Niðjatal Halldórs Þorbjarnasonar og Guðlaugar Sveinsdóttur

Halldór Þorbjarnarson

Halldór Þorbjarnarson var fæddur 25. júlí 1877 í Svignaskarði í Borgarhreppi. Foreldrar hans voru hjónin Þorbjörn Davíðsson bóndi og smiður og Ólöf Einarsdóttir húsmóðir. Systkin Halldórs voru Davíð (1869 - 1873), Sigurður (1871 - 1925), Einar (f. 1872), Davíð (f. 1874), Sigríður (1879 - 1965) og hálfbróðirinn Þorbjörn (1890 - 1992). Móðir hans var Arndís Bjarnadóttir (1850 - 1945), síðari kona Þorbjarnar (1888). Ólöf móðir Halldórs andaðist 1880. Eftri lát hennar flytur Þorbjörn að Sanddalstungu og er þar til heimilis á annan áratug og síðan á nokkrum stöðum öðrum í uppsveitum Mýrasýslu framundir aldamót, flytur síðan að Áskoti í Melasveit og býr þar til æviloka. Halldór fluttist að Dýrastöðum í Norðurárdal árið 1879 til hjónanna Þórdísar Einarsdóttur, móðursystur sinnar, og Sigurðar Þorbjarnarsonar, frænda síns. Ólöf móðir Halldórs og Sigurður voru systkinabörn bæði í föðurætt og móðurætt. Árið 1887 flyst Halldór með fósturforeldrum sínum að Helgavatni í Þverárhlíð og á þar heimili til 1903. Það ár verður hann vinnumaður í Sólheimatungu í Stafholtstungum, síðan lausamaður á Stafholtsveggjum 1904 - 1909. Þar bjuggu þá Margrét Sigurðardóttir, fóstursystir hans og frænka frá Helgavatni, og Þorbjörn Jóhannesson frá Efranesi. Þau hjón voru systkinabörn. Halldór og Guðlaug eru gefin saman í hjónaband 21. desember 1907. Vorið 1909 flytjast þau að Litluskógum í leiguábúð. Jörðin var eign Kirkjujarðasjóðs. Með lögum árið 1907 var sala kirkjujarða heimiluð og vorið 1912 keypti Halldór jörðina á 1275 krónur og greiddi hana með jöfnum afborgunum á tíu árum.

Á lausamennskuárum sínum sinnti Halldór ýmsum störfum, var í vegavinnu og til sjós suður í Höfnum. Síðar var hann verkstjóri við vegaviðhald og vegalagningu á vorin og stundum einnig á haustin.

Bústofn í Litluskógum var ekki stór, oftast þrjár kýr í fjósi, sauðfé hátt í hundrað og nokkur hross og hænsni. Auk hefðbundinna starfa við bústofninn, heyskapar á túni og engjum var unnið að sléttun túnsins og nokkurri stækkun þess. Halldór girti túnið með torf og grjótgörðum og gaddavír. Eftir það þurftu systkinin í Litluskógum ekki að vaka yfir túninu á vorin. Hann var lagtækur og smíðaði ýmsa búshluti. Hann átti vefstól og óf stundum í honum á vetrum.

Halldór las húslestra á kvöldum að vetrinum úr Hugvekjum Péturs Péturssonar biskups og á helgum úr Húspostillu Helga Thordersens biskups.

Um sláttinn sumarið 1930 veiktist Halldór alvarlega og fór til Reykjavíkur á Landakotsspítala. Þar andaðist hann 13. desember 1930.

Foreldrar Halldórs.

Þorbjörn Davíðsson, f. 17. júní 1844 á Brennistöðum í Flókadal, d. 16. nóv. 1922. Bóndi á Sleggjulæk, í Svignaskarði, Sanddalstungu, Áskoti og víðar. Kona hans: Ólöf Einarsdóttir, f.30. júlí 1841 á Hömrum í Þverárhlíð, d. 30.júlí 1880. Húsmóðir. Afar og ömmur.

Davíð Þorbjarnarson, f. 22. ágúst 1819, d. 13. nóv. 1895. Bóndi á Krossi í Lundarreykjadal, Brennistöðum í Flókadal og Þorgautsstöðum í Hvítársíðu. Kona hans: Málfríður Þorsteinsdóttir, f. 2. okt.1816 á Innrahólmi, Innri-Akraneshreppi, d. 30. jan. 1900. Húsmóðir.

Einar Halldórsson, f. 7. febr. 1803 á Sleggjulæk í Stafholtstungum, d. 27. maí 1871. Bóndi í Arnarholti, á Hömrum í Þverárhlíð og Ásbjarnarstöðum. Kona hans: Sigríður Sigurðardóttir, f. 20. ágúst 1809 á Hrafnabjörgum í Hörðudal, Dalasýslu, d. 29. júní 1846. Húsmóðir. Langafar og langömmur.

Þorbjörn Ólafsson, hinn ríki, f. um 1745 í Munaðarnesi í Stafholtstungum, d. 7. marsl827. Bóndi og gullsmiður á Helgavatni í Þverárhlíð og á Lundum í Stafholtstungum. Ráðskona hans: Málfríður Sigurðardóttir, f. 16. okt. 1788 í Hjarðarholti í Stafholtstungum, d. 22. júní 1824. Vinnukona og síðar ráðskona.

Þosteinn Þiðriksson, f. 17. maí 1790 í Geirshlíð í Flókadal, d. 30. des. 1858. Bóndi á Innrahólmi og í Gröf og

Kjalardal í Skilmannahreppi, á Brennistöðum í Flókadal og Hurðarbaki í Reykholtsdalshreppi. Kona hans: Steinunn Ásmundsdóttir, f. 8. apríl 1796 á Elínarhöfða í Innri-Akraneshreppi, d. 26. sept. 1879. Húsmóðir.(Klingenbergsætt) Halldór Pálsson, hinn fróði, f. 22. apríl 1773 á Sleggjulæk í Stafholtstungum, d. 7. júlí 1863. Bóndi á Sleggjulæk og Ásbjarnarstöðum. Kona hans: Þórdís Einarsdóttir, f. 1779 á Svalbarði á Álftanesi syðra, d. 4. júní 1856. Húsmóðir. Sigurður Þorbjarnarson, hins ríka, f. 1777 á Helgavatni í Þverárhlíð, d. 4. júní 1818. Aðstoðarprestur og síðar prestur í Vatnsfirði, bóndi á Hrafnabjörgum í Hörðudal, aðstoðarprestur í Miklaholti, bóndi á Syðri-Rauðamel. Kona hans: Ólöf Guðlaugsdóttir, f. um 1771, d. 7. apríl 1828. Húsmóðir.

Guðlaug Sveinsdóttir

Guðlaug Sveinsdóttir var fædd 24. okt. 1877 á Einifelli í Stafholtstungum. Foreldrar hennar voru hjónin Sveinn Gíslason bóndi og Oddrún Pálsdóttir húsmóðir. Systkin Guðlaugar voru:

Guðlaugur (1871 - 1873), Björg (1874 - 1900) og Pálína (1880 - 1966). Fyrri eiginmaður Oddrúnar var Guðlaugur Jónsson (1830 - 1866), bóndi á Höll í Þverárhlíð. Dætur þeirra, hálfsystur Guðlaugar, voru Guðný (1863 - 1938) og Halldóra (1866 - 1930).

Sveinn og Oddrún áttu lengst afheimili í Þverárhlíð. Hann var ýmist bóndi, vinnumaður eða í húsmennsku, hún var húsmóðir eða í húsmennsku. Eftir lát hans fluttist hún til Akraness. Sumarið 1880 fór hún með Guðlaugu dóttur sinni að Efranesi, var þar í kaupavinnu. Þar bjuggu hjónin Jóhannes Elíasson og Ólöf Þorbjarnardóttir, systir Sigurðar á Helgavatni. Við brottför Oddrúnar um haustið varð Guðlaug eftir, hjónin í Efranesi tóku hana í fóstur, og hún átti þar lengst af heimili fram undir þrítugt.

Árið 1896 fór Guðlaug vinnukona að Helgavatni og var um tíma vinnukona þar og á Guðnabakka í Stafholtstungum hjá Guðrúnu dóttur Efraneshjónanna og eiginmanni hennar. Síðar var hún í kaupavinnu í Arnarholti í Stafholtstungum hjá Sigurði Þórðarsyni sýslumanni. Þar kynntist hún Margréti systur sýslumanns, ekkju eftir Pál Sigurðsson prest í Gaulverjabæ, hélst vinátta þeirra lengi. Margrét sendi börnunum í Litluskógum póstkort og gjafir og fékk aftur send ber sem þau tíndu. Tveir elstu synir Guðlaugar hlutu nöfn sem kalla má tengd fólkinu í Arnarholti. Aðalsteinn fékk nafn af skáldsögunni Aðalsteinn eftir Pál í Gaulverjabæ og Þórður nafn Þórðar sýsluskrifara í Arnarholti. Guðlaug dvaldist einnig um stundarsakir á Akranesi og í Reykjavík við sauma og fleira. Hún var í Reykjavík haustið 1906 þegar Halldór fór þangað með sauðarekstur ásamt Davíð Þorsteinssyni á Arnbjargarlæk og Andrési Eyjólfssyni. Frásögn Andrésar í Síðumúla um þá ferð er í Borgfirzkri blöndu, 4. bindi, bls. 216 - 225. Árið 1907 flytur Guðlaug að Stafholtsveggjum og eru þau Halldór þar í húsmennsku þangað til þau flytjast að Litluskógum 1909. Þar var hún húsmóðir til 1936. Eftir lát Halldórs stóð Þórður sonur þeirra fyrir búi með henni og vann jafnframt við bókband.

Frá 1936 var Guðlaug í Reykjavík og hélt heimili með systkinunum Ólöfu og Jóhannesi.

Fyrir kom að hún réði sig til innanhúsverka í sveit að sumarlagi. Eitt sumar var hún í Skálholti í Biskupstungum. Hana langaði til að vera á slóðum Ragnheiðar Brynjólfsdóttur biskups og Daða Halldórssonar. Ljóðaflokkurinn Eiðurinn eftir Þorstein Erlingsson hafði lengi verið ein af eftirlætisbókum hennar. Síðar fór hún í sumarvinnu að Hrísbrú í Mosfellssveit.

Guðlaug var við góða heilsu til æviloka. Hún fékk slag og andaðist 22. febrúar 1956. Foreldrar Guðlaugar

Sveinn Gíslason, f. 12. nóv. 1835 í Stóraási í Hálsasveit, d. 28.okt. 1900. Bóndi á Lundi og í lækjarkoti í Þverárhlíð. Kona hans: Oddrún Pálsdóttir, f. 29. júní 1840 í Leirvogstungu í Mosfellssveit, d. 26.maí 1912. Húsmóðir. Afar og ömmur.

Gísli Sumarliðason, f. 1806 í Mávahlíð í Lundarreykjadal, d. 2. júlí 1846, vinnumaður í Deildartungu, á Hurðarbaki, Varmalæk í Bæjarsveit og Giljum í Hálsasveit. Barnsmóðir hans: Þórlaug Torfadóttir, f. 21. sept. 1812 á Stórubýlu á Akranesi, d. 21. okt. 1873. Vinnukona á bæjum í Reykholtsdal, Hálsasveit, Flókadal og víðar.

