Wasela iwayini, wanxila; wazihluba phakathi kwentente yakhe. Wavuka uNowa ewayinini yakhe, wakwazi akwenzileyo unyana wakhe omnci kuye. Genesis 9:21, 24 Wenyuka uLote ephuma eTsohare, wahlala entabeni, eneentombi zakhe zombini, ndawonye naye; kuba ebesoyika ukuhlala eTsohare; wahlala emqolombeni, yena neentombi zakhe zombini. Yathi eyamazibulo kwencinane, Ubawo waluphele, akukho ndoda ezweni apha yokusingenela ngokwesiko lehlabathi lonke; yiza, simseze ubawo iwayini, silale naye. ukuze sigcine imbewu kubawo. Zamseza ke uyise iwayini ngobo busuku; yangena eyamazibulo, yalala noyise; akayazanga yena ukulala kwayo nokuvuka kwayo. Kwathi ngengomso, yathi eyamazibulo kwencinane, Yabona, ndilele nobawo phezolo; masimseze iwayini nangobu busuku; ngena, ulale naye, sigcine imbewu kubawo. Zamseza ke uyise iwayini nangobo busuku, yasuka, encinane yalala naye; akayazanga yena ukulala kwayo nokuvuka kwayo. Genesis 19:30-35 Wathetha uYehova kuAron, esithi, Musa ukusela wayini nasiselo sinxilisayo, wena noonyana bakho ndawonye nawe, ekungeneni kwenu ententeni yokuhlangana, ukuze ningafi: ngummiselo ongunaphakade ezizukulwaneni zenu. ukuze niyahlule phakathi kwengcwele kokungangcwele, phakathi kwenqambi nokuhlambulukileyo; nokuze bayalwe oonyana bakaSirayeli ngemimiselo yonke awayithethayo uYehova kubo ngoMoses. Levitikus 10:8-11 Wathetha uYehova kuMoses, esithi, Thetha koonyana bakaSirayeli, uthi kubo, Xa ithe indoda nokuba yinkazana, ithe yazahlula, yabhambathisa isibhambathiso sozahluleyo, yokuzahlulela kuYehova, wozahlula ewayinini. nesiselo esinxilisayo, angaseli viniga yawayini, naviniga yasiselo sinxilisayo, angaseli nadiliya, angaseli zidiliya zimanzi, nadiliya zomileyo. yonke imihla yokuzahlula kwakhe aze angadli nto yenziweyo ngomdiliya, ethabathela ezinkozweni ese exolweni. Numeri 6:1-4 Wathi kum, Uyabona, uya kumitha, uzale unyana; Ke ngoko uze ungaseli wayini nasiselo sinxilisayo, ungadli nanye into eyinqambi; ngokuba le nkwenkwe iya kuba ngumahlulwa kaThixo, kwasesizalweni, kude kube ngumhla wokufa kwayo. ABagwebi 13:7 Kwathi, ekuthandazeni kwakhe uzungu phambi koYehova, uEli wawugqala umlomo wakhe. Ke yena uHana wayethethela entliziyweni yakhe; Bebebezela imilebe yomlomo wakhe yodwa, ilizwi lakhe lingavakali; uEli waba uyanxila. Wathi uEli kuye, Koda kube nini na unxila? yigqithise iwayini yakho kuwe. Waphendula uHana, wathi, Hayi, nkosi yam, ndingumfazi omoya unobunzima, andiselanga wayini nasiselo sinxilisayo; ndiphalaza umphefumlo wam phambi koYehova. 1 Samuweli 1:12-15 Waya ke uAbhigali kuNabhali; nanko enesidlo endlwini yakhe, njengesidlo sokumkani; intliziyo kaNabhali yayichwayitile, enxile kunene. Akamxelela nto, nokuba yencinane, nokuba yenkulu, kwada kwasa. Kwathi ngengomso, ukuphuma kwewayini kuNabhali, umkakhe wamxelela loo mazwi, yafa intliziyo yakhe phakathi kwakhe, yaba lilitye. Kwathi, zakuba seshumini iintsuku, uYehova wambetha uNabhali, wafa. 1 Samuweli 25:36-38
