Page 1

Eystrahorn 2. tbl. 38. árgangur

www.eystrahorn.is

Fimmtudagurinn 16. janúar 2020

Hvaða þýðingu hefur miðhálendisþjóðgarður fyrir Sunnlendinga? Margir velta fyrir sér þýðingu miðhálendisþjóðgarðs þessa dagana í tengslum við frumvarp umhverfisráðherra sem byggir á afrakstri vinnuhóps sem unnið hefur með málið um langa stund og skilað af sér. Mig langar að leggja orð í belg og segja hvaða þýðingu það hefur fyrir Sveitarfélagið Hornafjörð að 56% sveitarfélagsins er innan þjóðgarðs­ marka Vatnajökulsþjóðgarðs. Í fyrsta lagi þá hef ég engan Hornfirðing hitt ennþá, sem myndi svara því í dag, 11 árum eftir stofnun Vatnajökuls­ þjóðgarðs, að best væri að hætta við að hafa þjóðgarð. Snúa til baka og leggja hann niður. Þeir eru hins vegar margir sem benda á mikilvægi þess að efla Vatnajökulsþjóðgarð enn frekar og renna styrkari stoðum undir starfsemi hans. Í öðru lagi starfa 40 manns fyrir Vatnajökulsþjóðgarð á suðursvæði hans. Langflestir þeirra eru háskólagengnir einstaklingar, sem sinna landvörslu, fræðslu og stýringu ferðamanna um þjóðgarðinn og náttúruperlur hans. Þannig stendur þjóðgarðurinn undir umsvifamikilli atvinnustarfsemi í heimabyggð eða nærsamfélagi sínu sem er mikilvægur liður í jákvæðri byggðarþróun. Unga fólkið af svæðinu sækir aftur heim að námi loknu í þau störf sem meðal annars þjóðgarðurinn býður. Í þriðja lagi hefur Vatna­jökulsþjóðgarður rennt stoðum undir hefðbundna landnýtingu sem er heimil rétthöfum landsins og þeim sem leyfi sækja. T.d. er hreindýraveiði og fuglaveiði leyfð innan þjóðgarðsins, sem og sauðfjárbeit, sé hún hófleg og hefðbundin. Í gegnum stjórnunar- og verndaráætlun fyrir

þjóðgarðinn fara svæðisráð hvers svæðis með afskipti og stjórnun um hvernig að þessari nýtingu er staðið. Svæðisráðin móta einnig skipulagsáætlanir innan þjóðgarðsins. Svæðisráðin eru fjölskipuð af heimafólki að mjög miklum meirihluta. Sem dæmi skipa 6 aðalmenn og 6 varamenn Svæðisráð suðursvæðis. Af þeim eru 10 sem búa í AusturSkaftafellssýslu eða Sveitarfélaginu Hornafirði. Allt tal um að sveitarfélagið missi skipulagsvaldið við að setja svæði undir þjóðgarð er því hreint og klárt bull. Miklu nær er að halda því fram að skipulagið sé nær þeim hagsmunaaðilum sem hafa með þjóðgarðinn að gera. Og í frumvarpi umhverfisráðherra hefur enn verið bætt um betur, því fulltrúar bænda eiga að eiga aðild að svæðisráðum, samkvæmt tillögu frumvarpsins.

Rökin fyrir jákvæðum áhrifum þjóðgarðs í heimabyggð eru mun fleiri, en þessi helstu sem hér hafa verið talin upp. Ég minni á að hugmyndin og frumvarpið um miðhálendis­ þjóðgarð byggir á sömu hug­myndafræði og Vatnajökuls­ þjóðgarður. Grasrótin ræður ferðinni og skipulagið er einskonar neðanfrá og upp „bottom up“ skipulag, þar sem vilji og aðkoma heimamanna úr grasrótinni ræður í veigamiklum atriðum.