Páll Magnússon, f. 13. nóv. 1808 í Úthlíð í Biskupstungum, d. 12. okt. 1853. Bóndi í Ártúni á Kjalarnesi. Kona hans: Halldóra Jónsdóttir, f. 26. sept. 1810 í Kjarnholtum í Biskupstungum, d. 14. júní 1858. Húsmóðir. Langafar og langömmur

Sumarliði Gíslason, f. um 1746. Bóndi í Mávahlíð í Lundarreykjadal. Kona hans: Vilborg Bjarnadóttir, f. um 1767, d. 30. mars 1839. Húsmóðir

Torfi Sveinsson, f. um 1763 á Eyri í Flókadal. Bóndi á Stórubýlu og Dægru á Akranesi og Klafastöðum í Skilmannahreppi. Kona hans: Margrét Guðbrandsdóttir, f. um 1768. Húsmóðir.

Magnús Sigurðsson, f. 1773 í Hólshúsum í Flóa, d. um 1815. Bóndi í Úthlíð í Biskupstungum. (Bergsætt.) Kona hans: Guðrún Pálsdóttir, f. 1775, d. 23. ágúst 1855. Húsmóðir.

Jón Gíslason, f. 1773, d. 16. nóv. 1838. Bóndi í Kjarnholtum í Biskupstungum. Kona hans: Sigríður Þórðardóttir, f. um 1783. Húsmóðir.

Afsalsbrjef vegna kaupa á Litlu-Skógum

Litlu-Skógar

Jón Ólafson málaði eftir ljósmynd 1941

Úr gjörðabók fasteignamatsnefndar Mýrasýslu

Undirmat Mýrasýslu 1916–1917. Lokið 1917. 25 Litluskógar

Eigandi og ábúandi er Halldór Þorbjörnsson, hús, mannvirki og nytjar eru: Íbúðarhús með torfveggjum og járnþaki 7x9 ál. portbyggt, skemma – fjós yfir 3 gripi – fjárhús yfir 90 fjár – hesthús yfir 6 hross – hlaða yfir 340 h.h. – – búr og eldhús.

Önnur mannvirki eru: kálgarður gefur 8–9 tn.

Jarðnytjar eru: tún að stærð 2,5 ha. að helmingi sléttað, gefur að 80 h.h. – af reitingsslæum í beitilandi fást 200 heyhestar, nothæft aðeins fyrir sauðfé með útbeit, það er alt fremur nærtækt og mest á votlendi, beitilandið er allgott fyrir sauðfé, lakara fyrir stórgripi, fremur snjólétt á vetrum, skjól og skógur dálítill, nærtæk beit og hæg fjárgæsla yfir höfuð.

Önnur jarðargæði eru lítil, hrís aðeins til eldiviðar, byggingar efni lítið og lélegt, liggur ekki illa við samgöngum, skammt á akfæran veg.

Jörðin leigir sameiginlegt fjallland við no . 22 hér að framan, til upprekstrar í stað afréttar sem ekki er til.

Landamerki eru ágreiningslaus, og þingl.

Jörðin er talin framfæra 2 kýr 100 fjár 4 hrossum.

Mat: 1 jörðin sjálf

2 húsin

kr. 1000,00

kr. 900,00

3 jarðab. síðastl. 10 ára kr. 200,00

Jarðarkúg. 2

Bréf Halldórs til Þórðar þegar hann lá banaleguna

Elsku Þórður minn, óskir bestu, jeg hef leingi ætlað skrifa þjer en streist mjer til, jeg ætla að biðja þig að vera fram eptir vetrinum þú verður að fá það borgað elskan mín ef við getum. jeg bið þig ráða með mömmu.

jeg gerði dir í galtan hjá hesthúsinu í fyrra undan hliðinu það fennir síður inn. þu að gætir hlöðu gaflana láta þar torusnepla frá galtanum, ef þú fleigir frá rollonum þá má láta dálítið á plægingu fyrir framan enn gott að láta sem mest í yðstu plæginguna í bíngi á sljett.

Það þarf að aðgæta böndin á hrútonum hafa kanski fúnað. passið þeir meiði ykkur ekki. Ef þið hafið ekki náð olíu af fatinu þá ættuð þið að fá lánaðan krana í Skarði það liggur ekki á að skila fatinu það er að láni Ríkissjóður á vagn og tvenn Ní aktýgi ef þú ættir hægt með að skila (liggur ekkert á að fara með þetta) því til Guðjóns í Skúrinn Hesta höftonum og 1 g hestsjárn liggur ekki á að skila. Vagn grindar garma sagarðu í eldinn láttu kindurna út í slagveður eða lausa mjöll fer jeg nú að hætta þessu rissi doddi minn vertu svo kært kvaddur

Elsku Þórður

Það mælir þinn faðir, Halldór Þorbjarnarson

Skírnarfontur gefinn Stafholtskirkju

1964 gáfu börn Halldórs og Guðlaugar og makar þeirra Stafholtskirkju skírnarfont í minningu foreldra sinna.

Við sama tilefni var hann vígður með skírn elsta barnabarns Þórðar, Birgis Haukssonar.

Líkræða við jarðarför Halldórs Þorbjarnarsonar þann

22. desember 1930

Prestur var Séra Gísli Einarsson Halldór Þorbjarnarson

f. 25.07.1877 – d. 13. desember 1930

Vér þökkum þér faðir vor á himnum sem gafst oss lífið. Vér þökkum þér fyrir öll hin miklu og margföldu gæði er þú gafst oss með því, en hin allra dýrustu gæðin eru ástvinir vorir er þú gafst oss. Vér gleymum því ef til vill oft að allt er hverfult í heimi þessum og vér og fæstir fáum nokkurn tíma að halda öllum þessum gjöfum. Drottinn fyrirgefðu oss ef vér nokkurn tíma möglum gegn þér. Vér biðjum þig, hjálpa þú oss til að bera allt hið mótdræga sem oss ber að hendi, þar á meðal dauða ástvina vorra í jesú nafni amen. Eftir lifir mannorð mætt þó maðurinn deyi. Það er tvent ólíkt að sjá á eftir ástvini sínum á braut hafi hann verið mætur maður sem allir hafa borið virðingu fyrir og unnað eða þvert á móti. Það er huggun í því að hans sé ávalt minnst með virðingu og þakklátssemi, en þessu sé varið á gagnstæðan hátt. En þess meira sem varið er í vin vorn sem vér erum sviftir, þess meira er misst og því langvinnari verður söknuðurinn ef til vill. En það ávalt mikið sælla að fá alltaf minnst hans með ást og virðingu og að vita hans svo minnst af öðrum útífrá, því þess dýrari hefur eignin verið, þess mikilvægari og það er ávalt mikils virði að eiga dýra eign, einkum hvað ástvini snertir, því góðir ástvinir eru dýrasta eignin en enginn veit hvað átt hefur fyrr en misst hefur og því leggjum vér oft rangt mat á ástvini vora, elskum þá ef til vill ekki eins og þeir eiga skilið.

Æfiatriða fárra skal hér að nokkru minnst þessa mæta manns.

Halldór Þorbjarnarson var fæddur í Svignaskarði 25. júlí 1877 [innskot Halldór hefur því verið 53 ára gamall við andlát] eða svo stendur hér í embættisbókum. Foreldrar hans voru Þorbjörn Davíðsson bóndi i Svignaskarði og kona hans Ólöf Einarsdóttir. Bæði hér af gömlum borgfirskum ættum, saman fléttuðum á ýmsa lund. Halldór var fimm ára gamal þegar hann missti móður sína 1882, en þá fluttist hann þegar til móðursystur sinnar Þórdísar og Sigurðar, manns hennar og ólst þar upp þar til hann 26 ára, 1903 varð vinnumaður í Sólheimatungu. Hann dvaldi á Stafholtsveggjum frá 1904 til 1908 og kvæntist 21. des. 1907 heitmey sinni Guðlaugu Sveinsdóttur en vorið 1908 reisti hann bú á Litlu- Skógum og hefur sem kunnugt er búið þar síðan. Þau hjón hafa eignast 8 börn og er 1 af þeim látið.

Halldór var mikill vilja og dugnaðarmaður og verklaginn. Fyrir utan heimilisstörf gaf hann sig við vinnu utan heimilis, einkum við vegagjörð og vegaviðgjörðir. Leisti hann víst það verk vel af hendi því maðurinn var trúr og dyggur. En hann sagði mér einhverntíma að sú vinna mundi vart borga sig því heimilið væri ekki nógu vel hirt á meðan börnin voru ung og konan ein með þau langan tíma á annamiklum tíma. Jörðin er léleg harðbala jörð og hlaut það að vera miklum erfiðleikum bundið að koma áfram svo stórri fjölskyldu, en það má víst segja að það hafi tekist vel. Lán er það mikið að börnin eru öll mannvænleg og siðprúð og taka vel á móti tilsögn og hafa öll notað sér hana vel, eftir því sem föng hafa verið til. Elsti sonurinn aðeins 23 ára [Aðalsteinn] er komin í vandasama trúnaðarstöðu. Má það furðu sæta um svo ungan pilt. Vonandi njóta hin önnur börn hjónanna sama álits þegar aldur vex og þroski næst. Vér erum vanir að segja um börnin að þau hafi ekki langt að sækja það þegar einhverjir sélegir kostir lýsa sér hjá þeim - eða þá ókostir. Það má segja um börn þessi að þau hafi ekki langt að sækja trúmensku og verkhæfleika þar sem faðir þeirra var. Hann átti ekki kost á í uppvexti sínum eins mikilli tilsögn og þau. En hverjum áttu þau að þakka, en honum fyrir hyggju hans og dugnaði að þau áttu kost á frekari mentun en barnaskólamentun þeirri sem hér er á boðstólum. Mörg börn hjá fátækum foreldrum verða nauðsynja heimilisins vegna að vinna og fá lítið uppborið og eiga sama sem ekkert tilkomin á fullorðins ár þegar þau eiga sjálf að ganga út í lífið og byrja sjálfstæða atvinnu. Öll frekari mentun kostar mikið fé, einkum þegar hún er sótt eitthvað lengra í burtu. Halldór var dugnaðarmaður og hæfleikum búinn á margar stefnur en það sem mestu varðar að hann var sérlega mætur maður og því var hann vinsæll og vel virtur; og hvað heimilið snerti,- en þar dveljum vér lengst ævinnar og undir því er mest komið hvort vér erum glaðir og ánægðir eða hryggir og sorgmæddir- er ég viss um að hann hefur verið ágætasti heimilisfaðir. Það þarf ekki annað en sjá eiginkonuna og börnin, hve það var allt frjálslegt. Börnin stilt og kurteys, þau hafa öll reynst námfús og siðprúð og hafa fært sér í nyt alla þá tilsögn er þau hafa fengið og leita frekari mentunar eftir því sem ástæður leyfa. Það verður hin mesta huggun fyrir móður þeirra, ef þau fá fetað í hina sömu braut hér eftir til fullkomnunar.

