Batisan'ny Rano sy ny Afo Dia nahatsiaro ny tenin'i Jehovah aho, izay nolazainy hoe: Jaona nanao batisa tamin'ny rano; fa ianareo kosa dia hatao batisa amin'ny Fanahy Masina. Asan'ny Apostoly 11:16
filazantsara Matio 3:1-17 1 Ary tamin'izany andro izany dia niseho Jaona Mpanao Batisa, nitory tany an-efitr'i Jodia nanao hoe: 2 ka nanao hoe: Mibebaha ianareo; fa efa akaiky ny fanjakan'ny lanitra. 3 Fa izy no ilay nampilazaina an'i Isaia mpaminany hoe: Injany! misy feon'olona miantso mafy any an-efitra hoe: Amboary ny lalan'i Jehovah, ahitsio ny lalany. 4 Ary ny fitafian'izany Jaona izany dia volon-drameva, ary fehin-kibo hoditra no tamin'ny valahany; ary ny fihinany dia valala sy tantely remby. 5 Ary Jerosalema sy Jodia rehetra mbamin'ny tany rehetra amoron'i Jordana dia nivoaka nanatona azy, 6 ary nataony batisa tao amin'ny ony Jordana izy ireo, rehefa niaiky ny fahotany. 7 Fa nony nahita ny Fariseo sy ny Sadoseo maro nanatona ny batisany izy, dia hoy izy taminy: Ry taranaky ny menarana, iza no nanoro hevitra anareo handositra ny fahatezerana ho avy? 8 Koa mamoaza voa mendrika ny fibebahana; 9 Ary aza manao anakampo hoe: Manana an'i Abrahama ho rainay izahay; fa lazaiko aminareo fa Andriamanitra mahay manangana zanaka ho an'i Abrahama avy amin'ireto vato ireto. 10 Ary efa napetraka eo amin'ny fototry ny hazo sahady ny famaky; koa ny hazo rehetra izay tsy mamoa voa tsara dia hokapaina ka hatsipy any anaty afo. 11 Izaho dia manao batisa anareo amin'ny rano ho amin'ny fibebahana; fa Ilay avy ao aoriako no mahery noho izaho, ka tsy mendrika hitondra ny kapany aza aho; Izy no hanao batisa anareo amin'ny Fanahy Masina sy ny afo; 12 Eny an-tànany ny fikororohany, ary Izy hanadio tsara ny famoloany ka hanangona ny variny ho any an-tsompitra; fa ny akofa kosa hodorany amin'ny afo tsy mety maty. 13 Ary tamin'izay Jesosy dia avy tany Galilia ka tonga teo amoron'i Jordana, dia nanatona an'i Jaona Izy mba hataony batisa. 14 Fa Jaona nandà Azy ka nanao hoe: Izaho no tokony hataonao batisa, ka Hianao indray va no mankaty amiko? 15 Fa Jesosy namaly ka nanao taminy hoe: Ekeo ihany ankehitriny, fa izao no mety amintsika hahatanteraka ny fahamarinana rehetra. Dia navelany Izy. 16 Ary raha vao natao batisa Jesosy, dia niakatra avy teo amin'ny rano niaraka tamin'izay Izy; ary, indro, nisokatra taminy ny lanitra, ary hitany ny Fanahin'Andriamanitra nidina tahaka ny voromailala ka nankeo amboniny.
