Oseas KAPITULO 1 1 Ang pulong ni Jehova nga midangat kang Oseas, ang anak nga lalake ni Beeri, sa mga adlaw ni Uzzias, Jotham, Ahaz, ug Ezechias, nga mga hari sa Juda, ug sa mga adlaw ni Jeroboam ang anak nga lalake ni Joas, nga hari sa Israel. 2 Ang sinugdan sa pulong ni Jehova pinaagi kang Oseas. Ug si Jehova miingon kang Oseas: Lakaw, pangasawa ug usa ka asawa sa mga makihilawason, ug mga anak sa mga makihilawason; 3 Busa siya miadto ug nangasawa kang Gomer ang anak nga babaye ni Diblaim; nga nanamkon, ug nanganak kaniya ug usa ka anak nga lalake. 4 Ug si Jehova miingon kaniya: Tawga ang iyang ngalan nga Jezreel; kay sa hamubo nga panahon, ug akong panimalus ang dugo ni Jezreel sa balay ni Jehu, ug akong pahunongon ang gingharian sa balay sa Israel. 5 Ug mahitabo niadtong adlawa, nga akong balion ang pana sa Israel didto sa walog sa Jezreel. 6 Ug siya nanamkon pag-usab, ug nag-anak ug usa ka anak nga babaye. Ug ang Dios miingon kaniya: Tawga ang iyang ngalan nga Loruhama: kay ako dili na malooy pagusab sa balay sa Israel; apan kuhaon ko sila sa hingpit. 7 Apan ako malooy sa balay sa Juda, ug luwason ko sila pinaagi kang Jehova nga ilang Dios, ug dili ko luwason sila pinaagi sa pana, ni pinaagi sa espada, ni pinaagi sa gubat, ni pinaagi sa mga kabayo, ni pinaagi sa mga magkakabayo. 8 Karon sa nalutas na niya si Loruhama, siya nanamkon, ug nanganak ug usa ka anak nga lalake. 9 Unya miingon ang Dios, Tawga ang iyang ngalan nga Loammi: kay kamo dili akong katawohan, ug ako dili mahimo nga inyong Dios. 10 Apan ang gidaghanon sa mga anak sa Israel maingon sa balas sa dagat, nga dili masukod ni maihap; ug mahitabo, nga sa dapit diin kini giingon kanila: Kamo dili akong katawohan, didto igaingon kanila: Kamo mao ang mga anak sa buhi nga Dios. 11 Unya ang mga anak sa Juda ug ang mga anak sa Israel pagatigumon, ug magatudlo sa ilang kaugalingon ug usa ka pangulo, ug manungas sila gikan sa yuta: kay daku ang adlaw sa Jezreel. KAPITULO 2 1 Isulti ninyo ngadto sa inyong mga kaigsoonan, Ammi; ug sa imong mga igsoong babaye, si Ruhama. 2 Pakiglalis sa inyong inahan, pakiglalis: kay siya dili akong asawa, ni ako iyang bana: busa ipahilayo kaniya ang iyang mga pagpakighilawas gikan sa iyang mga mata, ug ang iyang mga pagpanapaw gikan sa taliwala sa iyang mga dughan; 3 Tingali unya nga huboan ko siya, ug ipahamutang ko siya ingon sa adlaw sa iyang pagkatawo, ug himoon siya nga usa ka kamingawan, ug ibutang siya nga ingon sa usa ka mamala nga yuta, ug patyon siya sa kauhaw. 4 Ug ako dili malooy sa iyang mga anak; kay sila mga anak sa pagpakighilawas. 5 Kay ang ilang inahan nagpakighilawas: siya nga nanamkon kanila nagbuhat ug makauulaw: kay siya
miingon: Mosunod ako sa akong mga hinigugma, nga nagahatag kanako sa akong tinapay ug sa akong tubig, sa akong balhibo sa carnero ug sa akong lino, sa akong lana ug sa akong ilimnon. 6 Busa, ania karon, akong kuralan ang imong dalan sa mga tunok, ug himoon ko ang usa ka kuta, aron siya dili makakaplag sa iyang mga alagianan. 7 Ug siya magasunod sa iyang mga hinigugma, apan siya dili makaapas kanila; ug siya mangita kanila, apan dili makakaplag kanila: unya siya moingon: Ako moadto ug mobalik sa akong unang bana; kay kaniadto mas maayo pa kanako kaysa karon. 8 Kay siya wala mahibalo nga ako naghatag kaniya sa trigo, ug sa vino, ug sa lana, ug nagpadaghan kaniya sa salapi ug bulawan, nga ilang giandam alang kang Baal. 9 Busa ako mobalik, ug kuhaon ko ang akong trigo sa panahon niana, ug ang akong vino sa panahon niana, ug bawion ko ang akong balhibo sa carnero ug ang akong lino nga gihatag sa pagtabon sa iyang pagkahubo. 10 Ug karon ipakita ko ang iyang kaulag sa atubangan sa iyang mga hinigugma, ug walay makaluwas kaniya gikan sa akong kamot. 11 Pahunongon ko usab ang tanan niyang kalipay, ang iyang mga adlaw sa fiesta, ang iyang bag-ong mga bulan, ug ang iyang mga adlaw nga igpapahulay, ug ang tanan niyang maligdong nga mga fiesta. 12 Ug akong laglagon ang iyang mga parras ug ang iyang mga higuera, diin siya miingon: Kini mao ang akong mga balus nga gihatag kanako sa akong mga hinigugma: ug sila himoon ko nga usa ka lasang, ug ang mga mananap sa kapatagan magakaon kanila. 