ʻO Gideona, He Kanaka Koa Mana Loa Nā Lunakanawai 6 1 Hana hewa ihola nā mamo a ʻIseraʻela i mua o Iēhova, a hāʻawi akula ʻo Iēhova iā lākou i loko o ka lima o ko Midiana i ʻehiku makahiki. 2 Lanakila loa akula ka lima o ko Midiana ma luna o ka ʻIseraʻela; a, no ka makaʻu o ko Midiana, hana aʻela nā mamo a ʻIseraʻela i nā lua no lākou ma nā mauna, a me nā ana, a me nā pā kaua. 3 A i ka wā i lūlū ai ka ʻIseraʻela, a laila, piʻi maila ko Midiana, a me ka ʻAmaleka, a me ka poʻe o ka hikina, hele kūʻē maila lākou iā lākou. 4 A hoʻomoana kūʻē lākou iā lākou, a luku akula i ka mea i ulu ai ka honua a hiki i Gaza, ʻaʻole i waiho i kahi meaʻai na ka ʻIseraʻela, ʻaʻole hipa, ʻaʻole bipi, ʻaʻole hoki. 5 Piʻi maila lākou me kā lākou holoholona, a me ko lākou mau halelewa, a hele mai lākou e like me nā ʻūhini he nui loa; no ka mea, ʻaʻole hiki ke helu ʻia lākou a me kā lākou mau kāmelo, a komo lākou i ka ʻāina e luku aku ia mea. 6 A ua ʻilihune loa ka ʻIseraʻela no ka poʻe Midiana; a hea akula nā mamo a ʻIseraʻela iā Iēhova. 7 A i ka wā i hea aku ai nā mamo a ʻIseraʻela iā Iēhova no ko Midiana, 8 A laila, hoʻouna maila ʻo Iēhova i ke kāula i nā mamo a ʻIseraʻela, ʻī maila ia iā lākou, Penei ka ʻōlelo ʻana mai a Iēhova ke Akua o ka ʻIseraʻela, Naʻu nō ʻoukou i lawe mai nei, mai ʻAigupita mai, a lawe mai hoʻi iā ʻoukou mai loko mai o ka hale hoʻoluhi; 9 A ua hoʻopakele au iā ʻoukou, mai ka lima aku o ko ʻAigupita, a mai ka lima aku o ka poʻe a pau i hoʻoluhi hewa iā ʻoukou, a kipaku akula au iā lākou, mai ko ʻoukou alo aku, a hāʻawi akula i ko lākou ʻāina no ʻoukou. 10 ʻĪ akula au iā ʻoukou, ʻO wau nō ʻo Iēhova ko ʻoukou Akua; mai makaʻu ʻoukou i nā akua o ka ʻAmora, nona ka ʻāina a ʻoukou e noho nei: akā, ʻaʻole ʻoukou i hoʻolohe i koʻu leo. 11 ¶ A laila hele maila ka ʻānela o Iēhova, a noho ihola ma lalo o kekahi lāʻau ʻoka ma ʻOpera, no Ioasa no ko ʻAbiezera. A e wili ana kāna keiki ʻo Gideona i ka palaoa ma kahi kaomi waina, i hūnā ia mea mai ko Midiana aku. 12 ʻIkea akula ka ʻānela o Iēhova e ia, ʻī maila iā ia, Eia pū ʻo Iēhova me ʻoe, e ke kanaka koa loa. 13 ʻĪ akula ʻo Gideona iā ia, Auē, e kuʻu Haku, inā ʻo Iēhova kekahi pū me mākou, no ke aha lā i hiki mai ai kēia mau mea a pau iā mākou? A ʻauhea kāna mau hana mana a pau a ko mākou poʻe
1
ʻO Gideona, He Kanaka Koa Mana Loa
kūpuna i haʻi mai ai iā mākou, i ka ʻī ʻana mai, ʻAʻole anei i lawe mai ʻo Iēhova iā mākou mai ʻAigupita mai? Akā, ua haʻalele ʻo Iēhova iā mākou, a ua hāʻawi mai iā mākou i loko o ka lima o ko Midiana. 14 Nānā maila ʻo Iēhova iā ia, ʻī maila, E hele ʻoe me kēia mana ou, a e hoʻōla ʻoe i ka ʻIseraʻela mai ka lima mai o ko Midiana. ʻAʻole anei au i hoʻouna aku iā ʻoe? 15 ʻĪ akula ia iā ia, E kuʻu Haku, pehea lā wau e hoʻōla ai i ka ʻIseraʻela? Aia hoʻi, ua ʻilihune koʻu ʻohana ma Manase, a ʻo wau ka mea liʻiliʻi loa i loko o ka hale o koʻu makua kāne. 16 ʻĪ maila ʻo Iēhova iā ia, ʻOiaʻiʻo, ʻo wau pū kekahi me ʻoe, a e luku aku ʻoe i ko Midiana e like me ke kanaka hoʻokahi. 17 ʻĪ akula ia iā ia, Inā i loaʻa iaʻu ka lokomaikaʻi ʻia i mua ou, e hōʻike mai ʻoe iaʻu i hōʻailona no kou kamaʻilio ʻana mai iaʻu. 18 Ke noi aku nei au iā ʻoe, Mai hele aku ʻoe, a hiki mai au i ou lā, a lawe mai i kaʻu mōhai, a waiho i mua ou. ʻĪ maila kēlā, E kali nō wau a hoʻi hou mai ʻoe. 19 A laila, hele akula ʻo Gideona i loko, a hoʻomākaukau ihola i keiki kao, a me nā berena hū ʻole i hoʻokahi ʻepa palaoa, a waiho ihola i ka ʻiʻo i loko o ka hīnaʻi, a waiho ihola i ka supa i loko o ka ipuhao, a lawe aʻela ia i waho i ona lā ma lalo o ka lāʻau ʻoka, a hāʻawi akula. 