Yfir fjöll og firnindi

TANNI TRAVEL

Reynsla – Metnaður – Skemmtun Experience – Ambition - Fun

FÉLAG KENNARA Á EFTIRLAUNUM NORÐ - AUSTURLAND Yfir fjöll og firnindi 9.-12. ágúst 2022

Þriðjudagurinn 9. ágúst 2022 Mæting á Reykjavíkurflugvöll kl. 06:45 að morgni. Flogið frá Reykjavík kl. 07:30, lending á Egilsstöðum kl. 08:30.

Ekið til Vopnafjarðar, um Hellisheiði ef veður leyfir, annars yfir Vopnafjarðarheiði. Þar heimsækjum við Bustarfell, safn í gömlum fallegum torfbæ sem miðlar breyttum búskapar- og lifnaðarháttum fólks allt frá því um 1770 til þess er hætt var að búa í bænum árið 1966.

Við fáum hádegissúpu á Síreksstöðum, sem er bær innst í Vopnafirði, þar sem rekin er gisting og veitingasala.

Við ökum um Vopnafjörð til Bakkafjarðar, þar sem við skoðum okkur um. Við endum daginn í Heimsskautsgerði við Raufarhöfn, minnismerki eins og risastórt sólarlag sem miðar að því að ná geislum sólarinnar, varpa skugganum á nákvæma staði og fanga ljósið á milli hliðanna.

Strandgata 14, 735 Eskifjörður, Iceland tel. +354-476-1399, e-mail: tannitravel@tannitravel.is www.tannitravel.is

TANNI TRAVEL

Reynsla – Metnaður – Skemmtun Experience – Ambition - Fun

Kvöldverður og gisting á Hótel Norðurljós, Raufarhöfn. https://www.hotelnordurljos.is/ ATH. Gistingin á Raufarhöfn er gömul verbúð sem búið er að gera upp og er mjög fín. Hinsvegar eru nokkuð margar tröppur upp í móttöku hótelsins, sem er svo á tveimur hæðum.

Miðvikudagurinn 10. ágúst 2022

Ekið til Þórshafnar og út á Langanes, þar sem við heimsækjum Ytra Lón og fáum þar hádegisverð. Heimsækjum Skoruvíkurbjarg, en þar er einstakur útsýnispallur þar sem sjá má yfir klettadranginn Stóra Karl en þar er fágætt súluvarp. Þar má einnig sjá fjölda bjargfugla í návígi eins og álku, langvíu, stuttnefju og lunda. Heimsækjum fræðasetur um forystufé á Þórshöfn og njótum dagsins á svæðinu. Kvöldverður og gisting á sama stað.

ATH. vegurinn út á Langanes er grófur og seinfarinn.

Fimmtudagur 11. ágúst 2022

Ekið frá Raufarhöfn um Melrakkasléttu í Gljúfrastofu, upplýsingamiðstöð Vatnajökulsþjóðgarðs í Ásbyrgi, en þar er mjög fræðandi og gaman að koma. Ökum um nýja Dettifossveginn að Dettifossi þar sem við fáum okkur göngutúr að þessum kraftmikla fossi. Keyrum í Möðrudal, þar sem við fáum hádegissúpu með útsýni á drottningu fjallanna, Herðubreið (ef skyggni). Keyrum Háreksstaðaleið (sömu leið og dag 1) og Jökuldal til Reyðarfjarðar, þar sem bíður kvöldverður og gisting. https://www.visitfjardabyggd.is/gisting/hotel/hotel/hotel-austur1

Strandgata 14, 735 Eskifjörður, Iceland tel. +354-476-1399, e-mail: tannitravel@tannitravel.is www.tannitravel.is

TANNI TRAVEL

Reynsla – Metnaður – Skemmtun Experience – Ambition - Fun

Föstudagur 12. ágúst 2022

Í dag ökum við til Borgarfjarðar Eystri. Þar heimsækjum við gamla torfhúsið Lindarbakka, fáum kynningu á íslenskum Landa og öðru „heimabruggi“ í KHB brugghúsi og heimsækjum dúnframleiðslu á staðnum. Við borðum hádegisverð í þessu fallega umhverfi. Á leið til baka í Egilsstaði stoppum við, við sjálfsalann hans Kidda á miðri sléttunni og við Kjarvalshvamm, þar sem málarinn Jóhannes Kjarval dvaldi og málaði margar af sínum frægustu myndum.

Frjáls tími á Egilsstöðum fyrir kvöldverð áður en flogið er til baka til Reykjavíkur með kvöldflugi.

Mæting í flug kl.18:45. Flogið frá Egilsstöðum kl. 19:25.

VERÐ: 169.600 kr. á mann í tveggja manna herbergi.

Aukagjald fyrir einbýli 30.000 kr. – takmarkaður herbergjafjöldi. (Þeir sem ekki ferðast með ferðafélaga, þurfa að greiða fyrir eins manns herbergi.)

Staðfestingargjald, 10.000, skal greiðast við bókun.

Ferð skal vera að fullu greidd 1. júlí 2022.

Innifalið í verði: • Flug, Reykjavík-Egilsstaðir-Reykjavík.

• 4 daga ferð með leiðsögn.

• Gisting á hóteli í 3 nætur með morgunverði.

• 3x 3ja rétta kvöldverðir.

• 2x hádegisverðir (á Síreksstöðum og Ytra lóni) • Aðgangseyrir í Bustarfell, Fræðasetur um forystufé, Lindabakka, KBH Brugghús og Íslenska dúnframleiðslu.

Ekki innifalið í verði: • Hádegissúpa í Möðrudal og á Borgarfirði • Drykkir og annað tilfallandi

Lágmarksþátttöku þarf í ferðina.

Strandgata 14, 735 Eskifjörður, Iceland tel. +354-476-1399, e-mail: tannitravel@tannitravel.is www.tannitravel.is