13 Ug ako modu-aw kaniya sa mga adlaw ni Baal, diin siya nagsunog ug incienso kanila, ug siya nagdayandayan sa iyang kaugalingon sa iyang mga ariyos ug sa iyang mga alahas, ug siya misunod sa iyang mga hinigugma, ug nahikalimot kanako, nagaingon si Jehova. 14 Busa, ania karon, siya hayloon ko, ug dad-on ko siya ngadto sa kamingawan, ug sultihan ko siya nga malipayon. 15 Ug ihatag ko kaniya ang iyang kaparrasan gikan didto, ug ang walog sa Achor ingon nga usa ka pultahan sa paglaum: ug siya magaawit didto, ingon sa mga adlaw sa iyang pagkabatan-on, ug ingon sa adlaw sa iyang paggula gikan sa yuta sa Egipto. 16 Ug mahitabo niadtong adlawa, nagaingon si Jehova, nga ikaw magatawag kanako nga Ishi; ug dili na ako tawgon nga Baali. 17 Kay kuhaon ko ang mga ngalan ni Baal gikan sa iyang baba, ug sila dili na pagahinumduman sa ilang ngalan. 18 Ug niadtong adlawa ako magabuhat ug usa ka tugon alang kanila uban sa mga mananap sa kapatagan, ug uban sa mga langgam sa langit, ug uban sa nagakamang nga mga butang sa yuta: ug akong bunggoon ang pana ug ang espada ug ang gubat gikan sa yuta, ug papahulayon ko sila nga luwas. 19 Ug ikaw pangasaw-on ko nga kanako sa walay katapusan; oo, ikaw pangasaw-on ko ngari kanako sa pagkamatarung, ug sa paghukom, ug sa mahigugmaongkalolot, ug sa mga kalooy. 20 Bisan pa ikaw pangasaw-on ko ngari kanako sa pagkamatinumanon: ug ikaw makaila kang Jehova. 21 Ug mahitabo niadtong adlawa, ako magapatalinghug, nagaingon si Jehova, ako mopatalinghug sa mga langit, ug sila mopatalinghug sa yuta;
Oseas
22 Ug ang yuta makadungog sa trigo, ug sa vino, ug sa lana; ug sila makadungog sa Jezreel. 23 Ug ipugas ko siya alang kanako sa yuta; ug Ako malooy kaniya nga wala makadawat ug kalooy; ug ako moingon kanila nga dili akong katawohan: Ikaw mao ang akong katawohan; ug sila moingon: Ikaw mao ang akong Dios. KAPITULO 3 1 Unya miingon si Jehova kanako: Lakaw pa, higugmaa ang usa ka babaye nga hinigugma sa iyang higala, apan usa ka mananapaw, sumala sa gugma ni Jehova ngadto sa mga anak sa Israel, nga nagadangup sa laing mga dios, ug nahagugma sa mga copa sa vino. 2 Busa gipalit ko siya alang kanako sa napulo ug lima ka book nga salapi, ug sa usa ka homer sa cebada, ug tunga sa homer sa cebada: 3 Ug ako miingon kaniya: Ikaw magapabilin alang kanako sa daghang mga adlaw; dili ka magpakighilawas, ug dili ka makighilawas sa lain nga tawo: sa ingon niana ako usab alang kanimo. 4 Kay ang mga anak sa Israel magapabilin sa daghang mga adlaw nga walay hari, ug walay principe, ug walay halad, ug walay larawan, ug walay ephod, ug walay terapim; 5 Sa tapus niini ang mga anak sa Israel mamalik, ug mangita kang Jehova nga ilang Dios, ug kang David nga ilang hari; ug mahadlok kang Jehova ug sa iyang kaayo sa ulahing mga adlaw. KAPITULO 4 Patalinghugi ang pulong ni Jehova, kamong mga anak sa Israel: kay si Jehova adunay pakiglalis sa mga pumoluyo sa yuta, tungod kay walay kamatuoran, ni mahigugmaongkalolot, ni kahibalo sa Dios sa yuta. 2 Pinaagi sa pagpanumpa, ug pagpamakak, ug pagpatay, ug pagpangawat, ug pagpanapaw, sila nanagpanumpa, ug ang dugo nakatandog sa dugo. 3 Busa ang yuta magabalata, ug ang tagsatagsa nga nagapuyo niini magaanam ug kaluya, uban sa mga mananap sa kapatagan, ug uban sa mga langgam sa langit; oo, ang mga isda usab sa dagat pagakuhaon. 4 Apan ayaw itugot nga may tawo nga makiglalis, ni magabadlong sa uban: kay ang imong katawohan sama niadtong nakiglalis sa sacerdote. 5 Busa ikaw mapukan sa adlaw, ug ang manalagna usab mahulog uban kanimo sa gabii, ug akong laglagon ang imong inahan. 6 Ang akong katawohan ginalaglag tungod sa kakulang sa kahibalo: tungod kay imong gisalikway ang kahibalo, igasalikway ko usab ikaw, aron ikaw dili mahimong sacerdote kanako: sanglit imong gikalimtan ang Kasugoan sa imong Dios, ako usab malimot sa imong mga anak. 7 Ingon nga sila midaghan, sa maong pagkaagi sila nakasala batok kanako: busa akong usbon ang ilang himaya sa kaulawan. 8 Gikaon nila ang sala sa akong katawhan, ug gibutang nila ang ilang kasingkasing sa ilang kasal-anan. 9 Ug aduna unyay, sama sa katawohan, sama sa sacerdote: ug silotan ko sila tungod sa ilang mga dalan, ug pagabalusan ko sila sa ilang mga buhat.