Halldór sýndi það síðari árin að hann hafði mikið lagt að sér og nú síðasta misserið eða síðustu misserin að sjúkdómurinn bjó í honum og þetta kom fram í sumar því mátti hann ekki lengur vinna, heldur flytjast á spítala og hafast þar við 3-4 mánuði. Lengi var vonað að holdskurður myndi bjarga honum. Bæði ég og aðrir væntu þess í lengstu lög en alltaf dapraðist vonin meir og meir. Hann þráði heimilið en svo fór að hann fékk ekki að sjá framar í lifandi lífi og seinast hefur hann víst gefið upp alla von um það og sætt sig við það sem framundan lá enda er því svo varið: Innsigli engir fengu upp á lífsstunda bið en þann kost undirgengust allir að skilja við. Þrátt fyrir þetta, þó enginn efist um að þetta verði hlutskipti sitt gyllir þó vonin veginn framundan og lætur manninn einatt gleyma því að dauðinn kann að vera á næstu grösum, standa við svefnherbergisdyrnar hjá oss og það er ekki bundið við áratölu ekki dagatölu ekki stundatölu, hvenær hann ber að dyrum hjá oss, opnar dyrnar óboðinn og bregður sigðinni á hinn

veika lífsþráð og allt er úti hér, en vonin yfirgefur ekki manninn heldur á dauðastundinni. Ljósbjört von í engilslíki grúfir yfir líki mannsins. Sæll vonarengill svífur yfir líkfjölunum látinna bræðra og systra. Þessi sæla von hlýtur að verma hjörtu vor og þerra tárin af augum syrgjendanna því kristnir menn mega aldrei gleyma henni hve dimmt sem er yfir, hve svört sorgarský sem vilja byrgja hina andlegu lífssól vora. Vér megum ekki syrgja eins og þeir sem enga von hafa, nei, þvert á móti eins og þeir sem ljósbjört von lýsir lengst út yfir dauða og gröf. Eitt erum vér minnt á við dauða ástvina vorra, að sálin er svo sem að láni, samtengd við líkamann. Vér höfum fengið góða gjöf, dýrustu gjöfina sem nokkur maður fær, ástríkan ástvin. En höfum ekki gengið að með neinni óvissu að við verðum sviftir þessari gjöf, hver veit hve fljótt og hvað langt verður þess að bíða - en vonin nær svo langt út yfir gröf og dauða. Vér segjum, því vongóðir: Drottinn gaf, drottinn tók, lofað sé nafnið drottins. Vér þökkum drottni fyrir gjöfina, þökkum honum fyrir hinar mörgu sælustundir er vér höfum notið með honum samverustundirnar, þökkum honum fyrir allt og allt. Þetta gera allir samfylgdarmennirnir og segja: far þú í friði, friður guðs þig blessi. Hafðu þökk fyrir allt og allt. Drottinn blessi þig amen.

Börn Halldórs og Guðlaugar

v. Jóhannes, Sigurþór, Ólöf, Emilía, Einar, Þórður, Aðalsteinn, Guðlaug, Halldór

v. Einar, Jóhannes, Sigurþór, Emilía, Þórður, Ólöf, Aðalsteinn

F.

F.

Aðalsteinn Halldórsson

Aðalsteinn fæddist að Stafholtsveggjum 16. júní 1907 og lést 30. ágúst 1989. Hann var elstur af átta systkinum og fór fljótt að hjálpa til eins og hin systkinin sem öll komust upp nema ein systir, er lést barn að aldri. Aðalsteinn hóf sína skólagöngu heima í héraði, fyrst barnaskóla svo Hvítárbakkaskóla og lauk svo Samvinnuskólaprófi í Reykjavík vorið 1928. Sama vor réðist hann til Tollgæslunnar í Reykjavík og starfaði hjá henni í 45 ár. 11. maí 1929 kvæntist hann skólasystur sinni frá Hvítárbakka, Steinunni Þórarinsdóttur frá Jórvík i Hjaltastaðarþinghá N-Múlasýslu fædd 14. mars 1905, dáin 2. ágúst 1980. Þeirra dætur eru þrjár, Erla fædd 13.07.1929, Áslaug fædd 28.06.1934 og Brynhildur fædd 15.06.1944. Aðalsteinn ólst upp hjá foreldrum sínum í Litlu-Skógum í Borgarfirði. Litlu-Skógar liggja að jörðunum Stóru-Skógum og Munaðarnesi. Eftir dvölina á Hvítárbakka fór Aðalsteinn til Reykjavíkur og settist þar í Samvinnuskólann.

Aðalsteinn var eldheitur Alþýðuflokksmaður, vann ýmis trúnaðarstörf fyrir flokkinn og var meðal annars í framboði fyrir hann. Aðalsteinn var meðal stofnenda Tollvarðafélags Íslands og gegndi ýmsum trúnaðarstörfum fyrir félagið og sat fjórum sinnum sem formaður félagsins, einnig var hann um tíma í stjórn BSRB. Aðalsteinn skrifaði fjölda blaðagreina sem tengdust pólitísku starfi hans hjá Alþýðuflokknum og baráttu hans fyrir betri kjörum stéttar sinnar.

Auk starfa sinna hjá Tollstjóra gaf hann út þrjár ljóðabækur, Vorgróður, Rauðar rósir og Gerviblóm.

Eitt af mörgum áhugamálum Aðalsteins var að safna fróðleik um ættir Borgfirðinga. Hann vann á sínum efri árum ásamt Ara Gíslasyni og Guðmundi lllugasyni að því að taka saman Borgfirskar æviskrár en það rit er eitt stærsta útgefna rit um ættir Íslendinga.

Á næstu síðu er minningargrein um Aðalstein sem tengdasynirnir skrifuðu í Alþýðublaðið.

Minning

í dag kveðjum við Aðalstein hinstu kveðju eftir langa samfylgd. Aðalsteinn var fæddur Borgfirðingur og kenndi sig við hann alla tíð. Hann var elstur af átta systkinum og fór fljótt að hjálpa til eins og hin systkinin sem öll komust upp nema ein systir, er lést barn að aldri. Aðalsteinn hóf sína skólagöngu heima í héraði, fyrst barnaskóla svo Hvítárbakkaskóla og lauk svo Samvinnuskólaprófi í Reykjavík vorið 1928. Sama vor réðist hann til Tollgæslunnar í Reykjavík og starfaði hjá henni í 45 ár. 11. maí 1929 kvæntist hann skólasystur sinni frá Hvítárbakka, Steinunni Þórarinsdóttur frá Jórvík í Hjaltastaðarþinghá N-Múlasýslu fædd 14. mars 1905, dáin 2. ágúst 1980. Þeirra dætur voru þrjár, Erla fædd 13.07.1929 gift Snorra Bjarnasyni búsett á Blönduósi, þeirra börn eru fimm: Sturla, Guðrún, Aðalsteinn, Bjarni og Steinunn. Áslaug fædd 28.06.1934 gift Steinari Friðjónssyni, þeirra börn eru þrjú: Hrafnhildur, Friðjón og Ólafur, öll búsett í Reykjavík. Fyrir hjónaband átti Áslaug, Aðalstein Rúnar Emilsson sem alinn var upp hjá afa sínum og ömmu, nú búsettur í Bandaríkjunum. Brynhildur fædd 15.06.1944 gift Ólafi Sigurjónssyni, þau eiga þrjú börn: Sigurjón, Steinar og Margréti, öll búsett í Reykjavík.

Nú þegar þessi mætu hjón eru bæði horfin okkur yfir móðuna miklu þá finnum við tengdasynir þeirra, hvöt hjá okkur til að minnast þeirra með nokkrum orðum. Þeim elsta okkar er falið það hlutverk að stýra pennanum, en hann kvæntist elstu dótturinni árið 1948 og hefur því verið tengdur fjölskyldunni í meira en 40 ár. Hinir komu svo inn í réttri aldursröð. Ég tel mér óhætt að fullyrða að við dæturnar og tengdasynirnir séum einhuga um það að það hafi verið okkar allra gæfa að líf okkar skipaðist á þann veg sem það hefur gert, því við höfum alla tíð haldið saman eins og góður systkinahópur.

Heimili þeirra Aðalsteins og Steinunnar var eins og þau gerðust best á fyrri hluta aldarinnar, verkaskiptingin var þannig að hlutverk húsbændanna var að afla heimilanna tekna og eftir bestu getu að sjá til þess að ekki væri skortur á brýnustu lífsnauðsynjum og var það ekki auðvelt á árum kreppu og fátæktar og fór það eftir ýmsu hvernig til tókst. Aðalsteinn veitti sínu heimili mikið öryggi með því að vera í fastri stöðu. Hlutverk húsmæðranna var ekki síður vandasamt og þeim mun erfiðara eftir því sem börnin voru fleiri og verr gekk með öflun aðfanga. Fyrst og síðast var umhyggjan um velferð barnanna. Það þurfti að búa þau undir lífið, koma þeim til manns, eins og svo var kallað. Húsmæður þeirra tíma, sem raunar eru ekki langt að baki, völsuðu ekki á milli stórverslana með fullar hendur fjár, að maður tali nú ekki um krítarkortin og grömsuðu í ótakmörkuðu vöruúrvali og töldu sig eiga rétt á öllu. Nei, aðferðin var önnur og ábyrgari. Þær þurftu að nýta þá litlu peninga sem bændur þeirra öfluðu til matarkaupa og skjólfatnaðar. Maturinn var samt hollur og góður þó ekki væri keyptur í myndskreyttum umbúðum. Hafragrautur og heimagert slátur, nýr fiskur sem bátasjómenn komu með beint úr róðri og seldur úr handvögnum útivið eða í fiskbúðum sem víða voru. Kjötmat var alltaf reynt að hafa á sunnudögum og helst einu sinni í miðri viku og allur matur lagaður heima. Fötin voru ekki öll keypt tilbúin í búðum og síðan hent þegar fór að sjá á þeim. Nei, og aftur nei, sumar konur fengu saumakonur sem fóru á milli heimila og saumuðu fyrir fólk, en flestar saumuðu sjálfar og Steinunn var ein af þeim og saumaði einnig fyrir aðra. Þegar fötin fóru að slitna var þeim sprett í sundur, efninu snúið við og þá gjarnan notað af eldri börnunum á þau yngri. Þetta var kallað að venda flíkum. Það er mikill misskilningur að segja að þetta fólk hafi verið ómenntað þó það hafi ekki hlotið langa skólagöngu. Fólk var yfirleitt vel að sér bæði til munns og handa.

Það var töluvert lesið, bæði sögur, ljóð og fróðleikur og gott handverk var alltaf mikils metið. Það voru mikið oftar mæðurnar sem kenndu börnunum að lesa og draga til stafs. Það voru mæðurnar sem innrættu börnunum góða hegðan, sannsögli og heiðarleika. Þær gengu sjálfar á undan með góðu fordæmi. Þær voru hinn trausti veggur sem stóð gegn allri lausung og spillingu.

