Tarpuqmanta rikch'anachiy Mateo 13:1-23 1 Chay p'unchaymi Jesusqa wasimanta lloqsispa lamar qocha patapi tiyaykurqan. 2 Askha runakunataq payman huñunakurqanku, chaymi payqa barcoman haykuspa tiyaykurqan. Hinan llapa runakuna qocha patapi sayasharqanku. 3 Hinaqtinmi Jesusqa imaymanata paykunaman rikch'anachiy simikunawan rimaspa niran: — Qhawariychis, huk tarpuqmi tarpuq lloqsimurqan. 4 Tarpushaqtintaq ñan patapi wakin muhukuna urmaykurqan, hinan pisqukuna hamuspa mikhurqanku. 5 Wakinqa mana askha hallp'ayoq rumi pampakunamanmi urmaykurqanku, manataqmi hallp'a ukhuyoq kasqankurayku chay ratolla wiñarqanku. 6 Inti lloqsimuqtintaq ruphachirqanku. mana saphiyoq kasqankuraykutaq ch'akipurqanku. 7 Wakintaq kichka ukhuman urmaykurqanku. Hinan kiskakuna wiñaspa asnachirqan. 8 Wakintaq allin hallp'aman urmaykuspa rururqan, wakinqa pachak kutita, wakintaq soqta chunka kutita, wakintaq kinsa chunka kutita. 9 Uyarinanpaq rinriyoq runaqa uyarichun. 10 Hinaqtinmi discipulonkunaqa Jesusta niranku: –¿Imanaqtintaq rikch'anachiy simikunawan rimashanki? 11 Hinaqtinmi Jesusqa paykunata nirqan: –Hanaq pacha qhapaqsuyunpa pakasqa yachayninkunata reqsinaykichispaqmi qosqaykichis, manataqmi paykunamanqa qosqachu, nispa. 12 Pipas kapuqmanqa qosqa kanqa, aswan askhataqmi kanqa. 13 Chayraykun rikch'anachiy simikunawan paykunata rimapayani. Uyarispankutaq mana uyarinkuchu, manataqmi entiendenkuchu. 14 Paykunapin hunt'akun Isaiaspa willasqan: “Uyarispaykichismi uyarinkichis, manataqmi entiendenkichischu”, nispa. Qankunaqa rikunkichismi, manataqmi reparankichischu. 15 Kay runakunaq sonqonqa q’omerllañan, ninrinkupas mana uyariqmi, ñawinkupas wisq’asqañan. Mana hayk'aqllapas ñawinkuwan rikuspa, ninrinkuwan uyarispa, sonqonkuwan entiendespa, kutirispa, qhaliyachisaq, nispa.
1