10 Kay sila magakaon, ug dili mabusog: sila magapakighilawas, ug dili modaghan: tungod kay sila minghunong sa pag-atiman kang Jehova. 11 Ang pagpakighilawas ug ang vino ug ang bag-ong vino makaagaw sa kasingkasing. 12 Ang akong katawohan nangayo ug tambag sa ilang mga tuod sa kahoy, ug ang ilang sungkod nagapahayag kanila; 13 Naghalad sila sa kinatumyan sa kabukiran, ug nagsunog ug insenso ibabaw sa kabungtoran, ilalom sa mga kahoyng encina ug alamo ug elms, tungod kay ang landong niini maayo: busa ang inyong mga anak nga babaye makighilawas, ug ang inyong mga kapikas manapaw. 14 Dili ko pagasilotan ang inyong mga anak nga babaye sa diha nga sila makapakighilawas, ni ang inyong mga kapikas sa diha nga sila manapaw: kay sila nakigbulag uban sa mga bigaon, ug sila nanaghalad uban sa mga bigaon: busa ang katawohan nga dili makasabut mangapukan. 15 Bisan pa ikaw, Israel, nakighilawas, apan ayaw itugot nga ang Juda makasala; ug ayaw kamo umadto sa Gilgal, ni manungas kamo sa Beth-aven, ni manumpa kamo: Ang Ginoo buhi. 16 Kay ang Israel misibug ingon sa usa ka dumalaga nga vaca nga masalaypon: karon si Jehova magapakaon kanila ingon sa usa ka nating carnero sa halapad nga dapit. 17 Ang Ephraim nadugtong sa mga dios-dios: pasagdi siya. 18 Ang ilang ilimnon maaslom: sila nakighilawas sa kanunay: ang iyang mga punoan uban sa kaulaw nahigugma, Hatagi kamo. 19 Ang hangin nagbugkos kaniya sa iyang mga pako, ug sila pagapakaulawan tungod sa ilang mga halad. KAPITULO 5 Pamatia ninyo kini, Oh mga sacerdote; ug paminaw, kamo nga balay ni Israel; ug patalinghug kamo, Oh balay sa hari; kay ang paghukom anaa kaninyo, tungod kay kamo nahimong lit-ag sa Mizpa, ug pukot nga gibuklad ibabaw sa Tabor. 2 Ug ang mga masupilon halalum sa pagpamatay, bisan ako nagbadlong kanilang tanan. 3 Ako nakaila kang Ephraim, ug ang Israel wala matago kanako: kay karon, Oh Ephraim, ikaw nakighilawas, ug ang Israel nahugawan. 4 Dili nila itugot nga ang ilang mga buhat mobalik ngadto sa ilang Dios: kay ang espiritu sa pagpakighilawas anaa sa ilang taliwala, ug sila wala makaila kang Jehova. 5 Ug ang garbo sa Israel nagapamatuod sa iyang nawong: busa ang Israel ug ang Ephraim mahulog sa ilang kasalanan; ang Juda usab mapukan uban kanila. 6 Sila mangadto uban sa ilang mga panon sa carnero ug uban sa ilang mga vaca sa pagpangita kang Jehova; apan sila dili makakaplag kaniya; siya mibulag sa iyang kaugalingon gikan kanila. 7 Nagmaluibon sila batok kang Jehova: kay nanganak sila ug mga anak nga dumuloong; 8 Patingoga ninyo ang corneta sa Gabaa, ug ang trompeta sa Rama: singgit sa makusog didto sa Beth-aven, sunod kanimo, Oh Benjamin. 9 Ang Ephraim mahimong biniyaan sa adlaw sa pagbadlong: sa taliwala sa mga banay sa Israel akong gipahibalo kadtong mahitabo gayud.