UAbhisalom wawawisela umthetho amadodana akwakhe, wathi, Khanikhangele, xa ithe intliziyo ka-Amnon yamnandi yiwayini, ndaza ndathi kuni, Mbetheni uAmnon, nombulala. Musani ukoyika; aniwiselwe ndim na umthetho? yomelela, ube nesibindi. 2 Samuweli 13:28 Uyivuyisile intliziyo yam, Ngaphezu kwexesha lokwanda kwengqolowa yabo, newayini yabo entsha. Ndiya kulala phantsi, ndilale ubuthongo kwangoku, ndixolile, Ngokuba wena, Yehova, undihlalisa ndikholosile, noko ndindedwa. INdumiso 4:7-8 Musa ukungena emendweni wabangendawo, Ungahambi ngendlela yabanobubi. Yicezele, musa ukugqitha kuyo; Yicezele, ugqithe. Kuba abalali, ukuba abathanga benze ububi; 30 ade abiwe bubuthongo, ukuba abathanga bakhubekise abanye. Kuba badla isonka sokungendawo, Basele iwayini yogonyamelo. IMizekeliso 4:14-17 Ingumgxeki iwayini, singumxokozeli isiselo esinxilisayo; IMizekeliso 20:1 Othanda imigcobo uba yindoda esweleyo; Othanda iwayini neoli akabi sisityebi. IMizekeliso 21:17 Ungokabani na uYeha? Ngubani na umvandedwa? Ngubani na onosukuzwano? Ngubani na ophololozayo? Anabani na amanxeba ngelize? Ngubani na onamehlo anozizi? Abalibalanga ewayinini; abahamba befuna iwayini ephithikeziweyo. Musa ukuyikhangela iwayini, xa izenza ingqombela, Xa ibengezelayo endebeni, Xa ihla kamnandi; Ukuphela kwayo iluma njengenyoka, Iluma njengerhamba. Amehlo akho aya kubona izinto zasemzini, Intliziyo yakho ithethe impenduka; Ewe, uya kuba njengolele esazulwini solwandle, nanjengolele encotsheni yemasti. Úthi, Bandibetha, andeva ntlungu; Bandibetha, andaziva; ndovuka nini na? ndisaya kubuya ndiyifune. IMizekeliso 23:29-35 Asiyindawo yookumkani, Lemuweli, asiyindawo yookumkani ukusela iwayini; nesiselo esinxilisayo asenzelwa abathetheli; Hleze basele, bawulibale umyalelo, balijike ityala labo bonke abaziintsizana. Isiselo esinxilisayo sinikeni abatshabalalayo, Newayini yinikeni abantliziyo izityumkileyo; Makasele, abulibale ubuhlwempu bakhe, Angabi sabukhumbula ububi bakhe. IMizekeliso 31:4-7 Yeha, abavuka kusasa, besukela isiselo esinxilisayo; balale kude kube sebusuku, ide ibatshise iwayini. Uhadi, nohadi, nengqongqo, nempempe, newayini, zisesodlweni sabo; ke wona umsebenzi kaYehova abawubeki, nezenzo zezandla zakhe abawuboni. Isaya 5:11-12 Yeha, abathi okubi kulungile, okulungileyo kubi; abamisa ubumnyama endaweni yokukhanya, ukukhanya endaweni yobumnyama; abamisa ubukrakra endaweni yobumnandi, ubumnandi endaweni yobukrakra. Yeha, abalumkileyo kwawabo amehlo, abanengqondo kokwabo ukubona! Yeha ke abo bangamagorha ekuseleni iwayini, namadoda anamandla okuxuba isiselo esinxilisayo; abagwebela ongendawo ngenxa yomvuzo, bahluthe ubulungisa belungisa kuye! Isaya 5:20-23
Yeha ke, isithsaba sekratshi samanxila akwaEfrayim, nentyantyambo ebunayo yamakhazikhazi esihombo sakhe, esemantloko omfula ochumayo wababuleweyo yiwayini! Kwanaba ke bayotywe yiwayini, bayahexa sisiselo esinxilisayo; umbingeleli nomprofeti bayotywe sisiselo esinxilisayo, baginywe yiwayini, bayahexa sisiselo esinxilisayo; bayalahleka ngemibono, bayagexa ekugwebeni. Isaya 28:1, 7 Agciniwe amazwi kaYonadabhi, unyana kaRekabhi, awabawisela oonyana bakhe ukuba bangaseli wayini; abaseli unanamhla, bawuphulaphula ke umthetho kayise. Ke mna ndithethe kuni, ndithetha, ndivuka kusasa; Aniphulaphulanga kum. Yeremiya 35:14 Makangaseli wayini wonke umbingeleli ekungeneni kwakhe entendelezweni ephakathi. Hezekile 44:21 Ke uDaniyeli wayegqibe entliziyweni yakhe, ukuba angazingcolisi ngokudla kokumkani nangewayini ayiselayo; wacela ke kumthetheli-mathenwa ukuba