Batisan'ny Rano sy ny Afo Dia nahatsiaro ny tenin'i Jehovah aho, izay nolazainy hoe: Jaona nanao batisa tamin'ny rano; fa ianareo kosa dia hatao batisa amin'ny Fanahy Masina. Asan'ny Apostoly 11:16
17 Ary, injao! nisy feo avy tany an-danitra nanao hoe: Ity no Zanako malalako Izay sitrako. Lazaiko aminareo marina tokoa: Amin'izay nateraky ny vehivavy dia tsy mbola nisy nitsangana izay lehibe noho Jaona Mpanao-batisa; nefa ny kely indrindra amin'ny fanjakan'ny lanitra dia lehibe noho izy. Ary hatramin'ny andron'i Jaona Mpanao-batisa ka hatramin'izao dia ny fanjakan'ny lanitra no rombahina, ary ny mpandrombaka maka azy an-keriny. Matio 11:11-12 Ary hoy izy tamin'ny mpanompony: Jaona Mpanao Batisa ity; efa nitsangana tamin'ny maty izy, koa izany no ananany hery hanao asa lehibe. Ary rehefa nomen-dreniny saina razazavavy dia nanao hoe: Omeo ahy eto an-dovia ny lohan'i Jaona Mpanao Batisa. Matio 14:2,8 Dia hoy ireo: Ny sasany milaza fa Jaona Mpanao-batisa; ary ny sasany kosa Elia; ary ny sasany kosa Jeremia, na anankiray amin'ny mpaminany. Matio 16:14 Dia fantatry ny mpianatra fa Jaona Mpanao Batisa no nolazainy taminy. Matio 17:13 Fa Jesosy namaly ka nanao hoe: Tsy fantatrareo izay angatahinareo; hainareo va ny hisotro amin'ny kapoaka izay efa hisotroako, ary ny hatao batisa amin'ny batisa izay hanaovana batisa Ahy? Hoy izy ireo taminy: Hainay ihany. Ary hoy Izy taminy: Hisotro amin'ny kapoakako tokoa ianareo, ary hatao batisa amin'ny batisa izay hanaovana batisa Ahy; fa ny hipetraka eo an-tanako ankavanana sy eo antanako ankavia, dia tsy Ahy ny hanome izany, fa izay nanamboaran'ny Raiko izany no homena. Matio 20:22-23 Matio 21:25 Ny batisan'i Jaona, avy taiza moa izany? Avy tany an-danitra sa avy tamin'ny olona? Dia niaranisaina izy ka nanao hoe: Raha holazaintsika hoe: Avy tany an-danitra, dia hovaliany hoe isika: Koa nahoana ianareo no tsy nino azy? Matio 28:18-20 Ary Jesosy nanatona dia niteny taminy ka nanao hoe: Efa nomena Ahy ny fahefana rehetra any andanitra sy etỳ an-tany; koa mandehana ianareo, dia ataovy mpianatra ny firenena rehetra, manao batisa azy ho amin'ny anaran'ny Ray sy ny Zanaka ary ny Fanahy Masina sady mampianatra azy hitandrina izay rehetra nandidiako anareo; ary, indro, Izaho momba anareo mandrakariva ambarapahatongan'ny fahataperan'izao tontolo izao. Amena. Jaona nanao batisa tany an-efitra ka nitory ny batisan'ny fibebahana ho famelan-keloka. Dia nivoaka nanatona azy ny tany Jodia rehetra sy ny mponina rehetra tany Jerosalema, ka nataony batisa tao amin'ny ony Jordana izy rehetra, sady niaiky ny fahotany. Izaho efa nanao batisa anareo tamin'ny rano, fa Izy kosa hanao batisa anareo amin'ny Fanahy Masina. Ary tamin'izany andro izany dia tonga avy tany Nazareta any Galilia Jesosy ka nataon'i Jaona batisa tao Jordana. Marka 1:4-5,8-9 Ary nandre izany Heroda mpanjaka (fa efa niely ny anarany), dia hoy izy: Jaona Mpanao Batisa efa nitsangana tamin'ny maty, ka izany no ananany hery hanao asa lehibe. Dia nivoaka razazavavy ka nanao tamin-dreniny hoe: Inona no hangatahiko? Ary hoy izy: Ny lohan'i Jaona Mpanao Batisa. Dia niditra faingana niaraka tamin'izay izy ho any amin'ny mpanjaka ka nangataka hoe: Tiako raha homenao ahy faingana eo an-dovia ny lohan'i Jaona Mpanao Batisa. Marka 6:14,24,25 Dia namaly ireo ka nanao hoe: Jaona Mpanao-batisa; fa ny sasany kosa manao hoe: Elia; ary ny sasany kosa manao hoe: Anankiray amin'ny mpaminany. Marka 8:28
