Student Engagement Policy Part 2 (Welsh)

P2:Y fframwaith ar gyfer Ymgysylltu â Myfyrwyr

2018/19

• • • • •

Lefel Modiwl Lefel Rhaglen Lefel Cyfadran Lefel Prifysgol Undeb y Myfyrwyr

Lefel Modiwl 3

Yr Arolwg Arfarnu Modiwl gan Fyfyrwyr (SEMs) Mae gan bob myfyriwr gyfle i fwydo yn ôl yn ddienw ar lefel modiwl wrth gwblhau holiadur arfarnu modiwl byr (SEM). Mae arolygon SEM ar Moodle ac wedi eu cynllunio i gael eu cwblhau yng nghanol modiwl fel arfer yn wythnos 3 ac eto ar ddiwedd modiwl. Mae’r arolwg yn gofyn cwestiynau am ddysgu ac asesu’r modiwl, adnoddau a’r profiad dysgu cyffredinol. Mae hyn yn adborth gwerthfawr gan ei fod yn caniatáu i dimau academaidd allu gwirio dealltwriaeth myfyrwyr o’r amserlen ddarparu a meini prawf asesu. Unwaith y cwblheir yr arolwg, mae gan y tîm academaidd ddadansoddiad ar unwaith – ar sail ddienw. Wedi i’r canlyniadau gael eu derbyn, mae timau cwrs yn agor y SEMs ar-lein gyda’r myfyrwyr ac yn trafod yr adborth a thrafod unrhyw faterion cyffredin. Gall hyn gael effaith ar unwaith; mae’n cael ei gwblhau ar-lein a’i ddadansoddi gan becyn arolwg felly mae’r cwbl yn ddienw.

Beth sy’n digwydd i’r wybodaeth?

Mae Deoniaid Cyswllt Cyfadrannau yn monitro cymryd rhan mewn SEM ac mae Arweinyddion Rhaglen yn adrodd ar ganlyniad yr arolygon SEM fel rhan o’u hadroddiadau monitro rhaglenni blynyddol. Mae’r adolygiadau blynyddol hyn yn adolygu beth sydd wedi gweithio’n dda ar y rhaglen a pha weithrediadau y gellir eu cymryd i ddatrys unrhyw bwyntiau anfodlonrwydd cyffredin. Mae’r adborth wedyn yn cael ei ystyried mewn Byrddau Cyfadran fel bod unrhyw newidiadau sydd eu hangen yn gallu cael eu trafod a bod Deon y Gyfadran yn ymwybodol.

Lefel Rhaglen 5

Teclyn Adborth Dweud wrth Glyn Ar-lein Mae Dweud wrth Glyn yn declyn adborth ar-lein i fyfyrwyr a chynrychiolwyr cwrs sydd wedi cael ei ddatblygu gan Undeb y Myfyrwyr. Mae’r teclyn yn dal adborth sy’n cael ei anfon ar unwaith at yr unigolion / adrannau perthnasol. Dylai’r holl staff annog myfyrwyr i ddefnyddio’r teclyn hwn er mwyn adnabod materion wrth iddynt ddigwydd. Dolen: https://tellglyn.co.uk/ Gall myfyrwyr ddefnyddio Dweud wrth Glyn yn ddienw neu gallant roi manylion cyswllt i dderbyn ymateb.

Adborth Lefel Rhaglen (e.e. profiad modiwl, addysgu, asesiad, adborth, cyflwyniad, trefnu a rheoli rhaglen, canlyniadau NSS, tiwtora personol ayb)

Os yw myfyriwr yn defnyddio Dweud wrth Glyn i roi adborth ynglŷn â’u rhaglen, mae hyn yn cael ei anfon yn uniongyrchol at Gynrychiolydd y Cwrs er mwyn i’r rhaglen honno gael ei chodi a’i thrafod trwy’r Fforwm Llais Myfyrwyr (SVF). Gall Cynrychiolwyr Cwrs hefyd ddefnyddio’r teclyn hwn wrth gysylltu â myfyrwyr fel ffordd o gofnodi adborth.

Bydd Undeb y Myfyrwyr yn derbyn copi o’r holl adborth a gyflwynir trwy Dweud wrth Glyn. Os am unrhyw reswm nad yw cynrychiolwyr cwrs yn gallu mynychu SVF, bydd Undeb y Myfyrwyr yn gallu cyflwyno copi o adborth myfyrwyr, ar gais, er mwyn parhau â’r cyfarfod.

Siart 1: Adborth Lefel Rhaglen gan ddefnyddio Dweud wrth Glyn

Adborth Gweithredol e.e. Wi-Fi, T.G., Cefnogaeth Sgiliau Astudio, Arlwyo, Undeb y Myfyrwyr, Llyfrgell, Campws ac Ystadau, Canolfan Chwaraeon ayb (i nodi nad yw adborth gweithredol yn gymwys i safleoedd darparu partner)

Gall fod yn anodd i academyddion ymateb i adborth gweithredol mewn SVFs. Bwriedir i Dweud wrth Glyn gadw adborth ynglŷn â materion gweithredol y tu allan i’r SVFs a’r budd ychwanegol yw bod myfyrwyr yn derbyn ymateb uniongyrchol gan yr adran berthnasol. Mae myfyrwyr yn dewis yr adran y dymunant roi adborth iddi, mae’r wybodaeth yn cael ei hanfon yn uniongyrchol at yr adran berthnasol fydd wedyn yn gallu ymateb yn uniongyrchol i’r myfyriwr. Am faterion gweithredol sy’n cael eu codi mewn Fforymau Llais Myfyrwyr, anogir staff i ofyn i fyfyrwyr ddefnyddio Dweud wrth Glyn er mwyn derbyn ymateb uniongyrchol. Mae Undeb y Myfyrwyr yn cysylltu â myfyrwyr (o gofnodion Dweud wrth Glyn ar hap) i sicrhau eu bod yn derbyn ymatebion uniongyrchol. Trwy Dweud wrth Glyn, anogir myfyrwyr i gysylltu ag Undeb y Myfyrwyr os nad ydynt yn derbyn ymateb neu nad ydynt yn hapus gyda’u hymateb.

