O Le Faataoto i le Tagata Lulu Saito Mataio 13:1-23 1 O le aso lava lea na alu atu ai Iesu nai le fale, ma nofo i tafatafa o le sami. 2 ‘Ua fa‘apotopoto mai ‘iā te ia le motu o tagata e to‘atele, o lea na maliu a‘e ai o ia i le va‘a, ‘ua nofo ai; a o le motu o tagata uma ‘ua tutu i le ‘auvai. 3 Ona fetalai atu lea o ia ia te i latou i mea e tele i faataoto, ua faapea atu, Faauta, ua alu atu le tagata lulu saito e lulu saito; 4 A o lūlū lana saito, ua paʻū nisi fatu i le auala, ona ō mai lea o manu felelei ma ʻai ai. 5. ‘Ua pa‘ū nisi i mea papa, e itiiti le ‘ele‘ele sa i ai; ‘ona vave tupu a‘e ai lea, auā e itiiti le ‘ele‘ele sa i ai. 6 ‘Ua oso a‘e le la, ‘ona vela lea; ‘ona mago ai lea, auā ‘ua leai ni o latou a‘a. 7. ‘Ua pa‘ū fo‘i isi i le vao tuitui; ‘ona tutupu a‘e lea o le vao tuitui, ‘ua fetina‘iina ai. 8A ua pa'ū isi i le eleele lelei, ona fua mai ai lea, e ta'iselau nisi, e ta'ionogafulu nisi, ma e ta'itolugafulu nisi. 9 O lē ua i ai taliga e faʻalogo ai, ia faʻalogo mai o ia. 10 Ona o mai ai lea o ona soo, ua faapea mai ia te ia, Se a le mea ua e fetalai atu ai ia te i latou i faataoto? 11 Ua tali atu o ia, ua faapea atu ia te i latou, Auā ua foaiina atu ia te outou ia iloa mea lilo o le malo o le lagi, a e lei foaiina atu ia te i latou. 12 Auā o lē ua i ai mea, e foa‘iina atu ‘iā te ia, e atili ai ‘ona tele o ana mea; a o lē ua leai ni ana mea, e ‘ave‘eseina ‘iā te ia le mea ‘ua ‘iā te ia. 13 O le mea lea ou te tautala atu ai iā i latou i talafaatusa: auā latou te vaai ae latou te lē vaai, ma faalogo ae latou te lē faalogo, ma latou te lē malamalama foʻi. 14 Ua taunuu ai iā te i latou le valoaga a Isaia, o lē ua faapea mai, ‘Tou te faalogo lava, ae tou te lē malamalama; tou te vaavaai foʻi, ae tou te lē iloa.’ 15 Auā ua maaa loto o lenei nu‘u, ua faigata fo‘i ona fa‘alogo o latou taliga, ‘ua pupuni fo‘i o latou mata; ne‘i latou va‘ai i o latou mata, ma fa‘alogo i o latou taliga, ma malamalama i o latou loto, ma liliu mai, ma ‘ou fa‘amālōlōina i latou. 16 A e manuia o outou mata, auā e vaai; ma o outou taliga, auā e faalogo. 17 Auā e moni, ou te fai atu iā te outou, e toʻatele perofeta ma tagata amiotonu na mananaʻo e vaai i mea ua outou vaʻaia, ae latou te leʻi vaʻaia, ma faʻalogo i mea ua outou faʻalogo i ai, ae latou te leʻi faʻalogo i ai. 18 O lea ia outou faalogo mai i le faataoto i le tagata lulu saito. 19 A fa‘alogo se tasi i le afioga o le mālō, ‘ae lē lagona, ‘ona sau ai lea o lē ‘ua leaga, ‘ua fao ‘ese le mea na lūlūina i lona loto; o le tagata lea na lūlūina i le auala.
1