2
Batisan'ny Rano sy ny Afo Dia nahatsiaro ny tenin'i Jehovah aho, izay nolazainy hoe: Jaona nanao batisa tamin'ny rano; fa ianareo kosa dia hatao batisa amin'ny Fanahy Masina. Asan'ny Apostoly 11:16
Fa hoy Jesosy taminy: Tsy fantatrareo izay angatahinareo; hainareo va ny hisotro amin'ny kapoaka izay sotroiko, ary ny hatao batisa amin'ny batisa izay anaovana batisa Ahy? Dia hoy izy taminy: Hainay ihany. Ary hoy Jesosy taminy: Hisotro amin'ny kapoaka izay sotroiko ianareo; ary ny batisa izay anaovana batisa Ahy dia hatao batisa koa ianareo; Marka 10:38-39 Ny batisan'i Jaona, avy tany an-danitra va, sa avy tamin'ny olona? Valio aho. Marka 11:30 Izay mino sy atao batisa no hovonjena; fa izay tsy mety mino no hohelohina. Marka 16:16 Dia nankany amin'ny tany rehetra amoron'i Jordana izy ka nitory ny batisan'ny fibebahana ho famelan-keloka; Dia hoy izy tamin'ny vahoaka izay nankeo aminy mba hataony batisa: Ry taranaky ny menarana, iza no nanoro hevitra anareo handositra ny fahatezerana ho avy? Dia nanatona koa ny mpamory hetra mba hataony batisa ka nanao taminy hoe: Tompoko, inona no hataonay? Dia namaly Jaona ka nanao tamin'izy rehetra hoe: Izaho manao batisa anareo amin'ny rano; fa avy Izay mahery noho izaho, ka tsy mendrika hamaha ny fehin-kirarony aho; Izy no hanao batisa anareo amin'ny Fanahy Masina sy ny afo; Ary rehefa natao batisa ny olona rehetra, dia natao batisa koa Jesosy sy nivavaka, dia nisokatra ny lanitra, Lioka 3:3,7,12,16,21 Ary nony tonga tany aminy ireo lehilahy ireo, dia nanao hoe: Jaona Mpanao-batisa naniraka anay ho atỳ aminao hanao hoe: Hianao va Ilay ho avy, sa mbola hafa no andrasantsika? Fa lazaiko aminareo: Amin'izay nateraky ny vehivavy dia tsy misy mpaminany lehibe noho Jaona Mpanao-batisa; nefa ny kely indrindra amin'ny fanjakan'Andriamanitra dia lehibe noho izy. Ary ny vahoaka rehetra izay nandre azy sy ny mpamory hetra dia nanamarina an'Andriamanitra, satria natao batisa tamin'ny batisan'i Jaona izy. Fa ny Fariseo sy ny mpahay lalàna kosa nandà ny fikasan'Andriamanitra, satria tsy nataony batisa taminy izy. Fa tonga Jaona Mpanao-batisa tsy nihinan-kanina na nisotro divay, ka hoy ianareo: Manana demonia izy. Lioka 7:20,28-30,33 Dia namaly ireo ka nanao hoe: Jaona Mpanao-batisa; fa ny sasany kosa manao hoe Elia; ary ny sasany kosa manao hoe: Ny anankiray amin'ny mpaminany fahiny no efa nitsangana tamin'ny maty. Lioka 9:19 Fa manana batisa hanaovana Ahy batisa Aho, ka manao ahoana ny fahoriako ambarapahatanterahany! Lioka 12:50 Ny batisan'i Jaona, avy tany an-danitra va, sa avy tamin'ny olona? Lioka 20:4 Dia nanontany azy ireo ka nanao taminy hoe: Nahoana àry ianao no manao batisa raha tsy ianao no Kristy, na Elia, na ilay mpaminany? Jaona namaly azy ka nanao hoe: Izaho manao batisa amin'ny rano; fa eto aminareo misy Anankiray mitsangana izay tsy fantatrareo; Izany zavatra izany dia natao tany Betabara any an-dafin'i Jordana, izay nanaovan'i Jaona batisa. Ary izaho tsy nahalala Azy; fa mba hampisehoana Azy amin'ny Isiraely no nihaviako hanao batisa amin'ny rano. Ary