自由 就喺有得揀
大家好，我係 Karson。
喺大家認知中，申請緊 asylum 嘅手足。
上年都同大家做過分享，簡單回顧下我嘅 背景。
我喺理大被補，後踢保，喺 2021 年 8 月 1 號入境處實施可隨意限制人出入境自由之前 離開香港。
喺度經歷左申請期間嘅困難，目睹烏克蘭 同阿富汗慘況，無限拖長嘅等候。你話有無諗 唔開，好沮喪，好痛苦嘅時候？ 有。唔止一次。
過去呢一年好大起伏，律師轉咗，有朋友 選擇返香港。相信大家都知，嚟到嘅孤獨感幾 重；所以身邊可以有朋友個種安定感喺完全唔 同。我好幸運，有好重要嘅人嚟英國探我，除 咗信念，朋友比我好大一個活下去嘅念頭。
我一直都話我好幸運，遇到嘅絕大部分 人，都係好好嘅人，佢哋都會成日 take care 我，我鍾意足球，搵到釋放壓力嘅途徑。因為 受到好多好多幫助，呢啲全部都唔係必然嘅， 佢哋嘅選擇，成就今日勇敢上嚟分享嘅我。
受到不能盡錄嘅好多幫助，所以上年到我 一盡綿薄之力，呼籲大家要一齊幫手，將身邊 有需要嘅人，不論難民手足，BNO，將我哋 身邊需要幫助嘅「香港人」，搵出嚟。過去一 年，唔同組織同我多多少少都收到有人求助或 者諮詢。我好多謝大家為咗彼此嘅付出。
除咗英國，遠在他方嘅香港，唔止 47 人 案，包括已出獄要重新出發、正受牢獄之苦， 或者未來會面臨更多控告嘅手足。
我哋都唔好忘記，大家要記住，大家經歷 嘅痛苦或多或少會有唔同，但我哋不離棄任何
——香港抗爭者 Karson
一人，不忘記任何一人，係一樣㗎。
反送中示威至今 4 年，呢 4 年間，有人選 擇離開 / 回流 / 二度移民，我尊重每一個人嘅 決定，更敬佩喺香港一眾手足，因為，作出選 擇永遠都喺唔容易，所以我認為無必要有任何 苛責。
痛苦？有。難過？有。要講負面嘢，點講 都講唔曬。我好似過得好好，人地叫我最 chill 手足，我唔否認，至少我都唯望自己係咁。因 為我唔會喺痛苦難過個陣周街講㗎嘛。
壓力每一日都有，我唔想日日都避開壓 力、避開情緒，因為避唔開。接受一切困境， 先會捱得過去。要唔開心盡情唔開心，有心理 創傷，鼓起勇氣去求醫、求助、難關就好似一 個圍欄，你唔跨過去你永遠都困喺入邊，跨過 去先知你可以用好多方法，去另一邊。
我預咗會被判監，但而家得嚟嘅每一步， 每一樣嘢，都喺賺咗，所以我學識欣賞賺咗嘅 每一秒。
咁大個仔英文字都唔識多隻，呢個可能係
下半生嘅旅行，擴闊咗我嘅眼界，呢度啲樂與 苦我都接受，並享受，因為，至少我係自由 嘅，我唔係要大家學我，只係想畀大家知道， 面對現在，你仲有更多嘅選擇，更多嘅路要 行。
可能有人經過 2019 年，會想休息，想靜 下，想過自己嘅人生。
你哋都無錯，無人可以量化你哋心中嗰啲 困難、嗰啲壓力帶畀你嘅痛苦有幾深。
休息嘅休息，學習嘅學習，當你再次勇敢 抬起頭嘅時候，我哋一直都喺度等你。
我哋要去記住發生過嘅事，唔係一次次出 嚟集會，支持呢個支持果嗰，嗰啲係大家既選 擇，但有一樣嘢我相信無得揀，就係經歷，留 咗喺記憶中、血肉中、骨子裏。
我哋呢一代，可以為未來做嘅，除咗老生 常談嘅有錢出錢，有力出力，有心出心，向身 邊認識嘅人傳達「2019」正確嘅歷史事實。
所有組織無咗你哋，佢哋會生存唔到，但 喺入邊啲人仍然有辦法喺社會生存，當大家都 唔支持，抱住有人撐㗎啦，邊個有錢啲佢捐 啦，到有一日，佢哋（香港人民間組織）消 失咗，而有需要喺你個時，你就會發現乜嘢喺 重要，有你哋一直既支持佢哋先有今日。
你可以覺得佢哋無用，幫唔到你，同你畀 嘅稅一樣，你可以因為咁唔支持佢哋，但係你 都可以選擇，畀佢哋知道喺你地眼中佢哋有乜 不足，無人可以完全靠自己而成功㗎。資訊、 人力、物力缺一不可。◇
2023 年，香港抗爭者 Karson 在倫敦議會 廣場 612 集會上的發言。
香港嘅文化同歷史 由你哋去話比下一代聽 等佢哋去選擇