Balmaseda Udalberriak nº232 euskera

DOAKO ALEA - ALE KOPURUA: 4.200 - GURE UDALAREN INFORMAZIOA

17: URTEA · URRIA 2019 · 232. ZK.

EUSKERA - 232.indd 1

14/10/19 13:56

2

AZALEAN

Putxeren Lehiaketarako mantalak

2019KO SAN SEVERINO JAIAK

Balmadendak berriro ere lagundu egin nahi die urriaren 23an egingo den Putxeren Nazioarteko Lehiaketan parte hartuko duten kuadrillei; hori dela eta, XLIX. edizio honetako mantalak emango ditu. Oraingo honetan ere, Balmasedako denda txikiak herriko jarduerekin inplikatuta daude.

Urriak 18, ostirala. Mozorro gaua.

17:30: Liburutegian FANZINE LAS ESCRITORAS/FANZINE tailerra.

20:15: Kolitza Abesbatzaren “Tomás Gogoratuz” kontzertua. San Severino elizan. (Egitaraua 3. orrialdean) 20:30: Senior emakumeen saskibaloi-partida: Kaitxo Balmaseda - Askartza. Errotarena polikiroldegian.

21:15: TXUPINAZOA ETA PREGOIA, MARIORRATZen eskutik.

21:30: Txosnen irekiera.

22:00: XLII. Comedias ÑKU 2019 23:00: Detroit + Very Txarrak (Berri Txarrak taldeari tributua) taldeen kontzertuak.

Urriak 19, larunbata 10:00: Kolitza Errekorra. Irteera eta helmuga San Severino plazan. (Egitaraua 3. orrialdean) 10:00: Gure Lurreko Merkatua. Martin Mendia kalean. Show Cooking: “Peras al vino” 12:15: “Dantzari Txiki”, Eguzki Dantza Taldeak antolatuta. San Severino plazan.

14:00: Kale-animazioa “FANFARRIA AITA ZORTZIKO” taldearen eskutik.

15:30: Herri-bazkaria. (Umeentzako menua, menu beganoa eta zeliakoentzako menua ere egongo dira). Bi txanda:14:30 eta 15:30ean.

(Egitaraua 3. orrialdean).

18:30: Kale-animazioa ROCKALEAN taldearen eskutik.

19:00: Kaleko antzerkia. “Sardina Bakalau”, Anita Maravillas konpainiaren eskutik.

21:00: “Txerokiak” taldearen emanaldia.

22:00: Birratlon Plazan.

23:00: MODUS OPERANDI KONTZERTUA. 01:00: Dantzaldia “OXABI” taldearekin.

AECC elkartearen diru-bilketa Minbiziaren Aurkako Espainiako Elkarteak (AECC) bere ohiko diru-bilketa egingo du urriaren 23an. Lagundu nahi baduzu, boluntario gisa parte har dezakezu. Informazio gehiago hemen: 629 011 526 (Lourdes).

Erasorik gabeko jaien aldeko kanpaina Aurten, jaietako egitaraua berritasun askorekin dator. Hain zuzen, jarduera askok emakumeak izango dituzte protagonista, edo emakumeei ikusgarritasun handiagoa ematen saiatuko dira; horren adibide da, esaterako, Emakume Idazleen Eguna. Bestetik, jaietan ere berdintasunez dibertitu nahi dugula gogorarazteko, Berdintasun Sailak “Ez beti da ez” leloa idatzita duten diru-zorro batzuk prestatu ditu. Gainera, puntu morea duten koadrodun zapiak ere banatuko ditu.

Biak San Severino plazan egongo den informazio-puntuan eskuratu ahal izango dira, informazio-material gehiagorekin batera. Horrez gain, txosnetarako edalontzi berrerabilgarriak eta tabernetarako ezpainzapiak banatuko dituzte, lelo berarekin.

EUSKERA - 232.indd 2

Urriak 20, igandea Emakume Idazlearen Eguna. IV. “Emakumeak, maitasuna eta eta askatasuna” 11:30etik 15:00etara: Mahats-bilketaren azoka. San Severino plazan. (Egitaraua 3. orrialdean) 11:30: FANZINE LAS ESCRITORAS Fanzinearen erakustaldia liburutegian.

11:30: “Emakumeak berdin kontatzen” ipuin kontalaria Ana Apikaren eskutik (4 urtetik gora) 12:45 h: “Las escritoras” hitzaldia (Laura Morán + Julia Gómez Prieto + Blanca Sarasua +

Garbiñe Mendizabal) Liburutegian.