Oseas
10 Ang mga principe sa Juda sama kanila nga nanagbalhin sa utlanan: busa igabubo ko ang akong kaligutgut kanila sama sa tubig. 11 Ang Ephraim gidaugdaug ug gidugmok sa paghukom, tungod kay siya sa kinabubut-on naglakat sunod sa sugo. 12 Busa alang sa Ephraim ako mahimo nga ingon sa usa ka anunugba, ug sa balay sa Juda ingon sa pagkadunot. 13 Sa diha nga ang Ephraim nakakita sa iyang sakit, ug si Juda nakakita sa iyang samad, unya ang Ephraim miadto sa Asiria, ug nagpadala ngadto kang hari Jareb: apan siya dili makaayo kaninyo, ni makaayo kaninyo sa inyong samad. 14 Kay alang sa Ephraim ako mahimo nga ingon sa usa ka leon, ug ingon sa usa ka batan-ong leon alang sa balay sa Juda: Ako, bisan ako, mokunis-kunis ug mopahawa; kuhaon ko, ug walay makaluwas kaniya. 15 Ako moadto ug mobalik sa akong dapit, hangtud nga ilang ilhon ang ilang kasal-anan, ug mangita sa akong nawong: sa ilang kagul-anan sila mangita kanako sa sayo pa. KAPITULO 6 1 Umari kamo, ug mamalik kita kang Jehova: kay gikuniskunis niya, ug kita pagaayohon niya; siya naghampak, ug siya magabugkos kanato. 2 Sa tapus ang duha ka adlaw banhawon niya kita: sa ikatolo ka adlaw pagabangonon niya kita, ug kita magapuyo sa iyang atubangan. 3 Unya kita mahibalo, kong kita magpadayon sa pag-ila kang Jehova: ang iyang paggula giandam ingon sa kabuntagon; ug siya moanhi kanato ingon sa ulan, ingon sa naulahing ulan sa yuta. 4 Oh Ephraim, unsay akong pagabuhaton kanimo? Oh Juda, unsay akong pagabuhaton kanimo? kay ang imong kaayo sama sa panganod sa kabuntagon, ug ingon sa yamog sa kabuntagon kini mawala. 5 Busa giputol ko sila pinaagi sa mga manalagna; Gipamatay ko sila pinaagi sa mga pulong sa akong baba; 6 Kay ang kalooy gitinguha ko, ug dili ang halad; ug ang kahibalo sa Dios labaw pa sa mga halad-nga-sinunog. 7 Apan sila sama sa mga tawo nanaglapas sa tugon: didto sila nagmaluibon batok kanako. 8 Ang Galaad maoy usa ka ciudad niadtong nanagbuhat sa kasal-anan, ug nahugawan sa dugo. 9 Ug ingon sa mga panon sa mga tulisan nga nagahulat sa usa ka tawo, mao man ang panon sa mga sacerdote nga nagapamatay diha sa dalan pinaagi sa pag-uyon: kay sila nanagbuhat ug kaulag. 10 Nakita ko ang makalilisang nga butang sa balay sa Israel: didto ang pagpakighilawas sa Ephraim, ang Israel nahugawan. 11 Usab, Oh Juda, siya nagbutang ug usa ka alanihon alang kanimo, sa diha nga ako mibalik sa pagkabinihag sa akong katawohan. KAPITULO 7 1 Sa diha nga ayohon ko unta ang Israel, nan ang kasalanan sa Ephraim nabuksan, ug ang pagkadautan sa Samaria: kay sila nanagbuhat ug kabakakan; ug ang kawatan mosulod, ug ang panon sa mga tulisan mangawat sa gawas.
2 Ug sila wala maghunahuna sa ilang mga kasingkasing nga ako nahinumdum sa tanan nilang kadautan: karon ang ilang kaugalingong mga buhat naglibut kanila; ania sila sa akong atubangan. 3 Ilang gilipay ang hari tungod sa ilang pagkadautan, ug ang mga principe pinaagi sa ilang mga bakak. 4 Silang tanan mga mananapaw, ingon sa hudno nga gipainit sa panadero, nga mihunong sa pagpasiga sa tapus niya masasa ang minasa hangtud nga kini motubo. 5 Sa adlaw sa atong hari ang mga principe nagpasakit kaniya tungod sa mga botella sa vino; iyang gituy-od ang iyang kamot uban sa mga mayubiton. 6 Kay ilang giandam ang ilang kasingkasing sama sa hudno, samtang sila nanagbanhig: ang ilang magbubuhat sa tinapay natulog sa tibook nga gabii; sa buntag kini magadilaab sama sa nagdilaab nga kalayo. 7 Silang tanan nangainit sama sa hudno, ug gilamoy ang ilang mga maghuhukom; ang tanan nilang mga hari nangapukan: walay usa kanila nga nagtawag kanako. 8 Si Ephraim, siya nakigsagol sa iyang kaugalingon sa taliwala sa katawohan; Ang Ephraim maoy usa ka tinapay nga wala maliso. 9 Ang iyang kusog gilamoy sa mga dumuloong, ug siya wala mahibalo niini: Oo, ang mga buhok nga ubanon anaa dinhi ug didto sa ibabaw niya, apan siya wala mahibalo. 10 Ug ang garbo sa Israel nagapamatuod sa iyang nawong: ug sila wala mobalik kang Jehova nga ilang Dios, ni mangita kaniya tungod niining tanan. 11 Ang Ephraim usab sama sa usa ka salampati nga buangbuang nga walay kasingkasing: sila nanagsangpit sa Egipto, sila nangadto sa Asiria. 12 Sa diha nga sila mangadto, buklaron ko ang akong pukot sa ibabaw nila; Dad-on ko sila ingon sa mga langgam sa kalangitan; Pagacastigohon ko sila, ingon sa nadungog sa ilang katilingban. 13 Alaut sila! kay sila nangalagiw gikan kanako: kalaglagan alang kanila! tungod kay sila nakalapas batok kanako: bisan tuod gitubos ko na sila, apan sila nagsulti ug mga bakak batok kanako. 14 Ug sila wala magtu-aw kanako uban sa ilang kasingkasing, sa diha nga sila nanagminatay diha sa ilang mga higdaanan: sila nanagtigum sa ilang kaugalingon alang sa trigo ug sa vino, ug sila mingsukol batok kanako. 15 Bisag gigapos ko ug gipalig-on ang ilang mga bukton, sila naghunahuna ug daotan batok kanako. 16 Sila namalik, apan dili ngadto sa Hataas Uyamut; KAPITULO 8 Ibutang ang trompeta sa imong baba. Siya moabut ingon sa usa ka agila batok sa balay ni Jehova, tungod kay sila nakalapas sa akong tugon, ug nakalapas batok sa akong Kasugoan. 2 Ang Israel magatu-aw kanako: Dios ko, kami nakaila kanimo. 3 Gisalikway sa Israel ang butang nga maayo: Ang kaaway magagukod kaniya. 4 Sila nagpatindog ug mga hari, apan dili pinaagi kanako: sila naghimo ug mga principe, ug ako wala mahibalo niini: gikan sa ilang salapi ug sa ilang bulawan ilang gihimo nga mga dios-dios alang kanila, aron sila pagaputlon.
