að sjálfsögðu yfirburða skemmtilegur og fyndinn náungi. Topp náungi,“ sagði Eyþór að lokum en Pepsideildin hefst í maí. 11

Grétar Þór Eyþórsson, leikmaður mfl. karla í handbolta:

ÍBV Íslands-, bikar og deildarmeistarar árið 2018 Ekki bara leikmenn og þjálfarar sem urðu þrefaldir meistarar Árið 2018 var ótrúlegt hjá handknattleiksliði ÍBV í meistaraflokki karla. 20 ár eru síðan að lið frá Vestmannaeyjum átti jafn gott ár en það voru Íslands- og bikarmeistarar í meistaraflokki karla í knattspyrnu árið 1998. Íslands-, bikar- og deildarmeistarar ÍBV árið 2018 áttu magnað tímabil og skemmtu sér og áhorfendum virkilega vel alla leiktíðina. Grétar Þór Eyþórsson, hornamaður liðsins, átti stóran þátt í velgengninni og við munum fara yfir lykilleiki liðsins í ferðalaginu að þrennunni frægu. Útborgað með þremur bikurum Grétar segir að hann gæti leikandi skrifað 70 blaðsíðna ritgerð um tímabilið, en segir það fyrst og fremst hafa verið erfitt. „Þetta var erfitt tímabil, bakvið hvern leik eru margar klukkustundir í vinnu og við spilum um sextíu leiki. Samgöngur voru erfiðar og hver útileikur þýddi tveggja daga vinnutap. Þrír í liðinu eignuðust barn og ekki er það auðvelt hér í Eyjum, þannig að það bætti á álagið. Svo gekk svona upp og ofan fyrir áramót og við vorum ekki á þeim stað sem við vildum vera. Í janúar nýttum við tímann virkilega vel til að undirbúa okkur sem best undir þá geðveiki sem framundan var. Evrópukeppni, deild og bikar, en þegar maður fær útborgað með þremur bikurum að þá er öll vinnan og fjarveran þess virði,“ segir Grétar sem horfir stoltur til baka á tímabilið. Meistaraflokkur karla aldrei tapað í höllinni ÍBV 27:25 Haukar - Laugardalshöll Undanúrslit Coca-Cola bikars karla: Fyrsti titillinn vannst í byrjun mars þar sem sterkt lið Hauka var lagt í undanúrslitum áður en ÍBV vann öruggan sigur á liði Fram í úrslitum í Laugardalshöllinni. Í leiknum gegn Haukum var ÍBV undir nánast allan leikinn og í stöðunni 20:16 sneri liðið leiknum sér í hag með 9:0 kafla þar sem allt gekk upp. Var Grétar aldrei 12

svartsýnn? „Virkilega flottur sigur í kaflaskiptum leik, þessi lið hafa barist mikið undanfarin ár og nær undantekningarlaust vinnum við þegar leikurinn er í járnum síðustu mínúturnar. Við vitum það og þeir vita það líka, svo er það líka staðreynd að meistaraflokkur karla hefur aldrei tapað í höllinni. Maður fann það í þessum leik þegar við fórum í gang og stuðningsmenn okkar orðnir geggjaðir að Haukamenn voru orðnir hræddir. Þegar manni líður þannig þá er maður búinn að ná yfirhöndinni andlega sem vegur þungt í svona leikjum. Var ég svartsýnn? ALDREI! Að fá að spila í Laugardalshöllinni fyrir framan okkar fólk eru forréttindi,“ sagði Grétar en hann gerði fjögur mörk í leiknum. ÍBV 35:27 Fram - Laugardalshöll Úrslitaleikur Coca-Cola bikars karla: Úrslitaleikurinn við Framara var talinn auðveldur fyrir Eyjamenn, ÍBV var með betra lið en hélt Grétar einhverntímann að ÍBV myndi ekki vinna bikarinn í þessum leik? „Það sem við höfum öðlast síðustu ár er reynsla og reynslan kennir okkar að í svona leikjum er yfirleitt lítið sem má útaf bregða. Við vorum vissulega með betra lið en Fram en þeir voru með frábæran markmann og vörn sem við þurftum að leysa. Þjálfararnir gerðu líka vel í að halda spennustiginu réttu og kortleggja andstæðinginn. Við fórum bara í leikinn til að koma bikarnum heim og kláruðum það verkefni vel.“ Stóð tæpt í Safamýri Fram 33:34 ÍBV - Safamýri - 22. umferð Olís-deildar karla: Þetta var ekki í eina skiptið sem Framarar voru lagðir í leik þar sem bikar var undir því deildarmeistaratitillinn vannst gegn Fram seint í mars eftir ótrúlegan leik. Eyjamenn vissu fyrir leik að með sigri myndi liðið hampa bikarnum í leikslok, svo framarlega sem FH-ingar sigruðu sinn leik, sem þeir gerðu. Leikurinn vannst á lokaandartökunum en hvernig leið leikmönnum þegar lítið var eftir og útlitið svart?