13:30 h: “Emakumeak, maitasuna eta askatasuna” kalejira, Ellas son poetas + Balmaberria + Mariorratz elkarteen eskutik.

15:00 h: Bazkari herrikoia.

15:00 h: Aipamen bereziak entregatzea “Las Escritoras de Balmaseda”.

19:00: Azkoaga Bandaren kontzertua.Klaret Antzokian.

Urriak 23, asteazkena.

San Severino Eguna 9:00: Putxeren XLIX. Lehiaketa eta Tokiko Historiaren Lehiaketa.

12:00: Kalejira Jatorrak Txistulariak taldearekin.

12:00: Kalejira Bizkaiko Gaiteroak taldearekin 13:00: Dastaketa, Zoko Maiteak antolatua. San Severino plazan.

13:00: Kalejira Txabariex taldearekin.

14:15: Lehiaketetako sarien banaketa. San Severino plazan.

Merituzko kofradea eta ohorezko kofradea.

Herri-bazkaria. San Juango karpan.

18:00: Erromeria Patxi eta Konpaniarekin. San Severino plazan.

20:00: Dantzaldia “NUEVO TALISMAN SHOW” taldearekin. San Severino plazan.

Urriak 25, ostirala 20:30: Saskibaloi-partida: Urbegi Balmaseda – Begoñazpi.

20:30: Pilota-partidak, Lau t’erdiko Txapelketa eta Bikotekako Partida. Udal-pilotalekuan.

23:00: DJ PANI Txosnetan.

Urriak 26, larunbata. Gazte Eguna 11:00: Kuadrillen topaketa. S. Severino plazan.

12:00etatik 14:00etara: Txokorevolutioneko jokoak. San Severino plazan.

14:00: Poteoa eta animazioa “ORKRESTA” elektrotxarangarekin.

15:30: Kuadrillen bazkaria. S. Severino plazan.

18:30: Txoko-poteoa.

00:00: EUSKABARET + WANNABANA BAND. San Severino plazan.

Urriak 27, igandea 10:00: XXVII. San Severino Triala. Las Lacerasen.

14/10/19 13:56

3

Pintura, burdineria, paper pintatuta, etxeko tresneria eta opariak

Decoraciones Javi

EUSKERA - 232.indd 3

Aldapa 16/18 Tel. eta Faxa: 946 801752 Balmaseda

14/10/19 13:56

4

HERRITARRAK Erretiratuen elkartea 300 pertsona baino gehiago izan ziren urriaren 5ean erretiratuen elkarteak antolatutako senidetasun-bazkarian. Argi dago, beraz, gure herriko adinekoak sasoi betean daudela.

Errubizko ezteiak Aurten errubizko ezteiak ospatzen badituzu (40 urte ezkonduta), gonbidatuta zaude, zure bikotekidearekin batera, azaroaren 23an San Roque hotelean egingo den ospakizunera.

Hasierako ekitaldiaren ondoren, janaurrekoa eta bazkaria egongo da. Eta, bukatzeko, dantzaldia. Parte hartu nahi baduzu, sartu pertsona bakoitzeko 30 €-ko seinalea, azaroaren 15a baino lehen, Laboral Kutxaren kontu honetan: ES50 3035 0090 6709 0106 4215.

Gainerakoa egunean bertan ordaindu behar da. Informazio gehiago hemen: 637 442 902 (Poto) eta 610 042 073 (Eduardo Pellón).

Mariorratz Talde Feminista jaietan eman daitezkeen ERASO MATXISTEI ERANTZUTEKO PROTOKOLOA martxan jartzen ari da. Hau ezagutarazteko, urriaren 15ean 19:00etan Kultur Etxean honen aurkezpena egingo da. Guztion artean guztiontzako jai gune askea eraikitzeko zure inplikazioa beharrezkoa da! Hurbildu zaitez!

IBARROLAREN ESPERIENTZIA: “50 URTE, 50 GAILUR” Aurizperrik 750 urte bete ditu Aurizperri Nafarroako iparraldeko herri-kale bat da; Pirinioak zeharkatzen dituen Santiago bidean dago. Aurten 750 urte bete ditu, eta Balmasedarentzat garrantzitsua da, urteurren hori ospatzeko Erdi Aroko jantziak eskatu dizkigutelako.

Ba al zenekien Bilboko Athletic Club taldeko atezaina Balmasedakoa dela? Bai, ondo irakurri duzu. Eta ez hori bakarrik, Javier Barrutiak (hori da bere izena) bere lehen denboraldia Genuine ligako txapeldun gisa amaitu du, fair play modalitatean. Futboleko laguntasunaren, errespetuaren eta hobetzeko grinaren adibide bikaina da.