Oseas
5 Ang imong nating baka, Oh Samaria, nagsalikway kanimo; ang akong kasuko misilaub batok kanila: hangtud anus-a pa ba sila makakab-ut sa pagkawalay sala? 6 Kay gikan sa Israel mao usab kini: ang mamumuo maoy nagbuhat niini; busa kini dili Dios: apan ang nating vaca sa Samaria madugmok. 7 Kay ilang gipugas ang hangin, ug ilang anihon ang alimpulos: kini walay lindog: ang putot dili mohatag ug harina: kong ugaling kini mohatag, ang mga dumuloong molamoy niini. 8 Ang Israel gilamoy: karon sila mahisama sa usa ka sudlanan sa taliwala sa mga Gentil nga walay kalipay. 9 Kay sila nanungas ngadto sa Asiria, usa ka ihalas nga asno nga nag-inusara: si Ephraim nagsuhol ug mga hinigugma. 10 Oo, bisan sila nagsuhol sa taliwala sa mga nasud, karon tigumon ko sila, ug sila managsubo ug diyutay tungod sa palas-anon sa hari sa mga principe. 11 Tungod kay si Ephraim naghimo ug daghang mga halaran sa pagpakasala, ang mga halaran alang kaniya alang sa pagpakasala. 12 Gisulatan ko siya sa dagkong mga butang sa akong balaod, apan sila giisip nga usa ka butang nga katingad-an. 13 Sila nanaghalad ug unod alang sa mga halad sa akong mga halad, ug nagakaon niini; apan si Jehova wala modawat kanila; karon hinumduman niya ang ilang kasalanan, ug du-awonon ang ilang mga sala: mamalik sila sa Egipto. 14 Kay ang Israel nakalimot sa iyang Magbubuhat, ug nagtukod ug mga templo; ug ang Juda nagpadaghan sa mga kinutaang ciudad: apan ipadala ko ang kalayo sa iyang mga ciudad, ug kini magalamoy sa mga palacio niana. KAPITULO 9 1 Ayaw pagmaya, Oh Israel, sa kalipay, ingon sa ubang mga katawohan: kay ikaw mibulag sa usa ka pagpakighilawas gikan sa imong Dios, ikaw nahigugma sa usa ka balus sa tagsatagsa ka salog-nga-trigo. 2 Ang giukan ug ang pug-anan sa vino dili magpakaon kanila, ug ang bag-ong vino mahuyang diha kaniya. 3 Sila dili magapuyo sa yuta ni Jehova; apan ang Ephraim mobalik sa Egipto, ug sila magakaon sa mahugaw nga mga butang didto sa Asiria. 4 Sila dili magahalad ug vino nga mga halad kang Jehova, ni sila makapahimuot kaniya: alang kanila ang ilang mga halad mahimong ingon sa tinapay sa mga nanagbalata; ang tanan nga mokaon niini mahugawan: kay ang ilang tinapay alang sa ilang kalag dili makasulod sa balay ni Jehova. 5 Unsay inyong pagabuhaton sa adlaw nga balaan, ug sa adlaw sa fiesta ni Jehova? 6 Kay, ania karon, sila nangahanaw tungod sa pagkalaglag: ang Egipto magatigum kanila, ang Memphis magalubong kanila; 7 Ang mga adlaw sa pagdu-aw miabut na, ang mga adlaw sa pagbalus miabut na; Ang Israel mahibalo niini: ang manalagna maoy usa ka buang, ang espirituhanon nga tawo buang, tungod sa kadaghanon sa imong kasal-anan, ug sa dakung pagdumot. 8 Ang magbalantay sa Ephraim diha uban sa akong Dios: apan ang manalagna maoy usa ka lit-ag sa mangangayam
sa tanan niyang mga dalan, ug pagdumot diha sa balay sa iyang Dios. 9 Sa hilabihan gayud ilang gihugawan ang ilang kaugalingon, ingon sa mga adlaw sa Gabaa: busa iyang pagahinumduman ang ilang kasal-anan, iyang pagaduawon ang ilang mga sala. 10 Nakaplagan ko ang Israel sama sa mga ubas didto sa kamingawan; Nakita ko ang inyong mga amahan nga ingon sa unang hinog sa higuera sa iyang unang panahon: apan sila ming-adto sa Baalpeor, ug mingbulag sa ilang kaugalingon ngadto sa maong kaulawan; ug ang ilang mga dulumtanan ingon sa ilang gihigugma. 11 Mahitungod kang Ephraim, ang ilang himaya molupad sama sa langgam, gikan sa pagkatawo, ug gikan sa tagoangkan, ug gikan sa pagpanamkon. 12 Bisan pa sila magmatuto sa ilang mga anak, bisan pa niana ako pagakaonon sila, aron walay usa ka tawo nga mahibilin: oo, alaut usab kanila sa diha nga ako mobiya gikan kanila! 13 Ang Ephraim, ingon sa akong pagtan-aw sa Tiro, gitanum sa makapahimuot nga dapit: apan si Ephraim magadala sa iyang mga anak ngadto sa mamumuno. 