Ngā Herehere o te Tūmanako Roriata E rongo ana hoki a Ihowa ki te hunga rawakore, e kore ano e whakahawea ki ana herehere. Waiata 69:33 Kia tae atu ki tou aroaro te aue a te herehere: kia rite ki te nui o tou kaha tau whakaora i te hunga e meatia ana kia mate; Waiata 79:11 Ka tuhituhia tēnei mō tō muri whakatupuranga: ā, ka whakamoemiti te iwi e hanga ake nei ki a Ihowā. Kua titiro iho hoki ia i te tiketike o tōna wāhi tapu; i titiro iho a Ihowā i te rangi ki te whenua; Ki te whakarongo ki te aue a te herehere, ki te tuku i te hunga kua whakaritea mō te mate; Waiata 102:18-20 Whakaputaina tōku wairua i te whare herehere, kia whakamoemititia ai e ahau tōu ingoa: ka karapotia ahau e te hunga tika; nāu hoki ahau i atawhai. Waiata 142:7 Ka hari te tangata kei a ia te Atua o Hākopa hei kaiawhina mōna, ko tana e tumanako ai ko Ihowā, ko tōna Atua: Ko ia te kaihanga o te rangi, o te whenua, o te moana, me ngā mea katoa o reira; e pupuri nei i te pono ake ake; e whakarite ana i te whakawa mō te hunga e tukinotia ana: e homai ana i te kai mā te hunga matekai. E tuku ana a Ihowā i ngā herehere: Waiata 146:5-7
Ngā Poropiti Ko te kupu tēnei a te Atua, a Ihowā, nāna nei ngā rangi i hanga, nāna anō i hora; nāna i hora te whenua me ngā mea e puta mai ana i reira; nāna i homai he manawa ki ngā tāngata o runga, me te wairua ki te hunga e haereere ana i reira: Nāku, nā Ihowā, koe i karanga i runga i te tika, māku anō tō ringa e pupuri, māku koe e tiaki, ka hoatu anō koe e ahau hei kawenata ki te iwi, hei māramatanga mō ngā tauiwi; Hei whakatitiro i ngā kanohi matapo, hei whakaputa mai i ngā herehere i roto i te whare herehere, i te hunga e noho ana i te pōuri i roto i te whare herehere. Ihaia 42:5-7 Kei runga i ahau te wairua o te Ariki, o Ihowa; na Ihowa hoki ahau i whakawahi hei kauwhau i te rongo pai ki te hunga mahaki; kua tonoa ahau e ia ki te takai i te hunga ngākau maru, ki te kauwhau i te haere noa ki ngā herehere, me te whakatuwheratanga o te whare herehere ki ngā herehere; Ihaia 61:1 Me koe anō hoki, nā te toto o tāu kawenata i tukua atu ai e ahau ō herehere i roto i te poka kahore nei he wai. Tahuri mai ki te pā kaha, e ngā herehere e tumanako ana: i tēnei rā nei anō ka whakaatu ahau ka rua aku utu ki a koe; Hakaraia 9:11-12
Ngā Rongopai Ko reira te Kīngi ka mea ki te hunga i tōna ringa matau, Haere mai, e te hunga manaaki a tōku Matua, riro mai i a koutou te rangatiratanga kua rite noa ake nei mō koutou mai i te hanganga o te ao: I hiakai hoki ahau, ā, i whāngai mai koutou i ahau: i matewai ahau, ā, i whakainumia ahau e koutou: he manene ahau, ā, i manaaki koutou i ahau: i tahanga ahau, ā, i whakakakahuria ahau e koutou: i
1
mate ahau, ā, i tirotirohia ahau e koutou: i roto ahau i te whare herehere, ā, i haere mai koutou ki ahau. Ko reira te hunga tika ka whakahoki ki a ia, ka mea, E te Ariki, nōnahea mātou i kite ai i a koe e hiakai ana, ā, whāngai ana i a koe? i matewai rānei, ā, i whakainu i a koe? Nōnahea mātou i kite ai i a koe e manene ana, ā, i manaaki i a koe? i tahanga rānei, ā, i whakakakahuria koe? Nōnahea mātou i kite ai i a koe e mate ana, i roto rānei i te whare herehere, ā, i haere mai ki a koe? Ā, ka whakahoki te Kīngi, ka mea ki a rātou, He pono taku e mea nei ki a koutou, Ko tā koutou i mea ai ki tētahi o aku teina, ki te mea iti rawa, kua meatia e koutou ki ahau. Matiu 25:34-40 Kātahi ia ka mea ki a rātou, Ka whakatika tetahi iwi ki tetahi iwi, tetahi rangatiratanga ki tetahi rangatiratanga: Ā, ka puta ngā ru nui i ngā wāhi maha, me te matekai, me ngā mate urutā; me ngā mea whakamataku me ngā tohu nunui o te rangi. Engari i mua i ēnei mea katoa ka pa o rātou ringa ki a koutou, ka whakatoi i a koutou, ka tuku i a koutou ki ngā whare karakia, ki ngā whare herehere, ka arahina ki te aroaro o ngā kingi, o ngā kawana, mō tōku ingoa. Ā, ka waiho hei tohu mā koutou. Ruka 21:10-13