Hægt er að nálgast blaðið og allar greinar sem birtast í blaðinu ásamt eldri blöðum á www.eystrahorn.is

Sæmundur Helgason, oddviti 3.framboðsins.


2

Fimmtudagurinn 16. janúar 2020

Ferðafélag Austur-Skaftfellinga

FÉLAGSSTARF FÉLAGS ELDRI HORNFIRÐINGA BINGÓ-BINGÓ. GLEÐIGJAFAR kór eldri Hornfirðinga verða með BINGÓ í Ekru laugardaginn 18. janúar kl. 14:00. GÓÐIR VINNINGAR. Ekki posi. Allir velkomnir! Nefndin ÞORRABLÓT FÉLAGS ELDRI HORNFIRÐINGA 2020 verður haldið í Sindrabæ föstudaginn 31. janúar Nánar auglýst í næsta Eystrahorni, Facebookinni og í Ekru. Undirbúningur er kominn á fullan skrið ! Þorrablótsnefnd FeH.

Til sölu

Heppuvegur 6, 780 Hornafjörður (Sláturhúsið). Verð 60.000.000 kr.

Um er að ræða 3.355,6m2 samstæðu húsa sem öll eru steinsteypt með léttum þökum. Frábær staðsetning fyrir hverskonar starfsemi á Hornafirði. Upplýsingar gefur Jóna Benný Kristjánsdóttir lögmaður og löggiltur fasteignasali í síma 869-8650 og í tölvupósti á jona@ trausti.is. Nánari upplýsingar veitir Jóna Benný í síma 869-8650 eða á jona@trausti.is

Vildaráskrift Eystrahorns Við viljum hvetja lesendur Eystrahorns að kynna sér vildaráskriftina.

Þeir sem vilja styrkja útgáfuna geta greitt frjálst framlag, svokallaða vildaráskrift inn á reikning útgáfunnar. Hægt er að greiða áskriftina t.d. mánaðarlega, nokkra mánuði í einu eða eins og hentar hverjum og einum. Vildaráskriftin er frjálst framlag t.d. 1000 kr. á mánuði. HLS ehf. Rnr. 537-26-55002 kt.500210-2490

Svalbarð 5 • Sími: 848-3933 Útgefandi: HLS ehf. Ritstjóri og ábyrgðarmaður: Tjörvi Óskarsson Netfang: tjorvi@eystrahorn.is

Eystrahorn

Prófarkalestur: Guðlaug Hestnes Umbrot: Tjörvi Óskarsson Prentun: Litlaprent ISSN 1670-4126

Sunnudaginn 19. janúar 2020 verður farið í jeppaferð að Krossalandi í Lóni. Auðvitað verður gengið um líka, en þarna er sléttlendi og gangan verður því auðveld, erfiðleikastigið er 1 skór. Við Jökulsá í Lóni er fögur fjallasýn, í góðu skyggni getur litadýrðin verið mikil. Í Jökulsánni er hólmi og hann heitir Krossaland. Brottför er frá tjaldsvæðinu á Höfn kl.10:00 á sunnudaginn, þátttakendur eru hvattir til að sameinast í bíla. Þátttökugjaldið er 1.000 krónur fyrir einn, 1.500 fyrir hjón, frítt fyrir 16 ára og yngri. Sé hundur með í för skal taumur vera meðferðis. Sjáumst í jeppaferð! Ferðanefndin