Steinunn tengdamóðir okkar var glæsileg kona í útliti og allri gerð. Hún var mjög vel verki farin hvort heldur var um hannyrðir eða matargerð að fást. Þau hjón Steinunn og Aðalsteinn voru bæði ákaflega gestrisin. Þau voru höfðingjar heim að sækja. Það má segja að hjá þeim hafi verið stöðugur gestagangur. Ýmist voru það vinir og kunningjar sem litu inn snöggvast, eða ættingjar og vinir úr átthagabyggðum þeirra sem komu til lengri og skemmri dvalar. Aðalsteinn ólst upp hjá foreldrum sínum í Litlu-Skógum í Borgarfirði, Litlu-Skógar liggja að jörðunum Stóru-Skógum og Munaðarnesi. Þetta svæði er eitt hið fegursta í hinu tignarlega héraði. Þar hafa nú verið reist fjöldamörg sumarhús þar sem þéttbýlisbúar dveljast í sumarleyfum sér til andlegrar og líkamlegrar uppbyggingar og til þess að komast í samband við landið sitt. Það er ekki skrýtið þó fólk sem elst upp á slíkum stað, þyki vænt um æskustöðvarnar. Eftir dvölina á Hvítárbakka fór Aðalsteinn til Reykjavíkur og settist þar í Samvinnuskólann. Hann stundaði því nám hjá hugsjónamanninum Jónasi frá Hriflu sem án efa hefur haft mikil áhrif á hann. Hann kynntist eldhuganum Ólafi Friðrikssyni. Hann sá og heyrði hann flytja sínar egghvössu ræður. Þessir menn ollu miklum straumhvörfum í íslensku þjóðlífi. Þeir hvöttu bændur og verkafólk til að standa saman og vinna saman að bættum kjörum og betra mannlífi. Það var mikil vakning í þjóðlífinu. Skáldin ortu hvatningarljóð til þjóðarinnar og vöktu fólk til meðvitundar um fegurð landsins og gæði þess, og um jöfnuð og bræðralag. Ungur maður ofan úr Borgarfirði hreifst af öllu þessu og vildi vera þátttakandi. Hann skipaði sér í raðir jafnaðarmanna og hugsjón þeirra hefur hann verið trúr alla tíð og alltaf unnið mikið fyrir Alþýðuflokkinn. Hann var í framboði fyrir hann og ferðaðist um Borgarfjarðar- og Mýrasýslu og Vestur-Húnavatnssýslu og kynntist þar fólki og kynnti sínar hugsjónir.

Aðalsteinn gaf út tvær ljóðabækur á sínum yngri árum. Vorgróður og Rauðar rósir, þriðja bókin sem hann kallar

Gervi blóm er enn í handriti. Aðalsteinn vann allan sinn starfsferil hjá Tollgæslunni. Síðan sneri hann sér að ættfræðinni sem var hans áhugamál. Vann hann ásamt Ara Gíslasyni og Guðmundi lllugasyni að því að taka saman Borgfirskar æviskrár.

Eins og fram hefur komið var Aðalsteinn alla tíð mikill áhugamaður um stjórnmál. Hann átti sína drauma um fegurra og betra mannlíf. Við skulum vona að úr sínum nýju heimkynnum eigi hann eftir að sjá þá drauma rætast. Við biðjum guð að blessa minningu okkar ástkæru tengdaforeldra og hafi þau þökk fyrir allt sem við af þeim þáðum. Tengdasynir

Ólöf Halldórsdóttir

Ólöf Halldórsdóttir fæddist 17. nóvember 1908 að Stafholtsveggjum en þegar hún var eins árs fluttist fjölskyldan að Litlu – Skógum. Hún bjó þar, til þess að kotið var selt 1936. Ólöf sat einn vetur á skólabekk á Hvítárvallarskóla það var veturinn 1930 – 31. Eftir að Guðlaug brá búi að Litlu – Skógum héldu þær heimili saman hún og Ólöf, einnig bjó Jóhannes með þeim þar til hann giftist.

Þær bjuggu víða í Reykjavík, en Guðlaug lést 1956. Eftir það bjó Ólöf í sinni eigin íbúð að Stigahlið 20 til dauðadags. Hún vann ýmiss verkamannastörf í Reykjavík, mest við sauma, síðasta saumastofan sem hún vann á var Bláfeldur sem saumaði svefnpoka, einnig þreif hún lengi á hinum sögufræga veitingastað Röðli. Á 6. áratug tuttugustu aldar starfaði hún sem þjónustustúlka á heimili íslenska sendiherrans í Kaupmannahöfn.

Ólöf var einhleyp og átti ekki afkomendur, en sinnti vel börnum systkina sinna. Helga Einarsdóttir átti ætíð skjól hjá Ólöfu. Einnig bjuggu fjögur börn Sigurþórs og Kristínar hjá henni á vetrum meðan þau stunduðu nám í framhaldsskóla í Reykjavík. Ólöf lést af slysförum 31. návember 1984.

Hér að neðan er falleg minningargrein eftir frænku Ólafar, Áslaugu Aðalsteinsdóttur sem lýsir vel Ollu frænku.

Minning

Elskuleg frænka, Ólöf Halldórsdóttir frá Litlu-Skógum í Borgarfirði, er látin. Foreldrar hennar voru hjónin Guðlaug Sveinsdóttir og Halldór Þorbjarnarson. Hún var næstelzt af 8 börnum þeirra hjóna sem öll komust til fullorðinsára nema yngsta systirin sem dó tæplega 2 ára. Ólöf giftist ekki en var öllum sínum systkinabörnum svo góð frænka að í hvert skipti tilefni var til að hittast var sjálfsagt að Olla væri með. Í Borgarfirði voru rætur hennar. Þegar hún hafði heimsótt sveitina sína var hún búin að fara í sitt sumarfrí og nú fer hún sína síðustu ferð þangað, því þar vildi hún bera beinin. Þvílík sorg sem gagntók mig þegar ég frétti sviplegt lát hennar frænku minnar sem ávallt kom með hlýju og gleði í líf okkar. Alltaf var hún tilbúin að rétta hjálparhönd og gladdist yfir hverjum nýjum fjölskyldumeðlim og hafi einhver verið fædd fóstra var það hún Olla frænka mín. Hún hændi að sér hvert barn á aup.bragði. þau drógu hana afsíðis og hún var komin í leik með þeim. Margar voru þær ferðir sem hún fór að heimsækja gamalt og sjúkt fólk á sjúkrahús og elliheimili og föður mínum var hún mikill styrkur eftir að móðir mín dó. Öll jól sem ég man eftir, utan einna sem hún var erlendis, átti ég með henni. Þegar Olla frænka birtist, voru jólin komin. Mörg voru bréfin sem bárust henni og glöddu hana frá ungum frændum og frænkumsem dvöldust erlendis um lengri eða skemmri tíma og sýnir það, hug þeirra til hennar. Börnum mínurn var hún sú besta frænka sem hugsast getur, við söknum hennar en eigum góðar minningar sem aldrei gleymast.

Þórður Halldórsson

Þórður Halldórsson fæddist 19. apríl 1910 í LitluSkógum, lést í Reykjavík 25. október 1971. Hann vann að búi foreldra sinna frá unga aldri eins og tíðkaðist og við vegaviðhald og vegagerð þegar hann stálpaðist. Tvo vetur, 1928 - 30, var hann við nám í Hvítárbakkaskóla og lærði þar m.a. bókband. Eftir að faðir hans féll frá 1930 var hann bústjóri hjá móður sinni í Litlu-Skógum eða þar til hún brá búi 1936. Í hjáverkum stundaði hann bókband.

Á árunum 1936 - 46 átti hann heima í Borgarnesi og þar kvæntist hann 19. október 1940. Kona hans var Ágústína Sveinsdóttir Þórðarsonar bónda á Fossi í Staðarsveit og konu hans, Pálínu Guðbrandsdóttur. Þar eignuðust þau tvö börn, Svanlaugu og Halldór.

Þórður hafði bókband að aðalstarfi á árunum í Borgarnesi en hann sinnti þó fleiri störfum. Hann átti m.a. sæti í hreppsnefnd Borgarneshrepps 1938 - 42. Árið 1945 fékk hann sveinsbréf í bókbandi.

Ári síðar fluttist fjölskyldan til Hafnarfjarðar og þar fæddist þriðja barn þeirra hjóna, Sveinn. Þórður vann við bókband í bókbandsstofu Prentsmiðju Hafnarfjarðar til 1950 en kenndi jafnframt bókband í Flensborgarskóla eða til ársins 1949. Á árunum 1950 - 52 rak hann bókbandsstofu á Austurgötu 28 í Hafnarfirði en hann fékk meistarabréf í bókbandi vorið 1951. Sama ár fluttust þau hjónin með börn sín til Reykjavíkur og áttu þar heima síðan.

Þórður stundaði skrifstofu- og verslunarstörf á árunum 1952 - 68, fyrst hjá Náttúrulækningafélagi Íslands, síðar KRON en vann við bókband í hjáverkum. Hann rak eigin verslun, Skildinganesbúðina í Skerjafirði, frá 1968 til dánardægurs.

Aðalsteinn Halldórsson lýsir bróður sínum svo í minningagrein:

„Þórður var ekki langskólagenginn, var tvo vetur á Hvítárbakkaskóla, en hann var sjálfmenntaður, las mikið af góðum bókum, lærði Esperanto og var í félagi þeirra manna, er það mál kunna. Hann var mesti reglumaður, bragðaði aldrei tóbak eða áfengi og eins var hann í öllu starfi og framkomu, traustvekjandi og háttprúður. Hann vann að bindindismálum, var félagi í stúkunni Borg í Borgarnesi og nú síðast í stúkunni Mínervu.“ (Mbl. 2. nóv. 1971).

Emilía Oddbjörg Halldórsdóttir Grönvold.

Emilía fæddist 1. apríl 1912 að Litlu Skógum. Látin í Reykjavík 1. apríl 1996.

Var í Reykholtskóla 1933-34 en eftir það bjó hún í Reykjavík. Þar stundaði hún margvísleg störf – vann m.a. á saumastofum, við framreiðslustörf og sem barnfóstra og vinnukona hjá betri borgurum.

Árið 1941 giftist hún Kveldúlfi Grönvold, stórkaupmanni sem fæddur var á Siglufirði 12. Mars 1901 en lést í Reykjavík 24. Apríl 1962. Hann var sonur Carls Júlíusar Grönvold verslunastjóra og Vilborgar Pálsdóttur frá Akureyri.

Eftir að hún giftist Kveldúlfi annaðist hún heimilisstörf ásamt því að reka heildverslun með Kveldúlfi er hann hafði stofnað þegar þau giftust og þau ráku þar til hann lést. Bjuggu lengst af á Spítalastíg en seinustu árin sem Kveldúlfur lifði í Þingholtsstræti.

Eftir að hann lést var fyrirtæki þeirra leyst upp. Nokkru seinna tók hún til starfa í verslun hjá Þórði bróður sínum í Skerjafirði og þar til að hann lést. Eftir það og seinustu starfsárin vann hún í eldhúsi starfsfólks á Landakotsspítala. Bjó seinustu árin á Skúlagötu örskammt frá þeim stað á Hverfisgötu þar sem hún og Kveldúlfur hófu upphaflega búskap sinn.