„Í raun nær maður ekkert að pæla mikið í því í miðjum leik. Eina hugsunin er að vinna næsta bolta í vörninni og skora svo í næstu sókn. Það er oft auðveldara að vera inná vellinum og geta haft áhrif. Svo fattar maður það eftir leikinn hvað þetta stóð tæpt og hefði það verið glatað í sögulegu samhengi að klúðra því að vinna alla bikarana sama árið í þessum leik,“ sagði Grétar en Agnar Smári Jónsson skoraði sigurmarkið þegar nokkrar sekúndur voru eftir, ÍBV skoraði síðustu þrjú mörk leiksins. Hvernig leið Grétari þegar Agnar skoraði sigurmarkið? „Það er ekkert sem getur stoppað okkur!“ Mótið hófst undanúrslitum

fyrir

alvöru

Þá var komið að úrslitakeppninni sem fram fór í apríl og maí, hún var algjör veisla fyrir alla Eyjamenn. ÍBV 22:18 ÍR og ÍR 26:30 ÍBV - 8-liða úrslit Íslandsmóts karla: Í einvígi ÍBV og ÍR myndaðist eitthvað örlítið hatur á milli liðanna þar sem Bjarni Fritzson, þjálfari ÍR, var harðorður í garð fyrirliða ÍBV, Magnúsar Stefánssonar. ÍBV var í vandræðum með ÍR í fyrri leiknum en í seinni leiknum var aldrei spurning um það hvort liðið myndi vinna. „Ég man í raun ekkert eftir þessari rimmu nema bara lætin í fjölmiðlum. Við vorum bara miklu betri í handbolta og þeir ætluðu að hleypa þessu upp í vitleysu. Við kláruðum þessa leiki af fagmennsku og sigldum inn í undanúrslitin, þar vissum við að mótið myndi hefjast fyrir alvöru.“ Maður reyndi að hitta fjölskylduna annað slagið Í þessu einvígi við Hauka gekk nánast allt upp hjá ÍBV, undir lok leikjanna, er það ekki satt? „Jú og það staðfestir það sem ég sagði um bikarleikinn. Þegar allt er undir og jafnir leikir að þá vinnum við þá yfirleitt.“

