Félag kennara á eftirlaunum
FKE-fréttir 1. tbl. 41. árg. - maí 2021
Öræfajökull, horft frá Skaftafelli
Athugaðu:
Mynd: Halldór Þórðarson
Efni: Sumarferðir o.fl.
• Allir eftirlaunakennarar og makar þeirra eiga rétt til aðildar að FKE og félagsgjald er ekkert!! • Vefur FKE er á fke.is - Þar er hægt að skrá sig í félagið. Slóðin er: https://fke.is/index.php/skraning-i-fke Skráð aðild viðheldur FKE-aðgangi að Orlofssjóðnum. • Einnig - eitt símtal nægir! Fjóla Ósk Gunnarsdóttir í Kennarahúsinu tekur við skráningum í síma 595-1111 og í netpósti á fjola@ki.is. • Geymdu þetta eintak!
Frá stjórninni Heimsfaraldur hefur víða bitið og valdið miklum vanda. Vonandi hefur hann gengið fram hjá ykkur, félagar góðir. Stjórn FKE hefur komið reglulega saman, reynt að meta stöðuna, skipulagt ferðir og aðra viðburði, meðal annars fjölmennan fund stjórna norrænna félaga. Því miður hafði faraldurinn og afleiðingar hans alltaf betur og öllu var aflýst. Við erum samt ekki af baki dottin og horfum til betri tíma. – Við hvetjum ykkur öll, hvar svo sem þið eruð á landinu, að koma saman, fara í gönguferðir, helst vikulega, stofna lestrarhópa og spjalla um bókmenntir, syngja saman, spila, hittast og gleðjast. Það er mikilvægt fyrir heilsuna, gleðina og lífið. – Stjórnarmenn eru vongóðir og líta björtum augum til komandi mánaða. Ráðgert er að halda aðalfund, sem frestað var, í byrjun október. Síðsumars og í haust eru ráðgerðar ferðir, bæði innan lands og utan. – Við óskum ykkur gleði og góðrar heilsu. Kennarasamband Íslands, Borgartúni 30, 105 Rvík. Ábyrgðamaður: Guðmundur Kristinsson