14 Hatagi sila, Oh Jehova: unsay imong ihatag? hatagi sila ug sabakan nga nakuhaan ug uga nga mga suso. 15 Ang tanan nilang kadautan atua sa Gilgal: kay didto gidumtan ko sila: tungod sa pagkadautan sa ilang mga buhat papahawaon ko sila gikan sa akong balay, dili ko na sila higugmaon: ang tanan nilang mga principe mga masukihon. 16 Ang Ephraim gihampak, ang ilang gamut namala, sila dili mamunga: oo, bisan sila manganak, bisan pa niana pagapatyon ko ang hinigugma nga bunga sa ilang tagoangkan. 17 Ang akong Dios magasalibay kanila, tungod kay sila wala managpatalinghug kaniya: ug sila mahimong mga maglaaglaag sa taliwala sa mga nasud. KAPITULO 10 1 Ang Israel maoy usa ka walay sulod nga parras, siya nagahatag ug bunga alang sa iyang kaugalingon: sumala sa gidaghanon sa iyang bunga iyang gipadaghan ang mga halaran; sumala sa kaayo sa iyang yuta nanagbuhat sila ug matahum nga mga larawan. 2 Ang ilang kasingkasing nabahin; karon sila hikaplagan nga mga sad-an: iyang gub-on ang ilang mga halaran, iyang gub-on ang ilang mga larawan. 3 Kay karon sila moingon: Kami walay hari, tungod kay kami wala mahadlok kang Jehova; Unsa man unya ang buhaton sa usa ka hari kanato? 4 Sila nanagsulti ug mga pulong, nga nanagpanumpa ug bakak sa pagbuhat ug usa ka tugon: sa ingon niana ang paghukom migitib ingon sa hemlock sa mga tudling sa kapatagan. 5 Ang mga pumoluyo sa Samaria mangahadlok tungod sa mga nati sa vaca sa Beth-aven: kay ang katawohan didto magabakho tungod niini, ug ang mga sacerdote niini nga nagmaya tungod niini, tungod sa himaya niana, tungod kay kini mibulag gikan niini. 6 Kini usab pagadad-on ngadto sa Asiria ingon nga usa ka gasa kang hari Jareb: Ang Ephraim makadawat ug kaulaw, ug ang Israel maulaw sa iyang kaugalingong tambag.
Oseas
7 Mahitungod sa Samaria, ang iyang hari giputol ingon sa bula sa ibabaw sa tubig. 8 Ang hatag-as nga mga dapit usab sa Aven, ang sala sa Israel, pagalumpagon: ang tunok ug kadyapa manubo sa ilang mga halaran; ug sila moingon sa kabukiran: Taboni kami; ug ngadto sa mga bungtod, Tumpagi kami. 9 Oh Israel, ikaw nakasala sukad sa mga adlaw sa Gabaa: didto sila nanagtindog: ang gubat sa Gabaa batok sa mga anak sa kadautan wala makaapas kanila. 10 Kini mao ang akong tinguha nga ako mocastigo kanila; ug ang mga katawohan pagatigumon batok kanila, sa diha nga sila magabugkos sa ilang mga kaugalingon sa ilang duha ka tudling. 11 Ug si Ephraim sama sa usa ka dumalaga nga vaca nga natudloan, ug nahagugma sa pagyatak sa trigo; apan gilabay ko ang iyang matahum nga liog: Akong pasakyon si Ephraim; Si Juda magadaro, ug si Jacob magadugmok sa iyang mga umol. 12 Magpugas kamo alang sa inyong kaugalingon diha sa pagkamatarung, mag-ani kamo diha sa kalooy; dugmoka ang inyong yuta nga wala maamoy: kay panahon na sa pagpangita kang Jehova, hangtud nga siya moanhi ug magpaulan sa pagkamatarung nganha kaninyo. 13 Kamo nanagdaro ug kadautan, kamo nanag-ani ug kasal-anan; nakakaon kamo sa bunga sa kabakakan: tungod kay misalig ka sa imong dalan, sa panon sa imong makusganon nga mga tawo. 14 Busa ang usa ka kagubot motindog sa taliwala sa imong katawohan, ug ang tanan nimong mga kuta pagalumpagon, ingon sa paglumpag ni Salman sa Beth-arbel sa adlaw sa gubat: ang inahan gidugmok sa ibabaw sa iyang mga anak. 15 Mao usab ang pagabuhaton sa Bethel kaninyo tungod sa inyong dakung pagkadautan: sa usa ka buntag ang hari sa Israel sa hingpit pagaputlon. KAPITULO 11 1 Sa bata pa ang Israel, nan gihigugma ko siya, ug gitawag ko ang akong anak gikan sa Egipto. 2 Sa ilang pagtawag kanila, sa ingon niana sila mipahawa gikan kanila: sila nanaghalad ngadto sa mga Baal, ug nanagsunog sa incienso alang sa linilok nga mga larawan. 