Anail a thug Dia Gach nì anns a bheil anail, moladh an Tighearna. Molaibh an Tighearna. Salm 150:6
Pentateuch Agus chruthaich an Tighearna Dia an duine de dhuslach na talmhainn, agus shèid e na shròinean anail na beatha; agus dh’fhàs an duine na anam beò. Genesis 2:7 Agus, feuch, mise, eadhon mise, bheir mi tuil uisgeachan air an talamh, a sgrios gach feòla, anns a bheil anail na beatha, o bhith fo nèamh; agus gheibh gach nì a tha air an talamh bàs. Genesis 6:17 Agus chaidh iad a stigh a dh’ionnsaigh Nòah don àirc, dithis is dithis, de gach uile fheòil anns a bheil anail na beatha. Genesis 7:15 Gach nì aig an robh anail na beatha anns na cuinneanan, de na h-uile a bha anns an talamh tioram, bhàsaich iad. Genesis 7:22 Ach de bhailtean nan daoine seo, a bheir an Tighearna do Dhia dhut mar oighreachd, cha ghlèidh thu beò nì sam bith anns a bheil anail: Deuteronomi 20:16
Eachdraidh Mar sin bhuail Iosua uile dhùthaich nam beann, agus na h-àirde deas, agus a’ ghlinne, agus nan tobar, agus an rìghrean uile: cha d’fhàg e aon neach beò, ach sgrios e gu tur gach neach a thug anail, mar a dh’àithn an Tighearna Dia Israeil. Iosua 10:40 Agus bhuail iad na h-anama uile a bha ann le faobhar a’ chlaidheimh, gan sgrios gu tur: cha robh neach air fhàgail ri anail a tharraing: agus loisg e Hasor le teine. Agus uile chreach nam bailtean sin, agus an sprèidh, ghabh clann Israeil mar chreach dhaibh fhèin: ach bhuail iad gach duine le faobhar a’ chlaidheimh, gus an do sgrios iad iad, agus cha d’fhàg iad neach air bith ri anail a tharraing. Iosua 11:11,14 Agus nochd canalan na mara, nochdadh bunaitean an t-saoghail, le achmhasan an Tighearna, le sèideadh anail a shròinean. 2 Samuel 22:16 Agus nuair a rìghich e, bhuail e taigh Ierobòaim uile; cha d’fhàg e neach sam bith aig Ierobòam anns an robh anail, gus an do sgrios e e, a rèir facal an Tighearna, a labhair e le làimh a sheirbhisich Ahiah an Silonach: 1 Rìghrean 15:29 Agus an dèidh nan nithean seo, thuit mac na mnà, bean-taighe, tinn; agus bha a thinneas cho dona, is nach d’fhàgadh anail ann. 1 Rìghrean 17:17