Gininhawa nga Gihatag sa Diyos Ipapadayeg sa tanan nga adunay gininhawa ang Ginoo. Dayega ninyo ang Ginoo. Salmo 150:6
Pentateuko Ug giumol ni Jehova nga Dios ang tawo gikan sa abog sa yuta, ug gihuypan niya sa iyang ilong ang gininhawa sa kinabuhi; ug ang tawo nahimong kalag nga may kinabuhi. Genesis 2:7 Ug, ania karon, ako, ako gayud, magdala ug lunop sa mga tubig sa ibabaw sa yuta aron sa paglaglag sa tanan nga unod nga adunay gininhawa sa kinabuhi gikan sa ilalum sa langit; ug ang tanan nga anaa sa yuta mangamatay. Genesis 6:17 Ug mingsulod sila ngadto kang Noe sa arca, sa tinagurha ang tanan nga unod nga may gininhawa sa kinabuhi. Genesis 7:15 Ang tanan nga may gininhawa sa kinabuhi sa ilang mga ilong, ang tanan nga didto sa mamala nga yuta, nangamatay. Genesis 7:22 Apan sa mga lungsod niining mga tawhana, nga gihatag kanimo ni Jehova nga imong Dios alang sa usa ka panulondon, walay bisan unsa nga nagaginhawa nga imong pagaluwason: Deuteronomio 20:16
Kasaysayan Busa gilaglag ni Josue ang tibook nga yuta sa kabungtoran, ug sa habagatan, ug sa kapatagan, ug sa mga tubod, ug ang tanan nilang mga hari: walay gibilin niya nga nahabilin, kondili gilaglag gayud niya ang tanan nga nagaginhawa, sumala sa gisugo ni Jehova, ang Dios sa Israel. Josue 10:40 Ug ilang gipamatay ang tanang mga kalag nga diha didto sa sulab sa espada, nga gilaglag sila pagayo: walay bisan kinsa nga nahabilin nga nagginhawa: ug iyang gisunog ang Hazor sa kalayo. Ug ang tanang mga inagaw niining mga ciudara, ug ang mga panon sa vaca, ang mga anak sa Israel nanagdala alang sa ilang kaugalingon; apan ang tagsatagsa ka tawo ilang gipamatay sa sulab sa espada hangtud nga ilang nalaglag sila, walay bisan kinsa nga gibilin nga nagginhawa. Josue 11:11,14 Ug ang mga kanal sa dagat mitungha, ang mga patukoranan sa kalibutan nabutyag, sa pagbadlong ni Jehova, sa paghuyop sa gininhawa sa iyang mga ilong. 2 Samuel 22:16 Ug nahitabo sa diha nga naghari na siya, nga iyang gilaglag ang tibook balay ni Jeroboam; walay gibilin niya kang Jeroboam nga bisan kinsa nga nagaginhawa, hangtud nga iyang nalaglag siya, sumala sa gipamulong ni Jehova, nga iyang gipamulong pinaagi sa iyang alagad nga si Ahias ang Silonhon: 1 Hari 15:29 Ug nahitabo sa tapus niining mga butanga, nga ang anak nga lalake sa babaye, ang tag-iya sa balay, nasakit; ug ang iyang sakit grabe kaayo, nga walay gininhawa nga nahabilin kaniya. 1 Hari 17:17