Beth sy’n digwydd i’r adborth? Mae adborth Dweud wrth Glyn yn ymddangos ym mhroses monitro ac arfarnu adrannau gweithredol. Mae newidiadau o ganlyniad uniongyrchol i’r adborth hwn yn ymddangos fel rhan o’r adran ‘What’s New WGU’ o wefan Undeb y Myfyrwyr ac ar agendâu.

Siart 2: Adborth gweithredol gan ddefnyddio Dweud wrth Glyn:

System Gynrychioli Cwrs Mae’r system gynrychioli cwrs, a ddatblygwyd gan Undeb Myfyrwyr Wrecsam Glyndŵr mewn partneriaeth â PGW, yn sicrhau bod pob myfyriwr yn cael ei gynrychioli a/neu â’r cyfle i adrodd yn ôl ar lefel rhaglen. Mae cynrychiolwyr cwrs yn chwarae rôl allweddol mewn casglu barn myfyrwyr sy’n gallu dylanwadu ar welliannau ar lefel rhaglen a Phrifysgol ac yn cael eu cefnogi gan hyfforddiant i gynrychiolwyr cwrs wedi eu lleoli gyda darparwyr partner lle mae hyfforddiant arlein yn cael ei ddarparu.

Mae nifer y cynrychiolwyr cwrs a etholir yn amrywio gan ddibynnu ar faint y garfan.

Mae’n rhaid i’r penderfyniad o faint o gynrychiolwyr cwrs ddylai gael eu hethol ei wneud gan gorff y myfyrwyr.

Ethol Cynrychiolwyr Cwrs • Mae’n rhaid i gynrychiolwyr cwrs gael eu hethol yn ddemocrataidd gan fyfyrwyr ac mae’n rhaid iddynt beidio â chael eu dewis gan aelodau staff. Dylai Arweinyddion Rhaglen sicrhau bod etholiadau yn digwydd ac yn cael eu hysbysu i gorff y myfyrwyr.

• Mae llawer o ffyrdd y gall etholiad ddigwydd ac mae hyn yn cael ei benderfynu gan gorff y myfyrwyr. Bydd Undeb Myfyrwyr Wrecsam Glyndŵr yn hwyluso etholiadau lle bo angen.

• Cyn gynted ag etholir cynrychiolwyr cwrs, dylai eu manylion cyswllt gael eu hanfon at coursereps@glyndwr.ac.uk cyn neu ar y dyddiad a benodir gan Undeb Myfyrwyr Wrecsam Glyndŵr.

• Bydd myfyrwyr sy’n dychwelyd yn cael y cyfle i ethol eu cynrychiolydd cwrs ar gyfer y flwyddyn ganlynol ar ddiwedd y flwyddyn academaidd. Eto, dylai manylion cyswllt y cynrychiolwyr hynny gael eu hanfon at coursereps@glyndwr.ac.uk cyn neu ar y dyddiad a benodir gan Undeb Myfyrwyr Wrecsam Glyndŵr.

• Mae’n rhaid i Arweinyddion Rhaglen sicrhau bod manylion y cynrychiolydd cwrs etholedig yn cael eu dangos ar y dudalen cwrs Moodle.

Hyfforddiant a Chefnogaeth i Gynrychiolwyr Cwrs Mae Undeb y Myfyrwyr yn rheoli bas data cynrychiolwyr cwrs ac yn gyfrifol am ddarparu hyfforddiant i gynrychiolwyr cwrs. Cynhelir nifer o sesiynau hyfforddi ar draws holl gampysau Prifysgol Wrecsam Glyndŵr. Mae pwyslais yn cael ei roi ar gynrychiolwyr cwrs yn mynychu sesiynau yn y cnawd, fodd bynnag mae cyfle i gynrychiolwyr gwblhau hyfforddiant ar-lein. Mae’r manylion ynglŷn â hyfforddiant ar-lein wedi eu rhoi ar gael ar wefan Undeb Myfyrwyr Wrecsam Glyndŵr. Yn ychwanegol, mae cyfle i gynrychiolwyr cwrs wedi eu lleoli yng nghampysau Prifysgol Wrecsam Glyndŵr dderbyn hyfforddiant ychwanegol yng Nghynhadledd flynyddol Cynrychiolwyr Cwrs Undeb Myfyrwyr Wrecsam Glyndŵr. Mae cefnogaeth ar gyfer pob cynrychiolydd cwrs yn cael ei darparu gan Undeb y Myfyrwyr ac Arweinyddion Rhaglen.