ÍBV 24:22 Haukar - Íþróttamiðstöðin Undanúrslit Íslandsmóts karla: Í fyrsta leiknum sneri ÍBV leiknum við á lokamínútunum þar sem Haukar leiddu 18:20 þegar tíu mínútur voru eftir. Á lokakaflanum spilaði ÍBV virkilega vel, sérstaklega varnarlega og segir Grétar að það hafi verið liðsheildinni að þakka. „Liðið í fyrra var fullt af leikmönnum sem voru tilbúnir að taka af skarið en um leið vissi maður að ef maður klikkaði þá stóðu allir við bakið á manni og það er nokkuð ljóst að í þannig umhverfi gera leikmenn færri mistök.“ Haukar 22:25 ÍBV - Ásvellir - Undanúrslit Íslandsmóts karla: Eyjamenn voru sex mörkum undir í hálfleik þegar liðin mættust í leik 2. Liðið náði á einhvern ótrúlegan hátt að snúa því við, hvernig fóru Eyjamenn eiginlega að því? „Þetta var kannski blanda af því að við fórum í gang og Haukamenn hreinlega misstu móðinn og gáfust upp. Við vorum ef til vill þreyttir eftir erfitt ferðalag frá Rúmeníu og vorum seinir í gang. Þegar leikurinn var orðinn jafn var þetta aldrei spurning,“ sagði Grétar en Eyjamenn gjörsamlega keyrðu yfir Haukana í seinni hálfleik og það ætlaði allt um koll að keyra í hvíta endanum á stúkunni á Ásvöllum. ÍBV 27:25 Haukar - Íþróttamiðstöðin Undanúrslit Íslandsmóts karla: ÍBV vann tveggja marka sigur í þriðja leik liðanna og tryggði þar með sæti í úrslitaeinvíginu. Grétar Þór fiskaði tvo ruðninga á stuttum tíma undir lok leiksins sem tryggðu sigurinn. Liðið var þarna búið að vinna fimm fyrstu leiki úrslitakeppninnar, var markmiðið að fara taplausir í gegnum alla keppnina? „Það var aldrei rætt né hugsað út í það.

Við lögðum bara hvern leik upp fyrir sig og reyndum að vinna. Svo var enginn tími til að pæla í þessu þar sem við vorum búnir að vera að spila á tveggja til þriggja daga fresti í þrjá mánuði og vinna fulla vinnu með, sem og að reyna að hitta fjölskylduna annað slagið.“ Keyrðum yfir þá á vellinum og á pöllunum Úrslitaeinvígið við FH var svakalegt, hvert mannsbarn í Eyjum man það eins og það hafi gerst í gær. FH-ingar sigruðu Selfyssinga í oddaleik í undanúrslitum og komu kokhraustir inn í úrslitaeinvígið. ÍBV 32:26 FH - Íþróttamiðstöðin Úrslitaeinvígi Íslandsmóts karla: Eyjamenn keyrðu yfir FH-inga í fyrsta leiknum en þeir svartklæddu sáu aldrei til sólar í Vestmannaeyjum. ÍBV skoraði 21 mark í seinni hálfleik og segir Grétar Þór að stemningin hafi hjálpað liðinu virkilega mikið. „Það segir sig sjálft. Við erum með frábæran stuðning hvort sem það gengur vel eða ekki. Það er ekki sjálfgefið en að sjálfsögðu þegar þarna er komið við sögu er þetta komið á næsta level. Þegar lætin verða mikil og vörnin hjá okkur smellur þá á enginn fræðilegan í ÍBV-liðið.“ FH 28:25 ÍBV - Kaplakriki - Úrslitaeinvígi Íslandsmóts karla: Fyrsta og eina tap ÍBV í úrslitakeppninni kom í leik 2. FH-ingar höfðu yfirhöndina allan tímann, voru Eyjamenn hræddir eftir það? „Þetta var smá bakslag en engin örvænting. Við áttum ekkert von á því að labba yfir frábært lið FH. Beint eftir leik gat maður ekki beðið eftir þeim næsta og fá að leiðrétta þennan misskilning. Þjálfarar og leikmenn héldu ró og fundu lausnir á því sem gekk illa.“