EUSKERA - 232.indd 4

Javier Ibarrola Colino naiz, Balmasedan bizi naiz eta uda honetan gauzatu dudan proiektuaren berri eman nahi dizuet: “50 urte, 50 gailur”.

Uda honetan 50 urte bete nituenez, hori ospatzeko erronka eta motibazio berezi bat bilatzeko beharra sentitu nuen, eta hortik sortu zen proiektua. Bestetik, txirrindularitza da nire pasio handienetako bat, eta aspalditik amesten nuen Espainiako Itzulian, Frantziako Tourrean eta Italiako Giroan igo izan dituzten gailur garrantzitsuenetara igotzearekin.

Bada, maiatzaren 25ean eman nion hasiera erronkari, Lunada mendatera igoz, eta abuztuaren 21ean bukatu nuen, Fuente del Chivo mendatearekin. Guztira 50 mendate igo nituen, Espainian, Frantzian eta Italian zehar banatuta.

Esperientzia oso aberasgarria izan da eta ez ditut inoiz ahaztuko bisitatutako lekuak. Bat aipatzekotan, Italiako Dolomiten ingurunea aukeratuko nuke, bertako paisaia dotoreengatik. Mendaterik politena El Stelvio izenekoa iruditu zait, ferra itxurako bihurgune amaigabeak dituena. Mendaterik gogorrena, zalantzarik gabe, Zoncolan da; zifrek ez dute engainatzen: 9 km besterik ez dira, baina 1.200 metro baino

gehiagoko desnibelarekin. Mendaterik luzeena Galibier amaiezina da, Telegrapherekin lotzen dena (guztira 35 kilometro); eta desnibel handiena Stelvio mendateak dauka, Pratoren aldetik, 1.847 metrokoa hain zuzen.

Azpimarratu nahi nuke, halaber, pribilegiatua sentitzen naizela Enkarterrin bizitzeagatik.

Bizikletan ibiltzeko ingurune oso berezia dugu; izan ere, gure inguruan Paseko haranetara daramaten mendate luzeak ditugu, hala nola La Sia, Estacas de Trueba eta Lunada, zeinak Alpeetako mendi handien dotoretasun eta handitasunarekin parekatzeko modukoak baitira.

Gogortasuna eta “ezinezko” portzentajeak atsegin dituztenek, berriz, Picón Blanco eta Los Machucos dituzte, beren “infernu” partikularra bizitzeko. Hain zuzen, Los Machucosen dago gailur horietan guztietan igo dudan portzentaje handieneko aldapa, % 27ra arteko bi baitaude. Horrenbestez, txirrindularitzaren zale guztiak –berrogeita hamar urte izan edo ez– animatzen ditut Enkarterri ezagutzera eta leku eta paraje ikusgarriez gozatzera, aire zabalean kirola egiten duten bitartean.

Amaitzeko, eskerrak eman nahi dizkizuet eskainitako arretagatik, eta espero dut “50 urte, 50 gailur” proiektu hau berriro errepikatu ahal izatea 75 urte betetzen ditudanean eta –zergatik ez?– 100 urte betetzen ditudanean. Seinale ona litzateke.

14/10/19 13:56

5

MAITANE ALONSO, SODUPETIK ESPAZIORA Irailaren 19an, Balmasedako Klaret Antzokian, “Cientzia” hitzaldi zientifikoen lehen edizioa egin zen; bertan, 15 minutuko solasaldi zientifikoak egin ziren, publiko guztientzako egokiak.

Bertaratutakoek ez zekiten zer gertatuko zen. Lehen hizlaria Maitane Alonso Monasterio izan zen. Gaztetasunak ematen dion alaitasunarekin, 18 urteko neska horrek agertokia zeharkatu zuen hitza hartzeko. Adin-nagusitasuna bete berria eta medikuntzako bigarren urtean, Maitane munduko naturaltasun osoz kontatzen hasi zen egun batean familian egiten duten barbakoa batean janari asko sobratu zela.

Dirudienez, aitak ez daki 5 pertsonarentzako barbakoa egiten, eta 40 lagunentzat egiten du beti. Goiz batean, auskalo noizko barbakoako soberakinak gosaltzen ari zen Maitane. Eta konturatu zen konponbidea jarri behar zitzaiola horri. Beste egun batean, bere nebak futboleko zapatilak utzi zituen berak erositako deskarga-elektrikoen sorgailuaren ondoan, usain “nahiko interesgarriarekin”. Sorgailua konektatzean, usaina desagertu egin zen. Orduan sortu zitzaion honako galdera hau: usaina mikroorganismoek sortzen badute, zergatik ez aplikatu mekanismo hori bera elikagaiak mantentzeko?