izaho tsy nahalala Azy; fa Izay naniraka ahy hanao batisa amin'ny rano no nilaza tamiko hoe: Izay ho hitanao idinan'ny Fanahy sy itoerany eo amboniny, dia Izy no Mpanao batisa amin'ny Fanahy Masina. Jaona 1:25-26,28,31,33 Rehefa afaka izany, dia tonga tany amin'ny tany Jodia Jesosy sy ny mpianany; ary niara-nitoetra tamin'izy ireo tao Izy sady nanao batisa. Ary Jaona koa nanao batisa tao Ainona akaikin'i Saleima, satria nisy rano be tao; dia nankany ny olona ka nataony batisa. Ary tonga tany amin'i Jaona izy ireo ka nanao taminy hoe: Raby ô, Ilay teo aminao tany an-dafin'i Jordana, Izay nambaranao, indro, Izy no manao batisa, ary ny olona rehetra manatona Azy. Jaona 3:22-23,26
3
Batisan'ny Rano sy ny Afo Dia nahatsiaro ny tenin'i Jehovah aho, izay nolazainy hoe: Jaona nanao batisa tamin'ny rano; fa ianareo kosa dia hatao batisa amin'ny Fanahy Masina. Asan'ny Apostoly 11:16
Koa amin'izany, rehefa fantatry ny Tompo fa efa ren'ny Fariseo fa Jesosy nahazo mpianatra maro sy nanao batisa maro noho Jaona (kanefa tsy Jesosy no nanao batisa, fa ny mpianany), Jaona 4:1-2 Dia lasa nankany an-dafin'i Jordana indray Jesosy, ho any amin'ilay tany nanaovan'i Jaona batisa voalohany, ary nitoetra tany Izy. Jaona 10:40
Asan'ny Apostoly Fa Jaona nanao batisa tamin'ny rano tokoa; fa ianareo kosa hatao batisa amin'ny Fanahy Masina, rehefa afaka andro vitsivitsy. Asan'ny Apostoly 1:5 Hatramin'ny batisan'i Jaona ka hatramin'ny andro nampiakarana Azy niala tamintsika, dia tsy maintsy misy anankiray ho isan'ny vavolombelona ho amintsika ny amin'ny nitsanganany tamin'ny maty. Asan'ny Apostoly 1:22 Ary hoy Petera taminy: Mibebaha, ary aoka samy hatao batisa amin'ny anaran'i Jesosy Kristy ianareo rehetra mba hahazo famelan-keloka; ary ianareo handray ny fanomezana, dia ny Fanahy Masina. Asan'ny Apostoly 2:38 Ary izay nandray tsara ny teniny dia natao batisa; ary tokony ho telo arivo no olona nanampy ho isany tamin'izany andro izany. Asan'ny Apostoly 2:41 Ary rehefa nino an'i Filipo nitory ny teny soa mahafaly ny amin'ny fanjakan'Andriamanitra sy ny anaran'i Jesosy Kristy ireo, dia natao batisa avokoa na lahy na vavy. Asan'ny Apostoly 8:12 Ary Simona koa mba nino; ary rehefa natao batisa izy, dia nanaraka an'i Filipo sady gaga, raha nahita ny fahagagana sy ny famantarana izay natao. (Fa tsy mbola nisy nilatsahany tamin'izy ireo; fa natao batisa tamin'ny anaran'i Jesosy Tompo ihany izy.) Asan'ny Apostoly 8:13,16 Ary raha nandeha teny an-dalana izy roa lahy, dia tonga teo amin'izay nisy rano; ary hoy ilay tandapa: Indro rano, ka inona no misakana ahy tsy hatao batisa? Dia nasainy nijanona ny kalesy; ary izy roa lahy, dia Filipo sy ilay tandapa, dia nidina ho eo amin'ny rano izy; ary nataony batisa izy. Asan'ny Apostoly 8:36,38 Ary niaraka tamin'izay dia nisy zavatra toy ny kiran-trondro niala avy tamin'ny masony, dia nahiratra izy ka nitsangana, dia natao batisa. Asan'ny Apostoly 9:18 Fantatrareo ange izany teny izany, izay notorina eran'i Jodia rehetra, nanomboka tany Galilia taorian'ny batisa izay notorin'i Jaona hoe: Moa misy olona mahazo mandrara ny rano tsy hanaovana batisa ireo, izay efa nandray ny Fanahy Masina tahaka antsika koa? Dia nasainy natao batisa amin'ny anaran'ny Tompo izy. Ary nangataka taminy izy mba hitoetra ao aminy andro vitsivitsy. Asan'ny Apostoly 10:37,47-48 Dia nahatsiaro ny tenin'ny Tompo aho, izay nolazainy hoe: Jaona nanao batisa tamin'ny rano; fa ianareo kosa dia hatao batisa amin'ny Fanahy Masina. Asan'ny Apostoly 11:16 Rehefa nitory ny batisan'ny fibebahana tamin'ny olona Isiraely rehetra Jaona, fony tsy mbola tonga Izy. Asan'ny Apostoly 13:24