ÍBV 29:22 FH - Íþróttamiðstöðin Úrslitaeinvígi Íslandsmóts karla: Stór sigur Eyjamanna fylgdi í kjölfarið, það var leiðréttingin sem leikmenn ÍBV vildu sýna, var eitthvað að fara að stoppa liðið þá? „Nei, við vorum bara á vegferð og unnum frábæran sigur á heimavelli. Við leyfðum þeim í raun ekkert að vera með í þessum leik og keyrðum bara yfir þá á vellinum og á pöllunum,“ sagði Grétar en eins og vanalega fylgdu mjög fáir stuðningsmenn FH-ingum til Eyja, stundum virðist vera lengra ferðalag að koma til Eyja, heldur en að fara frá Eyjum. FH 20:28 ÍBV - Kaplakriki - Úrslitaeinvígi Íslandsmóts karla: Átta marka sigur Eyjamanna í Kaplakrika tryggði Íslandsmeistaratitilinn, af hverju var þetta svona auðveldur sigur? „Við héldum bara góðu skipulagi og gáfum engin færi á okkur sama hvað þeir reyndu. Þegar þeir voru búnir að átta sig á því að þá var þetta engin spurning,“ sagði Grétar en hann var viss um að liðið myndi lyfta bikarnum eftir leik 4. Grétar þakklátur stuðningsmönnum Grétar segir stuðninginn hafa verið mikilvægan á síðustu leiktíð og vildi fá að segja nokkur orð við stuðningsmenn liðsins. „Þakklæti. Í fyrra voru það ekki bara leikmenn og þjálfarar sem voru þrefaldir meistarar. Það er það fallega við að vera frá Eyjum að samstaðan og stuðningurinn er svo einlægur að það eru allir að róa í sömu átt. Við Eyjamenn getum verið stolt af íþróttalífinu í Vestmannaeyjum.“

Sendum bæjarbúum bestu nýársóskir

SPURT & SVARAÐ Róbert Aron

Hver er uppáhalds jólasveinninn þinn? Hurðaskellir er minn uppáhalds Ertu hræddur við Grýlu og Leppalúða? Var það í gamla daga Hvað er skemmtilegast við jólin? Að vera með vinum og fjölskyldum Með hvaða liði heldur þú í Ensku? Manchester United. Hver er mikilvægasti leikmaður ÍBV? Sindri Snær Magnússon. Heldur þú að Leppalúði sé góður í fótbolta? Nei en ég held að hann sé mjög góður þjálfari.

Clara Hver er uppáhalds jólasveinninn þinn? Stúfur. Ertu hrædd við Grýlu og Leppalúða? Já smá! Hvað er skemmtilegast við jólin? Maturinn, pakkarnir og vera með fjölskyldunni. Með hvaða liði heldur þú í Ensku? Liverpool. Hver er mikilvægasti leikmaður ÍBV? Sísí Lára Heldur þú að Grýla sé góð í fótbolta? Örugglega geggjuð.

Arnór Viðars Hver er uppáhalds jólasveinninn þinn? Hef alltaf verið mikill Kertasníkirs maður Ertu hræddur við Grýlu og Leppalúða? Já ég er mjög hræddur við þau Hvað er skemmtilegast við jólin? Maturinn og pakkarnir Með hvaða liði heldur þú í Ensku? Manchester United Hver er mikilvægasti leikmaður ÍBV? Mikilvægasti leikmaður ÍBV síðustu ár hefur verið Magnús Stefánsson Heldur þú að Leppalúði sé góður í handbolta? Ég held að Leppalúði sé góður í markinu

Harpa Valey Hver er uppáhalds jólasveinninn þinn? Ég myndi segja hann Kertasníkir. Ertu hrædd við Grýlu og Leppalúða? Nei ekkert svakalega. Hvað er skemmtilegast við jólin? Úff svo mikið ég elska allt við jólin, til dæmis maturinn, pakkarnir, vera með fjölskyldunni og vinum og svo snjórinn. Með hvaða liði heldur þú í Ensku? Ég held með Liverpool. Hver er mikilvægasti leikmaður ÍBV? Það eru allir jafnmikilvægir. Heldur þú að Grýla sé góð í handbolta? Hún er sennilega nokkuð seig. 15

Sendum bæjarbúum bestu nýársóskir

Tröllin bíða eftir þrettándanum

Hvað heitið þið? Tröllabarn: Mamma er nú búin að vera eitthvað skrýtin… það er ekki ennþá búið að skíra mig svo ég er bara kallað tröllabarn

óttast mig þar sem ég er bara fastur inni í vagninum mínum og kemst ekki neitt. En eins og ég sagði áðan finnst mér stundum gaman að stríða og gæti verið að bregða sumum, en ekkert meira en það.