20 ʻĪ maila ka ʻānela o ke Akua iā ia, E lawe i ka ʻiʻo a me ka palaoa hū ʻole, a e kau ma luna o kēia pōhaku, a e ninini iho i ka wai ʻuʻuku: a hana ihola ia pēlā. 21 A laila, ʻō akula ka ʻānela o Iēhova i ka wēlau o ke koʻokoʻo ma kona lima, a hoʻopā ihola i ka ʻiʻo, a me ka palaoa hū ʻole; a piʻi aʻela ke ahi, mai loko mai o ka pōhaku, a hoʻopau ihola i ka ʻiʻo, a me ka palaoa hū ʻole. A laila, hele akula ka ʻānela o Iēhova mai kona alo aku. 22 A ʻike maopopo aʻela ʻo Gideona he ʻānela ia no Iēhova, ʻī ihola ʻo Gideona, Auwē, e ka Haku, e Iēhova ē, no ka mea, ua ʻike au i kekahi ʻānela o Iēhova, he maka no he maka. 23 ʻĪ maila ʻo Iēhova iā ia, Aloha ʻoe; mai makaʻu; ʻaʻole ʻoe e make. 24 A laila hana ihola ʻo Gideona i kuahu ma laila no Iēhova, a kapa akula ia mea ʻo Iēhova-aloha. Aia nō ia a hiki i kēia lā, ma ʻOpera no ka ʻAbiezera. 25 A ia pō nō, ʻōlelo maila ʻo Iēhova iā ia, E lawe ʻoe i ka bipi kāne ʻōpiopio a kou makua kāne, a me ka lua o ka bipi kāne ʻehiku makahiki, a e hoʻohiolo i ke kuahu o Baʻala a kou makua kāne, a e kua i lalo i ke kiʻi o ʻAsetarota e kū kokoke ana me ia. 26 A e kūkulu ʻoe i kuahu no Iēhova kou Akua, ma luna o kēia pōhaku, me ka hoʻonohonoho pono ʻana; a e lawe ʻoe i ka lua o nā bipi kāne, a e kaumaha aku i mōhai kuni, me ka wahie o ke kiʻi o ʻAsetarota āu e kua ai. 27 A laila lawe aʻela ʻo Gideona i nā kānaka he ʻumi o kāna poʻe kauwā, a hana ihola e like me kā Iēhova i kauoha mai ai iā ia. Pēlā nō, no kona makaʻu ʻana i ko ka hale o kona makua kāne, a me nā kānaka o ke kūlanakauhale, ʻaʻole hiki iā ia ke hana ia mea i ke ao, hana ihola ia i ka pō. 28 A i ke ala ʻana o nā kānaka o ke kūlanakauhale i kakahiaka nui, aia hoʻi, ua hoʻohiolo ʻia ke kuahu o Baʻala, a ua kua ʻia ke kiʻi o ʻAsetarota e kokoke ana, a ua kaumaha ʻia ka lua o ka bipi kāne ma luna o ke kuahu i kūkulu ʻia. 29 ʻĪ aʻela kekahi i kekahi, Na wai lā i hana i kēia mea? A i ko lākou nīnau ʻana a nīnau ʻana, ʻī maila lākou, Na Gideona ke keiki a Ioasa i hana i kēia mea. 30 A laila, ʻōlelo akula nā kānaka o ke kūlanakauhale iā Ioasa, E lawe mai i kāu keiki kāne i waho, i make ia; no ka mea, ua hoʻohiolo ʻo ia i ke kuahu o Baʻala, a ua kua ʻo ia i lalo i ke kiʻi o ʻAsetarota e kokoke ana me ia. 31 ʻĪ akula ʻo Ioasa i ka poʻe a pau i kūʻē iā ia, E hakakā anei ʻoukou no Baʻala? E hoʻōla anei ʻoukou iā ia? ʻO ka mea e hakakā nona, e make ʻo ia i ke kakahiaka: inā he akua ia, e hakakā ʻo ia nona iho, no ka mea, ua hoʻohiolo kekahi i kona kuahu. 32 No laila, i kēlā lā, kapa akula ʻo ia iā ia ʻo Ierubaʻala, ʻī akula, E hakakā ʻo Baʻala me ia, no ka mea, ua hoʻohiolo ʻo ia i kona kuahu. 33 A laila ʻākoakoa maila ko Midiana a pau, a me ka ʻAmaleka, a me ka poʻe o ka hikina, hele aʻela lākou, a hoʻomoana ihola ma ke awāwa ʻo Iezereʻela.
2
ʻO Gideona, He Kanaka Koa Mana Loa
34 A laila, kau maila ka ʻUhane o Iēhova ma luna o Gideona, a puhi ihola ia i ka pū; a ʻākoakoa maila ka ʻAbiezera ma hope ona. 35 A hoʻouna akula ia i nā ʻelele i ka Manase a pau, a ua ʻākoakoa pū lākou ma hope ona: a hoʻouna akula ʻo ia i nā ʻelele i ka ʻAsera, a i ka Zebuluna, a i ka Napetali; a piʻi maila lākou e hālāwai me lākou. 36 ʻĪ akula ʻo Gideona i ke Akua, Inā e hoʻōla mai ʻoe i ka ʻIseraʻela ma koʻu lima, e like me kāu i ʻōlelo mai ai, 37 Eia hoʻi, e kau ana au i ka huluhulu ma kahi e hehi ai i ka palaoa; a inā he hau ma ka huluhulu wale nō, a e maloʻo ka honua a pau, a laila e ʻike pono au e hoʻōla mai ʻoe i ka ʻIseraʻela ma koʻu lima, e like me kāu i ʻōlelo mai ai. 38 A pēlā nō hoʻi: no ka mea, ala aʻela ʻo ia i kakahiaka nui, a ʻūmiʻū ihola i ka huluhulu, a ʻuwī aʻela i ka hau mai loko mai o ka huluhulu, a piha ke kīʻaha i ka wai. 39 ʻĪ akula ʻo Gideona i ke Akua, Mai wela mai kou huhū iaʻu, a e ʻōlelo aku au i kēia wale nō; e ʻae mai ʻoe iaʻu e hoʻāʻo hou me ka huluhulu. I kēia manawa, e maloʻo ma ka huluhulu wale nō, a ma ka honua a pau, e hau. 40 Hana mai ke Akua pēlā ia pō: no ka mea, ua maloʻo ma ka huluhulu wale nō, a he hau ma ka honua a pau.