Einar Halldórsson

Einar Halldórsson var fæddur í Litlu-Skógum í Stafholtstungum þann 3. nóv. 1913. Einar tók kennarapróf 1936 frá Kennaraskólanum í Reykjavík. Varð kennari í Hörðudalsskólahéraði 1936 - ’38, Jökuldal í Norður-Múlasýslu 1938 - ‘39, Nesjaskólahéraði í AusturSkaftafellssýslu 1939 - ’40, Norðurárdalsskólahéraði 1940 - ’43, skólastj. bsk. í Klausturskóla héraði í Grímsnesi 1944 - ’45, kennari í Þverárhlíðarskólahéraði 1945-’46, vjð barnaskólann á Eyrarbakka 1946 - ’47, skólastj. á Stokkseyri 1947 - ’48, kennari Rvík 1948 - ‘49, skólastj. bsk. í Reykholti í Biskupstungum 1949 - ’55.

Þegar hér varið komið vantaði kennara til að kenna blindu fólki, þar sem blindraskólinn var kennaralaus, fór Einar þá til Skotlands í The Royal Blind School of Scotland til þess að læra að kenna blindum. Að námi loknu hóf hann kennslu við Blindraskólann í Reykjavík og kenndi þar til dánardags. Einar var virtur sem kennari af nemendum sínum og samstarfsmönnum, samstarf hans og skólanefnda viðkomandi skóla var með ágætum.

Fyrstu árin sem hann kenndi var hann ekki lengi á sama stað, vegna Þess að hann vildi kynnast landinu og íbúum þess, afkomu manna og búnaðarháttum, víðar en í sínu fæðingarhéraði. Hann var fróðleiksfús, vildi þekkja land sitt og þjóð.

Einar var tvíkvæntur. Fyrri kona hans var Guðrún Sigríður Sigurðardóttir frá Stuðlum á Norðfirði, f. 14. júní 1897, d. 22. apríl 1966. Síðari kona hans var Rósa Guðmundsdóttir úr Reykjavík, f. 8. október 1923, d. 10. september 1984. þau eignuðust dóttur, Helgu, f. 7. ágúst 1965. Helga lést 31. júlí 2008 frá eiginmanni, Jakobi Sigurði Friðrikssyni og þremur ungum börnum, Rósu Kristrúnu, Páli og Karli.

Einar lést 28. nóvember 1968.

Að lokum skal hér vitnað í orð Helga Benediktssonar sem skrifaði minningarorð um Einar í Íslendingaþáttum Tímans, 7. febrúar 1969.

„Segja má að Einar Halldórsson hafi byggt upp Blindraskólann frá grunni, og það eitt er fullgilt og mikið ævistarf. Engin veruleg aðstaða var áður til þess að kenna blindum hér á landi og það þurfti að koma upp bæði tækjum og kennsluaðstöðu og skrifa kennslubækurnar á blindraletur, þannig að þótt nemendahópurinn væri ekki fjölmennur hverju sinni, þá var kennslustarfið margþætt, fyrst þurfti að afla tækja til kennslu, tækja til að skrifa blindskrift og koma upp bókagerð á blindraletri og allt þetta gerði Einar Halldórsson.“

Og síðar í greininni, „Einar Halldórsson var margt í senn, hann var skólastjóri Blindraskólans og aðal kennslukraftur skólans, hann var bókagerðarmaður skólans og sá um að afla skólanum kennslutækja og hann var búinn að koma upp allgóðu kennslubókasafni fyrir skólann á blindraletri sem nær frá barnafræðslu allt til náms í framhaldsskólum, og í þessu starfi þá naut Einar góðs stuðnings blindrar konu sinnar, Rósu Guðmundsdóttur, sem skrifaði á blindraletur verulegan hluta kennslubókanna og var hlutur frú Rósu mikill og góður í þessu starfi.“

Sigurþór Halldórsson

Sigurþór Halldórsson er fæddur að Litlu-Skógum Stafholtstungum Mýrarsýslu. Hann fæddist 22. september 1915. Hann var þriðji yngstur í átta systkina hópi en þau eru öll látin. Þau voru Aðalsteinn fæddur 1907, Ólöf fædd 1908, Þórður fæddur 1910, Emelía fædd 1912, Einar fæddur 1913, Sigurþór 1915, Jóhannes 1917 og Áslaug sem var fædd 1920 en lifði aðeins í tæp tvö ár.

Þegar kom að því að húsfreyjan að Litlu – Skógum yrði léttari kringum 22. september 1915 þurfti verðandi faðir að sækja yfirsetukonu til hjálpar Guðlaugu, það var útlit fyrir að fæðingin gengi illa. Nú voru góð ráð dýr, tuttugasti og annar september var réttardagurinn þetta árið. Einhver varð að sjá um sauðféð svo það varð úr að stóru strákarnir, Aðalsteinn þá átta ára og Þórður fimm ára sáu um að draga í dilka og koma safninu heim. Ábyrgð barna á skyldustörfum heimilisins var önnur en nú, en vitanlega voru nágrannar örugglega hjálplegir við þessar aðstæður.

Litlu – Skógar var kotbýli. Halldór vann utan heimilis á sumrin við vegavinnu svo bústörfin féllu í hendur Guðlaugar og barnanna. Allt verklag var sem á miðöldum hvað varðar verkfæri og vinnu við bústörfin. Kotið var lélegt til grasnytja en ágætt beitiland þar sem stærsti hluti jarðarinnar er kjarrivaxin holt með votlendissundum á milli, sem erfitt var að ræsa fram. Sigurþór lýsti því einhverju sinni þegar hann og bróðir hans Jóhannes voru sendir seint um haust að slá starmýri sem þornaði á haustinn. Kom þá stórbóndinn í Munaðarnesi að þeim þar sem þeir voru að reyna að draga björg í bú með að slá mýrina. Magnúsi varð að orði: „Strákar hættið þessu pjakki ég á spildu sem ég þarf ekki að slá, farið þangað. Faðir ykkar á það inni hjá mér fyrir vetrarbeitina“. Sigurþór gekk í skóla í Hlöðutúni. Því miður er búið að rífa skólahúsið þar, en samsvarandi skólahús stendur í Norðurárdal gegnt vegamótum yfir í Dalasýslu um Bröttubrekku. Þar gekk Jóhannes bróðir Sigurþórs í skóla. Bæjarhúsin að Litlu – Skógum voru byggð úr torfi og grjóti. Sigurþóri varð eitt sinn að orði: „Það fraus aldrei í koppunum að Litlu – Skógum eins og í timburhúsinu að Hjarðarholti“. Sigurþór fór síðan til náms í héraðsskólanum í Reykholti veturinn 1935 – 1936. Þannig að Sigurþór bjó á æskuheimili sínu þar til Litlu – Skógar voru seldir 1936. Eftir það fer hann til Reykjavíkur og tekur próf frá kennararaskólanum 1938.

Sigurþór hóf að hjálpa til við bústörfin stax og hann var fær um. Hann fór einnig í vegavinnu með föður sínum og þegar átta ára gamall var hann orðinn kúskur í vegavinnuflokknum. En Sigurþór hafði valið sér annan lífsferil en að vinna við landbúnaðarstörf eða vegagerð, hann varð kennari. Ferillinn hófst í Borgarhreppi þar sem hann vann við farskóla frá 1938 – 1943. Þar kynntist hann eftirlifandi konu sinni Kristínu Guðmundsdóttur frá Bóndhóli í Borgarhreppi. Síðan lá leiðin til Vestmannaeyja þar sem Sigurþór og Kristín eignuðust frumburð sinn. Sigurþór kenndi við barnaskólann í Eyjum og einnig við iðnskólann þar í bæ. Veturinn 1946 - 1947 er Sigurþór skólastjóri í barnaskólanum á Stokkseyri. Árið 1947 flytur litla fjölskyldan til Borgarness og þar býr og starfar Sigurþór til ársins 1977 eða í rétt þrjátíu ár.

Sigurþór var kennari og skólastjóri. Hann varð skólastjóri Iðnskólans í Borgarnesi strax árið 1948 ásamt að vera kennari við Barna- og Gagnfræðaskólann. Síðan varð hann skólastjóri þess skóla einnig frá 1958 þar til hann fór á eftirlaun og fluttist til Reykavíkur. Sigurþór var ætíð ötull við að hvetja ungt fólk til áframhaldandi náms og studdi við bakið á mörgum sem stunduðu nám við Iðnskólann í Borgarnesi. Sigurþór starfaði einnig sem bókavörður Héraðsbókasafnsins allt þar til ákveðið var að greiða fyrir vinnuna um 1970 en þá var annar ráðinn til starfsins. Sigurþór var jafnaðarmaður alla sína tíð og starfaði opinberlega fyrir Alþýðuflokkinn í Mýrarsýslu. Var kosinn fyrir flokkinn í hreppsnefnd Borgarness oftar en einu sinni og sat einnig í nefndum og ráðum sveitarfélagsins sem fulltrúi flokksins. Hann var ætíð talsmaður þeirra sem minna máttu sín. Stóð að uppbyggingu Skógræktarfélags og var frumkvöðull að skógrækt í Einkunnum. Einnig var hann í hópi þeirra sem stofnuðu Tónlistarfélag í Borgarnesi og var hvatamaður að stofnun Tónlistaskóla Borgarness. Af mörgum góðum verkum sem Sigurþór studdi í Borgarnesi var að Golfklúbbur Borgarness fékk land Hamars sunnan þjóðvegar. Hestamenn sem hafa byggt upp glæsilegt svæði norðan þjóðvegarins ásældust allt landið en Sigurþór hvatti til þess að golfarar fengju svæðið sunnan við veg. Eftir að Sigurþór og Kristín fluttu til Reykjavíkur starfaði hann skamma stund fyrir Rauða kross Íslands og síðan sem prófarkalesari á Alþýðublaðinu fram á tíunda áratuginn. Sigurþór og Kristín komu sér upp sumarbústað í landi Hreðavatns árið 1987 sem varð sælureitur í lífi þeirra hjóna.

Sigurþóri og Kristínu varð fimm barna auðið, þau eru: Guðmundur fæddur 1943, Halldór fæddur 1949, Gísli fæddur 1954, Ása fædd 1955 og Sóley fædd 1958.

Sigurþór Halldórsson lést á sínu nítugasta aldursári þann 12. maí 2005.

Jóhannes Ólafur Halldórsson

Jóhannes Ólafur Halldórsson fæddist í Litlu-Skógum, Stafholtstungum í Mýrasýslu, 15. apríl 1917. Hann lést á hjúkrunarheimilinu Eir 13. janúar 2012.