Jöllatolli: mamma var í einhverju flippi þegar henni datt það í hug!

Jöllatolli: börnin þurfa ekki að vera hrædd, við erum bara stríðnir.

Hvar eigiði heima?

Er ÍBV besta félag í heimi?

Við eigum heima á Tröllagerði 20 ská á móti Gauja litla og Gauju litlu

Tröllabarn: JÁHÁ!, enda leyfa þau okkur að koma einu sinni á ári að hitta öll börnin og fólkið í Vestmannaeyjum

Hvað finnst ykkur um jólasveinana og Grýlu og Leppalúða?

Jöllatolli: Laaang bestir og næst bestir eru Al Arabi

Jólasveinarnir eru mjög fínir en Grýla og Leppalúði geta verið dálítið erfið inni á milli

Hver er uppáhalds leikmaðurinn ykkar í kk. og kvk. handbolta og fótbolta hjá ÍBV?

Fáið þið jólagjafir frá þeim? Jöllatolli: Þau eru lítið fyrir að gefa okkur gjafir en stundum fáum við litla bíla eða…. Tröllabarn: Reyndar hefur Kertasníkur verið duglegur að gefa mér nýjan fána til að setja á vagninn hjá mér. Hann hefur reynst mér langbest af öllum jólasveinunum

Jöllatolli: Halldór Páll og Grétar Þór sem eru langbestir í sínum liðum og eru mínir uppáhalds hjá strákunum en hjá stelpunum er það Ester og Sísí Lára enda báðar geggjaðar í boltanum Tröllabarn: Gunnar Heiðar var minn uppáhaldsleikmaður áður en hann hætti, í dag held ég það sé Víðir Þorvarðar. Ætli uppáhaldsleikmaðurinn minn í karlaliðinu í handbolta sé ekki línumaðurinn Kári Kristján. Í kvennafótboltanum er Sísi Lára minn uppáhaldsleikmaður og í handboltanum kvennameginn er Arna Sif minn uppáhalds leikmaður

Eru tröllin orðin vegan eftir að Grýla varð vegan í fyrra? Jöllatolli: uppskeran á fjallinu var ekki góð í ár svo Grýla þurfti að byrja borða kjöt en tröllin voru á eitt ekki sátt við þessa tilraun hjá gömlu að vera vegan Tröllabarn: Ég fæ sko ekkert að ráða hvað ég borða þar sem ég er svo lítill ennþá. Mamma segir mér bara að borða hitt og þetta og ég geri það bara.

Hvaða liði haldiði með í ensku?

Hvað er skemmtilegast við þrettándann?

Jöllatolli: Arsenal er langbesta liðið í deildinni og það þýðir ekkert að spurja tröllabarnið að þessu hann skilur þetta ekki ennþá!

Jöllatolli: mér finnst skemmtilegst vera þegar vagninn hristist verður Tröllabarnið snældu vitlaust!

Tröllabarn: Ég held sko með sama liði og Leppalúði og að sjálfsögðu er það Liverpool!