Ngā Mahi Katahi ka whakatika te tino tohunga, ratou ko ona hoa katoa, (ara ko te wehenga o nga Haruki,) ki tonu hoki i te riri, A ka pa o ratou ringa ki nga apotoro, ka maka ratou ki te whare herehere. Na ka uakina e te anahera a te Ariki nga tatau o te whare herehere i te po, a arahina ana ratou e ia ki waho, ka mea, Haere, e tu ki roto i te temepara, ka korero ki te iwi i nga kupu katoa o tenei ora. Nga Mahi 5:17-20 Nā reira i puritia ai a Pita i roto i te whare herehere: otiia i inoi tonu te hahi ki te Atua mona. A, i a Herora e mea ana kia whakaputaina ia ki waho, i taua po ano e moe ana a Pita i waenganui i nga hoia tokorua, he mea here ki nga mekameka e rua: ko nga kaitiaki i mua i te tatau e tiaki ana i te whare herehere. Na, ka puta mai tetahi anahera a te Ariki ki a ia, a tiaho ana te marama i roto i te whare herehere: na ka papaki ia i a Pita ki te kaokao, ka whakaara i a ia, ka mea, E ara wawe. Na ka marere ona mekameka i ona ringa. Na ka tawhiri atu tona ringa ki a ratou kia kaua e korero, ka korerotia ki a ratou te whakaputanga mai a te Ariki i a ia i roto i te whare herehere. Ka mea ia, Korerotia enei mea ki a Hemi ratou ko nga teina. Na ka haere ia, ka haere ki tetahi atu wahi. Nga Mahi 12:5-7,17 Ā, nō ka maha ā rātou whiunga i a rāua, ka maka rāua ki te whare herehere, me te whakahau ki te kaitiaki kia tiakina rāua. Nō te whiwhinga o taua whakahau, ka maka rāua ki te whare herehere o roto rawa, ka herea ō rāua waewae ki te rakau. Nā, i waenganui pō ka inoi a Paora rāua ko Hira, ka waiata whakamoemiti ki te Atua: ā, ka rongo ngā herehere i a rāua. Nā, ka pā te ru nui, ka ngaueue ngā turanga o te whare herehere: ā, puare tonu ngā tatau katoa, ka wetekina ngā here o te katoa. Ā, ka oho ake te kaitiaki o te whare herehere i tana moe, ka kite i ngā tatau o te whare herehere e tuwhera ana, ka unuhia e ia tana hoari, ka mea kia whakamatea ia, i whakaaro kua oma ngā herehere. Nā, ka karanga a Paora me te reo nui, ka mea, Kaua e whara i a koe anō: kei konei katoa mātou. Kātahi ka karangatia e ia he rama, ka oma ki roto, ka haere wiri, ka takoto ki mua i a Paora rāua ko Hira, ā, ka arahina rāua ki waho, ka mea, E hoa mā, me aha ahau kia ora ai ahau? Ka mea rāua, Whakapono ki te Ariki, ki a Ihu Karaiti, ā, ka ora koe, koutou ko tō whare. Nā, ka kōrerotia te kupu a te Ariki ki a ia, ki te hunga katoa hoki i roto i tōna whare. Nā, ka mauria rāua e ia i taua hāora o te pō, ka horoia ō rāua whiunga; ā, ka iriiria tonutia ia me āna katoa. Ā, nō ka arahina rāua e ia ki tōna whare, ka whakatakotoria he kai ki mua i a rāua, ā, ka hari ia, me tōna whare katoa, i te mea kua whakapono ki te Atua. Ngā Mahi 16:23-34 s
2
Ngā Epistol He minita rātou nā te Karaiti? (He kōrero wairangi tāku) tērā atu ahau; he maha atu aku mahi, he maha atu aku whiunga, he maha atu aku whare herehere, he maha aku mate. 2 Koriniti 11:23 Koia ahau, te herehere a te Ariki, ka inoi atu nei ki a koutou kia rite tā koutou haere ki te karangatanga i karangatia ai koutou, Me te ngakau papaku, me te ngākau mahaki, me te manawanui, me te ata hanga tetahi ki tetahi i runga i te aroha; Me te whai kia mau te kotahitanga o te Wairua i roto i te here o te rangimarie. Epeha 4:1-3 Nā, kaua e whakama ki te whakaaturanga i tō tātou Ariki, ki ahau rānei, e tōna herehere: engari uru atu koe ki ngā mate o te rongopai, kia rite ki te kaha o te Atua; nāna nei tātou i whakaora, nāna hoki tātou i karanga ki te karangatanga tapu, ehara i te mea nā ā tātou mahi, engari nā tana ake whakaaro i whakatakoto ai, nā te aroha noa hoki i homai ki a tātou i roto i a Karaiti Ihu, i mua atu o te tīmatanga o te ao; engari kua whakakitea mai nei inaianei i te putanga mai o tō tātou Kaiwhakaora, o Ihu Karaiti, nāna nei i whakakore te mate, ā, nāna i whakakitea mai te ora me te matengakore ki te māramatanga, he mea nā te rongopai: Nā reira ahau i whakaritea ai hei kaikauwhau, hei apotoro, hei kaiwhakaako mō ngā Tauiwi. 2 Timoti 1:8-11 Nā Paora, he herehere nā Ihu Karaiti, nā tō tātou teina hoki, nā Timoti, ki a Pirimona, ki tā māua e aroha nei, ki tō māua hoa mahi, Nā te aroha ia, he nui taku inoi atu ki a koe, ko ahau nei, ko Paora, he koroheke, ā, he herehere nei ināianei nā Ihu Karaiti. Pirimona 1:1,9 Kaua e wehi i ngā mamae meake nei pā ki a koe: nā, ka maka ētahi o koutou e te rewera ki te whare herehere, kia whakamatautauria ai koutou; ā, ka whakamamaetia koutou tekau ngā rā: kia pono koe a mate noa, ā, maku e hoatu ki a koe te karauna o te ora. Whakakitenga 2:10
3