DEN KVITE LYDEN
Lyrikkforlaget © 2026
Inkognito publisering
Postboks 112
4395 Hommersåk
www.lyrikkforlaget.no
Lyrikkforlaget er eit imprint av Inkognito publisering
ISBN: 9788283985627
Omslag: CF media
Sats: CF media
Materialet i denne publikasjonen er omfatta av bestemmingane i åndsverklova. Utan særskild avtale med Lyrikkforlaget er all eksemplarframstilling og tilgjengeleggjering berre tillate så langt det er heimla i lov. Utnytting i strid med lov eller avtale kan føre til erstatningsansvar.
KJELL SØRENSEN
DEN KVITE LYDEN
Til Helge!
Pennen din stilna for tidleg
men du finst framleis her mellom permar
Og vel så det
Cesur
Trur vi at Caesar var særs oppteken av cesur då terningen fall og han med eit linjeskift
gjekk over Rubicon?
I TEMPUS FUGIT
Eg saknar
den gamle sekundvisaren den lange diametrale
Jamt tikkande i skiva sin urperiferi heldt han tida på armlengds avstand analogt overtydande
som om eg kunne ta pulsen på tida med fingertuppen mot sekundet
for å kjenne om ho kjem eller går om ho er ute eller inne
Eg blar og blar
meg fram og tilbake langs hyllene radene, ryggane er dobbelt så langt
den kvite lyden drys sakte gjennom orda boka
støvet si stille rørsle
Mac eller PC
iPad eller iPod
ligg klare før dagen
vi klikkar oss inn utan å tenkje
passorda opnar noko som alt ventar
vi sit i tikkande køar
og tastar
litt etter litt det som ein gong var utan skjerm
eit ekko finst enno
svakt i hendene
før algoritmane visste
kva vi ville om natta held lyset fram utan oss
Skrift i sand
Ord renn mellom
fingrane
Vinden
bles
Poesien i eit nøtteskal
Eg kløyver verda i to metaforar
stjernestøv drys frå eit skiljeteikn
ein tanke er eit hav pressa inn i ein drope
språket: eit skal eg skrapar tennene mot
til det opnar seg ei stille
som smakar av liv
Framkalling
Du finst der allereie
den analoge forteljinga er eit framkallingsbad
væsker i eit dempa rom
filmen spola attende
24 eksponeringar
bilete inn og ut av fokus
du er med på alle
svartkvitt i ulike vinklar
eg likar best dei der du ikkje ser inn i kamera
der noko held att
klisjéane legg seg
du blir
ei opning ei tid eksponert ein brøkdel
eller ei æve