4
Batisan'ny Rano sy ny Afo Dia nahatsiaro ny tenin'i Jehovah aho, izay nolazainy hoe: Jaona nanao batisa tamin'ny rano; fa ianareo kosa dia hatao batisa amin'ny Fanahy Masina. Asan'ny Apostoly 11:16
Ary rehefa natao batisa ravehivavy sy ny ankohonany, dia nangataka izy ka nanao hoe: Raha ataonareo ho mahatoky amin'ny Tompo aho, dia midira ao an-tranoko ka mitoera ao. Dia nanery anay izy. Ary tamin'izany ora izany tamin'ny alina izany dia nandray azy roa lahy ralehilahy ka nanasa ny dian-kapoka; ary natao batisa tamin'izay izy mbamin'izay azy rehetra. Asan'ny Apostoly 16:15,33 Ary Krispo, mpanapaka ny synagoga, mbamin'ny ankohonany rehetra dia nino ny Tompo; ary maro koa ny Korintiana, raha nandre, dia nino ka natao batisa. Izany lehilahy izany dia efa nampianarina ny lalan'ny Tompo; ary nafana fo izy, dia niteny sy nampianatra tamim-pahazotoana ny amin'ny Tompo, kanefa ny batisan'i Jaona ihany no fantany. Asan'ny Apostoly 18:8,25 Dia hoy izy taminy: Ho amin'ny inona àry no nanaovana batisa anareo? Dia hoy izy: Ho amin'ny batisan'i Jaona. Dia hoy Paoly: Jaona nanao batisa tamin'ny batisan'ny fibebahana ka nilaza tamin'ny olona mba hinoan'izy ireo Izay ho avy manaraka azy, dia Jesosy. Ary raha nandre izany izy ireo, dia natao batisa tamin'ny anaran'i Jesosy Tompo. Asan'ny Apostoly 19:3-5 Ary ankehitriny nahoana no miandry ianao? Mitsangàna, ary aoka hatao batisa ianao ka hosasana ho afaka amin'ny fahotanao, amin'ny fiantsoana ny anaran'i Jehovah. Asan'ny Apostoly 22:16
Ireo taratasy nosoratana ao Tsy fantatrareo va fa na iza na iza isika no efa natao batisa ho amin'i Kristy Jesosy dia natao batisa ho amin'ny fahafatesany? Koa niara-nalevina taminy tamin'ny batisa ho amin'ny fahafatesana isika, mba ho tahaka ny nananganana an'i Kristy tamin'ny maty tamin'ny voninahitry ny Ray no handehanantsika kosa amin'ny fiainam-baovao. Romana 6:3-4 Voazarazara ve i Kristy? I Paoly va no nohomboana tamin'ny hazo fijaliana ho anareo? Sa natao batisa tamin'ny anaran'i Paoly ianareo? Misaotra an'Andriamanitra aho fa tsy nisy nataoko batisa ianareo afa-tsy i Krispo sy i Gaio, fandrao hisy hilaza fa efa nanao batisa tamin'ny anarako aho. Ary izaho koa nanao batisa ny ankohonan'i Stefanasy; ary tsy fantatro raha nisy hafa nataoko batisa. Fa Kristy tsy naniraka ahy hanao batisa, fa hitory ny filazantsara, tsy tamin'ny teny fahendrena, fandrao ho foana ny hazo fijalian'i Kristy. 1 Korintiana 1:13-17 ary samy natao batisa ho amin'i Mosesy tao amin'ny rahona sy ny ranomasina izy rehetra, 1 Korintiana 10:2 Fa Fanahy iray ihany no nanaovana batisa antsika rehetra ho tena iray, na Jiosy na jentilisa, na andevo na tsy andevo; ary isika rehetra dia efa nampisotroina ny Fanahy iray. 1 Korintiana 12:13 Raha tsy izany, hanao ahoana izay atao batisa ny amin'ny maty? Raha tsy hatsangana mihitsy ny maty, nahoana no atao batisa ny amin'ny maty izy ireo? 1 Korintiana 15:29 Fa na iza na iza ianareo no natao batisa ho an'i Kristy dia nitafy an'i Kristy. Galatiana 3:27 Tompo iray, finoana iray, batisa iray, Efesiana 4:5 fa niara-nalevina taminy tamin'ny batisa ianareo, izay niarahanareo natsangana taminy koa noho ny finoana ny asan'Andriamanitra, Izay nanangana Azy tamin'ny maty. Kolosiana 2:12
