Tau UPOKO 1 1 ¶ I korero ano a Ihowa ki a Mohi i te koraha o Hinai, i roto i te tapenakara o te whakaminenga, i te ra tuatahi o te rua o nga marama, i te rua o nga tau o to ratou haerenga mai i te whenua o Ihipa, i mea, 2 Taua nga tangata o te whakaminenga katoa o nga tama a Iharaira, i o ratou hapu, i nga whare o o ratou matua, tatau rawa i o ratou ingoa, nga tane katoa, tenei pane, tenei pane o ratou; 3 Ko nga mea e rua tekau, he maha atu ranei o ratou tau, ko nga mea hoki e kaha ana i roto ia Iharaira ki te haere ki te whawhai, ma korua ko Arona ratou e tatau, tenei ope. 4 Kia kotahi hoki te tangata o tenei iwi, o tenei iwi, hei hoa mo korua; nga upoko o tenei, o tenei o nga whare o o ratou matua. 5 Ko nga ingoa hoki enei o nga tangata e tu tahi me korua: no te iwi o Reupena; Ko Erituru tama a Hereuru. 6 No Himiona; ko Herumiere tama a Turiharai. 7 No Hura; ko Nahahona tama a Aminarapa. 8 No Ihakara; ko Netaneere tama a Tuara. 9 No Hepurona; ko Eriapa tama a Herona. 10 No nga tama a Hohepa: no Eparaima; ko Erihama, tama a Amihuru: no Manahi; ko Kamariere tama a Peraturu. 11 No Pineamine; ko Apirana tama a Kirioni. 12 No Rana; ko Ahietere tama a Amiharai. 13 No Ahera; ko Pakiere tama a Okorana. 14 No Kara; ko Eriahapa tama a Teuere. 15 No Napatari; ko Ahira tama a Enana. 16 Ko nga mea whai ingoa enei o te whakaminenga, ko nga ariki o nga iwi oo ratou matua; ko ratou nga upoko o nga mano i roto ia Iharaira. 17 Na ka mau a Mohi raua ko Arona ki enei tangata kua whakahuatia nei o ratou ingoa: 18 Na ka huihuia e ratou te whakaminenga katoa i te ra tuatahi o te rua o nga marama, a ka korerotia e ratou o ratou whakapapa, tenei hapu, tenei hapu, i nga whare o o ratou matua, tatau rawa nga ingoa o nga mea e rua tekau, he maha atu ranei o ratou tau, he mea tatau. 19 Rite tonu ki ta Ihowa i whakahau ai ki a Mohi tana tauanga ia ratou i te koraha o Hinai. 20 E te mau tamarii a Reubena, te matahiapo a Iseraela, i to ratou ra mau toroa, i to ratou ra mau fetii, i te mau utuafare o to ratou mau metua, i te numeraraa i te mau i‘oa, i te mau pane, o te mau tane atoa e piti ahuru o te matahiti, e tei rahi atu â, o tei tia ia haere i te tama‘i; 21 Ko nga mea o ratou, o te iwi o Reupena, i taua, e wha tekau ma ono mano e rima rau. 22 No nga tama a Himiona, i o ratou toronga, i o ratou hapu, i nga whare o o ratou matua, ko nga mea o ratou i taua, tatau rawa nga ingoa, tenei pane, nga tane katoa e rua tekau, he maha atu ranei o ratou tau, o nga mea katoa i kaha ki te haere ki te whawhai; 23 Ko nga mea i taua o ratou, o te iwi o Himiona, e rima tekau ma iwa mano e toru rau. 24 No nga tama a Kara, i o ratou toronga, i o ratou hapu, i nga whare o o ratou matua, tatau rawa nga ingoa o nga mea e rua tekau, he maha atu ranei o ratou tau, o nga mea katoa i kaha ki te haere ki te whawhai;
