2 minute read
Pablo M. Testa
(Xixón, 1991)
Fíu d’emigrantes asturianos, hestoriador y coordinador del GIMEC (Grupo de Investigación Multidisciplinar en Estudios Culturales), tien asoleyaos dellos ensayos n’asturianu y dende va tiempu ta adientrándose na poesía dende les páxines de Formientu. Vive en Bimenes, onde organiza actividaes culturales como’l Festival Pali que pali.
Advertisement
EL SABOTAXE
Vivo y sobrevivo nel sabotaxe. Non el que protagonizo, sinón del que soi víctima. El Destín, confabulando escontra la mio persona decide que too esfuerciu ye poco si un poco más pue costar.
Vivo y sobrevivo na clandestinidá, escondíu ente solombres a la gueta de que’l Tiempu nun me note,
Respetables, sicasí, puen ser los collores que paecen sobrevenir cuando too yá escureció… como si’l Destín o’l Tiempu quinxeren que saliere del mio escondite.
Caigo na so trampa una y otra vez. Abúltome fatu, y descanso escontra una murie apoyando’l mio cuerpu esbarrumbáu dempués de tantu golpe.
Pero sigo equí, poro… la vida puédeme y la muerte nun llega y maxinables recompenses d’enerxíes invertíes paezen nun asoceder.
VII XUNTA D’ESCRITORES páx
NES LLENDES DE LES NUESES PROPIES LLENDES
La vida puédeme y la muerte nun llega, y el mio aliendu probe, feble, ensin fuercia da amuesa de lo que queda…
Brenga, nenguna. Los mios brazos y piernes poco puen facer yá; solo cansanciu eternu.
Nes manes de los vieyos aposienten deseos ensin cumplir. Voces ronques que no lloñe del paisaxe estiren hasta frayar el sorrir de les fueyes.
La vida puédeme y la muerte nun llega, y na fastera más podre del mio celebru, celebro que tovía negocio col tiempu’l fuxir.
La espera tenebrosa, el cansanciu dafechu que pue colos mios ñervos, los mios tendones, los texíos más resbalizos y músculos entumecíos ensin drechu, yá, a vivir.
La muerte nun llega, la vida puédeme y asoleyo tristura, llaceries públiques tres el mio cuerpu mancáu con múltiples feríes.
Los pies en sangre de caminar nenyuri, brazos rasgaos polos escayos del monte… y el monte nun ta, yá, pa dame lleiciones. Nun deprendí sosteneme, sinón cayer dende’l mio nome.
Ochobre 2017
Fáltame l’aire, pero sigo alendando a poquitinos y nos más presentes nicios de la mio necedá, quiciabes, barruntando l’aire denso una gotina pueda entá salvar…
Pero, La muerte nun llega, la vida puédeme… y poco queda yá…
FLOTANDO PORQUE YÁ NUN QUEDA OTRA
Maxinables recompenses d’enerxíes invertíes poco resultantes, con pocos resultaos, rescampla al instante… Podríemos caletrar como si d’una güerta se tratare, anque ciertamente, digo, lo más probable ye que’l tueru nun espoxigue y seique’l frutu enxugue, enantes de salir.
La tierra, movío adré, nun paez que seya bono y anque cuchu o “abono” s’eche, tampoco escuchar se siente que’l futuru aguarde n’alto.
Ye más, paez que como babayos -babayos resultonos, eso sídesesperanzámosmos con razón.
VII XUNTA D’ESCRITORES páx
Ensin ella cuasi meyor tamos, y rematamos la folixa siempres en suelu cola cara lo más estrapayada escontra él.
Fuertemente robotizáu, llambiendo’l sangre Un sangre amargoxo pero con sustancia.
Y les cais, eses, resuenen y resuenen restallen per tolos llaos ensin distinción de llugares montes, sableres, pueblos, ciudaes…
Grandes xaranes, xareos, folixes, xuegos varios pa toles paisanes y paisanos del país. Del so paisaxe guapu. Del so paradisu enfermu.
Maxinables recompenses d’enerxíes invertíes nos requexos de los homes y muyeres que pueblen escontra bisarmes encantaes.
El fueu se presenta como novedá transgresora nos celebros pertinentes. Y anque dalgún yá ta en mou inerte, que nin siente nin carez… a la pesadez.
Ochobre 2017