5
Batisan'ny Rano sy ny Afo Dia nahatsiaro ny tenin'i Jehovah aho, izay nolazainy hoe: Jaona nanao batisa tamin'ny rano; fa ianareo kosa dia hatao batisa amin'ny Fanahy Masina. Asan'ny Apostoly 11:16
ary ny fampianarana ny amin'ny batisa sy ny fametrahan-tanana ary ny fitsanganan'ny maty sy ny fitsarana mandrakizay. Hebreo 6:2 Izay mamonjy anareo koa ankehitriny, dia ny batisa, izay tenan'ny batisa, (tsy ny fanesorana ny fahalotoan'ny nofo anefa, fa ny fitadiavana ny fieritreretana tsara eo anatrehan'Andriamanitra), amin'ny nitsanganan'i Jesosy Kristy tamin'ny maty, 1 Petera 3:21
Ireo boky very ao amin'ny Baiboly Efa nahita an'i Jesosy izay nohomboanareo tamin'ny hazo fijaliana izahay, niresaka tamin'ny mpianany iraika ambin'ny folo lahy, ary nipetraka teo afovoany teo an-tendrombohitra Oliva, ka nanao taminy hoe: Mandehana any amin'izao tontolo izao ianareo, mitoria ny Filazantsara amin'ny firenena rehetra, manao batisa azy ho amin'ny anaran'ny Ray sy ny Zanaka ary ny Fanahy Masina; ary izay rehetra mino sy hatao batisa no hovonjena. Ary rehefa nilaza izany tamin'ny mpianany Izy, dia nahita Azy niakatra ho any an-danitra izahay. Filazantsaran'i Nikodemosy 10:19-21 Dia namaly izy hoe: Izaho no feon'ilay miantso mafy any an-efitra, dia i Jaona Mpanao Batisa, ary mpaminanin'ny Avo Indrindra, izay efa nialoha ny fiaviany hanamboatra ny lalany, hanome ny olony ny fahalalana ny famonjena ho famelan-keloka. Ary izaho Jaona, raha nahita an'i Jesosy nanatona ahy, nohodidinin'ny Fanahy Masina, dia hoy aho: Indro ny Zanak'ondrin'Andriamanitra, indro Izay manaisotra ny fahotan'izao tontolo izao. Ary nataoko batisa tao amin'ny ony Jordana Izy, ary nahita ny Fanahy Masina nidina teo amboniny tamin'ny endriky ny voromailala aho, ary nandre feo avy tany an-danitra nanao hoe: Ity no Zanako malalako Izay sitrako. Filazantsaran'i Nikodemosy 13:1113 Fa rehefa nandre izany zavatra izany i Adama razantsika voalohany, fa natao batisa tao Jordana i Jesosy, dia niantso an'i Seta zanany lahy izy ka nanao hoe: Lazao amin'ny zanakareo, ny patriarka sy ny mpaminany, izay rehetra efa renareo tamin'i Mikaela arkanjely, fony Aho naniraka anao ho any amin'ny vavahadin'ny Paradisa, hangataka amin'Andriamanitra mba hanosotra ny lohako fony aho narary. Filazantsaran'i Nikodemosy 14:1-2 Dia ho avy ety an-tany i Kristy, Zanak’Andriamanitra be famindram-po indrindra, hanangana indray ny vatan’olombelona an’i Adama, ary miaraka amin’izay koa hanangana ny vatan’ny maty, ary rehefa tonga Izy dia hatao batisa ao Jordana: Filazantsaran’i Nikodemosy 14:6 Nandidy anay koa i Mikaela arkanjely mba handeha any ampitan'i Jordana, ho any amin'ny tany tsara sy lonaka, izay misy olona maro izay nitsangana tamin'ny maty niaraka taminay ho porofon'ny fitsanganan'i Kristy tamin'ny maty. Fa telo andro monja no navelanay ho anay, dia ireo izay nitsangana tamin'ny maty mba