angazingcolisi. Daniyeli 1:8 Ngokuba baya kudla, bangahluthi; bayahenyuza, bangabandi; ngokuba bekuyekile ukumthobela uYehova. Uhenyuzo, newayini, newayini entsha, ziwexula intliziyo. Hoseya 4:10-11 Sathi ke isithunywa eso kuye, Musa ukoyika, Zekariya, kuba umthandazo wakho uviwe; wothi ke umfazi wakho uElizabhete akuzalele unyana, umthiye igama elinguYohane. Kwaye uya kuba nemihlali nemivuyo; bathi nabaninzi bakuvuyele ukuzalwa kwakhe. Kuba uya kuba mkhulu emehlweni eNkosi, angakhe asele wayini nasiselo sinxilisayo; uya kuzaliswa nguMoya oyiNgcwele kwasekuzalweni kwakhe. Nento eninzi ke yoonyana bakaSirayeli uya kuyibuyisela eNkosini uThixo wabo. Luka 1:13-16 Khangelani ngoko, ukuba ningathini na, ukuze kucokiseke ukuhamba kwenu; ningabi njengabaswele ubulumko, yibani njengezilumko; nizongela ixesha eli, ngokuba le mihla ayindawo. Ngoko musani ukuba ziintsweli-kuqonda; yibani ngabakuqondayo into okuyiyo ukuthanda kweNkosi. Kanjalo musani ukunxila yiwayini, ekukhoyo kuloo nto ukuzibhubhisa; kodwa nizaliswe nguMoya; nithetha omnye nomnye ngeendumiso, neengoma, nezango ezizezomoya, nivuma, nibetha uhadi entliziyweni yenu kuyo iNkosi; nimana nibulela ngenxa yeento zonke, egameni leNkosi yethu uYesu Kristu, kuye uThixo uYise; nilulamelana ngokoyika uThixo. Efese 5:15-21 Lithembekile ilizwi eli lithi, Ukuba ubani ungxamele ubuveleli, unqwenela umsebenzi omhle. Umveleli ngoko umelwe kukuthi abe ngongenakukhalazelwa, eyindoda yamfazi mnye, eyingcathu, enesidima, ezibekile, ebuka iindwendwe, enokufundisa; Àkangenelwa yiwayini, engengomntu unxanelayo inzuzo embi; Uzeke kade umsindo, angabi ngolwa, angabi ngabawa; eyongamele kakuhle eyakhe indlu, abantwana bakhe bemthobele, benokundileka konke. (Kuba umntu, ukuba akakwazi ukuyongamela eyakhe indlu, angathini na ukuphatha ibandla likaThixo?) angabi ngosandula ukuguquka, hleze
aqhayiselwe, awele ekugwetyweni nguMtyholi. Ke umelwe kukuthi abe nobungqina obuhle obuvela kwabangaphandle; hleze awele engcikivweni nasesibatheni soMtyholi. Kwangokunjalo abalungiseleli bamelwe kukuba nokundileka, bangabi ntlolela yombini, bangazinikeli kwiwayini eninzi, bangangxameli nzuzo imbi; mababe nemfihlo yokholo esazeleni esihlambulukileyo. Nabo aba ke mabacikidwe kuqala; mabandule ke benze umsebenzi wobudikoni, bengenakusoleka. Kwangokunjalo abafazi mababe nokundileka, bangabi ngabahlebi; mababe ziingcathu, bathembeke ezintweni zonke. Abalungiseleli mababe ngamadoda abafazi ngabanye, besongamela kakuhle abantwana nezindlu ezizezabo. Kuba abo balungiselela kakuhle bazizuzela isimo esihle, nokungafihlisi okukhulu ekukholweni okukuKristu Yesu. eyoku-1 kuTimoti 3:1-13 Kuba umveleli umelwe kukuba ngongenakumangaleleka, njengegosa likaThixo; ungengokuzithandela, ungákhawuleza ukucaphuka, ungeseliwayini; Umelwe kukuthi abe ngobuka iindwendwe, umthandi wokulungileyo, onesidima, olilungisa, ongcwele, ozingcayo; ebambelele ezwini elithembekileyo ngokwemfundiso, ukuze abe nako ukuvuselela ngayo imfundiso ephilileyo, nokubohlwaya badane abaphikayo. kuTito 1:7-9 Ke wena, thetha izinto eziyifaneleyo imfundiso ephilileyo; Kwangokunjalo abafazi abakhulu mababe nesimilo esibafaneleyo, bangabi ngabatyholi; bangazilahleli kwiwayini eninzi; ukuze bafundise abafazana ukuba babe