Foreldrar hans voru hjónin Halldór Þorbjarnarson, bóndi og vegaverkstjóri, f. 1877, d. 1930, og Guðlaug Sveinsdóttir húsfreyja, f. 1877, d. 1956. Börn þeirra, systkini Jóhannesar, voru Aðalsteinn yfirtollvörður, f. 1907, d. 1989, Ólöf verkakona, f. 1908, d. 1984, Þórður, bókbindari og verslunarmaður, f. 1910, d. 1971, Emilía Oddbjörg húsfreyja, f. 1912, d. 1996, Einar, skólastjóri Blindraskólans, f. 1913, d. 1968, Sigurþór skólastjóri, f. 1915, d. 2005, og Áslaug Dóra, f. 1920, d. 1921.

Hinn 13. apríl 1957 kvæntist Jóhannes Gerði Ólöfu Ísberg, f. 20. mars 1921, d. 19. febrúar 2007. Foreldrar hennar voru Guðbrandur Ísberg, f. 1893, d. 1984, alþingismaður Akureyringa 1931-1937 og síðar sýslumaður í Húnaþingi 1932-1960, og kona hans, Árnína Hólmfríður Jónsdóttir frá Möðrufelli í Eyjafirði, húsfreyja, f. 1898, d. 1941.

Jóhannes ólst upp í Litlu-Skógum og leit jafnan á sig sem Borgfirðing. Hann fluttist með móður sinni til Reykjavíkur 1936, nokkru eftir að faðir hans lést og móðir hans brá búi. Jóhannes nam við Héraðsskólann í Reykholti 193637 og tók síðan stúdentspróf frá Menntaskólanum í Reykjavík með hárri einkunn 1941. Hann lauk svo cand. mag.-prófi í íslenskum fræðum frá Háskóla Íslands 1946. Hann lærði ungur hraðritun og skrifaði upp fyrirlestra prófessoranna og gengu þær uppskriftir milli manna í nokkur ár. Hann kenndi við Verslunarskóla Íslands 1944-46 og var stundakennari við Menntaskólann í Reykjavík og Gagnfræðaskóla Reykvíkinga 1946-47 í forföllum vinar síns, Björns Þorsteinssonar sagnfræðings. Haustið 1947 varð hann fastur starfsmaður á skrifstofu Alþingis (þeir voru fimm á þeim tíma), og síðar fulltrúi og deildarstjóri. Hann var ein af máttarstoðum skrifstofunnar, afköst hans og vandvirkni með ólíkindum. Á starfstíma sínum fram til 1983 gaf hann út Alþingistíðindin, skjalahluti þeirra er um 70 þús. blaðsíður og ræðuhlutinn rúmlega 130 þús. dálkar smáleturs, auk annars útgáfuefnis. Með önnum sínum á skrifstofu Alþingis las hann handrit og prófarkir hjá ýmsum útgefendum, einkum Almenna bókafélaginu, Setbergi o.m.fl. Er hans víða getið í formála góðra bóka með kærum þökkum. Þá var hann prófdómari í Kvennaskólanum í Reykjavík frá 1949 og við stúdentspróf í íslensku í Menntaskólanum í Reykjavík frá 1958. Hann átti sæti í stjórn Félags ísl. fræða 1950-1954 og var forseti Hins íslenska þjóðvinafélags 1987-1999. Árið 1959 gaf Jóhannes út XIV. bindi Íslenskra fornrita, Kjalnesingasögu, sem að bestu manna yfirsýn er vönduð og góð útgáfa á þeirri margslungnu sögu, auk annarra sagna og þátta.

Þau Jóhannes og Gerður voru barnlaus en systkinabörn þeirra nutu elskusemi og barngæða þeirra í ríkum mæli og sum dvöldust hjá þeim mánuðum og missirum saman. Þau höfðu á síðari árum mikið yndi af ferðalögum og voru langförul um álfur heimsins.

Námsmarkmið Hvítárbakkaskóla um 1930

Alþýðuskólinn á Hvítárbakka (markmið)

Markmið skólans er að veita nemendum sínum almenna fræðslu og efla þjóðlega menningu. Skólinn er fyrst og fremst sniðinn fyrir íslenskt sveitalíf og hagar starfsemi sinni eftir því. Ætlar hann sjer eigi þá dul að fá veitt nemendum sínum á tveimur vetrum þá almennu fræðslu, er nægi þeim til frambúðar, en hann vill veita þeim hjálp til sjálfshjálpar, kenna þeim andleg vinnubrögð og vekja hjá þeim löngun og vilja til sjálfsnáms. Umfram alt vill

skólinn leitast við að auka einstaklingsþroska og hlúa að því sem í þeim býr fegurst og æðst. Til þess að ná þessu marki verður megiáhersla lögð á þjóðleg fræði og fjölþætt fjelagslíf.

Skólaárið

Skólasetning fer fram fyrsta vetrardag. Þá skulu allir nem. vera mættir, nema sjúkleiki eða önnur forföll hindri. Þessi leyfi eru veitt á skólaárinu: Jólaleyfi frá 22 Des. til 3 jan. að báðum dögum meðtöldum; páskaleyfi frá miðv.d. fyrir skírdag til 3ja í páskum; auk þess verður gefið leyfi einn dag í hverjum mánuði. Námsgreinar.

Aðalnámsgreinar: íslenska, saga náttúrusaga. Aðrar námsgreinar: reikningur, landafræði, eðlis- og efnafræði, heilsufræði, fjelagsfr., siðfr., enska, danska, söngur, leikfimi og hannyrðir. Kenslan.

Lúðv. Guðm. kennir: náttúrusögu, reikning, eðlis og efnafr, dönsku, ensku, siðfr. heilsufr..

Kristinn Andrjesson málfræðingur kennir: íslensku, sögu, reikning.

Frú Ragnheiður Magnúsdóttir og frú Sigríður Hallgríms. leiðbeina námsmeyjum í hannyrðum. Síðar í sumar verður tekin endanleg ákvörðun um kenslu annara fyrirskipaðra námsgreina.

Við kensluna verða þessar bækur notaðar.

Íslenska yngri deild: lestrarbók Sig. Nordals og málfr. Halldórs Briem.

Í eldri deild: sömu bækur auk Egillss. Saga. verður ákveðið síðar.

Náttúrusaga. í báðum deildum: Dýrafr. B.S., Plöntur. Sl.Sl. nem. eldri deildar kent að nota Flóru Íslands.

Reikningur í báðum deildum sama bók og í fyrra

Landafræði - ---- ------ ----- -- - - ---

Heilsufræði - ---- ------ ----- -- - - ---

Danska - ---- ------ ----- -- - - ---

Eðlis- og efnafræði: ákveðið síðar

Enska

Fjelagsfræði og siðfræði: verður kend í fyrirlestrum

Hljóðfæraslátt kennir Sigr. Hallgrímsd. aðeins þeir nem. sem eru hneigðir fyrir hljóðfæraslátt, fá að taka þátt í því námi.

Niðjatal Guðlaugar Sveinsdóttur og Halldórs Þorbjarnarsonar

Guðlaug Sveinsdóttir og Halldór Þorbjarnarson bjuggu í Litlu-Skógum í Stafholtstungum í Borgarfirði árin 1909 til 1930 og Guðlaug áfram eftir andlát Halldórs allt til ársins 1936. Litlu-Skógar liggja að jörðunum Stóru-Skógum og Munaðarnesi. Þetta svæði er eitt hið fegursta í hinu tignarlega héraði Borgarfjarðar.

Guðlaug Sveinsdóttir f. 24. október 1877 d. 22. febrúar 1956

Halldór Þorbjarnarson f. 25. júlí 1877 d. 13. desember 1930

Börn þeirra: Aðalsteinn, Ólöf, Þórður, Emilía Oddbjörg, Einar, Sigurþór, Jóhannes Ólafur og Áslaug Dóra.