Eystrahorn

Fimmtudagurinn 16. janúar 2020

FAS og Leikfélag Hornafjarðar setja upp Söguna af bláa hnettinum Þann 9. janúar síðastliðinn var haldinn kynningar­fundur vegna uppsetningar á leikverki hjá FAS á vorönn. Líkt og undanfarin ár vinnur skólinn með Leikfélagi Hornafjarðar að uppsetningunni. Blái hnötturinn eftir Andra Snæ Magnason er viðfangsefnið og leikstjóri er Þröstur Guðbjartsson. Þröstur lauk námi frá Leiklistarskóla Íslands 1978. Hefur hann allar Þröstur Guðbjartsson götur síðan starfað sem lausráðinn leikari og leikstjóri við hin ýmsu leikhús og leikhópa, m.a. Borgarleikhúsið, Þjóðleikhúsið, Leikfélag Akureyrar, Leikhús Frú Emilíu og fleiri. En hlutverk hans eru um 50 talsins, auk hlutverka í kvikmyndum, m.a. Sódóma Reykjavík og Agnesi auk hlutverka í sjónvarpsþáttum svo sem Dagvaktinni og Heimsendi. Í texta um Bláa hnöttinn segir: „Á bláum hnetti lengst úti í geimnum búa ótal börn sem fullorðnast ekki. Þetta eru eiginlega villibörn því enginn skipar þeim fyrir verkum. Börnin sofna þar sem þau verða þreytt og borða þegar þau eru svöng en leika sér þar sem þeim dettur í hug. Eitt kvöldið þegar Brimir og Hulda eru stödd í Svörtufjöru birtist stjarna á himni sem stefnir beint á þau! Stjarnan lendir í fjörunni með mikilli sprengingu en í reyknum mótar fyrir skuggalegri veru sem starir út í myrkrið. Þá hefst hættulegt ævintýri sem leiðir börnin um myrka skóga, djúpa dali og loftin blá. Reynir þá sem aldrei fyrr á vináttu og ráðsnilld barnanna á bláa hnettinum.“ Æfingar hefjast mánudaginn 20. janúar og áætluð frumsýning er í lok mars í Mánagarði. Uppsetningin er hluti af námi á lista- og menningarsviði í FAS og koma allir kennarar sviðsins að henni. Þátttaka í verkefninu er þó einnig opin fyrir aðra eins og verið hefur.

Manstu eftir taupokanum?

3

Jólagetraun Menningarmiðstöðvarinnar

Þann 6. janúar var dregið í jólagetraun Menningarmiðstöðvarinnar. Ernir Stígsson er sá heppni og kom í kjölfarið á bókasafnið og tók við verðlaunum úr hendi bókavarðar. Til hamingju Ernir!

LOKAÐ Lokað verður hjá Medial ehf. og Trausta fasteignasölu ehf. á Hornafirði frá 17. til 30. janúar 2020. Ef erindi þola ekki bið má senda póst á jona@medial.is eða á trausti@trausti.is.

Núvitundarnámskeið á Höfn Átta vikna námskeið hefst þriðjudaginn 28. janúar kl. 17:00-19:00. Kenndar eru hugleiðsluaðferðir til að tileinka sér núvitund í daglegu lífi, vinna með erfiðar tilfinningar og sátt við sjálfan sig og umhverfi sitt. Nánari uppl. á www.facebook.com/nuvitund. Skráning og uppl. hjá gunnar@dao.is eða helena@dao.is


4

Fimmtudagurinn 16. janúar 2020

Eystrahorn

Frá opnun ljósmynda­ sýningarinnar Tjarnarsýn Föstudaginn 10. janúar var opnuð glæsileg ljósmyndasýning dr. Lilju Jóhannesdóttur: Tjarnarsýn. Sýningin er á vegum Náttúrustofu Suðausturlands og er styrkt af Uppbyggingarsjóði Suðurlands og er sýningin á bókasafninu í Nýheimum. Myndirnar á sýningunni eru teknar samhliða rannsókn Náttúrustofu á fuglalífi í og við tjarnir í sveitarfélaginu og eru allar teknar með flygildi. Einnig var hægt að sjá þau áhöld tól og tæki sem Lilja notar við rannsóknir sínar.Fjöldi gesta leit við og stemmning var prýðileg eins sjá má. Sýningin mun standa í nokkrar vikur til og hvetjum við lesendur að kíkja við á bókasafninu og sjá sýninguna en myndirnar eru til sölu fyrir áhugasama.

