Eystrahorn 15. tbl. 30. árgangur
Fimmtudagur 12. apríl 2012
www.eystrahorn.is www.eystrahorn.is
Sjávarútvegsfrumvörpin - áhrif á Hornafjörð Á bæjarráðsfundi sl. þriðjudag var kynnt skýrsla þar sem dregnar eru saman athuganir KPMG um áhrif breytinga á lögum um fiskveiðistjórnun sem lögð voru fram á alþingi í mars 2012, á Sveitarfélagið Hornafjörð. Um er að ræða tvö þingmál; Frumvarp til laga um stjórn fiskveiða og Frumvarp til laga um veiðigjöld. Skýrsluhöfundar gera þann fyrirvara að gögn sem liggja til grundvallar niðurstöðunum séu með réttum upplýsingum. Aflaheimildir Hornafjarðarbáta voru 17.400 tonn byggt á heimildum 2011-2012 en dragast saman um rúmlega 640 þorskígildistonn eða 3,8 % miðað við forsendur í nýju frumvarpi. Til að halda óbreyttum veiðiheimildum þyrftu útgerðir á Hornafirði að greiða tæpar 200 m.kr. miðað við ákveðnar forsendur sem fram koma í skýrslunni. Til samanburðar má nefna að í fyrri skýrslu KPMG um áhrif laga nr.70/2011 var gert ráð fyrir að aflaheimildir myndu dragast saman um 3,0% strax á fyrsta ári og samdrátturinn gæti numið allt að 581 þorskígildistonnum þegar
Ljósmynd: markusherzig.com
áhrif þess væru að fullu komin til framkvæmda. Gert er ráð fyrir að útsvarstekjur Hornafjarðar gætu dregist saman um 14 til 17 m.kr. vegna þessara skerðinga. Varðandi frumvarpið um veiðigjaldið væri fastagjaldið fyrir útgerðir á Hornafirði 134 m.kr.
Þessar ungu stúlkur héldu tombólur til styrktar Rauða krossinum. Þær söfnuðu alls 5430 kr. Stúlkurnar heita Dagmar Lilja Óskarsdóttir, Petra Rós Jóhannsdóttir, Nína Dögg Jóhannsdóttir og Karen Ása Benediktsdóttir. Stuðningur tombólubarna á hverju ári er Rauða krossinum ákaflega mikils virði og er félagið þakklátt fyrir eljuna og dugnaðinn sem liggur að baki hverrar tombólu og viljum við í Hornafjarðardeildinni þakka kærlega fyrir okkur.
sem rynni óskipt í ríkissjóð. Ef frumvarpið hefði verið komið til framkvæmda árið 2010 hefði veiðigjald hornfirskra útgerða numið 1,2 miljarði kr. miðað við áðurnefnt fastagjald og veiðigjald í botnfiski væri 40 kr. og í uppsjávarfiski 60 kr. Hækkun á veiðigjaldi um 10 kr. á kíló í báðum flokkum leiðir til rúmlega 160 m.kr. hækkunar á veiðigjaldinu. Gert er ráð fyrir að tekjum af útleigu veiðiheimilda verði deilt milli ríkissjóðs, sveitarfélaga og markaðs- og þróunarsjóðs fyrir sjávarútveginn (40%, 40%, 20%). Ekki liggja fyrir upplýsingar um hvernig deila á niður hlutum einstakra sveitarfélaga og nota skýrsluhöfundar þá aðferð að deila mögulegum tekjum niður í samræmi við íbúafjölda. Sýndar
eru tvær útfærslur, annars vegar jafnað niður á alla íbúa og hins vegar niður á íbúa utan höfuðborgarsvæðisins. Hlutur Hornfirðinga í útdeilingu þessa gjalds gæti numið frá 8 – 44 m.kr. eftir því hvernig útfærslan yrði nákvæmlega. Í skýrslunni er ekki ráðist í það að greina áhrif frumvarpsins um veiðgjaldið á útsvarstekjur sveitarfélagsins en vísað er í fyrri skýrslu KPMG og bent er á að um meiri samdrátt í aflaheimildum að ræða en þar var gert ráð fyrir auk þess sem álögur á fyrirtæki í sjávarútvegi aukast umtalsvert. Ekki liggur fyrir hvaða áhrif það mun hafa á rekstur þeirra og starfsemi en ætla má að þau verði margvísleg sem muni endurspeglast í tekjum sveitarfélagsins.
Næsta blað kemur út miðvikudaginn18. apríl vegna sumardagsins fyrsta