Lyrikkforlaget © 2026
Lyrikkforlaget
Postboks 112
4395 Hommersåk
www.lyrikkforlaget.no
ISBN: 9788283983319
Omslag: Hana Costelloe Sats: Hana Costelloe
Materialet i denne publikasjonen er omfatta av bestemmingane i åndsverklova. Utan særskild avtale med Lyrikkforlaget er all eksemplarframstilling og tilgjengeleggjering berre tillate så langt det er heimla i lov. Utnytting i strid med lov eller avtale kan føre til erstatningsansvar.
Herner Sæverot
6
Føreord
9 Råd peikar, røynsle lærer
10 Lytt til den indre stemma
11 Sjølvstende i fellesskap
12 Verdset deg sjølv
13 Skjult styrkje i stilla
14 Truskyld opnar for bedrag
15 Hyllingstrong gjev smiger makt
16 Svik fordervar sjølvrespekt
17 Baktalinga sin pris
18 Falsk og sann ros
19 Urokkeleg mot urett
20 Gjev deg sjølv litt ekstra tru
21 Hauste i tide
22 Eigenomsorg for robustheit
23 Verdset det du har
24 Synet er ikkje alt
25 Ikkje la mørket rå
26 Det ustyrlege gjev uro
27 Ikkje kast bort tida
28 Tida går sin eigen veg
29 Søk det som brenn i deg
30 Berik livet
31 Lev heilhjarta
32 Sjå det nære
33 I eitt med naturen
34 Hugen treng avkopling
35 Nasepust styrkjer anden
36 Solvett
37 Prisen for dårleg tannhelse
38 Reinleik er forsvar
39 Søk hjelp i naud
40 Godlynne vinn fram
41 Hjartesorg og minneglede
42 Visdom i sorg
43 Naturen sin visdom
44 Næring for velvære
45 Verdien av eigen heim
46 Sjølvberging for fridom
47 Endre normane om du må
48 Bryt bandet til kontrollen
49 Sei ja, men kjenn ditt nei
50 Hyra et opp livet
51 Finn lyst i virket ditt
52 Jobb aldri utan å leve
53 Rausleik styrkjer band
54 Tru utan tvil
55 Felles hjarte i sjelevenner
56 Venn i lykke og motgang
57 Latteren si kraft
58 Lett hug med leik
59 Hygge i heimen
60 Det gode gjestebod
61 Tru på det gode
62 Ær namnet ditt
63 Handling over ord
64 Ord ber kraft
65 Tid gjev kloke val
66 Feil er ikkje tap om du lærer
67 La plikt bli privilegium
68 Triumf gjennom uthald
69 Kjelda til klokskapen
70 Flid gjev klokskap
71 Sløs ikkje ord på låste hugar
72 Fart senkar vitet
73 Gjengjeld kjærleik, tem vrede
74 Urett veks i stilla
75 Sindigheit varar lengst
76 Forvent det uventa
77 Ver rusta for kriser
78 Um visdoms veg
Denne boka inneheld dikt som formidlar kva som kan vere klokt eller uklokt å gjere i ulike kontekstar. Dikta er inspirerte av Håvamål, som er ein del av Den eldre Edda. Håvamål tyder «Høgs tale». Høg er Odin som gjev råd til menneska om korleis dei kan leve eit godt og verdig liv, særleg i den fyrste bolken som er kalla «visdomsdiktet» eller «ordspråkdiktet». Håvamål vart skrive ned på Island på 1200-talet og er sett inn i eit versemål som heiter ljodahått.
Versa i ljodahått består som regel av seks linjer oppdelt i to einingar på tre linjer kvar. Dei to fyrste linjene i kvar eining har oftast to trykksterke stavingar og er knytte saman ved bokstavrim eller alliterasjon. Den tredje linja har innbyrdes bokstavrim og har som regel to eller tre trykksterke stavingar.
Det er fyrst og fremst «visdomsdiktet» og grunnprinsippa i ljodahått som har vore inspirasjon for dikta i denne boka.
Ein forskjell er at dikta forheld seg til tida vår, og at dei vender seg til deg som står på terskelen inn til vaksenlivet.
Dikta gjeld for alle ungdomar, inkludert deg, sjølv om eg ved fleire høve talar om «han». Eg valde dette grepet for å bevare litt av den same stemninga som vi finn i Håvamål. Eg har òg valt ut tema som har med sjølve livet å gjere. Såleis rører dikta ved ulike aspekt av livsdugleik, som helse og velvære, mat og drikke, fridom, vennskap, økonomi, trivsel, etikk og moral, haldningar og beredskap.
Ein årsak til at eg har valt diktforma, heng saman med at dikteriske uttrykk ikkje nødvendigvis kan vurderast som «sanne» eller «usanne» på same måte som faktapåstandar.
Poesi handlar ofte om å formidle innsikt og oppleving meir enn om objektive fakta, slik at kvar lesar kan finne si eiga sanning i orda. Ein kan seie at dikta er meint å inspirere lesaren til å finne gode vegar i livet. Du som lesar er i aller høgaste grad involvert, for du må tenkje gjennom dikta og vurdere om dei gir meining eller ikkje. Samstundes er det viktig å tilpasse innhaldet i dikta etter din eigen personlegdom og situasjon.
Råd peikar, røynsle lærer
Råd treng ein for retning i livet, men fyrst må livet levast. Ein må sjølv tråkke opp stien, før ein kan kallast vis.
Lytt til den indre stemma
Ikkje sjeldan
søkjer andre å leie livsvegen din.
Vanakt ikkje den indre stemma, ho syner sanninga di.
Sjølvstende i fellesskap
Trasse hopen, tappert og klokt, skjemmer slett ingen. Men skil ikkje lag, samlande styrkje finn vi i fellesskapen.
Verdset deg sjølv
Fleire veit, som av folk er sett pris på, at det må dei sjølve ta ansvar for, skal dei skattast nok.
Stilt skal ein tale om seg sjølv i møte med folk, enda ein veit at ein sjølv er meir verd enn det ein uttrykkjer.