Berriak
152 Zbk. — 2013 Euskadiko Udalen Elkartearen Aldizkaria
EUDELek sustatua Gardentasunaren aldeko Euskadiko Udalen Sarea Urtarrilaren 30ean, Gardentasunaren aldeko Euskadiko Udalen Sarea jarri zen abian, eta 24 udaletako talde pilotuko teknikariek eta hautetsiek parte hartu zuten bertan.
E
UDELek Euskadiko udalen arteko sarea sortzeko apustua egin du. Urte hauetan guztietan, lankidetzapeko proiektuak etengabeak izan dira elkarteko ekintzen planean, eta, horren ondorioz, udalen partaidetza eta inplikazio handia izan duten ekimenak sendotu dira: BerdinSarea (berdintasuna) eta Basqueskola (tokian tokiko euskal emakume hautetsiak), Toki Berrikuntzarako Agendak (berrikuntza) edo Herritarren Arretarako Zerbitzuen Udal Foroa (HAZ). Sareko lan hori ez ezik, udalgardentasuna ere landuko da orain. Horretarako, sare berria sortuko da, Euskadiko udalen artean lankidetza sustatu eta jakintza trukatu ahal izateko. Estrategia bateratua izango da, toki-gobernuak gardenagoak izan daitezen eta herritarrentzat zabalik egon daitezen.
1 UDALA 152 Zbk.
Hona hemen helburua: udalak eurak abiapuntutik bertatik gidatzea eta jarraitu beharreko urratsak erakustea, gardentasunean hasteko edo aurrera egiteko eta udal-kudeaketa herritarrengana hurbiltzeko.
Talde pilotua Lehenengo fasean, proiektua bera abian eta probapean jartzeko
asmoz, hiru lurraldeetako 24 udalez osatutako taldearekin eratu da sarea. Talde horrek, hain zuzen ere, ekimenak, materialak eta tresna erabilgarriak sortuko ditu, Euskadiko toki-entitateetako administrazio eta erakundeetan gardentasuna garatu ahal izateko. Emaitzak lortzen diren neurrian, sarea sendotu eta beste udal batzuk hasiko dira bertan parte hartzen.