Leitað eftir stuðningsfjölskyldum

Félagsþjónusta Sveitarfélagsins Hornafjarðar auglýsir eftir stuðningsfjölskyldum sem boðið geta barni inn á heimili sitt í þeim tilgangi að létta álagi af fjölskyldu eða styrkja stuðningsnet barns. Um er að ræða úrræði veitt á grundvelli laga um málefni fatlaðs fólks og barnaverndarlaga. Hæfniskröfur: • Reynsla, færni og áhugi á starfi með börnum og unglingum. • Hæfni í mannlegum samskiptum sem og jákvætt viðhorf til barna og unglinga. • Umburðarlyndi og vilji til samstarfs við foreldra. • Hreint sakavottorð. Umsókn skal fylgja: • Heilbrigðisvottorð allra heimilismanna, 18 ára og eldri. • Heimild til upplýsingaöflunar úr sakaskrá allra heimilismanna eldri en 15 ára (sérstakt eyðublað). • Yfirlit yfir starfsferil umsækjanda, menntun og reynslu af starfi með börnum. • Upplýsingar um önnur leyfi eða samkvæmt barnaverndarlögum og/eða lögum um málefni fatlaðs fólks ef við á.

Upplýsingar veitir Hildur Ýr Ómarsdóttir, ráðgjafarþroskaþjálfi í síma 470-8085.

Sveitarfélagið Hornafjörður / Hafnarbraut 27 / S: 4708000 / www.hornafjordur.is

Lilja ásamt Kristínu Hermannsdóttur, forstöðumanni Náttúrustofu Suðausturlands, og flygildinu sem Lilja notaði við myndatökurnar


Eystrahorn

Fimmtudagurinn 16. janúar 2020

5

Þolmörk og sjálfbær ferðaþjónusta

Ferðaþjónustan er ekki sjálfbær sem atvinnugrein en við stefnum að sjálfbærni undir merkjum ábyrgrar ferðaþjónustu. Umhverfisáhrif hennar eru enn neikvæð á of mörgum stöðum, of mörg sveitarfélög og héruð eru ýmist of hart keyrð við að þjónusta ferðamenn eða að mestu afskipt, og loks er fjárhagslegum ávinningi misskipt í samfélögum víða um land. Margt telst ógert áður en markinu er náð og eru nokkur skref í þá átt mörkuð í tíð ríkisstjórnar Katrínar Jakobsdóttur. Við mat á áhrifum fleiri ferðmanna verður að miða við þolmörk á öllum þremur stigum sjálfbærni: Umhverfismörk, samfélagsmörk og efnahagsmörk. Þau ákvarðast með rannsóknum og könnunum og breytast í tíma. Telja má almennan vilja í samfélaginu til þess að ein (og fremur óstöðug) atvinnugrein yfirtaki ekki of

mikinn mannafla, fasteignir og rými eða vinnutíma. Líka er almennur vilji til þess að ferðaþjónusta sem auðlindanýting lúti svipuðum takmörkunum og vísindalegum nálgunum og til dæmis sjávarútvegur. Sérhvert samfélag, og einkum lítið samfélag í stóru landi, verður að viðurkenna að tímaháð vaxtarmörk ferðaþjónustu eru til og verða aðeins skilgreind af hálfu þessa sama samfélags. Um leið er verið að tryggja gæði ferðaþjónustu og sjá til þess að erlendir gestir upplifi land og þjóð á farsælan hátt. Ýmsum aðferðum má beita til að stýra straumi ferðamanna og takmarka aðgengi að stöðum eða landsvæðum. Unnt er að nota auglýsingar og kynningar til að opna aðgengi að vannýttum stöðum og svæðum. Samtímis verður að hvetja þar til uppbyggingar innviða og afþreyingar. Önnur aðferð er að marka ítölu gesta per stund eða dag og stjórna aðgengi við innkomustað.