Tröllabarn: Mér finnst skemmtilegast að hitta öll börnin og sjá hvað þau eru orðin þæg eins og ég. Reyndar finnst mér líka stundum gaman að hrekkja þau smá með því að bregða þeim. Hvaða tröll eruð þið hræddastir við? Tröllabarn: Ég er sko ekki hræddur við neitt tröll því ég er alltaf svo þægur. En stundum ef ég er búinn að vera óþekkur get ég verið hræddur

við prestinn. Hann er ekkert mjög sáttur við þegar börn eru að haga sér stundum illa. Jöllatolli: Ég er alltaf hræddur við Þríhöfða hann er svo hávær enda með þrjá hausa og svo getur pabbi verið æstur stundum! Þurfa börnin að passa sig á ykkur á þrettándanum? Tröllabarn: Þau þurfa sko ekkert að

Hvað viljiði segja við börnin að lokum? Tröllabarn: Gleðileg jól og ég hlakka roslaega mikið til að sjá ykkur öll á Þrettándanum eftir jól! Eins gott að flest börnin verða búin að vera stillt og góð eins og ég. Jöllatolli: Það bíða allir hérna rosa spenntir eftir þrettándanum og þetta verður rosa stuð! 17

Í kortaappi Íslandsbanka getur þú stillt heimildina, greiðsludreift færslum, fryst kortið, sótt PIN númer og nýtt þér fríðindakerfi Íslandsbanka. Ánægðustu viðskiptavinir í bankaþjónustu 5 ár í röð.

@islandsbanki

Dreifðu greiðslunum í appinu

440 4000

Stafrænar lausnir Íslandsbanka

islandsbanki.is

Þú finnur kortaapp Íslandsbanka í App Store og Google Play Store

Kertasníki finnst gaman að fá kerti

Hvað heitir þú? Kertasníkir Leppalúðason.

Er það satt að þú nennir ekki að gefa í skóinn? Það er bara haugalygi, ég gef alltaf flottustu gjafirnar enda valinn vinsælasti jólasveinninn ár eftir ár hjá Hús og hýbýli. Hvað heitir fjallið sem þú býrð í? Fjallið okkar heitir því fallega nafni Há. Er Grýla góð mamma? Hún var það sjálfsagt einhverntíman, ekki í dag Er hún aldrei pirruð? Jú, hún er eiginlega bara alltaf pirruð. Gefur hún drengjunum sínum jólagjöf? Já, hún verslar á janúarútsölunum eitthvað handa okkur bræðrum.

Hver er óþægasti jólasveinninn? Stúfur, ekki spurning, en við megum ekki skamma hann því hann er svo lítill.

Er það satt að Grýla og Leppalúði séu orðin vegan? Skilst að þau séu Ketó í dag, alltaf að skipta um kúr.

Hver er sá skemmtilegasti? Kjötkrókur, hann er alltaf með eitthvað gott að borða handa mér.

Hvað er skemmtilegast við þrettándann? Að fá að koma aðeins niður af fjalli og spjalla við krakkana og láta taka af sér myndir og sérstaklega skemmtilegt þegar krakkarnir muna eftir að koma með kerti handa mér.

Ertu nokkuð að kíkja á mömmurnar þegar þú ert á ferðinni? Næsta spurning takk. Hver er besti knattspyrnuþjálfari í heimi? Það er eyjapeyji sem ég gaf oft í

skóinn fyrir mörgum árum og hélt að myndi ekkert rætast úr, Heimir Hallgríms. Heldurðu með ÍBV? Að sjálfsögðu held ég með ÍBV Áttu þeir uppáhaldsleikmenn í fótbolta og handbolta karla og kvenna? Bara leikmenn ÍBV, styð mitt lið. Eitthvað sem þú vilt segja við blessuð börnin að lokum? Bara muna að vera alltaf þæg og góð því að við fylgjumst með, og alltaf að setja kerti út í glugga þegar að Kertasníkir mætir.