Nā Lunakanawai 7 1 A LAILA, ʻo Ierubaʻala, ʻo ia hoʻi ʻo Gideona, a me nā kānaka a pau me ia, ala aʻela lākou i kakahiaka nui, a hoʻomoana ihola ma ka luawai ʻo Haroda; a aia ka pūʻali koa o ko Midiana ma ka ʻaoʻao ʻākau o lākou, ma ka puʻu ʻo More, ma ke awāwa. 2 ʻĪ maila ʻo Iēhova iā Gideona, Ua nui loa ka poʻe kānaka me ʻoe, no laila, ʻaʻole pono iaʻu ke hāʻawi i ko Midiana i ko lākou lima, o hoʻokiʻekiʻe auaneʻi ka ʻIseraʻela i mua oʻu, me ka ʻōlelo iho, Na kuʻu lima iho wau i hoʻōla mai. 3 No ia mea, e hea aku ʻoe ma nā pepeiao o kānaka, e ʻī aku, ʻO ka mea makaʻu, a makaʻu hoʻi, e hoʻi ia, a e haʻalele i ka mauna ʻo Gileada. A hoʻi akula nā kānaka he iwakāluakumamālua tausani; a koe iho he ʻumi tausani. 4 ʻĪ maila ʻo Iēhova iā Gideona, Ua nui loa nā kānaka i koe: e kai mai iā lākou i lalo i ka wai, a naʻu nō e hoʻāʻo iā lākou nou ma laila; a ʻo ka mea aʻu e ʻōlelo aku ai iā ʻoe, ʻO kēia ka mea e hele pū me ʻoe, ʻo ia ke hele pū me ʻoe; a ʻo ka mea aʻu e ʻōlelo aku ai iā ʻoe, ʻAʻole kēia e hele pū me ʻoe, ʻaʻole ia e hele. 5 A laila, alakaʻi maila ia i kānaka i lalo i ka wai; ʻī maila ʻo Iēhova iā Gideona, ʻO kēlā mea kēia mea e palu ana i ka wai me kona alelo e like me ka ʻīlio e palu ana, ʻo ia kāu e hoʻonoho ai ma kahi kaʻawale; a pēlā hoʻi kēlā mea kēia mea e kūlou ana ma kona mau kuli e inu. 6 A ʻo ka helu ʻana o ka poʻe i palu, e kau ana ko lākou lima ma ko lākou waha, ʻekolu haneri kānaka: akā, ʻo ke koena o nā kānaka a pau, kūlou ihola lākou ma ko lākou mau kuli e inu wai. 7 ʻĪ maila ʻo Iēhova iā Gideona, Ma kēia poʻe kānaka ʻekolu haneri, ka poʻe i palu e hoʻōla aku ai au iā ʻoukou, a e hāʻawi aku i ko Midiana i kou lima; a e hoʻokuʻu aku hoʻi i nā kānaka ʻē a pau, e hoʻi i ko lākou wahi. 8 Lawe nā kānaka i ka ʻai ma ko lākou lima, a me kā lākou mau pū: a hoʻouna akula ia i ke koena o ka ʻIseraʻela a pau, i kēlā kanaka kēia kanaka i kona halelewa, a hoʻopaʻa ihola i kēlā poʻe kānaka ʻekolu haneri: a aia ka pūʻali koa o Midiana ma lalo ona, ma ke awāwa. 9 A ia pō nō, ʻōlelo mai ʻo Iēhova iā ia, E ala aʻe, a e iho i lalo i ka pūʻali koa; no ka mea, ua hoʻolilo au iā lākou i kou lima. 10 Akā, inā makaʻu ʻoe ke iho i lalo, e hele pū ʻoe me Pura kāu kauwā i lalo i ka pūʻali koa. 11 A e lohe ʻoe i ka mea a lākou e ʻōlelo ai; a ma hope iho, e ikaika kou mau lima e iho i lalo i ka pūʻali koa. A laila, iho akula ia me Pura kāna kauwā i ka palena o ka poʻe kaua ma ka pūʻali koa.
3
ʻO Gideona, He Kanaka Koa Mana Loa
12 Moe ihola ko Midiana a me ka ʻAmaleka, a me nā kānaka a pau o ka hikina, ma ke awāwa, ua like me nā ʻūhini ka nui loa; a ʻo kā lākou poʻe kāmelo, ʻaʻole i helu ʻia, ua like me ke one ma kahakai ka nui. 13 A hiki akula ʻo Gideona, aia hoʻi, aia hoʻi, e haʻi ana kekahi kanaka i ka moeʻuhane i kona hoa, ʻī aʻela, Aia hoʻi, ua moeʻuhane au i ka moeʻuhane, aia hoʻi, he pōpō palaoa bale i ʻōwili ʻia i loko o ka pūʻali koa o Midiana, a hiki i kahi halelewa, a pā akula, a hiolo ihola ia, a hoʻohuli, a moe ihola ka halelewa. 