3 Gitudloan ko usab si Ephraim sa paglakaw, gikugos ko sila sa ilang mga bukton; apan wala sila mahibalo nga giayo ko sila. 4 Gidani ko sila pinaagi sa mga pisi sa tawo, uban ang mga higot sa gugma: ug alang kanila ako nahimo nga ingon niadtong nagtangtang sa yugo sa ilang mga apapangig, ug gibutang ko kanila ang pagkaon. 5 Siya dili mobalik ngadto sa yuta sa Egipto, apan ang Asiriahanon mao ang iyang hari, tungod kay sila nanagdumili sa pagbalik. 6 Ug ang espada mopabilin sa ibabaw sa iyang mga ciudad, ug magaut-ut sa iyang mga sanga, ug magalamoy kanila, tungod sa ilang kaugalingong mga tambag. 7 Ug ang akong katawohan hilig sa pagtalikod gikan kanako: bisan sila nagtawag kanila ngadto sa Hataas Uyamut, walay bisan kinsa nga magabayaw kaniya. 8 Unsaon ko pagtugyan kanimo, Ephraim? unsaon ko pagluwas kanimo, Israel? unsaon ko paghimo kanimo nga sama sa Adma? unsaon ko pagbutang kanimo ingon sa
Zeboim? ang akong kasingkasing mibalik sa sulod nako, ang akong mga paghinulsol nasunog sa tingub. 9 Dili ko tumanon ang kabangis sa akong kasuko, dili na ako mobalik aron sa paglaglag sa Ephraim: kay ako mao ang Dios, ug dili ang tawo; ang Balaan nga anaa sa imong taliwala: ug ako dili mosulod sa ciudad. 10 Sila magalakaw sunod kang Jehova: siya magangulob sama sa usa ka leon: sa diha nga siya magangulob, unya ang mga bata mangurog gikan sa kasadpan. 11 Sila mangurog ingon sa usa ka langgam gikan sa Egipto, ug ingon sa usa ka salampati gikan sa yuta sa Asiria: ug ipahaluna ko sila sa ilang mga balay, nagaingon si Jehova. 12 Ang Ephraim nagalibut kanako uban ang kabakakan, ug ang balay sa Israel uban ang limbong: apan ang Juda nagmando pa uban sa Dios, ug matinumanon uban sa mga balaan. KAPITULO 12 Ang Ephraim nagakaon sa hangin, ug nagasunod sa hangin sa timogan: siya sa matag-adlaw nagapadaghan sa kabakakan ug sa pagkalaglag; ug sila naghimo ug usa ka pakigsaad uban sa mga Asiriahanon, ug ang lana gidala ngadto sa Egipto. 2 Si Jehova usab adunay pakiglalis sa Juda, ug pagasilotan si Jacob sumala sa iyang mga dalan; sumala sa iyang mga buhat siya magabalus kaniya. 3 Iyang gikuha ang iyang igsoon pinaagi sa tikod diha sa tagoangkan, ug pinaagi sa iyang kusog siya adunay gahum uban sa Dios: 4 Oo, siya may gahum ibabaw sa manolonda, ug midaug: siya mihilak, ug nangaliyupo kaniya: iyang hikaplagan siya sa Bethel, ug didto siya nakigsulti kanamo; 5 Bisan si Jehova, ang Dios sa mga panon; ang Ginoo mao ang iyang handumanan. 6 Busa bumalik ka sa imong Dios: bantayi ang kalooy ug ang justicia, ug maghulat ka sa imong Dios sa kanunay. 7 Siya maoy usa ka magpapatigayon, ang mga timbangan sa limbong anaa sa iyang kamot: nahagugma siya sa pagdaugdaug. 8 Ug si Ephraim miingon: Bisan pa niana ako nahimong adunahan, ako nakakaplag ug bahandi alang kanako: sa tanan ko nga mga paghago sila walay hikaplagan nga kadautan dinhi kanako nga maoy sala. 9 Ug Ako mao si Jehova nga imong Dios gikan sa yuta sa Egipto, magapapuyo pa kanimo sa mga tabernaculo, ingon sa mga adlaw sa maligdong nga fiesta. 10 Ako usab misulti pinaagi sa mga manalagna, ug ako nagpadaghan sa mga panan-awon, ug migamit ug mga sambingay, pinaagi sa pangalagad sa mga manalagna. 11 Aduna bay kasal-anan sa Galaad? sa pagkatinuod sila kakawangan man: sila nanaghalad ug mga lakeng vaca sa Gilgal; oo, ang ilang mga halaran ingon sa mga tapok sa mga tudling sa kaumahan. 12 Ug si Jacob mikalagiw ngadto sa yuta sa Siria, ug si Israel nag-alagad alang sa usa ka asawa, ug alang sa usa ka asawa siya nagbantay ug mga carnero. 13 Ug pinaagi sa usa ka manalagna gikuha ni Jehova ang Israel gikan sa Egipto, ug pinaagi sa usa ka manalagna siya gibantayan. 14 Si Ephraim naghagit kaniya sa pagkasuko sa hilabihan nga mapait: busa igabilin niya ang iyang dugo sa ibabaw
Oseas