Menningarverðlaun 2020

Atvinnu og menningarmálanefnd óskar eftir tillögum að verðlaunahafa Menningarverðlauna 2020 fyrir árið 2019.

Menningarverðlaun 2020

Verðlaunin eru vei� einstaklingi, stofnun eða samtökum sem Atvinnu og menningarmálanefnd óskar eftir tillögum að viðurkenning fyrirMenningarverðlauna e�irtektarvert framtak á sviði verðlaunahafa 2020 fyrirlista árið og 2019. menningar á nýliðnu ári. Hlutverk verðlaunanna er að vera almenn hvatning �l eflingar menningar ogeða listastarfs í sem Verðlaunin eru vei� einstaklingi, stofnun samtökum sveitarfélaginu. viðurkenning fyrir e�irtektarvert framtak á sviði lista og menningar á nýliðnu ári. Hlutverk verðlaunanna er að vera Frestur �l �lnefningar 15. febrúarog2020 og sendist almenn hvatning �l eflingarermenningar listastarfs í �lnefningin ásamt rökstuðningi á eyrunh@hornafjordur.is sveitarfélaginu. Ævarsdóttir Frestur �l �lnefningar er 15. febrúar 2020Eyrún ogHelga sendist forstöðumaður Menningarmiðstöðvar Hornafjarðar �lnefningin ásamt rökstuðningi á eyrunh@hornafjordur.is Eyrún Helga Ævarsdóttir forstöðumaður Menningarmiðstöðvar Hornafjarðar

Enn ein aðferðin er til dæmis að nýta mörkuð bílastæði sem meginleið að stað eða svæði. Loks er hægt að nota gistiaðstöðu og innviði vinsælla svæða til að takmarka aðgengi. Í heild verða þolmörk, sjálfbærninnar vegna, til þess að Ísland getur aðeins sinnt tilteknum fjölda ferðamanna árlega, á gefnu tímabili. Að mínu frumkvæði samþykkti Alþingi í september 2017 beiðni um skýrslu, unna á vegum ráðuneytis ferðamála, um þolmörk og leiðir til aðgangsstýringar. Skýrslan kom út en samhliða var hafin vinna á vegum ráðherra ferðamála við að setja fram sjálfbærnivísa sem eru tilbúnir til notkunar. Enn fremur hefur verið unnið að heildstæðri ferðamálastefnu fyrir tilstilli stjórnvalda, í samvinnu við hagaðila, og áfangastaðaáætlanir á vegum markaðsstofa landshlutanna. Samtímis verður smám saman til rammi um þau opinberu gjöld sem þarf

Ari Trausti Guðmundsson

til að fjármagna hlutverk sveitarfélaga og ríkis í ferðþjónustunni. Með þessum skrefum vinum við okkur úr óreiðukenndu ástandi sem hófst með ofsahröðum vexti ferðaþjónustu og of máttlitlum viðbrögðum samfélagsins. Þar sýnir sig einn ávinningurinn af samstarfi ríkisstjórnarflokkanna undir forystu VG. Höfundur er þingmaður VG í Suðurkjördæmi

Hólfum fyrir lífrænan úrgang skipt út

Á næstu dögum hefst vinna við að skipta út hólfunum undir lífrænan úrgang sem er í almennu Hólfum lífrænan tunnunumfyrir yfir í sér tunnu. úrgang skipt út Á næstu dögum hefst vinna að skipta út við Ástæðan er athugasemd frá við Vinnueftirlitinu hólfunum undir lífrænan úrgang sem er í almennu núverandi fyrirkomulag. tunnunum yfir í sér tunnu. Vinsamlegast hafið samband við Einar hjá Ísl. Ástæðan er athugasemd frá Vinnueftirlitinu Gámafélaginu í síma 840-5710 fyrir nánari við núverandi fyrirkomulag. upplýsingar og önnur praktísk atriði. Vinsamlegast hafið samband við Einar hjá Ísl. Með kveðju, Gámafélaginu í síma 840-5710 fyrir nánari umhverfisfulltrúi Sveitarfélagsins Hornafjarðar upplýsingar og önnur praktísk atriði. Með kveðju, umhverfisfulltrúi Sveitarfélagsins Hornafjarðar