nesidima, bawathande amadoda abo, bathande abantwana babo, babe nesidima, babe nyulu, bahlale ezindlwini zabo, babe nokulunga, bawathobele awabo amadoda, ukuze ilizwi likaThixo linganyeliswa. Kwangokunjalo amadoda amatsha wayale ukuba abe nesidima. kuTito 2:1-6 Wathi ke kubo, Sixeleleni ingqondo yenu kuzo izibhalo. Waqala ke owokuqala owathetha ngamandla ewayini; Wathi, Hayi, ukuba ncakasana kwewayini! Ibalahlekisisa bonke abantu abaselayo; ibenza banye intliziyo yokumkani noweenkedama; yekhoboka neyokhululekileyo, yehlwempu neyesityebi; neengcinga zonke uzijika zibe yimihlali nolonwabo, kangangokuba akakhumbuli nosizi natyala; ukumkani nerhuluneli; kwaye lithetha izinto zonke ngeetalente; bathi, xa besezindebeni zabo, balulibale uthando lwabo kubahlobo nabazalwana, kuthi emva kancinane barhole amakrele; kwenziwe. Owu madoda, ayinamandla na iwayini enyanzelisa ukwenjenjalo? Wahlala wathi tu. 1 Esdras 3:17-24 Iwayini ingendawo, ukumkani ungendawo, abafazi bakhohlakele, bonke oonyana babantu bangendawo, zinjalo ke izenzo zabo ezingendawo; akukho nyaniso kubo; Batshabalala ebugwenxeni babo. 1 Esdras 4:37 Uze ungayenzi loo nto nakubani na uthiyileyo; musa ukusela wayini ukuze unxile, nobunxila mabungakuhambi nawe endleleni. Tobit 4:15 Musa ukuhlala nomkamntu, ungahlali ewolweni naye, ungasidleli ewayinini imali yakho; Hleze ithekelele kuyo
intliziyo yakho, Uwele esihogweni ngomnqweno wakho. INtshumayeli 9:9 Iwayini nenkazana yoyikisa indoda enengqondo; Onamathela kumahenyukazi uya kugezisa. INtshumayeli 19:2 Musa ukububonisa ubugorha bakho ngewayini; ngokuba iwayini itshabalalise abaninzi. Iziko licikida intshinga ngokutshixiza; Ibubomi iwayini kumntu osele enxilile; woba bunjani na ke ubomi kumntu ongenawayini? ngokuba lenzelwe ukuba livuyise abantu. Isiselo esinxilisayo sewayini, ngexesha elililo, izisa uvuyo lwentliziyo, nokuchwayitha kwentliziyo; Inxila landisa ingqumbo yesimathane, side sikhubeke; Musa ukumkhalimela ummelwane wakho ngenxa yewayini, ungamdeli ekuvuyeni kwakhe; INtshumayeli 31:25-31 Iwayini nengoma zivuyisa intliziyo; Ke ukuthanda ubulumko kuphezu kwazo zombini. INtshumayeli 40:20 Wasala uLote neentombi zakhe zombini emqolombeni, bamseza uyise iwayini, balala naye; ngokuba babesithi, akukho bani emhlabeni unako ukuvelisa imbewu kubo; ngokuba bebesithi umhlaba uphela wonakele. Yashere 19:57 Amnika iwayini, wasela, wanxila, abeka phambi kwakhe intombi entle, wenza kuyo njengoko athanda ngako, kuba yena ubengayazi into ayenzayo, njengoko ebesele kakhulu iwayini. Benjenjalo ke oonyana bakaMowabhi kumaSirayeli kuloo ndawo, entilini yeShitim; wavutha umsindo kaYehova kumaSirayeli ngenxa yale nto, wathumela phakathi kwabo indyikitya yokufa, kwafa koonyana bakaSirayeli amashumi amabini. amadoda angamawaka amane. IYashere 85:60-61 Xa ke ngoko umthandazo womntu ukhatshwa lusizi, awusayi kuzivumela izicelo zakhe ukuba zinyukele esibingelelweni sikaThixo enyulu. Kuba njengokuba iwayini ixutywe neviniga, ayinancasa yayo ngenxa engaphambili; ngoko ke usizi luxubene noMoya oyiNgcwele, aluvumeli ukuba umthandazo womntu ufane nokuba ubuya kuba ngenye indlela. Incwadi yesiBini yeHermas 10:22 Andiselanga wayini nasiselo sinxilisayo, nenyama ayingenanga emlonyeni wam, andidlanga