14 ʻĪ maila kona hoa, ʻAʻohe mea ʻē aʻe kēia, ʻo ka pahi kaua wale nō a Gideona, ke keiki a Ioasa, he kanaka no ka ʻIseraʻela. No ka mea, ua hoʻolilo ke Akua i ko Midiana, a me ka pūʻali koa a pau i kona lima. 15 A i ka lohe ʻana o Gideona i ka haʻi ʻana o ka moeʻuhane, a me ka wehewehe ʻana, hoʻomana akula ia, a hoʻi akula i ka pūʻali o ka ʻIseraʻela, ʻī akula, E kū aʻe, no ka mea, ua hāʻawi mai ʻo Iēhova i ka pūʻali o ko Midiana i ko ʻoukou lima. 16 A māhele aʻela ʻo ia i nā kānaka ʻekolu haneri i ʻekolu poʻe, a kau aʻela i nā pū i ka lima o lākou a pau, me nā ipu hakahaka, a me nā kukui i loko o nā ipu. 17 ʻĪ akula ia iā lākou, E nānā mai ʻoukou iaʻu, a e hana like: aia hoʻi, aia hiki aku au i ka palena o kahi hoʻomoana, e like me kaʻu hana ʻana, pēlā ʻoukou e hana ai. 18 A i puhi au i ka pū, ʻo wau a me ka poʻe me aʻu, a laila, e puhi pū ʻoukou i nā pū ma nā ʻaoʻao a pau o kahi hoʻomoana a pau, a e ʻī aku, ʻO ka pahi kaua a Iēhova a me Gideona. 19 A laila, hele maila ʻo Gideona, a me ka haneri kānaka me ia, a hiki i ka palena o kahi hoʻomoana i ka hoʻomaka ʻana o ka wati waena, a ua hoʻonohonoho wale lākou i ka wati: puhi ihola lākou i nā pū, a wāwahi ihola i nā ipu ma ko lākou mau lima. 20 A puhi nā poʻe ʻekolu i nā pū, a wāwahi ihola i nā ipu, a paʻa ihola nā kukui ma ko lākou mau lima hema, a ʻo nā pū ma ko lākou mau lima ʻākau e puhi. Kāhea akula lākou, ʻO ka pahi kaua a Iēhova a me Gideona. 21 Kū ihola kēlā kanaka kēia kanaka ma kona wahi a puni kahi i hoʻomoana ai. Holo akula ka pūʻali koa a pau, a kāhea akula, a holo akula. 22 Puhi ihola nā haneri ʻekolu i nā pū, a hoʻokau akula ʻo Iēhova i ka pahi kaua a kēlā kanaka kēia kanaka e kūʻē i kona hoa, ma ka pūʻali koa a pau; a holo akula ka pūʻali koa a hiki i Beteseta ma Zererata, a ma ka mokuna ʻo ʻAbelamehola a hiki i Tabata. 23 A laila ʻākoakoa maila nā kānaka o ʻIseraʻela, mai ka Napetali mai, a mai ka ʻAsera mai, a mai ka Manase mai, a hahai akula i ko Midiana. 24 Hoʻouna akula ʻo Gideona i nā ʻelele ma ka mauna a pau ʻo ʻEperaima, ʻī akula, E iho mai ʻoukou e kūʻē i ko Midiana, a e lawe i nā wai ma mua o lākou, a hiki i Betebara, a me Ioredane. A laila, ʻākoakoa maila nā kānaka a pau o ʻEperaima, a lawe i nā wai a hiki i Betebara, a me Ioredane. 25 A hopu lākou i ʻelua aliʻi o ko Midiana, ʻo ʻOreba lāua ʻo Zeʻeba; a pepehi lākou iā ʻOreba ma luna o ka pōhaku ʻo ʻOreba, a pepehi lākou iā Zeʻeba ma kahi pawaina o Zeʻeba, a hahai akula iā Midiana, a lawe maila i nā poʻo o ʻOreba lāua ʻo Zeʻeba iā Gideona ma kēlā ʻaoʻao o Ioredane.
Nā Lunakanawai 8 1 ʻĪ maila nā kānaka o ʻEperaima iā ia, No ke aha lā ʻoe i hana mai ai iā mākou pēlā, i kou hea ʻole ʻana mai iā mākou, i kou wā i hele aku ai e kaua me ko Midiana? A hoʻopaʻapaʻa ikaika akula lākou iā ia. 2 ʻĪ akula ia iā lākou, He aha kaʻu i hana ai i kēia manawa e like me kā ʻoukou? ʻAʻole anei i ʻoi aku ka maikaʻi o ka hōʻiliʻili ʻana o nā hua waina a ʻEperaima ma mua o ka hōʻiliʻili ʻana o ka ʻAbiezera? 3 Ua hāʻawi mai ke Akua i ko ʻoukou lima i nā aliʻi o Midiana, ʻo ʻOreba lāua ʻo Zeʻeba: a he aha kaʻu mea i hiki ke hana e like me ʻoukou? A laila, ua emi ko lākou huhū iā ia i kāna ʻōlelo ʻana pēlā. 4 Hele akula ʻo Gideona i Ioredane, a hele aʻela i kēlā ʻaoʻao, ʻo ia a me nā haneri kānaka ʻekolu pū me ia, ua nāwaliwali, e hahai ana naʻe.