hankalaza ny Paskan'ny Tompontsika miaraka amin'ny ray amandrenintsika, ary hijoro ho vavolombelona ho an'i Kristy Tompo, ary efa natao batisa tao amin'ny renirano masin'i Jordana izahay. Ary ankehitriny dia tsy misy mahita azy ireo intsony. Filazantsaran'i Nikodemosy 21:4-5 Sambatra izay mitandrina ny batisany ho madio; fa hahita fihavanana amin'ny Ray sy ny Zanaka ary ny Fanahy Masina izy. Asan'ny Apostoly 1:18 Taorian'izay dia namoaka bibidia maro hafa izy ireo; fa i Thecla kosa nijoro sady naninjitra ny tanany nanandrify ny lanitra sady nivavaka; ary rehefa vita ny vavaka nataony dia nitodika izy ka nahita lavaka famorian-drano, ary nanao hoe: Izao no fotoana mety hanaovana batisa ahy. Dia natsipiny tao anaty rano ny tenany ka nanao hoe: Amin'ny anaranao, ry Jesosy Kristy Tompoko ô, 6
Batisan'ny Rano sy ny Afo Dia nahatsiaro ny tenin'i Jehovah aho, izay nolazainy hoe: Jaona nanao batisa tamin'ny rano; fa ianareo kosa dia hatao batisa amin'ny Fanahy Masina. Asan'ny Apostoly 11:16
natao batisa androany aho. Nahita izany ny vehivavy sy ny vahoaka ka niantsoantso hoe: Aza atsipy ao anaty rano ianareo. Ary ny governora mihitsy no niantsoantso, satria nieritreritra izy fa ireo trondro (zanak'omby an-dranomasina) dia te hihinana hatsaran-tarehy be dia be. Asan'ny Apostoly Paoly sy Thecla 9:6-7 Ary rehefa fantatr'i Tekla izany, dia hoy izy taminy: Efa natao batisa aho, ry Paoly; fa Izay manampy anao amin'ny fitoriana no nanampy ahy hanao batisa. Asan'ny Apostoly 10:2 Koa raha tsy afaka manafaka ny zanany amin'ny fahamarinany ny olona marina toy izany, ahoana no ahafahantsika manantena ny hiditra ao amin'ny fanjakan'Andriamanitra, raha tsy mitandrina ny batisantsika ho masina sy tsy misy loto isika? Ary iza no ho mpisolovava antsika, raha tsy hita fa nanao izay masina sy mahitsy isika? 2 Klementa ho an'ny Korintiana 3:9 Ary ho an'ireo voalohany amin'ireto, dia voasoratra ho an'ny vahoakan'ny Isiraely fa tsy handray ny batisa izay mitondra famelan-keloka izy ireo; fa hanendry olon-kafa ho an'ny tenany izay tsy afaka mandray izany. Epistily Ankapobeny nosoratan'i Barnabasy 10:2 Fa Jesosy Kristy Andriamanitsika dia noforonin'Andriamanitra tao an-kibon'i Maria, taranak'i Davida, araka ny Fanahy Masina; teraka sy natao batisa Izy mba hanadiovany ny rano ho fanasana ny fahotana amin'ny alalan'ny fijaliany. Epistilin'i Ignace ho an'ny Efesiana 4:9 Fa efa hitako fa miorina amin'ny finoana tsy azo hozongozonina ianareo, toy ny hoe nohomboana tamin'ny hazofijalian'i Jesosy Kristy Tompontsika, na amin'ny nofo na amin'ny fanahy; ary efa voaorina amin'ny fitiavana amin'ny alalan'ny ran'i Kristy, sady resy lahatra tanteraka amin'izay zavatra momba ny Tompontsika. Izay avy tamin'ny taranak'i Davida marina tokoa araka ny nofo, fa Zanak'Andriamanitra kosa araka ny sitrapo sy ny herin'Andriamanitra; nateraky ny Virjiny marina tokoa, ary natao batisa tamin'i Jaona; mba ho tanteraka aminy ny fahamarinana rehetra. Epistilin'i Ignatio ho an'ny Smyrnaeana 1:3-4 Tsy azo atao raha tsy misy ny eveka ny manao batisa na mankalaza ny Komonio Masina; fa izay rehetra ekeny dia ankasitrahan'Andriamanitra koa, mba ho azo antoka sy ho vita tsara izay rehetra atao. Epistilin'i Ignatio ho an'ny Smyrnaeana 3:5 Ataovy