niya, ug ang iyang pagkatalamayon igauli sa iyang Ginoo kaniya. KAPITULO 13 1 Sa pagsulti ni Ephraim nga nagkurog, gibayaw niya ang iyang kaugalingon diha sa Israel; apan sa diha nga siya nakasala kang Baal, siya namatay. 2 Ug karon sila nagadugang sa pagpakasala, ug nanagbuhat alang kanila ug mga tinunaw nga larawan sa ilang salapi, ug mga dios-dios sumala sa ilang kaugalingong salabutan, ang tanan niini buhat sa mga magbubuhat: sila nagaingon mahitungod kanila: Pasagdi nga ang mga tawo nga nanaghalad maghalok sa mga nating vaca. 3 Busa sila mahisama sa panganod sa kabuntagon, ug sama sa yamog sa kabuntagon nga mahanaw, sama sa tahop nga ipadpad sa alimpulos gikan sa salog, ug sama sa aso gikan sa panghaw. 4 Bisan pa niana ako mao si Jehova nga imong Dios gikan sa yuta sa Egipto, ug ikaw walay laing dios gawas kanako: kay walay manluluwas gawas kanako. 5 Naila ko ikaw didto sa kamingawan, sa yuta sa dakong hulaw. 6 Sumala sa ilang sibsibanan, mao nga sila nangabusog; sila nabusog, ug ang ilang kasingkasing gibayaw; busa sila nalimot kanako. 7 Busa alang kanila ako mahimong ingon sa usa ka leon: ingon sa usa ka leopardo sa dalan pagabantayan ko sila: 8 Sugpuon ko sila ingon sa usa ka oso nga nawad-an sa iyang mga itoy, ug gision ko ang habol sa ilang kasingkasing, ug didto lamyon ko sila sama sa usa ka leon: ang mananap nga ihalas mokunis-kunis kanila. 9 O Israel, ikaw naglaglag sa imong kaugalingon; apan ania kanako ang imong tabang. 10 Ako mahimo nga imong hari: hain na man ang lain nga makaluwas kanimo sa tanan nimong mga ciudad? ug ang imong mga maghuhukom nga imong giingon: Hatagi ako ug usa ka hari ug mga principe? 11 Gihatagan ko ikaw ug hari sa akong kasuko, ug gikuha ko siya sa akong kasuko. 12 Ang kasal-anan ni Ephraim nabugkosan; ang iyang sala gitagoan. 13 Ang mga kagul-anan sa usa ka babaye nga magaanak modangat kaniya: siya maoy usa ka dili-manggialamon nga anak nga lalake; kay dili siya kinahanglan nga magdugay sa dapit sa pagbuak sa mga bata. 14 Pagalukaton ko sila gikan sa gahum sa Sheol; Pagatubson ko sila gikan sa kamatayon: Oh kamatayon, ako mahimo nga imong mga hampak; Oh lubnganan, ako mao ang imong kalaglagan: ang paghinulsol matago gikan sa akong mga mata. 15 Bisan siya mabungahon sa taliwala sa iyang mga igsoon, ang hangin sa timogan moabut, ang hangin ni Jehova mogula gikan sa kamingawan, ug ang iyang tubod mahimong mamala, ug ang iyang tuburan mamala: siya magaguba sa bahandi sa tanang matahum nga mga sudlanan. 16 Ang Samaria mahimong biniyaan; kay siya misukol batok sa iyang Dios: sila mangapukan pinaagi sa espada;
KAPITULO 14 1 Oh Israel, bumalik ka kang Jehova nga imong Dios; kay napukan ka tungod sa imong kasal-anan. 2 Pagdala uban kaninyo ug mga pulong, ug balik ngadto kang Jehova: ingna siya: Kuhaa ang tanang kasal-anan, ug dawata kami sa pagkamapuanguron: sa ingon niana among igahatag ang mga nating vaca sa among mga ngabil. 3 Ang Asiria dili makaluwas kanamo; kami dili mosakay sa mga kabayo: ni moingon pa kami sa buhat sa among mga kamot: Kamo mao ang among mga dios: kay diha kanimo ang mga ilo makakaplag ug kalooy. 4 Ayohon ko ang ilang pagkasuki, higugmaon ko sila sa walay bayad: kay ang akong kasuko mipalayo gikan kaniya. 5 Ako mahimong sama sa yamog alang sa Israel: siya motubo ingon sa lirio, ug mopatidlom sa iyang mga gamut ingon sa Libano. 6 Ang iyang mga sanga mokaylap, ug ang iyang katahum maingon sa kahoy nga olibo, ug ang iyang kahumot maingon sa Libano. 7 Sila nga nanagpuyo ilalum sa iyang landong mamalik; sila mangabuhi ingon sa trigo, ug motubo ingon sa parras: ang baho niini maingon sa vino sa Libano. 8 Ang Ephraim moingon: Unsay labut ko sa mga dios-dios? Ako nakadungog kaniya, ug nakabantay kaniya: Ako sama sa usa ka lunhaw nga kahoy nga haya. Gikan kanako makaplagan ang imong bunga. 9 Kinsa ang manggialamon, ug siya makasabut niining mga butanga? buotan, ug siya makaila kanila? kay ang mga dalan ni Jehova matarung, ug ang mga matarung magalakaw diha kanila;