Cynigir hyfforddiant ychwanegol i gynrychiolwyr cwrs wedi eu lleoli yng nghampysau Prifysgol Glyndŵr Wrecsam wrth ddarparu modiwl 20 credyd ychwanegol mewn Adfocatiaeth. Mae’r modiwl hwn sydd wedi ennill gwobrau yn gwella sgiliau myfyrwyr yn ystod eu hamser yn eu rôl ac mae’n seiliedig ar system cynrychiolydd Cwrs PGW.

Enillodd Undeb Myfyrwyr Wrecsam Glyndŵr Wobr Addysg NUS 2017 am y system cynrychiolydd cwrs a’r modiwl Adfocatiaeth arloesol.

Cyfrifoldebau o fewn y System Cynrychiolydd Cwrs

Cynrychiolwyr Cwrs

Tîm y Rhaglen

• Mynychu hyfforddiant cynrychiolydd cwrs wedi’i ddarparu gan Undeb Myfyrwyr Wrecsam Glyndŵr neu ymgymryd â hyfforddiant ar-lein • Sicrhau cyfathrebu rheolaidd gyda myfyrwyr eraill i gasglu adborth • Annog myfyrwyr eraill i ddefnyddio Dweud wrth Glyn – y teclyn adborth ar-lein • Mynychu Fforymau Llais Myfyrwyr (SVFs) a rhannu’r adborth a gasglwyd, gan gynnwys adborth Dweud wrth Glyn • Sicrhau bod y cylch adborth wedi ei gau a bod myfyrwyr yn ymwybodol o unrhyw ganlyniadau o SVFs • Siaradwch gyda staff ynglŷn a beth sy’n gweithio’n dda, beth allai fod ag angen newid a syniadau sy’n berthynol i’ch cwrs • Gweithiwch mewn partneriaeth gyda thîm y rhaglen i greu datrysiadau a rhannu syniadau i wella’r profiad myfyriwr • Lle’n bosibl cysylltu â’r Cynrychiolydd Cyfadran a bwydo yn ôl iddo

• Sicrhau bod etholiadau cynrychiolydd cwrs yn digwydd • Sicrhau bod Undeb Myfyrwyr Wrecsam Glyndŵr yn derbyn manylion cynrychiolydd cwrs erbyn y dyddiad cau • Sicrhau bod myfyrwyr yn ymwybodol o’r system Cynrychiolydd cwrs a phwy yw eu cynrychiolydd/wyr cwrs. Mae hyn yn cynnwys hyrwyddo mecanweithiau eraill ar gyfer adborth fel Dweud wrth Glyn • Sicrhau bod dyddiadau, amseroedd a lleoliadau cyfarfodydd SVF yn cael eu cyhoeddi ar ddechrau’r flwyddyn academaidd a bod myfyrwyr yn cael eu hysbysu • Gweithio mewn partneriaeth gyda chynrychiolwyr cwrs i weithredu ar adborth ac i roi gwybod i fyfyrwyr am unrhyw ganlyniadau o SVFs a sicrhau bod y cylch adborth wedi ei gau

Fforymau Llais Myfyrwyr (SVFs)

Mae Fforymau Llais Myfyrwyr fel arfer yn cael eu cynnal unwaith y semester ac yn darparu cyfleoedd ar gyfer:

•

Myfyrwyr i fwydo yn ôl i staff ynglŷn â’u rhaglen a phrofiad myfyriwr cyffredinol

•

Adolygu’r rhaglen gyfredol/rhaglenni cyfredol i lunio newid a gwelliant

•

Myfyrwyr i fwydo ‘Llais y Myfyrwyr’ i mewn i wneud penderfyniadau strategol y brifysgol

Mae agenda yn cael ei chreu mewn partneriaeth rhwng Arweinyddion Rhaglen a Chynrychiolwyr Cwrs a dylent ganolbwyntio yn y lle cyntaf ar faterion academaidd a nodir gan gorff y myfyrwyr (fel arfer trwy Gynrychiolwyr Cwrs), ac mae’n rhaid i staff ymdrechu i sicrhau bod y SVF yn darparu fforwm y mae pob myfyriwr yn teimlo y gall gyfrannu ato’n agored. Bydd myfyrwyr a chynrychiolwyr cwrs wedi eu lleoli yng nghampysau Prifysgol Wrecsam Glyndŵr sy’n rhoi adborth ar SVFs ar faterion gweithredol yn cael eu hannog i ddefnyddio Dweud wrth Glyn fel y gallant dderbyn ymateb uniongyrchol gan yr adran berthnasol, gan gau cylch yr adborth.

Aelodaeth o SVFs • Yr holl gynrychiolwyr cwrs sy’n gysylltiedig â’r cwrs

• Arweinyddion Rhaglen a Modiwl sy’n gysylltiedig â’r cwrs • Gall pob myfyriwr fynychu SVFs ac mae’n gyfrifoldeb i Arweinyddion Rhaglen a chynrychiolwyr cwrs i gyhoeddi manylion y cyfarfodydd trwy Moodle, neu fecanweithiau eraill ar safleoedd darparu partner • Gall Deon y Gyfadran a Deoniaid Cyswllt fynychu, neu rolau cyfatebol mewn safleoedd darparu partner.