izay hahafaly an'ilay eo ambany fiadianareo sy izay andraisanareo ny karamanareo. Aza avela hisy aminareo ho hita ho mpivadika; fa aoka ny batisanareo ho toy ny sandrinareo; ny finoanareo ho toy ny fiarovan-dohanareo; ny fitiavanareo ho toy ny lefonareo; ny faharetanareo ho toy ny fiadianareo rehetra. Epistily nosoratan'i Ignace ho an'i Polycarpe 2:14 Ary inona moa ireo sisa izay latsaka tao anaty rano, nefa tsy afaka nikodiadia tao anaty rano? Ireo no efa nandre ny teny ka nanaiky hatao batisa amin'ny anaran'ny Tompo; nefa rehefa nieritreritra ny fahamasinana lehibe izay takian'ny fahamarinana, dia niala izy ireo ka nandeha indray araka ny filany ratsy. Dia toy izany no nahavitany ny fanazavana ny tilikambo. 1 Bokin'ny Mpiandry ondrin'i Hermas (Fahitana) 3:75-77 Ary hoy aho taminy: Efa reko tamin'ny mpampianatra sasany izao fa tsy misy fibebahana hafa ankoatra ny batisa; rehefa midina ao anaty rano isika ka mahazo famelan-keloka; ary rehefa afaka izany, dia tsy tokony hanota intsony isika, fa hiaina amin'ny fahadiovana. 2 Bokin'ny Mpiandry ondrin'i Hermas (Didy) 4:18
7
Batisan'ny Rano sy ny Afo Dia nahatsiaro ny tenin'i Jehovah aho, izay nolazainy hoe: Jaona nanao batisa tamin'ny rano; fa ianareo kosa dia hatao batisa amin'ny Fanahy Masina. Asan'ny Apostoly 11:16
Fa alohan'ny handraisan'ny olona ny anaran'ny Zanak'Andriamanitra dia efa voatendry ho amin'ny fahafatesana izy; fa rehefa mandray izany tombo-kase izany izy dia afaka amin'ny fahafatesana ary voatendry ho amin'ny fiainana. Ary io tombo-kase io dia ny ranon'ny batisa, izay idiran'ny olona eo ambanin'ny adidy ho amin'ny fahafatesana, fa miakatra kosa voatendry ho amin'ny fiainana. 3 Bokin'ny Mpiandry ondrin'i Hermas (Fanoharana) 9:153-154 Taratasin'i Heroda ho an'i Pilato Governora Heroda ho an'i Pontio Pilato Governora any Jerosalema: Fiadanana. Ao anatin'ny tebiteby mafy aho. Manoratra izany aminao aho, mba halahelo anao rehefa mandre izany ianao. Fa tahaka an'i Herodiasy zanako vavy, izay tiako indrindra, nilalao teo amin'ny dobo misy ranomandry teo amboniny, dia vaky teo ambaniny izany, ka nilatsaka ny vatany manontolo, ary tapaka ny lohany ka nijanona teo ambonin'ny ranomandry. Ary indro, ny reniny dia mandohalika eo am-pofoany, ary ny ankohonako rehetra dia ao anatin'ny alahelo mafy. Fa izaho, rehefa nandre ny amin'i Jesosy, dia naniry ny ho avy aminao, mba hahitako Azy irery, sy handrenesako ny teniny, na tahaka ny an'ny zanak'olombelona izany. Ary azo antoka fa noho ny ratsy maro izay nataoko tamin'i Jaona Mpanao Batisa, ary satria naneso an'i Kristy aho, dia indro, mandray ny valisoan'ny fahamarinana aho, satria efa nandatsaka ran'ny zanak'olon-kafa betsaka teto an-tany aho. Koa marina ny fitsaran'Andriamanitra; fa ny olona rehetra dia mandray araka ny eritreriny avy. Fa satria mendrika ny hahita an'io Andriamanitra-olombelona io ianao, dia mendrika ny hivavaka ho ahy ianao. Ao anatin'ny fijalian'ny ora fahafatesana koa i Azbonius zanako lahy. Ary izaho koa dia ao anatin'ny fahoriana sy ny fitsapana mafy, satria voan'ny manirano aho; ary ao anatin'ny fahoriana mafy aho, satria nanenjika an'ilay nampiditra ny batisa tamin'ny rano, dia i Jaona. Koa amin'izany, ry rahalahiko, marina ny fitsaran'Andriamanitra.
8