4
ʻO Gideona, He Kanaka Koa Mana Loa
5 ʻĪ akula ia i nā kānaka o Sukota, Ke noi aku nei au iā ʻoukou, e hāʻawi mai i mau pōpō berena na ka poʻe e hahai ana iaʻu; no ka mea, ua nāwaliwali lākou, a ke hahai nei au iā Zeba, lāua ʻo Zalemuna, nā aliʻi o Midiana. 6 ʻĪ maila nā aliʻi o Sukota, Aia anei nā lima o Zeba lāua ʻo Zalemuna i kou lima i kēia manawa, i hāʻawi aku ai mākou i ka berena na kou poʻe koa? 7 ʻĪ maila ʻo Gideona, No ia mea, i ka wā e hāʻawi mai ai ʻo Iēhova iā Zeba, lāua ʻo Zalemuna i koʻu lima, a laila e haehae au i ko ʻoukou ʻiʻo i nā kākalaioa a me nā mea ʻoʻoi o ka wao nahele. 8 Piʻi akula ia mai laila aku a i Penuʻela, a ʻōlelo akula iā lākou pēlā: a ʻī maila nā kānaka o Penuʻela iā ia e like me kā nā kānaka o Sukota i ʻī mai ai. 9 ʻŌlelo akula ia i nā kānaka o Penuʻela, ʻī akula, A hoʻi mai au me ka maluhia, a laila, e wāwahi au i kēia hale kiaʻi. 10 Aia ʻo Zeba, lāua ʻo Zalemuna ma Karekora, a me ko lāua mau pūʻali koa me lāua, he ʻumikumamālima tausani paha kānaka, ʻo ka poʻe a pau i koe o nā pūʻali koa a pau o ka poʻe mamo a ka hikina; no ka mea, ua hāʻule hoʻokahi haneri me ka iwakālua tausani kānaka, ka poʻe unuhi pahi kaua. 11 Piʻi akula ʻo Gideona ma ke ala o ka poʻe noho ma nā halelewa ma ka hikina o Noba, a me Iogebeha, a luku akula i ka pūʻali koa; no ka mea, ua makaʻu ʻole ka pūʻali koa. 12 A holo akula ʻo Zeba lāua ʻo Zalemuna, a hahai akula ia iā lāua, a hopu ihola i nā aliʻi ʻelua o Midiana, ʻo Zeba lāua ʻo Zalemuna, a hoʻopūʻiwa ihola i ka pūʻali koa a pau. 13 A hoʻi maila ʻo Gideona ke keiki a Ioasa mai ke kaua mai ma mua o ka puka ʻana o ka lā. 14 A hopu ihola ia i kekahi kanaka uʻi o Sukota, a nīnau akula iā ia; a hōʻike maila kēlā iā ia i nā aliʻi o Sukota a me ko laila poʻe lunakahiko, he kanahikukumamāhiku kānaka. 15 Hele maila ia i kānaka o Sukota, ʻī akula, Eia hoʻi ʻo Zeba, lāua ʻo Zalemuna, nā mea a ʻoukou i hoʻowahāwahā mai ai iaʻu, me ka ʻī ʻana mai, Aia anei nā lima o Zeba lāua ʻo Zalemuna ma kou lima i kēia manawa, i hāʻawi aku ai mākou i ka berena na kou poʻe kānaka luhi? 16 Lālau ihola ia i nā lunakahiko o ke kūlanakauhale, a me nā kākalaioa o ka wao nahele, a me nā mea ʻoiʻoi, a me ia mau mea i aʻo aku ai i nā kānaka o Sukota. 17 A wāwahi ihola ia i ka hale kiaʻi o Penuʻela, a pepehi ihola i nā kānaka o ke kūlanakauhale. 18 A laila, nīnau akula ʻo ia iā Zeba lāua ʻo Zalemuna, He aha ke ʻano o nā kānaka a ʻolua i pepehi ai ma Tabora? ʻĪ maila lāua, E like me ʻoe, pēlā lākou; ua like kēlā kanaka kēia kanaka me nā keiki a ke aliʻi. 19 ʻĪ maila kēlā, He poʻe hoahānau lākou noʻu, he poʻe keiki na koʻu makuwahine. Me ke ola o Iēhova, inā ua hoʻōla ʻolua iā lākou, inā ʻaʻole au e pepehi aku iā ʻolua. 20 ʻĪ akula ia iā Ietera, i kāna hiapo, E kū aʻe, a pepehi iā lāua. Akā, ʻaʻole i unuhi ke keiki i kāna pahi kaua; no ka mea, ua makaʻu ia, no ka mea, he ʻōpiopio nō ia. 21 A laila, ʻī maila ʻo Zeba lāua ʻo Zalemuna, E kū aʻe ʻoe, a e pepehi mai iā māua, no ka mea, e like me ke kanaka, pēlā kona ikaika. A laila, kū aʻela ʻo Gideona, a pepehi ihola iā Zeba lāua ʻo Zalemuna, a lawe aʻela i nā lei ma nā ʻāʻī o kā lāua mau kāmelo. 22 A laila, ʻōlelo akula nā kānaka o ka ʻIseraʻela iā Gideona, E aliʻi ʻoe ma luna o mākou, ʻo ʻoe a me kāu keiki, a me ke keiki a kāu keiki; no ka mea, ua hoʻōla mai ʻoe iā mākou, mai loko mai o ka lima o ko Midiana. 23 ʻĪ maila ʻo Gideona iā lākou, ʻAʻole au e noho aliʻi ma luna o ʻoukou, ʻaʻole hoʻi kaʻu keiki e noho aliʻi ma luna o ʻoukou. E noho aliʻi ana ʻo Iēhova ma luna o ʻoukou. 24 ʻĪ maila ʻo Gideona iā lākou, He mea makemake kaʻu e noi aku ai iā ʻoukou, e hāʻawi mai kēlā kanaka kēia kanaka o ʻoukou iaʻu i nā apo pepeiao o kona waiwai pio. (No ka mea, he mau apo pepeiao gula ko lākou, no ka mea, he poʻe ʻIsemaʻela lākou.) 25 ʻĪ maila lākou, E hāʻawi aku nō mākou ia mau mea. A hohola aʻela lākou i kahi lole, a hoʻolei ihola kēlā kanaka kēia kanaka i nā apo pepeiao o kāna pio ma loko.
5
ʻO Gideona, He Kanaka Koa Mana Loa
26 ʻO ke kaumaha o nā apo pepeiao gula āna i noi ai, hoʻokahi tausani ʻehiku haneri sekela gula; ʻokoʻa nā mea hoʻonani, a me nā apo pepeiao, a me ka lole poni ma luna o nā aliʻi o Midiana, a me nā lei ma ka ʻāʻī o kā lāua mau kāmelo. 27 Hana ihola ʻo Gideona i ʻēpoda no ia mea, a waiho ihola ma kona kūlanakauhale, ma ʻOpera. A hele akula ka ʻIseraʻela a pau i laila e moekolohe ana ma muli o ia mea; a lilo ihola ia i mea e pahele ai no Gideona, a no ko kona hale. 28 Pēlā i pio ai ko Midiana i mua o nā mamo a ʻIseraʻela, ʻaʻole lākou i hāpai hou i ko lākou poʻo. A ua maluhia ka ʻāina i hoʻokahi kanahā makahiki i ke au o Gideona. 29 A hele akula ʻo Ierubaʻala ke keiki a Ioasa, a noho ihola ma kona hale iho. 30 He kanahiku kā Gideona mau keiki kāne, mai loko mai o kona kino, no ka mea, he nui kāna mau wāhine. 31 A ʻo kāna haiā wahine ma Sekema, ʻo ia kekahi i hānau mai i keiki kāne nāna, a kapa akula ʻo ia i kona inoa ʻo ʻAbimeleka. 32 A make ihola ʻo Gideona ke keiki a Ioasa i kona wā ʻelemakule maikaʻi, a kanu ʻia ʻo ia ma ka hale kupapaʻu o kona makua kāne, ma ʻOpera no ka ʻAbiezera. 33 A ma hope iho o ka make ʻana o Gideona, huli hou akula nā mamo a ʻIseraʻela, a moekolohe ihola ma muli o Baʻala, a hoʻolilo ihola iā Baʻalaberita i akua no lākou. 34 ʻAʻole hoʻomanaʻo nā mamo a ʻIseraʻela iā Iēhova ko lākou Akua, nāna lākou i hoʻopakele mai ka lima mai o ko lākou poʻe ʻenemi a pau ma nā ʻaoʻao a pau. 35 ʻAʻole hoʻi lākou i lokomaikaʻi aku i ko ka hale o Ierubaʻala, ʻo ia hoʻi ʻo Gideona, e like me nā mea maikaʻi a pau āna i hōʻike mai ai i ka ʻIseraʻela.