Menningarmiðstöð Hornafjarðar, Nýheimum / S: 4708050 / www.hornafjordur.is

Sveitarfélagið Hornafjörður / Hafnarbraut 27 / S: 4708000 / www.hornafjordur.is

Menningarmiðstöð Hornafjarðar, Nýheimum / S: 4708050 / www.hornafjordur.is

Sveitarfélagið Hornafjörður / Hafnarbraut 27 / S: 4708000 / www.hornafjordur.is


Hjúkrunarstjóri - Skjólgarður öldrunarheimili Hlutverk Skjólgarðs er að veita fjölbreytta öldrunar- og sjúkraþjónustu fyrir íbúa sveitarfélagsins. Þar eru í dag rekin 24 hjúkrunarrými, 6 dvalarrými og 7 dagdvalarrými með opinni dagþjónustu eldri borgara. Á hjúkrunardeild eru 4 sjúkrarými þar sem tekið er á móti skjólstæðingum sökum veikinda, endurhæfingar eða af öðrum heilbrigðisástæðum. Öldrunarheimilið Skjólgarður er hluti af Heilbrigðisstofnun Suðurlands Hornafirði og rekin samkvæmt þjónustusamningi af Sveitarfélaginu Hornafirði. Á Skjólgarði eru samtals 26 stöðugildi. Helstu verkefni • Ber ábyrgð á hjúkrun, ráðgjöf og þjónustu á hjúkrunar-, dvalar- og dagdvalardeild • Ábyrgð á faglegri framkvæmd þjónustu í samræmi við gæðavísa heilbrigðisráðuneytis og Landlæknisembættis um heilbrigðisþjónustu • Ber ábyrgð á að rekstur sé í samræmi við rekstraráætlanir • Ber ábyrgð á starfsmannamálum og starfar í samræmi við mannauðsstefnu sveitarfélagsins • Þátttaka í stefnumótun og eftirfylgd stefnu Umsóknum skal fylgja ítarleg starfsferilskrá ásamt kynningarbréfi þar sem gerð er grein fyrir ástæðu umsóknar ásamt rökstuðningi fyrir hæfi til að sinna starfinu. Umsóknir skulu sendar á netfangið gudrundadda@hornafjordur.is. Kjör fara eftir kjarasamningi Félags íslenskra hjúkrunarfræðinga og Launanefndar sveitarfélaga. Aðilar af öllum kynjum eru hvattir til að sækja um starfið.

Hæfniskröfur • Fullgilt hjúkrunarpróf og íslenskt starfsleyfi • Reynsla af stjórnun með mannaforráð • Reynsla af þátttöku í gerð fjárhags- og launaáætlana kostur • Reynsla af uppbyggingu hjúkrunarstarfsemi og/eða endurskipulagningu slíkrar starfsemi kostur • Þekking á Eden-hugmyndafræðinni eða sambærilegri stefnu æskileg • Þekking á RAI-mælitækinu kostur • Mikil hæfni í mannlegum samskiptum • Góð yfirsýn og skipulagshæfni • Geta til þess að starfa undir álagi Nánari upplýsingar um starfið veitir: Guðrún Dadda Ásmundardóttir, framkvæmdastjóri gudrundadda@hornafjordur.is - 4708616/8488828. Umsóknarfrestur er til og með 31. janúar 2020.

Sveitarfélagið Hornafjörður / Hafnarbraut 27 / S: 4708000 / www.hornafjordur.is

Profile for Héraðsfréttablaðið Eystrahorn

Eystrahorn 2.tbl 2020  

Eystrahorn 2.tbl 2020  

Advertisement