25 Ko nga mea i taua o ratou, o te iwi o Kara, e wha tekau ma rima mano e ono rau e rima tekau. 26 No nga tama a Hura, i o ratou toronga, i o ratou hapu, i nga whare o o ratou matua, tatau rawa nga ingoa o nga mea e rua tekau, he maha atu ranei o ratou tau, o nga mea katoa i kaha ki te haere ki te whawhai; 27 Ko nga mea i taua o ratou, o te iwi o Hura, e whitu tekau ma wha mano e ono rau. 28 No nga tama a Ihakara, i o ratou toronga, i o ratou hapu, i nga whare o o ratou matua, tatau rawa nga ingoa o nga mea e rua tekau, he maha atu ranei o ratou tau, o nga mea katoa i kaha ki te haere ki te whawhai; 29 Ko nga mea i taua o ratou, o te iwi o Ihakara, e rima tekau ma wha mano e wha rau. 30 No nga tama a Hepurona, i o ratou toronga, i o ratou hapu, i nga whare o o ratou matua, tatau rawa nga ingoa o nga mea e rua tekau, he maha atu ranei o ratou tau, o nga mea katoa i kaha ki te haere ki te whawhai; 31 Ko nga mea i taua o ratou, o te iwi o Hepurona, e rima tekau ma whitu mano e wha rau. 32 No nga tama a Hohepa, ara no nga tama a Eparaima, i o ratou toronga, i o ratou hapu, i nga whare o o ratou matua, tatau rawa nga ingoa o nga mea e rua tekau, he maha atu ranei o ratou tau, o nga mea katoa i kaha ki te haere ki te whawhai; 33 Ko nga mea i taua o ratou, o te iwi o Eparaima, e wha tekau mano e rima rau. 34 No nga tama a Manahi, i o ratou toronga, i o ratou hapu, i nga whare o o ratou matua, tatau rawa nga ingoa o nga mea e rua tekau, he maha atu ranei o ratou tau, o nga mea katoa i kaha ki te haere ki te whawhai; 35 Ko nga mea i taua o ratou, o te iwi o Manahi, e toru tekau ma rua mano e rua rau. 36 No nga tama a Pineamine, i o ratou toronga, i o ratou hapu, i nga whare o o ratou matua, tatau rawa nga ingoa o nga mea e rua tekau, he maha atu ranei o ratou tau, o nga mea katoa i kaha ki te haere ki te whawhai; 37 Ko nga mea i taua o ratou, o te iwi o Pineamine, e toru tekau ma rima mano e wha rau. 38 No nga tama a Rana, i o ratou toronga, i o ratou hapu, i nga whare o o ratou matua, tatau rawa nga ingoa o nga mea e rua tekau, he maha atu ranei o ratou tau, o nga mea katoa i kaha ki te haere ki te whawhai; 39 Ko nga mea i taua o ratou, o te iwi o Rana, e ono tekau ma rua mano e whitu rau. 40 No nga tama a Ahera, i o ratou toronga, i o ratou hapu, i nga whare o o ratou matua, tatau rawa nga ingoa o nga mea e rua tekau, he maha atu ranei o ratou tau, o nga mea katoa i kaha ki te haere ki te whawhai; 41 Ko nga mea i taua o ratou, o te iwi o Ahera, e wha tekau ma tahi mano e rima rau. 42 No nga tama a Napatari, i o ratou whakatupuranga, i o ratou hapu, i nga whare o o ratou matua, tatau rawa nga ingoa o nga mea e rua tekau, he maha atu ranei o ratou tau, o nga mea katoa i kaha ki te haere ki te whawhai; 43 Ko nga mea i taua o ratou, o te iwi o Napatari, e rima tekau ma toru mano e wha rau. 44 Ko nga mea enei i taua nei e Mohi, e Arona ratou ko nga ariki kotahi tekau ma rua o Iharaira; takikotahi te tangata o ratou ki te whare o ona matua. 45 A, ko aua tangata i taua o nga tama a Iharaira, i nga whare oo ratou matua, nga mea e rua tekau, he maha atu