sonka sinencasa; ndasenzela isijwili isono sam, kuba sibe sikhulu esinganganga kwaSirayeli. ITestamente kaRubhen 1:10 Ndithe ndakumbona egalela iwayini, ngenxa yokunxila, ndaqhatheka, ndamthabatha nangona ubawo wayengacebisanga. Ngenxa yoko, wayenxile yiwayini, andamazi; + yaye ubuhle bakhe bandilukuhla ngokwendlela yokuhomba kwakhe. ITestamente kaYuda 2:18,24 Wamhombisa ngegolide neeperile, waza wasithululela iwayini emthendelekweni kunye neenzwakazi zabafazi. Kwaye iwayini yawajika amehlo am, kwaye ulonwabo lwayimfamekisa intliziyo yam. ITestamente kaYuda 3:6-7
Kwaye ngoku, bantwana bam, ndithi kuni, musani ukunxila yiwayini; kuba iwayini iyayisusa ingqondo kwinyaniso, kwaye ivuselela inkanuko yenkanuko, kwaye ikhokelela amehlo kwimpazamo. Kuba umoya wobuhenyu unewayini ukuba uvuyise intliziyo; kuba kwanabo bobabini bayisusa ingqiqo yomntu. Kuba umntu, ukuba uthe wasela iwayini ekunxileni, koyixaka ingqondo yakhe ngeengcinga ezingcolileyo ezikhokelela kuhenyuzo; ke ukuba umnqweno ukho, usebenza isono, angabi nazintloni. Injalo indoda enxilayo, bantwana bam; kuba lowo unxilayo akahloneli mntu. Ngokuba, yabona, indenze ndalahleka, andibanga nazintloni ngenxa yengxokolo yomzi, endathi gu bucala phambi kwamehlo abo bonke bemka, ndaya kuTamare, ndenza isono esikhulu, ndasityhila isitheliso somqwebo; ihlazo loonyana bam. Emva kokuba ndisele iwayini andizange ndiwuhlonele umthetho kaThixo, yaye ndathabatha umfazi waseKanana ukuba abe ngumfazi. Ngokuba indoda esela iwayini ifuneka kakhulu, bantwana bam; Nantsi ke ubulumko ekuseleni iwayini, umntu asele ngalo lonke ixesha lokudla kwakhe ubomi. Ke ukuba uthe wemka ngaphaya komda, umoya wobuqhetseba uya kuyifikela intliziyo yakhe, ulenze inxila ukuba lithethe izinto ezingcolileyo, litshise, lingabi nazintloni; Lowo uhenyuzayo akakwazi xa esiva ubunzima, kwaye akanazintloni xa ehlaziswa. Kuba, nangona umntu engukumkani waza wenza umbulo, uya kuhluthwa ubukumkani bakhe ngokuba likhoboka lohenyuzo, njengoko nam ndabandezelekayo. Kuba ndamnika intonga yam, umsimelelo wesizwe sakowethu; nombhinqo wam, oko kukuthi, amandla am; nesithsaba sam, oko kukuthi, ubuqaqawuli bobukumkani bam. Ndazohlwaya okunene kwezo zinto; andiyidli iwayini nenyama, kude kube bubudala bam, andikhange ndilubone luvuyo. Saza sandibonisa isithunywa sikaThixo, ukuba abafazi balawula ukumkani kwanamahlwempu kude kuse ephakadeni. Babuhlutha kukumkani uzuko lwakhe, negorha lobugorha bakhe, kwanaleyo incinanana yodwa, eyincina yobuhlwempu bakhe. Ngoko ke, bantwana bam, gqaleni umlinganiselo wewayini; kuba kukho kuyo imimoya engendawo ezine: inkanuko, ukutshiseka, uburheletyo, uburheletyo. Ukuba nithe nayisela iwayini nivuya, sukani nithozamile, nisoyika uThixo; Kuba xa ukoyika uThixo kungasekhoyo eluvuyweni lwenu, kusuke kusuke ukunxila, kungene ukungcola; imiyalelo kaThixo, kwaye niya kutshabalala phambi kwexesha lenu. Ngaphezu koko, iwayini ityhila iimfihlelo zikaThixo nabantu, kwananjengokuba nam ndatyhila imiyalelo kaThixo neemfihlelo zikaYakobi ubawo kumfazi womKanan uBhatsheshuwa, uThixo awathi mandingazityhili. Kwaye iwayini ingunobangela wemfazwe nesiphithiphithi. ITestamente kaYuda 3:10-29 Andiselanga wayini, ukuze ITestamente kaIsakare 2:7
ndilahlekiswe
yiyo;