Ka Wehewehe ʻana o nā Paukū ma kēlā me kēia Paukū ka moʻolelo o Gideona ma nā Lunakanawai Mokuna 6 a hiki i ka 8 kekahi o nā moʻolelo hoihoi loa i ka Baibala. Hōʻike ia i ke kaʻapuni o ke kipi a me ka hoʻoluhi hewa o kahi lāhui, ke kāhea hoʻokaʻulua a me ka makaʻu o kahi koa i manaʻo ʻole ʻia, kahi lanakila koa kupanaha i loaʻa me 300 mau kānaka wale nō, a me ka hopena paʻakikī o ka holomua.
Mokuna 6: Ka Hoʻoluhi ʻia, ke Kāhea ʻana, a me ka Hoʻomākaukau ʻana Paukū 1–6 (Ka Hoʻoluhi ʻia ʻana o ka Midiana): No ka mea, ua hana hewa ka ʻIseraʻela i mua o Iēhova, ua hāʻawi ke Akua iā lākou i loko o ka lima o ka Midiana no ʻehiku makahiki. Ua luku aku ka poʻe Midiana, ka poʻe ʻAmaleka, a me nā keiki a ka hikina i ka ʻāina, e luku ana i nā mea kanu a me nā holoholona, e koi ana i ka poʻe ʻIseraʻela e peʻe i loko o nā lua, nā ana, a me nā mauna. Paukū 7–10 (Ka ʻŌlelo Hoʻopaʻi Kāula): I ka wā i kāhea aku ai ka ʻIseraʻela iā Iēhova no ko Midiana, ua hoʻouna mai ke Akua i kahi kāula e hoʻomanaʻo iā lākou i kona lokomaikaʻi—pehea ʻo ia i lawe mai ai iā lākou mai ʻAigupita mai a kauoha aku iā lākou ʻaʻole e makaʻu i nā akua o ka ʻAmora—akā, ʻaʻole lākou i hoʻolohe i kona leo. Paukū 11–16 (Ke ʻIke ʻia Mai nei ka ʻĀnela o Iēhova): Hele maila ka ʻĀnela o Iēhova, a noho ihola ma lalo o kahi lāʻau ʻoka ma ʻOpera, no Ioasa no ka ʻAbiezera. ʻO kāna keiki, ʻo Gideona , e wili palaoa ana ma kahi kaomi waina e hūnā ai mai ka poʻe Midiana. Ua ʻōlelo mai ka ʻĀnela, "Aia pū ʻo Iēhova me ʻoe, e ke kanaka koa ikaika loa." Ua nīnau ʻo Gideona i kēia, e kuhikuhi ana i ka ʻilihune o ka ʻIseraʻela a me kona kūlana haʻahaʻa i loko o ka hale o kona makuakāne. Ua hōʻoiaʻiʻo mai ʻo Iēhova iā ia, me ka ʻī ʻana mai, "ʻOiaʻiʻo, e noho pū nō wau me ʻoe."
6
ʻO Gideona, He Kanaka Koa Mana Loa
Paukū 17–24 (Ka Hōʻailona o ka ʻAe ʻia): Ua noi ʻo Gideona i hōʻailona e hōʻoiaʻiʻo ai he ʻoiaʻiʻo nō ke Akua e ʻōlelo mai ana, e hoʻomākaukau ana i ka ʻiʻo a me nā keke hū ʻole. I ka hoʻopā ʻana o ka ʻĀnela i ka mōhai me ka wēlau o kona koʻokoʻo, piʻi aʻela ke ahi mai loko mai o ka pōhaku a hoʻopau iā ia, a nalowale akula ka ʻĀnela. I ka ʻike ʻana i ka mea nāna ia, makaʻu ihola ʻo Gideona no kona ola, akā, ʻōlelo maila ka Haku iā ia, "E maluhia ʻoe; mai makaʻu: ʻaʻole ʻoe e make." Kūkulu ihola ʻo Gideona i kuahu ma laila i kapa ʻia ʻo Iēhova-shalom (ʻO Iēhova ka Maluhia). Paukū 25–32 (Ka luku ʻia ʻana o ke kuahu o Baʻala): I kēlā pō hoʻokahi, ua ʻōlelo ke Akua iā Gideona e lawe i ka bipi kāne ʻelua a kona makuakāne a hoʻohiolo i ke kuahu o kona makuakāne no Baʻala, e ʻoki ana i lalo i ke kiʻi lāʻau (ʻAsetera) ma kona ʻaoʻao. Ua hana ʻo Gideona i kēia i ka pō me nā kauwā he ʻumi no ka makaʻu i kona ʻohana a me nā kānaka o ke kūlanakauhale. I ka ʻike ʻia ʻana i ke kakahiaka aʻe, ua koi nā kānaka o ke kūlanakauhale i kona make, akā ua pale aku ʻo Ioasa iā ia, me ka ʻī ʻana, "E hakakā anei ʻoukou no Baʻala?... e hakakā ʻo ia no kona pono ponoʻī." No kēia mea, ua kapa ʻia ʻo Gideona ʻo Ierubaʻala ("E hakakā ʻo Baʻala me ia"). Paukū 33–35 (Hoʻoikaika ka ʻUhane o ke Akua iā Gideona): Ua ʻākoakoa ka poʻe Midiana a me ka poʻe ʻAmaleka a hoʻomoana ihola ma ke awāwa ʻo Iezereʻela. "Ua kau mai ka ʻUhane o Iēhova ma luna o Gideona" (ua ʻaʻahu maoli ʻo ia iā ia), a puhi ʻo ia i ka pū, e hoʻākoakoa ana i nā ʻohana o ʻAbiezera, ʻAsera, Zebuluna, a me Napetali e hahai ma hope ona. Paukū 36–40 (Ka Hōʻailona o ka Huluhulu): Me ka ʻimi ʻana i ka hōʻoia, ua noi ʻo Gideona i ke Akua no kahi hōʻailona me ka hoʻohana ʻana i ka huluhulu hipa. ʻO ka mea mua, ua noi ʻo ia i ka hau ma luna o ka huluhulu wale nō i ka wā e maloʻo ai ka honua; ua hāʻawi mai ke Akua. A laila, ua noi ʻo ia e maloʻo ka huluhulu i ka wā e maloʻo ai ka honua; ua hana pū ke Akua pēlā.