Beranduago, Bilbon barrena gurasoekin zebilela, Maitanek Zientzia Azokaren iragarki bat ikusi zuen. Elhuyarrek sustatutako zientziaazoka horretan ikasleek zientzia proiektuak aurkez zitzaketen. Eta kartel horrek Maitaneren bizitza aldatu zuen, betiko. Iragarki horrek bere ikerketarekiko pasioa eta pasio zientifikoa piztu zuen, egun hartara arte ezezaguna zen

EUSKERA - 232.indd 5

pasioa, eta horrek bere bizitzako bidaia zirraragarrienera eraman du. Garai hartan, Maitanek 16 urte zituen.

Hau ulertzeko, Maitaneren asmakizuna azaldu behar dugu: janariaren iraupena % 75 luzatzen duen makina bat egin du (elikagaiaren arabera). Gogoratzen dituzue bere aitaren barbakoa ikaragarriak, ezta? Ba hori.

Bere proiektua hainbat azokatan saritu dute, eta horietako askok nazioarteko proiekzioa dute: -Elhuyar Zientzia Azokako 1. saria (Bilbo, 2017) -1. saria eta ohorezko aipamena XIX. Exporecerca Jove lehiaketan (Bartzelona, 2018) -Presentzia ESI AMLATen (Txile, 2019) -Kataluniako Biologia Elkartearen 1. saria eta 1. Intel Sari Berezia XX. Exporecerca Jove lehiaketan (Bartzelona, 2019) -Arizona State Universityren Sari Berezia eta 2. munduko saria mikrobiologia kategorian, Intel ISEFen (AEB, 2019).

Baina neska honen bizitzan ez dira denak arrakastak eta sariak izan. Zailtasunak izan ditu: hegazkinez bidaiatzen ari zen bitartean, makinak mezulari bidez bidaiatu behar zuen eta ez zen beti egoera onean iristen. Batzuetan azoka aurreko gaua igaro behar izaten zuen ukituak egiten, mailua eskuan, asmakizuna helmugara iristean zuen egoera txarra zela eta.

Horrez gain, azoka egun amaigabeak bizi ditu, non bere proiektua behin eta berriro azaldu behar izan duen, batzuetan 6 orduz, ahotsik gabe geratu arte.

Baina ez zitzaion inporta, ahotsik gabe ere indarra ateratzen zuen eguneko lehenengo erakusketa izango balitz bezala azaltzeko.

Neska honen historiak eredugarri izan behar luke. Amets bat baduzu, zoaz horren bila. Esango dizute EZ dela posible, barre egingo dizute, zoro deituko zaituzte. Bueno, ondo,

ados. Zuk jarraitu horren bila. Maitane ez da berezia zientzian aritzeagatik, ez. Maitanek zientziarekin zerikusirik ez duen proiektu bat pentsatu izan balu, ziur nago bere pasioarekin, ausardiarekin eta bere buruarekiko konfiantzarekin arrakastaz burutuko zuela. Ez dut zalantzarik.

Kontua ez da gazteek zientzia ikastea, baizik eta amets bat edo proiektu bat dutenean, horretan buru-belarri murgiltzea! Ezagutza-arlo guztiak beharrezkoak dira gizartea gara dadin.

AEBn jaso duen sari horri esker, MITek Maitane izena jarriko dio asteroide bati (ez da gutxi!). Baina Maitanek –bere proiektuan zer zentratuta dagoen ikus dezazuen– garrantzia kendu zion asteroidearen gaiari eta hori gutxienekoa zela esan zuen. Berak, sari eta gertaeren zurrunbilo horren ondoren, bere makina hobetzeko moduak bilatzen eta ikasketen dinamika berriro hartzean pentsatzen jarraitzen du. Hain jende gaztea halako erabakitasunarekin ikusteak fedea itzuli dit askotan hain irudi txarra duen gazteriarengan.

Hitzaldiaren ondoren berarekin hitz egiteko plazerra izan nuen. Eta orduan ulertu nuen zergatik bere aurkezpena hasi bezain laster esan zituen bere izena eta bi abizenak. Izan ere, esperientzia honetan funtsezkoa izan da bere familiaren laguntza. Berarengan sinetsi zuten lehenengo unetik. Gurasoen fede itsua izan du benetako gasolina ideia “zoro” bat izan eta, ondorioz, 15-16 urterekin atzerrira bidaiatu behar izan duen neska honek.

