Lyrikkforlaget © 2025
Inkognito publisering
Postboks 112
4395 Hommersåk
www.lyrikkforlaget.no
Lyrikkforlaget er et imprint av Inkognito publisering
ISBN: 9788284162577
Omslag: Hana Costelloe
Sats: Hana Costelloe
Materialet i denne publikasjon er omfattet av åndsverklovens bestemmelser.
Uten særskilt avtale med Lyrikkforlaget er enhver eksemplarfremstilling og tilgjengeliggjøring bare tillatt i den utstrekning det er hjemlet i lov. Utnyttelse i strid med lov eller avtale kan medføre erstatningsansvar.
NORDICSWAN ECOLABEL
TORMOD HANSTAD
Medforfattar Jani Frotveit
FORORD
Du står på ei lita plattform midt på ei bru. Heilt på kanten. Ingen rekkverk framføre deg. Ingen søyler på sidene. Du kikkar ned. Store steinar ser små ut der nede. Bekken smal. Hjartet hamrar i halsen. Instinktet ditt roper rygg. Tilbake til tryggleik. Du hoppar.
Fritt fall.
Du graver i fortida. Djupt. Riv opp gamle sår. Dei som aldri heilt grodde. Men som du hadde gløymt. Gøymt. Under alt det andre. Opnar opp att. Set ord på det du kan. Klarar. Og så. Let andre auge sjå.
Fritt fall.
Du må vere modig for å sleppa andre inn. Og der strikken tek deg imot før du treff bakken under brua er det ingen strikk som sikrar når du delar ditt djupaste. Men kanskje andre kan kjenne seg att. Og kanskje andre kan føle med. Og kanskje det tunge blir litt lettare.
God lesing!
Borghild Kvæven, journalist
MITT STØRSTE YNSKJE
Mitt største ynskje med boka, er at ho kan bidra til å førebygga mobbing og gi eit lite håp for framtida for dei som har ein vanskeleg oppvekst. Me har ikkje kome lenger enno, dessverre. Men la oss dra dette lasset saman for framtida. Det er viktig å hugsa på at det framleis er mange barn og unge som ikkje har det bra.
Ein stor takk til Jani Frotveit frå Vaksdal som har delt fleire av dei fantastiske dikta sine til boka. Eg har hatt stor inspirasjon og glede av å lesa dikta hennar på Instagram @jaaaa9_ og er stolt over å presentera dei i denne boka.
Tormod Hanstad, forfattar og fotograf
DET ER IKKJE SLIK MANGE TRUR
Kor lite kan eit menneske vere, men samtidig så stort.
Kor lite kan eit menneske vere, men likevel vera god til å skape noko.
Kor lite må nokon gjere for at dei skal falle, og sjølv stå att som ein slags vinnar.
Kor lite skal til for at dei ser kven som tapar. Kvifor er nokon så opptekne av konkurranse at dei ikkje ser korleis andre har det.
DER UTE
Mange tenkjer at det er trygt og godt her inne,
mange av oss liker varmen her inne,
mange av oss tenkjer at her inne kan me veksa.
Mor tenkjer, der ute, det er der det skjer. Det er der ute alle moglegheitene er, ikkje her inne, sa Mor