Mokuna 7: ʻO ka Pūʻali Koa Lahilahi a me ka Lanakila ma luna o Midiana Paukū 1–3 (Ke ʻoki ʻana i ka Pūʻali Koa): Ua hoʻomoana ʻo Ierubaʻala (Gideona) a me kona pūʻali koa ma kahi kokoke i ka pūnāwai o Haroda, ʻoiai ʻo ka poʻe Midiana ma ka ʻākau. Ua haʻi aku ke Akua iā Gideona ua nui loa nā kānaka , o koi aku ka ʻIseraʻela i ka hoʻonani ʻana iā lākou iho ma luna o ke Akua. Ua kauoha ke Akua iā Gideona e haʻi aku e hiki i kekahi mea makaʻu ke haʻalele. Ua haʻalele he 22,000 kānaka , e waiho ana he 10,000 ma hope. Paukū 4–8 (Ka Hoʻāʻo ʻana i ka Wai): Ua ʻōlelo ke Akua ua nui loa. Ua ʻōlelo ʻo ia iā Gideona e lawe mai iā lākou i lalo i ka wai, kahi āna e hoʻokaʻawale ai iā lākou. ʻO ka poʻe i palu i ka wai me ko lākou alelo e like me ka ʻīlio (300 kāne) ua hoʻokaʻawale ʻia. ʻO ka poʻe i kukuli i lalo e inu ua hoʻouna ʻia i ka home. Me 300 mau kānaka wale nō, ua hoʻohiki ke Akua e hāʻawi iā Midiana i loko o nā lima o Gideona. Paukū 9–15 (Ka Moeʻuhane o ka Midiana): I kēlā pō, ua ʻōlelo ke Akua iā Gideona e iho i lalo i kahi hoʻomoana o ka ʻenemi no ka mea, ua hāʻawi ʻo ia iā ia i loko o kona lima. Me kāna kauwā ʻo Pura, ua lohe ʻo Gideona i kekahi koa Midiana e haʻi ana i kona hoa i ka moeʻuhane e pili ana i kahi pōpō berena bale e hāʻule ana i loko o ka pūʻali koa o Midiana, e kuʻi ana i kahi halelewa a hiolo. Ua wehewehe kekahi koa iā ia: "ʻAʻohe mea ʻē aʻe kēia, ʻo ka pahi kaua a Gideona wale nō... no ka mea, ua hāʻawi ke Akua iā Midiana i loko o kona lima." Me ka hoʻomana ʻana i ke Akua, ua hoʻi ʻo Gideona i kona poʻe kānaka me ka hilinaʻi.
7
ʻO Gideona, He Kanaka Koa Mana Loa
Paukū 16–22 (Ke Kūlana o nā Kukui a me nā Ipu): Ua māhele ʻo Gideona i nā kānaka 300 i ʻekolu mau pūʻulu. Hāʻawi ʻo ia i kēlā me kēia kanaka i ka pū, kahi ipu hakahaka, a me ke kukui (kukui) i loko o ka ipu . Hoʻopuni lākou i kahi hoʻomoana i ka pō, puhi lākou i nā pū, wāwahi i nā ipu, paʻa i nā kukui ma ko lākou mau lima hema a me nā pū ma ko lākou mau lima ʻākau, a kāhea akula, "ʻO ka pahi kaua a Iēhova, a me Gideona." Ua hopu ka makaʻu i kahi hoʻomoana o Midiana, a hoʻonohonoho ʻo Iēhova i ka pahi kaua a kēlā kanaka kēia kanaka e kūʻē i kona hoa ma ka pūʻali koa. Paukū 23–25 (Ka Hahai ʻana): Ua alualu nā kānaka o ka ʻIseraʻela mai Napetali, ʻAsera, a me Manase i nā Midiana e holo ana. Ua hoʻouna aku ʻo Gideona i nā ʻelele ma ka mauna ʻo ʻEperaima e hopu i nā wai i mua o lākou ma Betebara a me Ioredane, e hopu ana a pepehi i nā aliʻi ʻelua o Midiana, ʻo ʻOreba lāua ʻo Zeeba , nona nā poʻo i lawe ʻia mai iā Gideona.
