Page 1

44

|

LA NUEVA ESPAÑA

La Oreja Verde

Sábado, 23 de octubre de 2010

Título: Mansín Autora e ilustradora: Carla Menéndez Editorial: Trabe A partir de 5 años

érase una vez un gallu, l’ave más llexendaria de los montes asturianos, qu’un día dexó la so viesca, aportó a un pueblu llamáu Tarna y anduvo pasiando ente la xente como si fuere otru habitante más d’ellí. Nes fotografíes qu’espublizaron los periódicos, tal paecía que taba falando colos vecinos. Esto, anque puea abultar desaxerao, asocedió de verdá. Tolos medios de comunicación espardieron esti acontecimientu estraordinariu. Nunca nun se supo qué foi lo qu’emburrió a esti gallu montés a correr el riesgu d’axuntase colos humanos. ¿Quería amosase pa que toos lu conocieren y respetaren? ¿Quería avisanos de que la población

Y

d’estes aves amenorgó un setenta por cientu dende l’añu 1981? ¿Quería alertanos de que, cada vegada más, tán reduciéndose les viesques nes qu’habita? Carla Menéndez convirtió esta historia braera nun cuentu que tituló Mansín, el nome que-y punxeron a esti gallu los vecinos de los pueblos que visitó. Y esti «Mansín» imaxináu, según nos diz la so creadora: Va a la escuela pa deprender. Colos rapacinos présta-y canciar. Nun hai xuegu que se-y resista y toos con él quieren xugar. Gracies a esti rellatu,

«Mansín» yá ye un personaxe con más vida que la que tuvo mientres foi real. Los personaxes reales nacen, viven y muerren; les bones creaciones de la imaxinación nacen y viven nel tiempu y na acordanza. Testu: P. Allegre

Mansín y Carla Menéndez

Mansin. La Oreya Verde.  

Mansin ye un gallu montes mui especial. Tomau del suplementu del periodicu La Nueva España de Xixon, de la seccion La Oreja Verde