AÐSTOÐUM ALLA LEIÐ

Þjónustuver ELKO var formlega sett á laggirnar í ársbyrjun

2020 og hefur síðan þá verið í mikilli mótun og uppbyggingu.

Þjónustuverið er opið til klukkan 18 alla daga og netspjallið til klukkan 21. Í þjónustuverinu starfa vel þjálfaðir ráðgjafar sem aðstoða viðskiptavini með alla þjónustu sem þeir kunna að þarfnast í gegnum alla helstu samskiptamiðla, svo sem síma, tölvupóst, samfélagsmiðla og netspjall.

Viðskiptavinir gera sífellt meiri kröfur til bættrar þjónustu og því fylgja nýjar áskoranir og spennandi verkefni. ELKO leggur því mikla áherslu á þjálfun og áframhaldandi uppbyggingu þjónustuvers síns með það að markmiði að halda áfram að bjóða viðskiptavinum sínum upp á framúrskarandi þjónustu.

Ánægja með þjónustu sem veitt er í gegnum netspjall og tölvupóst hefur aukist á milli ára sem gefur vísbendingu um að þjónustuverið styðji vel við stefnu ELKO og hjálpi til við að ná markmiði félagsins, sem er að eiga ánægðustu viðskiptavini á raftækjamarkaði.