• Gwahoddir aelod o Undeb y Myfyrwyr i fynychu i gefnogi cynrychiolwyr cwrs, mae hyn yn gymwys i gyfarfodydd SVF sy’n cael eu cynnal yng nghampysau Prifysgol Wrecsam Glyndŵr yn unig

Nid yw’r cyfarfod yn cael ei gadeirio byth gan unrhyw un o dîm y rhaglen – mae hyn er mwyn sicrhau annibyniaeth. I ddarparwyr partner dylai’r cyfarfod gael ei gadeirio gan Ddolen Academaidd a ddynodir gan PGW, naill ai yn y cnawd neu o bell.

Dylai SVFs gael llinellau adrodd clir a system dryloyw i adnabod aelodau staff perthnasol sy’n gyfrifol am symud unrhyw weithredoedd ymlaen a sicrhau bod corff y myfyrwyr yn cael eu gwneud yn ymwybodol o unrhyw ganlyniadau. Anogir Timau Rhaglen i sefydlu ardal benodol ar Moodle, neu fecanweithiau eraill mewwn safleoedd darparu partner, ar gyfer darparu gwybodaeth berthynol i SVF, gan gynnwys ymatebion i adborth.

Adrodd ar a Monitro Adborth Myfyrwyr o SVFs Mae’r Cydlynydd Cynrychiolaeth a Democratiaeth yn Undeb y Myfyrwyr yn creu matrics gweithredu ar ddiwedd pob semester gan nodi unrhyw weithredoedd sydd heb gael eu cwblhau ac unrhyw faterion sydd wedi cael eu codi yn gyffredinol.

Mae hyn wedyn yn cael ei dderbyn gan y Byrddau Cyfadran a phob un o’r Deoniaid Cyswllt ar gyfer Dysgu ac Addysgu (neu gyfatebol), ac yn achos darparwyr partner, y Deoniaid Cyswllt ar gyfer Mentergarwch, Partneriaethau a Chyflogadwyedd, i sicrhau bod unrhyw weithredoedd sy’n sefyll yn cael eu cwblhau. Bydd y matrics gweithredu hefyd yn rhan o adroddiad Llais Myfyrwyr Undeb y Myfyrwyr sy’n cael ei dderbyn gan Bwyllgor Ansawdd Dysgu ac Addysgu’r Brifysgol (LTQC), yn nhermau safleoedd partner bydd adroddiad ar wahân yn cael ei dderbyn gan Bwyllgor Partneriaethau Academaidd y Brifysgol, lle gellir adnabod, trafod a mynd i’r afael â thueddiadau ym mhob pwyllgor. Mae adroddiad llawn Llais y Myfyrwyr hefyd yn cael ei dderbyn gan y Bwrdd Academaidd a Bwrdd y Llywodraethwyr.

Lefel Cyfadran 16

Mae cynrychiolaeth cyfadran, sy’n cymryd adborth a dderbynnir o safleoedd partner i ystyriaeth, ar sawl lefel o’r Cyfadrannau Academaidd sy’n cynnwys: • Cynrychiolaeth myfyrwyr ar Fyrddau Cyfadran (1 Myfyriwr israddedig, 1 Myfyriwr ôlraddedig addysgedig a chynrychiolydd y Gyfadran) • Cynrychiolaeth myfyrwyr ar Gyfarfodydd Tîm Uwch Reoli (Cynrychiolydd Cyfadran) • Cynrychiolwyr Cwrs

Cynrychiolydd Cyfadran Mae gan bob Cyfadran Academaidd Gynrychiolydd Cyfadran trosfwaol a etholir gan gorff myfyrwyr campysau Prifysgol Wrecsam Glyndŵr a’i gefnogi gan Undeb y Myfyrwyr. Mae Cynrychiolydd y Gyfadran yn eistedd ar Gyngor Undeb y Myfyrwyr ac yn ddolen rhwng y Gyfadran ac Undeb y Myfyrwyr. Mae gan Gynrychiolydd y Gyfadran y cyfle i gysylltu â Chynrychiolwyr Cwrs campws Prifysgol Wrecsam Glyndŵr trwy’r Gynhadledd flynyddol i Gynrychiolwyr Cwrs a chasglu adborth o ddata Dweud wrth Glyn sydd ar gael iddynt o Undeb y Myfyrwyr. Bydd adborth a roddir yn cael ei drafod mewn Byrddau Cyfadran a Chyfarfodydd Tîm Uwch Reoli eraill. Mae gan gynrychiolwyr Cyfadran rôl bwysig mewn casglu barn poblogaeth ehangach y myfyrwyr, gan gynnwys ystyried barn a dderbynnir gan fyfyrwyr wedi’u lleoli ar safleoedd partner.

Byrddau Cyfadran Mae Byrddau Cyfadran yn delio yn benodol ag ansawdd academaidd a materion safonau, gyda llinell adrodd i Fwrdd Academaidd trwy’r Pwyllgor Ansawdd Dysgu ac Addysgu a Phwyllgor Partneriaethau Academaidd. Mae gan Fyrddau Cyfadran Gynrychiolwyr Myfyrwyr yn eu haelodaeth ac maen nhw’n cyfarfod dair gwaith y flwyddyn (o leiaf). Bydd Bwrdd y Gyfadran fel arfer yn trafod y fath faterion â: Fforymau Llais Myfyrwyr (SVF) wedi eu cynnal ar draws holl safleoedd darparu gan gynnwys cwblhau unrhyw weithredoedd a sicrhau bod myfyrwyr yn cael gwybod am weithredoedd a gymerir o ganlyniad i’r cyfarfod(ydd) SVF Datblygiadau cwricwlwm, datblygiadau rhaglen gan gynnwys unrhyw ddarparu ar y cyd

Mae’n bwysig fod myfyrwyr yn cael eu gwahodd i gymryd rhan mewn Byrddau Cyfadran, ac i Ddeoniaid Cyfadran sicrhau bod cynrychiolaeth myfyrwyr yn cael ei chyflawni. Argymhellir bod cymysgedd o fyfyrwyr israddedig, ôl-raddedig addysgiedig, llawn amser a rhan-amser yn cael eu cynrychioli lle’n ymarferol, gyda dim mwy na 3 neu 4 myfyriwr yn mynychu pob cyfarfod. Mae gan fyfyrwyr sy’n mynychu Byrddau Cyfadran hawl i hawlio lwfans mynychu bach/treuliau ar gyfer pob cyfarfod.