Tekið saman í september 2015

Uppfært í júlí 2023

Svanlaug Ragna Þórðardóttir

1a Aðalsteinn Halldórsson f. 16. júní 1907 d. 30. ágúst 1989

K. Guðrún Steinunn Þórarinsdóttir f. 14. mars 1905 d. 2. ágúst 1980

Börn þeirra: Gunnþórunn Erla, Áslaug Dóra og Brynhildur Hrönn

2a Gunnþórunn Erla Aðalsteinsdóttir f. 13. júlí 1929 d. 15. ágúst 2016

M. Snorri Bjarnason f. 24. september 1925 d. 21. desember 2005

Börn þeirra: Sturla, Guðrún, Aðalsteinn, Bjarni og Steinunn

3a Sturla Snorrason f. 28. mars 1956

K. Helga Magnea Magnúsdóttir f. 20. júní 1953

4a Olga Sturludóttir f. 7. ágúst 1979

M. Patrick Francis O‘Halloran f. 26. maí 1973

5a Freyja Rose O‘Halloran f. 27. september 2008

5b Petra Maureen O‘Halloran f. 17. október 2011

4b Erla Sturludóttir f. 13. apríl 1983

M. Ásgeir Sigurgeirsson f. 2. september 1985

5a Ægir Máni Ásgeirsson f. 6. janúar 2019

5b Logi Freyr Ásgeirsson f. 3. ágúst 2021

4c Tinna Sturludóttir f. 30. maí 1989

4d Davíð Sturluson f. 25. apríl 1991

3b Guðrún Snorradóttir f. 16. september 1960

M1. Benedikt Ástmar Guðmundsson f. 26. febrúar 1960 skilin

M2. Hreinn Magnússon f. 22. október 1960 skilin

M3. Árni Þór Hilmarsson f. 2.júní 1954

4a Guðmundur Snorri Benediktsson f. 9. mars 1981

Barnsmóðir: Kristín Birna Stefánsdóttir f. 23. mars 1988

Barn þeirra: Amelia Björg

K. Santa Pikalova f. 10. janúar 1988

Barn þeirra: Hanna og Eva

5a Amelia Björg Guðmundsdóttir f. 22. maí 2008

5b Hanna Guðmundsdóttir f. 2. febrúar 2015

5c Eva Guðmundsdóttir 21. mars 2018

4b Harpa Hreinsdóttir f. 17. janúar 1993

4c Gauti Hreinsson f. 5. maí 1995

3c Aðalsteinn Snorrason f. 16. nóvember 1961

K1. Dagný Bjarnadóttir f. 27. mars 1965 skilin

Barn þeirra: Dagrún

K2. Ingibjörg Kjartansdóttir f. 20. júní 1964

Börn þeirra: Aðalsteinn Örn og Emil Örn

4a Dagrún Aðalsteinsdóttir f. 29. desember 1989

4b Aðalsteinn Örn Aðalsteinsson f. 29. júní 1998

K. Berglind Benediktsdóttir 3. desenber 1998

4c Emil Örn Aðalsteinsson f. 1. febrúar 2002

3d Bjarni Snorrasonn f. 10. október 1965

K. Kristín Linda Steingrímsdóttir f. 4. ágúst 1963

4a Eva Björg Bjarnadóttir f. 22. október 1995

3e Steinunn Snorradóttir f. 10. maí 1972

M1. Jóhannes Berg f. 12. ágúst 1962 skilin

M2. Sævar Sverrisson f. 29. maí 1972

4a Rannveig Hlín Jóhannesdóttir f. 1. september 1998

4b Lína Rut Sævarsdóttir f. 4. desember 2009

4c Snorri Þór Sævarsson f. 16. febrúar 2011

2b Áslaug Dóra Aðalsteinsdóttir f. 28. júní 1934

M. Steinar Friðjónsson f. 2. nóvember 1932 d. 26. nóvember 2002

Börn þeirra: Hrafnhildur Linda, Friðjón Gunnar og Ólafur

Barnsfaðir: Emil Hilmar Eyjólfsson f. 9. nóvember 1935 d. 18. október 2011

Barn þeirra: Aðalsteinn Rúnar

3a Aðalsteinn Rúnar Emilsson f. 19. apríl 1951 d. 14. mars 2012

K1. Edith Vivian Hansen f. 27. ágúst 1950 skilin

Börn þeirra: Jóhann Erpur og Hulda Steinunn

K2. Gunilla Rosberg f.7. nóvember1944 skilin

K3. Áslaug Ragnars f. 23. apríl 1943 skilin

4a Jóhann Erpur Aðalsteinsson f. 31. mars 1975

K. Soufia Aðalsteinsson f. 27. júní 1987

5a Alexander Fadi Aðalsteinsson f. 23. apríl 2009

4b Hulda Steinunn Aðalsteinsdóttir f. 22. október 1979

M. Jigme Tashi f. 1983

5a Emil Jamyang Tashi f. 27. febrúar 2014

5b Tara Eir Tashi f. 31. mars 2016

5c Thelma Deki Tashi f. 27. janúar 2020

3b Hrafnhildur Linda Steinarsdóttir f. 6. júlí 1956

M. Karl Hinrik Jósafatsson f. 7. nóvember 1955

4a Hlynur Bjarki Karlsson f. 31. október 1977

K. Ragna Heiðrún Jónsdóttir f. 1. janúar 1981

5a Ívar Andri Hlynsson f. 30. mars 2004

5b Alexander Nökkvi Hlynsson f. 15. ágúst 2010

4b Áslaug Dögg Karlsdóttir f. 17. ágúst 1983

M. Haukur Logi Karlsson f. 13. mars 1979

5a Aría Hauksdóttir f. 27. júní 2013

5b Kári Hauksson f. 26. júlí 2015

5c Skúli Bergmann Hauksson f 2. apríl 2020

4c Berglind Anna Karlsdóttir f. 25. apríl 1991

M. Ásgeir Sigurðsson f. 30 nóvember 1991

5a Glódís Eva Ásgeirsdóttir f. 3. janúar 2019

5b Aldís Emma Ásgeirsdóttir f. 1. október 2021

3c Friðjón Gunnar Steinarsson f. 27. júní 1957

K1. Regína Irena Laskowska f. 9. janúar 1963 d. 2. júní 1990

K2. Jadwiga Steinarsson f. 29. janúar 1952

4a Daníel Steinar Friðjónsson f. 23. febrúar 1992

Börn Jadwigu: Dariusz Romanski f. 19. desember 1977

Justyna Romanska f. 14. janúar 1982

3d Ólafur Steinarsson f. 5. apríl 1966

K. Regína Inga Steingrímsdóttir f. 29. júlí 1967

4a Helgi Steinar Ólafsson f. 12. febrúar 1988

K. Hanna Björg Sævarsdóttir f. 3. desember 1987

5a Alexandra Nótt Helgadóttir f. 15. september 2006

5b Sævar Óli Helgason f. 28. desember 2007

5c Þórey Inga Helgadóttir f. 31. ágúst 2009 d. 14. september 2009

5d Ólafur Steinar Helgason f. 23. september 2010

5e Viktor Leví Helgason f. 21. mars 2014

4b Lilja Björg Ólafsdóttir f. 16. febrúar 1990

5a Rakel Ósk Liljudóttir f. 29. júní 2010

Barnsfaðir: Kristinn Karel Jóhannsson f. 9. september 1984

5b Sara Kristín Kristinsdóttir f. 11. júlí 2016

4c Íris Lind Ólafsdóttir f. 26. maí 1995

M. Elfar Már Viggósson f. 6. desember 1989

5a Emma Dís Elfarsdóttir f. 6. september 2018

5b Regína Ósk Elfarsdóttir f. 11. ágúst 2022

2c Brynhildur Hrönn Aðalsteinsdóttir f. 15. júní 1944

M. Ólafur Reynir Sigurjónsson f. 6. ágúst 1944

Börn þeirra: Sigurjón, Steinar og Margrét Björk

3a Sigurjón Ólafsson f. 31. júlí 1964

K. Alma Tynes Skúladóttir f. 27. júní 1976

4a Ólafur Skúli Sigurjónsson f. 19. október 2013

4b Anja Margrét Sigurjónsdóttir f. 19. október 2013

3b Steinar Ólafsson f. 9. janúar 1966

K. Ragna Björk Eydal f. 16. febrúar 1966

4a Drengur Steinarsson f. 22. júlí 1984 d. 23. júlí 1984

4b Steinar Örn Steinarsson f. 26. júlí 1985

4c Arna Laufey Steinarsdóttir f. 15. apríl 1995

4d Bjarki Gunnar Steinarsson f. 11. október 2000

3c Margrét Björk Ólafsdóttir f. 23. október 1972

M. Viktor Stefán Pálsson f. 20. júní 1972

4a Anton Breki Viktorsson f. 3. mars 2000

4b Glódís Ólöf Viktorsdóttir f. 19. ágúst 2002

4c Brynhildur Sif Viktorsdóttir f. 19. ágúst 2002

4d Arndís Embla Viktorsdóttir f. 10. október 2013

1b Ólöf Halldórsdóttir f. 17. nóvember 1908 d. 30. nóvember 1984

1c Þórður Halldórsson f. 19. apríl 1910 d. 25. október 1971

K. Ágústína Sveinsdóttir f. 22. febrúar 1919 d. 16. nóvember 2019

Börn þeirra: Svanlaug Ragna, Halldór og Sveinn

2a Svanlaug Ragna Þórðardóttir

M1. Haukur Engilbertsson

Börn þeirra: Birgir, Björg, Ágúst Þór, Þórdís og Engilbert

M2. Kristján M Sigurðsson

3a Birgir Hauksson

K1. María Sigurjónsdóttir

Barn þeirra: Sigurjón Hafsjór

K2. Natali Shavlay

Börn þeirra: Anastasia Sóley og Aníta Rós

f. 6. desember 1941

f. 10. apríl 1938 skilin

f. 15. mars 1944 d. 24. mars 2015

f. 29. maí 1964

f. 17. október 1964 skilin

f. 9. maí 1982

4a Sigurjón Hafsjór Birgisson f. 2. febrúar 1983

Barnsm: Karún Herborg Guðmundsdóttir f. 12. júní 1985

5a Frosti Hrafn Sigurjónsson f. 4. nóvember 2008

4b Anastasia Sóley Birgisdóttir f. 25. nóvember 2010

4c Aníta Rós Birgisdóttir f. 27. janúar 2013

3b Björg Hauksdóttir f. 23. janúar 1966

M. Karl Vídalín Grétarsson f. 27. september 1961

4a Klara Rós Karlsdóttir f. 9. janúar 1996

4b Svana Fanney Karlsdóttir f. 7. apríl 1999

Sonur Karls: Elvar Þór Karlsson f. 23. febrúar 1987

3c Ágúst Þór Hauksson f. 9. september 1967

K. Björg Hafsteinsdóttir f. 22. október 1969

4a Thelma Dís Ágústsdóttir f. 30. september 1998

4b Andri Fannar Ágústsson f. 5. ágúst 2004

3d Þórdís Hauksdóttir f. 16. ágúst 1972

M. Þórður Grettisson f. 19. mars 1960 skilin

4a Aron Brynjar Þórðarson f. 1. febrúar 1997

3e Engilbert Hauksson f. 27. ágúst 1978

K1. Sunna Björk Þórarinsdóttir f. 2. október 1972 skilin

Börn þeirra: Dagur Máni og Haukur Óðinn

K2. Ásta Lilja Ásgeirsdóttir f. 21. febrúar 1975

Barn þeirra: Ragnheiður Rán

4a Dagur Máni Engilbertsson f. 16. mars 2005

4b Haukur Óðinn Engilbertsson f. 9. desember2012 4c Ragnheiður Rán Engilbertsdóttir f. 9. janúar 2015