Mokuna 8: Ka Hahai ʻana, nā Hakakā, a me ka Hopena Paukū 1–3 (He ʻŌlelo Hoʻoholo Diplomatic me ʻEperaima): Ua ʻōhumu nui nā kānaka o ʻEperaima ʻaʻole i kāhea ʻia lākou ma mua e kaua. Ua pane aku ʻo Gideona me ka haʻahaʻa a me ke akamai: "He aha kaʻu i hana ai i kēia manawa e like me ʻoukou? ʻAʻole anei ʻoi aku ka maikaʻi o ka hōʻiliʻili ʻana o nā hua waina a ʻEperaima ma mua o ka hōʻiliʻili ʻana o Abiezera?" Ua hoʻohuli kāna pane mālie i ko lākou huhū. Paukū 4–9 (Hōʻole ʻana ma Sukota a me Penuʻela): Ua hele ʻo Gideona a me kāna mau kānaka luhi he 300 ma kēlā ʻaoʻao o ka muliwai ʻo Ioredane e alualu ana i nā aliʻi o Midiana i koe, ʻo Zeba lāua ʻo Zalemuna. Ua noi lākou i nā lunakahiko o Sukota a me Penuʻela no ka berena e hānai i nā koa luhi, akā ua hoʻohenehene nā alakaʻi iā Gideona a hōʻole, me ka ʻōlelo ʻana ʻaʻole lākou i hopu i nā aliʻi. Ua aʻo aku ʻo Gideona iā lākou e hoʻi hou mai ʻo ia e hoʻopaʻi iā lākou me nā kākalaioa a me nā ʻoʻoi. Paukū 10–17 (Hoʻopaʻi a me ka Hopu ʻana): Ua hoʻopūʻiwa ʻo Gideon i ka poʻe koa o Midiana i koe a ua hopu i nā aliʻi ʻo Zeba lāua ʻo Zalemuna . I kona hoʻi ʻana mai, ua hoʻopaʻi ʻo ia i nā lunakahiko o Sukota me ka hoʻohana ʻana i nā kākalaioa o ka wao nahele a me nā ʻoʻoi, a ua wāwahi ʻo ia i ka hale kiaʻi o Penuʻela a pepehi i nā kānaka o ke kūlanakauhale. Paukū 18–21 (Ka Hopena o nā Aliʻi): Ua nīnau ʻo Gideona iā Zeba lāua ʻo Zalemuna i ke ʻano o nā kānaka a lāua i pepehi ai ma Tabora, me ka ʻike ʻana he mau hoahānau ponoʻī lāua. Ua kauoha ʻo ia i kāna keiki hiapo, ʻo Ietera, e pepehi iā lāua, akā ua makaʻu ke keiki no ka mea, he ʻōpiopio nō ia. A laila, ua noi aku nā aliʻi ʻelua iā Gideona e pepehi iā lāua iho, a pepehi ihola ʻo Gideona iā lāua, me ka lawe ʻana i nā mea hoʻonani mahina mai nā ʻāʻī o kā lāua mau kāmelo. Paukū 22–27 (ʻO ka ʻEfoda Gula a me ka Pau ʻana o ka ʻIseraʻela): Ua hoʻāʻo ʻo ʻIseraʻela e hoʻolilo iā Gideona a me kona hanauna i mau aliʻi hoʻoilina, akā ua hōʻole ikaika ʻo Gideona, me ka ʻōlelo ʻana, "E noho aliʻi ʻo Iēhova ma luna o ʻoukou." Eia naʻe, ua noi ʻo Gideona: e hāʻawi kēlā me kēia kanaka iā ia i apo pepeiao mai kā lākou waiwai pio. Ua hōʻiliʻili ʻo ia i 1,755 sekela gula a hana i ʻefoda , a waiho ihola ma kona kūlanakauhale ʻo ʻOpera. ʻO ka mea pōʻino, ua hele moekolohe ka ʻIseraʻela a pau ma hope ona ma laila , a lilo ia i mea pahele no Gideona a me kona ʻohana. Paukū 28–35 (Ka make ʻana o Gideona a me ka poina ʻana o ka ʻIseraʻela): Ua pio ʻia ʻo Midiana, a ua maluhia ka ʻāina no 40 mau makahiki i ke ola ʻana o Gideona. Ua make ʻo Gideona i ka wā ʻelemakule loa a ua kanu ʻia ʻo ia ma ka hale kupapaʻu o kona makuakāne ʻo Ioasa. Ma hope
8
ʻO Gideona, He Kanaka Koa Mana Loa
koke iho o kona make ʻana, ua hoʻi hou nā ʻIseraʻela i ka moekolohe ʻuhane, e hoʻomana ana iā Baʻala-berita a ʻaʻole i hōʻike lokomaikaʻi i ka ʻohana o Ierubaʻala (Gideona) no nā mea maikaʻi a pau āna i hana ai.
Nā Haʻawina Koʻikoʻi mai ka Moʻolelo o Gideona Hoʻohana ke Akua i ka mea i manaʻo ʻole ʻia a me ka mea nāwaliwali: Ua hoʻomaka ʻo Gideona e peʻe me ka makaʻu a ua manaʻo ʻo ia i kona ʻohana ʻo ia ka mea nāwaliwali loa ma Manase. Ua hoʻemi pono ke Akua i kāna pūʻali koa mai 32,000 a i 300 e hōʻoia i ka lanakila mai ka mana akua mai, ʻaʻole ka mana kanaka. Hoʻomanawanui me ke kānalua kanaka: Ua hālāwai ke Akua me nā manaʻo hopohopo hohonu o Gideona a me nā noi no nā hōʻailona (ke ahi a me ka huluhulu) me ke ahonui a me ka lokomaikaʻi kupaianaha, e kūkulu mālie ana i kona manaʻoʻiʻo i kēlā me kēia ʻanuʻu. ʻO ke Alakaʻi ʻoiaʻiʻo e pili ana i ka haʻahaʻa: Ua hoʻokele maikaʻi ʻo Gideona i nā politika ʻohana palupalu (e hoʻomālielie ana i ka ʻEperaima) a ua hōʻole loa i ka mana aliʻi, e ʻae ana ʻo ke Akua wale nō ke noho aliʻi ma luna o ka ʻIseraʻela. ʻO ka Pōʻino o ke Kuʻikahi i ka Holomua: ʻOiai kona mau lanakila kupaianaha, ua lilo ka hana ʻana a Gideona i ka ʻēpoda gula i pahele ʻuhane (hoʻomana kiʻi) no kona ʻohana a me kona lāhui, e hōʻoiaʻiʻo ana he pono ka makaʻala ʻuhane - a ʻoi aku hoʻi - ma hope o ka lanakila nui.
9