I hwyluso cyfranogaeth myfyrwyr a staff dylai cyfarfodydd Bwrdd Cyfadran ddigwydd ar brynhawniau Mercher, gan mai ychydig iawn o addysgu sy’n digwydd. Dylai pob ymdrech gael ei gwneud i osgoi amserlennu Byrddau Cyfadran yn ystod cyfnod asesu’r bwrdd.

Lefel Prifysgol 20

Siarter y Myfyrwyr Mae Siarter y Myfyrwyr, a ddatblygwyd ar y cyd gan PGW ac Undeb y Myfyrwyr, yn amlinellu beth mae’r Brifysgol a myfyrwyr yn gallu disgwyl o’i gilydd fel partneriaid mewn cymuned ddysgu. Mae’r siarter hon yn cael ei hadolygu pob blwyddyn.

Cynrychiolaeth Myfyrwyr ar Bwyllgorau Prifysgol

Mae PGW wedi ymrwymo i sicrhau cynrychiolaeth myfyrwyr yn aelodaeth pwyllgorau’r Brifysgol. Mae myfyrwyr yn cael eu cynrychioli trwy Swyddogion Sabothol Undeb y Myfyrwyr a chan gynrychiolwyr Cyfadran a Chwrs ar bob lefel yn ein strwythur pwyllgorau.

Mae enghreifftiau o bwyllgorau y mae myfyrwyr yn cael eu cynrychioli arnynt yn cynnwys: •

Bwrdd y Llywodraethwyr

•

Byrddau Cyfadran

•

Y Bwrdd Academaidd

•

•

Pwyllgor Ansawdd Dysgu ac Addysgu

•

Pwyllgor Ymchwil

Grwpiau prosiect Prifysgol fel y Grŵp Gwaith NSS, y Grŵp Gwaith Gweithredu Cynaliadwy a’r Tîm Datblygu Academaidd: Trawsffurfio Asesu

Mae’r Brifysgol yn adolygu aelodaeth yn flynyddol ac yn cysylltu ag Undeb y Myfyrwyr i lenwi unrhyw leoedd gwag i fyfyrwyr sydd ar gael ar bwyllgorau Prifysgol.

Mae Undeb y Myfyrwyr yn gweithio i sicrhau bod ystod amrywiol o fyfyrwyr yn cael eu cynrychioli ar bwyllgorau Prifysgol, gan gynnwys israddedig ac ôlraddedig; llawn amser a rhan-amser. Mae swyddogion sabothol hefyd yn cyfrannu at ddatblygiad polisi academaidd trwy aelodaeth o grwpiau gwaith a phwyllgorau.

Mae rhai pwyllgorau lle gall gwybodaeth bersonol gael ei rhannu, er enghraifft gwrandawiadau camymddwyn academaidd neu wrandawiadau cwyn. Yn yr achosion hyn, mae llais y myfyrwyr yn cael ei gynrychioli gan Swyddogion sabothol Undeb y Myfyrwyr, fel Llywydd y Myfyrwyr neu’r Is-Lywydd.

Mae’r Brifysgol yn cydnabod y gall weithiau fod yn heriol i fyfyrwyr siarad allan mewn pwyllgorau ffurfiol, yn enwedig yng nghamau cynnar cymryd rhan.

Mae’r Brifysgol yn gweithio mewn partneriaeth ag Undeb Myfyrwyr Wrecsam Glyndŵr i sicrhau bod myfyrwyr yn cael eu cefnogi ac yn effeithiol wrth gyflawni’r rôl. Gall hyn gael ei drefnu mewn lleoliad grŵp neu mewn fformat un i un. Mae cadeirydd y pwyllgor hefyd yn gallu cynnig cefnogaeth i fyfyrwyr wrth gyflawni eu rôl. Mae’r Cydlynydd Cynrychiolaeth a Democratiaeth (o fewn Undeb y Myfyrwyr) yn darparu hyfforddiant parhaol i Gynrychiolwyr y Myfyrwyr ac yn gweithredu fel prif bwynt cyswllt.

Mae’n rhaid i’r holl faterion sy’n cael eu codi gan gynrychiolwyr myfyrwyr yn y pwyllgor perthnasol gael ystyriaeth briodol a’u cofnodi’n briodol. Lle nad yw gweithred yn gallu cael ei gweithredu, dylai’r rhesymau gael eu hesbonio a’u cofnodi.

Arolygon Allanol a Mewnol ar draws Sefydliad Arolwg Myfyrwyr Cenedlaethol Gall myfyrwyr cymwys ddarparu adborth trwy nifer o arolygon cenedlaethol cydnabyddedig, ar draws sefydliad gan gynnwys yr Arolwg Myfyrwyr Cenedlaethol (NSS) sydd ar gyfer israddedigion blwyddyn olaf. Mae’r arolwg NSS yn annibynnol o’r Brifysgol ac mae atebion yn aros yn ddienw.