Skemmtilegar myndir frá þrettándanum 2018 - Addi í London tók myndirnar -

Ólýsanlegt ævintýri sem fæstir sjá á öðrum stað Jólin taka formlega enda á Þrettándanum. Sem barn, fæddur og uppalinn í Reykjavík man ég ekki til að mikið stúss hafi verið í kringum þessi tímamót, að öðru leyti en því að venju var borðaður góður matur og ef ég man rétt þá voru einhver knöll “sprengd” við borðhaldið. Jú brenna á Melavellinum, annað rekur mig ekki minni til.

var þátttakandi í nokkurn tíma, með í miklum breytingum á skoteldum, framfarir þar. Sennilega fyrir Þrettándagleðina 1977 komumst við í samband við metnaðarfulla stráka hjá Knattspyrnufélaginu Víkingi sem voru meðal annars að flytja inn flugelda. Buðu þeir svokallaðar Tívolíbombur, sem voru stórar kúlur af mörgum sverleikum,

frá Þrettándanum árið 1997, í boði ÍBV íþróttafélags. Strákarnir Kristleifur og Ólafur, barnabörnin, ásamt öðrum halda Tröllasmiðjunni gangandi, engin vindhögg slegin þar.

kúlur með engum prikum, settar í hólka til að skjóta þeim upp. Fengum prufu og eftir það var ekki aftur snúið, Tívolíbombur, það var framtíðin. Þrettándinn var nokkuð kostnaðarsamur fyrir Tý og var fé meðal annars aflað með flugeldasölu. Vestmannaeyjabær kom smátt og smátt meira inn í kostnaðarliðinn með sérstökum styrkjum. Man þegar fundað var með sómamanninum Páli Zóphóníassyni, þáverandi bæjarstjóra, sennilega árið 1976, þar sem honum var gerð grein fyrir auknum kostnaði félagsins og reifaðar voru hugmyndir um að bærinn tæki meiri þátt í kostnaðinum. Páll tók strax vel í hugmyndirnar og varð niðurstaðan veruleg aukning á styrkveitingu sem haldið hefur sér síðan og vel það, að ég best veit.

húsmóðirin í Hrauntúninu upp enn einni matarveislunni, fyrsta holl hefur átið um klukkan hálf sex, en það eru þeir sem tilheyra Tröllasmiðjunni og slæðast oft margir samverkamenn með þar, síðan koll af kolli. Eftir borðhald er svo fylgst með flugeldasýningunni á Hánni, í fjarska, síðan koma sveinkarnir framhjá eldhúsglugganum í göngu sinni frá Hraunbúðum og skella sér allir, sem eftir eru, í gönguna með sveinkunum og fylgdarliði. Þar erum við komin í aldeilis undraheim, Grýla, Leppi og allt hyskið á feiknar mikilli kerru allir á leiðinni upp í Löngulág, með fjölmarga bæjarbúa á eftir sér. Þar er ólýsanlegt ævintýri sem fæstir sjá á öðrum stað. Já mikil eru umskiptin á upplífun á Þrettándanum frá barnsaldri í Reykjavík til annars konar “barnsaldurs” í Eyjum.

Það er óhjákvæmilegt annað en að maður fylgist vel með, þrátt fyrir að vera hættur allri virkri þátttöku, fjölskyldan meira og minna á kafi í undirbúningnum og framkvæmdinni, nú seinni ár, eða

Takk fyrir að fá að vera samferða í þessu mikla ævintýri í gegnum tíðina.

Þrettándinn er alltaf í hávegum hafður hjá fjölskyldunni og til að gera alla klára fyrir herlegheitin slær