2b Halldór Þórðarson f. 12. janúar 1944

K. Guðrún Gísladóttir f. 24. október 1950

Börn þeirra: Þórður Dór og Gísli Darri

3a Þórður Dór Halldórsson f. 23. júní 1973

3b Gísli Darri Halldórsson f. 16. mars 1978

K. Fanny Sanne Sissoko f. 5. september 1985

Barn þeirra: Sóley Guðrún

4a Sóley Guðrún Taba Josette Sissoko Gísladóttir f. 9. janúar 2018

2c Sveinn Þórðarson

f.18.september1947

K. Guðbjörg Áslaug Magnúsdóttir f. 21.október 1952

Börn þeirra: Þórður, Guðrún og Ágústa

Barnsmóðir: Bergljót Aradóttir f. 3. janúar 1950

Barn þeirra: Davíð Ágúst

3a Davíð Ágúst Sveinsson f. 12. október 1969

K. Eydís Eyjólfsdóttir f. 27. júlí 1968

Börn þeirra Tanja Líf og Ívan Sær

4a Tanja Líf Davíðsdóttir f. 3. apríl 1997

4b Ívan Sær Davíðsson f. 12. mars 2001

3b Þórður Sveinsson f. 21. ágúst 1977

3c Guðrún Sveinsdóttir f. 5. mars 1981

M. Hákon Þorsteinsson f. 29. desember 1979 Skilin

Börn þeirra Ása Laufey og Sveinn Hjalti

4a Ása Laufey Hákonardóttir f. 10. janúar 2010

4b Sveinn Hjalti Hákonarson f. 30. maí 2013

3d Ágústa Sveinsdóttir f. 22. ágúst 1988

M. Unnsteinn Manuel Stefánsson f. 2. júlí 1990

Barn Þeirra: Víkingur Manuel Stefán

4a Víkingur Manuel Stefán Unnsteinsson f. 24. ágúst 2018

1d Emilía Oddbjörg Halldórsdóttir f. 1. apríl 1912 d. 1. apríl 1996

M. Kveldúlfur Gröndvold f. 12. mars 1901 d. 24. apríl 1962

Börn þeirra: Karl Gústaf og Halldór Þór

2a Karl Gústaf Grönvold f. 28. október 1941

K. Hjördís Guðríður Guðbjörnsdóttir f. 27. júlí 1943 skilin

Börn þeirra: Úlfur, Védís og Logi

Barnsmóðir: Bryndís Brandsdóttir f. 27. september1953

Barn þeirra: Brandur Bjarnason Karlsson

3a Úlfur Grönvold Karlsson f. 3. janúar 1966

K1. Kristín Einarsdóttir

Börn þeirra: Ylfa, Ýmir og Högni

f. 22. maí 1967 skilin

K2. Hekla Dögg Jónsdóttir f. 9. október 1969

Barn þeirra: Dagur Atli

Barnsmóðir: Sveinbjörg Jónsdóttir f. 25. ágúst 1969

Barn þeirra: Jón Þórarinn

4a Ylfa Úlfsdóttir Grönvold f. 1. október 1988

4b Ýmir Grönvold f. 12. apríl 1994

4c Högni Grönvold f. 3. mars 2004

4d Dagur Atli Grönvold f. 30. júlí 2013

4e Jón Þórarinn Úlfsson f. 18. desember 1993

3b Védís Karlsdóttir Grönvold f. 24. október1969

M. Þormóður Árni Egilsson f. 10. ágúst 1969

Börn þeirra: Mist og Marta

Barnsfaðir: Valur Þór Einarsson f. 18. janúar 1969

Barn þeirra: Perla

4a Perla Grönvold f. 31. maí 1990

Barnsfaðir: Guðmundur Helgi Harðarson f. 29. nóvember1989

5a Sif Guðmundsdóttir Grönvold f. 1. júlí 2014

4b Mist Þormóðsdóttir Grönvold f. 26. október 1999

4c Marta Þormóðsdóttir Grönvold f. 14. maí 2002

3c Logi Karlsson Grönvold f. 30. apríl 1981

K. Hjördís Ýr Ólafsdóttir f. 27. maí 1982

Börn þeirra: Ninja Ýr, Nói og Númi

4a Ninja Ýr Logadóttir f. 17. september 2009

4b Nói Logason f. 29. ágúst 2013

4c Númi Logason f. 10. október 2019

3d Brandur Bjarnason Karlsson f. 2. janúar 1982

2b Halldór Þór Grönvold f. 8. mars 1954 d. 18. nóvember 2020

K. Gréta Baldursdóttir f. 30. mars 1954 d. 1. janúar 2023

Börn þeirra: Eva og Arnar

3a Eva Halldórsdóttir f. 16. apríl 1979

M. Björgvin Ingi Ólafsson f. 9. júní 1978

Börn þeirra: Benedikt, Baldur og Hildur María

4a Benedikt Björgvinsson f. 1. maí 2007

4b Baldur Björgvinsson f. 9. október 2011

4c Hildur María Björgvinsdóttir f. 5. september 2019

3b Arnar Halldórsson f. 27. febrúar 1991

1e Einar Halldórsson f. 3. nóvember 1913 d. 28. nóvember 1968

K1. Guðrún Sigríður Sigurðardóttir f. 14. júní 1897 d. 22. apríl 1966 skilin

K2. Rósa Guðrún Guðmundsdóttir

Barn þeirra: Helga

2a Helga Einarsdóttir

M. Jakob Sigurður Friðriksson

Börn þeirra: Rósa Kristrún, Páll og Karl

f. 8. október 1923 d. 10. september 1984

f. 7. ágúst 1965 d. 31. júlí 2008

f. 25. desember 1966

3a Rósa Kristrún Jakobsdóttir f. 24. september 1989

M. Pétur Már Sigurjónsson f. 9. ágúst 1989

Börn þeirra: Helgi Freyr og Hulda Rán

4a Helgi Freyr Pétursson f. 26. desember 2013

4b Hulda Rán Pétursdóttir f. 17. júní 2016

3b Páll Jakobsson f. 31. október 1991

K. Olga Kristín Jónsdóttir

3c Karl Jakobsson

1f Sigurþór Halldórsson

K. Kristín Guðmundsdóttir

Börn þeirra: Guðmundur, Halldór Ellert, Gísli Þór, Ása Katrín og Sóley Björk

2a Guðmundur Sigurþórsson

f. 17. desember 1989

f. 30. júlí 1999

f. 22. september 1915 d. 12. maí 2005

f. 9. maí 1924 d. 23. maí 2020

f. 17. nóvember 1943

K. Julia Marie T. L. Sigurthorsson f. 26. ágúst 1945

Börn þeirra: Kristin Marie, Thor Ivar, Thor Andre og Victoria Marie Clarisse

3a Kristin Marie Sigurthorsson f. 30. september 1966 d. 15. október 2015

M. John Lewis Hurter f. 11. nóvember 1966

Börn þeirra: Nicholas Thor, Julia Marie, Lillian Marie og Emmeline Marie

4a Nicholas Thor Hurter f. 6. júlí 1994

4b Julia Marie Hurter f. 15. ágúst 2001

4c Lillian Marie Hurter f. 16. janúar 2004

4d Emmeline Marie Hurter f. 14. febrúar 2007

3b Thor Ivar Sigurthorsson f. 19. maí 1970

K. Cecilie Dahl Sigurthorsson f. 22. mars 1974 skilin

Börn þeirra: Magnus og Emilie

4a Magnus Sigurthorsson f. 16. ágúst 2001

4b Emilie Sigurthorsson f. 29. apríl 2004

3c Thor Andre Sigurthorsson f. 20. nóvember 1972

K. Celin Svare f. 26. maí 1981

Börn þeirra: Madeleine og Nikoline

4a Madeleine Sigurthorsson f. 24. ágúst 2011

4b Nikoline Sigurthorsson f. 30. mars 2014

3d Victoria Marie Clarisse Sigurthorsson f. 22. febrúar 1990

2b Halldór Ellert Sigurþórsson f. 13. maí 1949

K. Sesselja Björk Sigurðardóttir f. 14. febrúar 1954

Börn þeirra: Sigurþór Einar og Hólmfríður

Barnsmóðir: Guðrún Jóhanna Jónsdóttir f. 26. júní 1954

Barn þeirra: Guðlaug Erla

3a Guðlaug Erla Halldórsdóttir f. 7. október 1975

M. Kjartan Orri Helgason f. 19. nóvember 1967

Börn þeirra: Kári Fannar og Auður Lára

4a Kári Fannar Kjartansson f. 28. október 2006

4b Auður Lára Kjartansdóttir f. 9. febrúar 2011

3b Sigurþór Einar Halldórsson f. 16. febrúar 1979

K. María Haraldsdóttir f. 16. mars 1979 skilin

Börn þeirra: Auður og Björk

Barnsmóðir: Eva Brá Hallgrímsdóttir f. 28. mars 1979

Barn þeirra: Unnur

4a Unnur Sigurþórsdóttir f. 23. september 1993

M. Steinar Darri Emilsson f. 12. mars 1990 skilin

5a Birgitta Emý Steinarsdóttir f. 6. júní 2012

5b Alexander Ísar Steinarsson f. 11. október 2014

5c Kamilla Rún Steinarsdóttir f. 19. september 2017

4b Auður Sigurþórsdóttir f. 6. júlí 2004

4c Björk Sigurþórsdóttir f. 4. nóvember 2008

3c Hólmfríður Halldórsdóttir f. 9. júlí 1982

M. Gunnar Fannberg Gunnarsson f. 4. október 1974

4a Alexander Fannberg Gunnarsson f. 12. febrúar 2002

4b Gunnar Fannberg Gunnarsson f. 25. júní 2005

4c Logi Fannberg Gunnarsson f. 7. október 2008

4d Halldór Orri Fannberg Gunnarsson f. 26. júlí 2016

4e Andrea Saga Fannberg Gunnarsdóttir f. 13. janúar 2019

Börn Sesselju:

Sigfríður Sophusdóttir f. 7. desember 1969

M. Arnar Laufdal Aðalsteinsson f. 12. maí 1964

Börn þeirra: Arnar Laufdal Arnarson f. 13. febrúar 2000

Róbert Laufdal Arnarson f. 1. mars 2005

Sara Laufdal Arnardóttir f. 13. ágúst 1992

Jóhann Styrmir Sophusson f. 11. desember 1973

K1. Guðbjörg Elín Þrastardóttir f. 28. ágúst 1976 skilin

Barn þeirra: Eydís Ýr Jóhannsdóttir f. 9. október 2002

K2. Ásta B. Valdimarsdóttir f. 22. ágúst 1976

Barn þeirra: Sesselja Sól Jóhannsdóttir f. 9. mars 2009

Dóttir Ástu: Magdalena Rut Ástudóttir f. 29. apríl 1997

2c Gísli Þór Sigurþórsson f. 10. janúar 1954

K. Kolbrún Einarsdóttir f. 9. desember 1956

Börn þeirra: Jóhann, Þorbjörn og Jóna

3a Jóhann Gíslason Kolbrúnarson f. 25. júlí 1984

K. Aldís Sveinsdóttir f. 16. febrúar 1985

3b Þorbjörn Gíslason Kolbrúnarson f. 15. júní 1987

K. Katrín Helga Andrésdóttir f. 8. júlí 1992

Barn þeirra: Kolbrá Katrínar Þorbjarnardóttir f. 15. júní 2023

3c Jóna Gísladóttir Kolbrúnardóttir f. 1. október 1992

M. Erling Aspelund f. 3. nóvember 1993

Barn þeirra: Thor

4a Thor Aspelund f. 24. nóvember 2022

2d Ása Katrín Sigurþórsdóttir f. 25. apríl 1955

M. Hans Gustav Engen f. 15. ágúst 1950

Börn þeirra: Sara Kristín og Snorri

3a Sara Kristín Engen f. 19. maí 1983

M. Øyvind Solberg f. 10. október 1983

Börn þeirra: Vilde og Erik

4a Vilde Solberg Engen f. 7. september 2012

4b Erik Solberg Engen f. 6. mars 2014

3b Snorri Hansson Engen f. 6. október 1988

K. Malin Øversjøen f. 23. janúar 1990

Börn Hans Engen:

Knut Morten Engen f. 8. nóvember 1972

K. Anne Aasheim f. 11. mars 1974

Börn þeirra:

Vilma Aasheim Engen f. 13. október 2007

Albert Aasheim Engen f. 16. maí 2009

Gunn Kari Engen f. 14. desember 1976

M. Ivar Andreas Åsland Lima f. 24. september 1973

Börn þeirra:

Oskar Engen Lima f. 14. október 2006

Sunniva Engen Lima f. 8. mars 2010

Alfred Engen Lima f. 6. janúar 2014

2e Sóley Björk Sigurþórsdóttir f. 2. apríl 1958

M. Einar Óskarsson f. 17. október 1958

Börn þeirra: Ágúst Örn, Óskar Örn og Guðmundur Þorvalds

3a Ágúst Örn Einarsson f. 3. mars 1979

K. Berglind Ósk Þorsteinsdóttir

Barn þeirra: Hrafnhildur Hekla Ágústsdóttir f. 15. janúar 1978

4a Hrafnhildur Hekla Ágústsdóttir f. 15. nóvember 2012

3b Óskar Örn Einarsson Sammalisto f. 28. maí 1984

K. Laura Johanna Sammalisto f. 20. október 1985

3c Guðmundur Þorvalds Einarsson

f. 28. ágúst 1990

K. Alexía Nótt Ragnheiðardóttir f. 16. október 1976

1g Jóhannes Ólafur Halldórsson

K. Gerður Ólöf Ísberg

1h Áslaug Dóra Halldórsdóttir

f. 15. apríl 1917 d. 13. janúar 2012

f. 20. mars 1921 d.19. febrúar 2007

f. 22.febrúar 1920 d.20. október 1921