Mae cymryd rhan yn yr arolwg yn gyfle i fyfyrwyr leisio barn am eu cwrs, gan gynnwys beth roedd myfyrwyr yn ei hoffi a beth allai gael ei wella. Mae pob myfyriwr cymwys yn cael eu hannog i gymryd rhan a rhannu eu barn onest.

Mae’r cwestiynau yn y NSS yn cyfeirio at yr agweddau canlynol o brofiad dysgu myfyrwyr:

• Addysgu ar fy Nghwrs

• Adnoddau Dysgu

• Cyfleoedd Dysgu

• Cymuned Ddysgu

• Asesu ac Adborth

• Llais Myfyrwyr

• Cefnogaeth Academaidd

• Bodlonrwydd Cyffredinol

• Trefniadaeth a Rheolaeth

Arolygon Allanol a Mewnol ar draws Sefydliad Arolwg Cyrchfan Ymadawyr o Addysg Uwch

Mae’r Brifysgol hefyd yn cymryd rhan yn yr Arolwg Cyrchfan Ymadawyr o Addysg Uwch (DLHE). Mae’r arolwg yn gofyn i fyfyrwyr cymwys sydd wedi ennill cymhwyster yn ddiweddar yn PGW ynglŷn â’r gwaith a / neu astudio ychwanegol maen nhw’n gwneud yn fuan wedi graddio. Mae’r wybodaeth yn ddefnyddiol i roi gwybod i fyfyrwyr am y cyfleoedd a allai fod ar gael iddynt ac i weld tueddiadau mewn cyflogaeth graddedigion.

Mae’r Brifysgol yn hyrwyddo’r arolygon hyn yn eang a chyfleoedd i gymryd rhan.

Arolygon Allanol a Mewnol ar draws Sefydliad Arolwg Cyrchfan Ymadawyr o Addysg Uwch

Beth sy’n digwydd i’r wybodaeth a dderbynnir?

• Mae’r adborth yn cael ei ddadansoddi ar lefel traws Prifysgol a hefyd ar lefel Cyfadran a rhaglen.

• Mae’r adborth yn cael ei drafod ym Mwrdd y Llywodraethwyr, Bwrdd yr Is-Ganghellor, Bwrdd Academaidd a Phwyllgor Ansawdd Dysgu ac Addysgu (gyda chynrychiolaeth myfyrwyr). Y nod yw defnyddio’r data i wella profiad dysgu’r myfyrwyr wrth adnabod ymarfer gwych a meysydd i’w datblygu.

• Mae gan Gyfadrannau Academaidd hefyd grwpiau ffocws NSS sy’n cynnwys myfyrwyr i lunio cynlluniau gweithredu lle mae pryderon yn cael eu nodi i annog newidiadau cadarnhaol ac i wella profiad y myfyrwyr. Mae gan fyfyrwyr y cyfle hefyd i fwydo i mewn i’r cynlluniau gweithredu trwy Fforymau Llais Myfyrwyr. Mae’r Grŵp Gwaith NSS (a gydgadeirir gan Lywydd Undeb y Myfyrwyr a’r Dirprwy Is-Ganghellor) yn goruchwylio’r cynlluniau gweithredu a monitro cynnydd yn erbyn gweithredoedd ym mhob cyfarfod misol • Mae’r data hefyd yn cael ei adolygu gan Arweinyddion Rhaglen pan baratoant eu hadroddiad monitro rhaglen flynyddol • Mae’r data ynglŷn â barn myfyrwyr ac adborth o arolygon cenedlaethol ar gael i ddarpar ymgeiswyr trwy wefan Unistats.

Arolygon Allanol a Mewnol ar draws Sefydliad Mae holiaduron myfyrwyr mewnol eraill sy’n cael eu llunio gan Gyfadrannau a / neu adrannau cefnogol i gasglu adborth ar faterion penodol. Er enghraifft, ym Mehefin 2017, datblygodd y Brifysgol arolwg ar-lein i fyfyrwyr ymchwil.

Archwiliodd yr arolwg brofiad y myfyrwyr o oruchwyliaeth; cefnogaeth a hyfforddiant; a’r amgylchedd ymchwil. Gall cymhariaeth gael ei gwneud gydag ymatebion ledled y DU i’r Arolwg Profiad Ymchwil Ôl-raddedig (PRES).

Cyfrannodd y canlyniadau at ddatblygu’r rhaglen ddatblygu Ymchwil 2017/18 a chawsant eu trafod yn y Pwyllgor Ymchwil. Arweiniodd yr arolwg at y rhaglen ddatblygu ymchwilydd gan dreialu semester o ‘weithdai ysgrifennu’ i fyfyrwyr PhD.

Cymryd rhan mewn Archwiliadau ac Arolygu Sefydliadol Mae PGW wedi ymrwymo i annog a chefnogi myfyrwyr i gymryd rhan mewn adolygiadau allanol a mewnol.