Eftir kynni mín af eiginkonunni, Eyjastelpunni, fór nú heldur betur að bera meira á tilstandinu í kringum Þrettándann, í lífi undirritaðs. Ekki nóg með að heyra allar ævintýrasögurnar um þennan sérstaka viðburð Eyjamanna í boði Knattspyrnufélagsins Týs, heldur að fá að taka virkan þátt í ævintýrinu eftir flutning fjölskyldunnar til Eyja haustið 1969. Uppgötvaði ég þá hversu innvikluð fjölskyldan var, með Sandfellingana allt í öllu í undirbúningnum og framkvæmdinni. Tröllasmiðjan með aðal bækistöðvar í Veiðafæragerðinni hjá Gauja Manga, Grími Þórðar og Kidda Manga, tengdaföður mínum sem var látinn þegar ég flutti til Eyja. Fljótlega eftir flutninginn fór maður að taka virkan þátt, bæði við Þrettándann og stjórnarstörfum í Tý. Tók við formennsku þar árið 1975 og gegndi því í þrjú ár. Fljótlega eftir komuna til Eyja var maður kominn í Jólasveinaliðið sem þótti þá sem nú, mikil virðingarstaða í gleðinni, blysberarnir sjálfir. Færri komust að en vildu og eru dæmi um að menn hafi fórnað sannfæringu sinni til að halda stöðunni , en ekki meira um það. Seinna varð ég að láta blysberastöðuna af hendi vegna aumingjaskapar í baki, ítrekað var gerð tilraun til að halda áfram en verkirnir urðu skynseminni yfirsterkari. Fór yfir í Skotliðið og

Guðmundur Þorlákur Bjarni Ólafsson, eldri borgara Eyjamaður. 21

Eftirtaldir aðilar senda bæjarbúum bestu nýársóskir

Bílaverkstæði

Harðar&Matta

ögmannsstofa Vestmannaeyja

Bergur ehf.

Hátíð álfa, trölla og jólasveina

DAGSKRÁ 3.-6. JANÚAR 2019 FIMMTUDAGUR 3. JANÚAR

Kl. 17 Einarsstofa Myndlistarsýning Árna Más, „Færri öldur, fleiri aldir“. Kl. 21 Eyjakvöld á Kaffi Kró, Eyjakvöld Eyjakvöld með Blítt og létt og allir syngja með!

FÖSTUDAGUR 4. JANÚAR

Kl. 14:00 -16.00 Diskógrímuball Eyverja, Höllin Jólasveinninn mætir. Verðlaun verða veitt fyrir búninga og öll börn fá nammipoka frá jólasveininum. Kl. 19:00 Hin eina sanna Þrettándagleði ÍBV og Íslandsbanka Flugeldasýning, blysför, álfabrenna, jólasveinar, tröll, tónlist og margt fleira. Gangan hefst við Hánna og gengið verður upp Illugagötu, niður

Höfðaveg og að malarvellinum þar sem hinar ýmsu kynjaverur heilsa upp á gesti. Kl. 00:00 Höllin, dansleikur Þrettándadansleikur með hljómsveitinni Buff. Forsala í Tvistinum.

LAUGARDAGUR 5. JANÚAR

Kl. 12.00 - 15.00 Tröllagleði í Íþróttamiðstöð Vestmannaeyja Fjölskyldan getur komið saman og leikið sér í íþróttasölum undir stjórn Sísíar Láru, landsliðskonu í fótbolta. Endilega mæta sem flest. Kl.12:00-16:00 Langur laugardagur í verslunum Trölla tilboð og álfa afslættir í gangi hjá verslunum!

Kl.13:00 - 16:00 Jólaratleikur Sagnheima, Goggi lundi varð eftir hér í Eyjum þegar foreldrar hans flugu í burtu í haust. Jólakötturinn bauð honum að vera með honum í vetur á fjöllum hjá Grýlu og jólasveinunum og verða nokkurs konar jólalundi. Goggi treystir ekki alveg jólakisa en biður vaska krakka að hjálpa sér að finna hluti á safninu sem gætu gagnast honum í vetur. Frítt fyrir fullorðna í fylgd með börnum! Allir velkomnir!

SUNNUDAGUR 6. JANÚAR

Kl. 13.00 Helgistund í Stafkirkjunni

Sr. Guðmundur Örn Jónsson fer með hugvekju.

Hefðbundinn opnunartími á söfnum bæjarins!