Adolygiad Gwella Ansawdd Mae’r Asiantaeth Sicrwydd Ansawdd (QAA) yn adolygu’r safonau, ansawdd, ac wrth gwrs gwybodaeth a gyhoeddir gan holl Brifysgolion y DU. Pob chwe blynedd, bydd Prifysgol yn cael ei hadolygu gan y QAA i sicrhau ei bod yn ateb y disgwyliadau gofynnol, fel yr amlinellir gan God Ansawdd y DU. Mae QAA hefyd yn adolygu pa mor dda mae Prifysgolion yn sefydlu cynlluniau i wella’r profiad dysgu yn barhaus (cyfeirir ato’n aml fel ‘gwelliant’).

Bydd Adolygiad Gwelliant Ansawdd nesaf PGW yn digwydd yn 2019. Mae barn a buddiannau myfyrwyr yn cael eu cynrychioli ar y grŵp cynllunio gan Gydlynydd Cynrychiolaeth a Democratiaeth Undeb y Myfyrwyr. Bydd yr Adolygiad Gwelliant Ansawdd yn cynnig llawer o gyfleoedd i fyfyrwyr gymryd rhan: bydd Undeb y Myfyrwyr yn gweithio gyda’r Brifysgol i adnabod cynrychiolydd arweiniol y myfyrwyr fydd yn datblygu cyflwyniad myfyrwyr i rannu barn ac adborth myfyrwyr. Gofynnir i fyfyrwyr gyfarfod a’r adolygwyr QAA yn bersonol, gall hyn hefyd gynnwys myfyrwyr sy’n astudio mewn safleoedd partner, yn ystod yr adolygiad allanol i rannu eu profiad a barn o fod yn fyfyriwr yn PGW. Hefyd, bydd un aelod o’r tîm adolygu yn fyfyriwr (yn annibynnol o PGW).

Cyrff Proffesiynol, Statudol a Rheoleiddiol (PSRBs) Mae gan lawer o Gyfadrannau gysylltiadau â’r corff proffesiynol a/neu statudol ar gyfer maes eu pwnc, fel y Cyngor Nyrsio a Bydwreigiaeth. Gall y cyrff proffesiynol a/neu statudol gymeradwyo, achredu neu gydnabod rhaglenni Prifysgol perthnasol.

Gall PSRBs gymryd rhan mewn arfarnu neu ailarfarnu rhaglen neu gallant fynychu i adolygu’r rhaglen yn annibynnol a gwahoddir myfyrwyr yn aml i rannu eu barn a’u hadborth.

Cymryd rhan yng Nghynllunio ac Adolygu Rhaglenni – Myfyrwyr yn Adolygwyr ar Banelau Arfarnu, Adolygiadau Rheolaidd a Phanelau Ailarfarnu

Mae gan fyfyrwyr yn PGW y cyfle i gymryd rhan mewn prosesau gwelliant ansawdd a sicrwydd.

• Mae arfarnu yn cyfeirio at y broses graffu mae pob rhaglen newydd yn mynd trwyddi cyn cael eu cymeradwyo. Mae hyn yn bwysig i sicrhau bod y safonau academaidd ac ansawdd rhaglen newydd yn addas a bydd gan fyfyrwyr y cyfle gorau posibl i ddysgu.

• Adolygu rheolaidd ac ailarfarnu yw pan mae cyrsiau sy’n bodoli yn cael eu hadolygu a’u hailgynllunio.

Ceisir cynrychiolaeth myfyrwyr ar gyfer pob digwyddiad o’r fath. Mae’r Brifysgol yn recriwtio Adolygwyr o Fyfyrwyr yn weithredol yn ystod Wythnos y Glas gyda chefnogaeth Undeb y Myfyrwyr. Mae pob Adolygwr o Fyfyriwr yn cael eu cefnogi gyda hyfforddiant gan y Tîm Ansawdd Academaidd. Mae’r Adolygwr o Fyfyriwr yn aelod llawn o’r Panel ac yn cael ei gefnogi gan y Swyddog i’r Panel a’r Cadeirydd.

Os yw’n adolygiad rheolaidd ac ailarfarniad, mae adborth myfyrwyr hefyd yn cael ei gadw trwy ganlyniadau’r Arolwg Myfyrwyr Cenedlaethol sy’n cael eu hadolygu i wirio beth sy’n gweithio’n dda a meysydd i’w gwella. Hefyd, bydd grŵp cynrychioladol o fyfyrwyr presennol a graddedigion diweddar yn cyfarfod gyda’r Panel i roi eu hadborth ar y cwrs, mae hyn yn cynnwys digwyddiadau panel wedi eu cynnal mewn safleoedd darparu partner. Bydd y Panel yn gofyn cwestiynau er enghraifft am bynciau fel asesu ac adborth.

Cymryd rhan yng Nghynllunio ac Adolygu Rhaglenni – Myfyrwyr yn Adolygwyr ar Banelau Arfarnu, Adolygiadau Rheolaidd a Phanelau Ailarfarnu Buddion i PGW

Buddion i Fyfyrwyr

Mae adborth myfyrwyr yn helpu i wella sut mae myfyrwyr ar hyn o bryd ac yn y dyfodol yn cael eu cefnogi a rhaglenni yn cael eu trefnu a’u rheoli.

Rhoi profiad I fyfyrwyr o sut mae rhaglenni gradd PGW wedi eu cynllunio a’u cymeradwyo.

Mae’n helpu i sicrhau bod myfyrwyr wrth galon penderfyniadau a bod profiad myfyrwyr yn parhau i gael ei wella.

Magu sgiliau trosglwyddadwy gan gynnwys: mynd i’r afael â syniadau cymhleth, cyfathrebu llafar, gwneud penderfyniadau a gweithio mewn timau sy’n gwella’r CV

Cyfrifoldebau Myfyrwyr Adolygwyr •

Mynychu’r sesiwn hyfforddi a drefnir gan y Tîm Ansawdd Academaidd

•

Adolygu’r ddogfennaeth cyn y digwyddiad

•

Mynychu’r digwyddiad fel y trefnwyd

•

Cymryd rhan mewn trafodaethau gyda’r rhaglen o dan adolygiad

•

Darllen yr adroddiad drafft ar ôl y digwyddiad a darparu adborth fel y bo’n briodol

E-bostiwch quality@glyndwr.ac.uk am ragor o wybodaeth.

Cwynion ac Adborth Mae PGW wedi ymrwymo i ddatrysiad cynnar cyn i faterion gynyddu i fod yn gŵyn.

Yn nhermau darparwyr partner dylai myfyrwyr ddilyn gweithdrefn gwyno’r darparwr yn y lle cyntaf, cyn gynted â bo’r broses bartner wedi ei chwblhau, mae gan fyfyrwyr mewn darparwyr partner yr hawl i gyfeirio’r gŵyn i’w hystyried gan PGW os ydynt yn parhau’n anfodlon.

Mewn llawer o achosion gellir delio â phroblemau neu gamddealltwriaethau yn anffurfiol trwy drafodaeth rhwng staff a myfyrwyr, er enghraifft trwy Fforymau Llais Myfyrwyr neu trwy’r system gynrychioli myfyrwyr. Mewn enghreifftiau eraill, gall fod yn briodol i ddilyn y mater mewn ffordd fwy ffurfiol.

Mae ffocws cryf ar draws y Brifysgol i sicrhau bod gweithredoedd cynnar yn helpu myfyrwyr i deimlo eu bod yn cael eu cefnogi a bod eu profiad myfyriwr yn un cadarnhaol. Ar bob achlysur, dylai myfyrwyr gael eu hannog i geisio cefnogaeth a chyngor diduedd gan Undeb y Myfyrwyr.

Mae gan Weithdrefn Gwyno Myfyrwyr PGW dri cham, cam lleol, cam ymchwilio a cham adolygu. Mae’r weithdrefn yn cael ei gweithredu’n deg, sensitif a diduedd gyda phwyslais ar ddatrys y gŵyn yn anffurfiol lle bynnag y bo’n bosibl. Mae’r weithdrefn i’w chael ar Moodle o dan ‘Rheoliadau a Pholisïau’: https://moodle.glyndwr.ac.uk/course/view.php?id=28

Cwynion ac Adborth Mae cwynion yn cael eu dadansoddi ar gyfer tueddiadau gan y Dirprwy Gofrestrydd Academaidd ac mae adroddiadau yn cael eu rhannu yn flynyddol gyda’r Bwrdd Academaidd a Bwrdd y Llywodraethwyr. Mae hyn darparu data ystadegol a chymharol ac yn gwneud sylwadau ar effeithiolrwydd y weithdrefn ac yn gwneud argymhellion ynglŷn ag ymarfer da a gwelliannau i brofiad myfyrwyr. Mae hyn yn sicrhau bod llais myfyrwyr yn cael ei glywed ar lefel uwch a bod y Brifysgol yn gwella a dysgu’n barhaus o gwynion a chanmoliaethau.

Os yw unrhyw fyfyriwr yn dymuno gwneud cwyn y cyfeiriad e-bost cyswllt yw: complaints@glyndwr.ac.uk

Undeb Myfyrwyr Wrecsam Glyndŵr Mae’r Brifysgol wedi ymrwymo i weithio mewn partneriaeth gydag Undeb y Myfyrwyr i sicrhau bod cynrychiolaeth myfyrwyr effeithiol ar draws y sefydliad ac yn y darparwyr partner. Mae nifer o ffyrdd y gall myfyrwyr rannu adborth a llunio’r ffordd y mae eu Hundeb Myfyrwyr yn gweithredu.

Mae Cyngor y Myfyrwyr yn Bwyllgor Undeb y Myfyrwyr sy’n gosod polisi Undeb ac yn dal y swyddogion sabothol (Llywydd ac Is-Lywydd) i gyfrif. Mae’r aelodaeth yn cynnwys 15 o swyddogion ymgyrch rhan-amser etholedig. Mae’r swyddogion hyn yn fyfyrwyr ar hyn o bryd sy’n ymgymryd â’r rôl ar sail wirfoddol. Maen nhw’n trafod a phleidleisio ar bolisi sy’n llunio gwaith y swyddogion sabothol ar gyfer y flwyddyn academaidd. Mae hyn yn cynnwys pa faterion y dylai’r swyddogion sabothol fod yn eu trafod gyda’r Brifysgol i wella profiad y myfyrwyr. Gall adrannau Prifysgol fynychu Cyngor y Myfyrwyr i gasglu adborth ynglŷn â’u gwasanaeth.

Mae swyddogion sabothol ac ymgyrch Undeb Myfyrwyr Wrecsam Glyndŵr hefyd yn casglu adborth trwy amrywiaeth o fecanweithiau sy’n bwydo i mewn i bwyllgorau Prifysgol.

1. 2018 -19 Gweithredoedd Allweddol

1. 2018 -19 Gweithredoedd Allweddol

1. 2018 -19 Gweithredoedd Allweddol