Bere hitzaldiaren bideoa Balmaseandon igota dago. Hau da bere Twitterra: @iam_maitane. Eta hau bere bloga: https://iamofficialblog. wordpress.com/; hor, bere proiektuaren jarraipena egin dezakezue. Horrelako jende gehiago behar dugu, mesedez!

Javier Etxebarria “La puerta de Tannhauser”

14/10/19 13:56

6

KULTURA Magia Gurasolagun pasaportea 2019 aurkezteko Azaroaren 8an familiek euskaraz gozatu dezaten, Berbalagun egitasmoaren barruko lehen Gurasolagun jarduera egingo dugu. Asier Kidamen magia ikuskizuna izango dugu ikusgai, 17:30etik aurrera, Kultur Etxeko entsegu gelan.

Primeran pasatu nahi baduzu eta Gurasolaguneko hurrengo jarduerak ezagutu nahi badituzu, ez galdu hitzordua. Doakoa da eta ez da aurretik izena eman behar.

Zinema: “Día de lluvia en Nueva York” Klaret Antzokia Urriaren 25: 20:00etan Urriaren 27a eta 28a: 19:30ean Generoa: Komedia, erromantzea; Zuzendaritza eta gidoia: Woody Allen; Aktoreak: Timothée Chalamet, Elle Fanning, Selena Gómez, Jude Law, Annaleigh Ashford, Rebecca Hall, Diego Luna, Liev Schreiber; Bi gazte heldu berriak dira New Yorkera asteburu baterako, eta bertan eguraldi kaskarra eta abenturak topatuko dituzte.

Antzerkia: “Deje su mensaje después de la señal” Antzezlan hori eskainiko digu Tanttaka konpainiak azaroaren 16an. Lau ahotseko istorio bat izango da; zehazki, beren arazoei aurre egiteko gai izan ez eta erantzungailu automatiko baten bidez konfesatzea nahiago duten lau emakumeren ahotsak. Marina, Carmela, Sara eta Vivianak ahots-postontzi bat erabiliko dute terapia gisa, beren buruak ulertzeko eta, batez ere, gainontzekoek uler ditzatela lortzeko. 20:00etan, Klaret Antzokian. Sarrerak: aldez aurretik 6 €, leihatilan 8 €.

Santa Zezilia Kolitza abesbatzak musikarien zaindariaren, Santa Zeziliaren, eguna ospatu nahi du, eta, horretarako, San Severino parrokian kontzertu bat egingo dute. Azaroaren 24an izango da, igandean, 20:15ean.

EUSKERA - 232.indd 6

Ikasi Youtuben bideoak egiten, profesionalek bezala

Balmasedako kultura-ondarea plazara!

Urrian, Ondarearen Europako Jardunaldiek gure kultura-ondarea ezagutzera gonbidatu nahi gaituzte. Kultura horrek, hain zuzen, udalerri bakoitzeko bizitzan parte hartzera eta inplikatzera bultzatzen gaitu, zentzua ematen dio bizitza horri eta pertsonen arteko nahiz lurrarekiko lotura sendoak ezartzen ditu. Hileko lehen asteburua putxerari eskainita egon zen, baina oraindik urria ez da amaitu eta jarduera gehiago ere baditugu aurrean: · “Balmaseda: atzoko altxorrak” gimkana: Orexinal elkarteak taldekako pista-jolas bat proposatzen digu, modu dibertigarrian gure hiribilduko tradizioak, kultura eta ondarea ezagutzeko.

Urriaren 19an, 11:00etatik 13:00etara. Informazio gehiago eta erreserbak: 946 800 778. Plaza mugatuak. Jarduera hau ez da gomendagarria 6 urtetik beherako haurrentzat. · “Ardia eta artilea” familia-tailerra: Tradizionalki, jolasa izan da ohiturak eta egiteko moduak transmititzeko, eta kultura-ondare immateriala betikotzeko, gehien erabili den bitartekoa. Hori horrela, tailerretan jolastu egingo gara, bisitaldi gidatu berezi batean zehar; bertan, pisten bidez, ikasiko dugu ardiaren ilea artilezko hari bihurtzen dela, eta ondoren ehun.

Gero, ikasitakoa aplikatu eta lortutako emaitza etxera eraman ahal izango dugu.

Urriko igandetan, 12:00etatik 13:00etara, Boinas La Encartada Museoan. Informazio gehiago eta erreserbak: 946 800 778. Plaza mugatuak.

Gutxienez 6 urte izatea gomendatzen da.

Halloween festa eta Gaztetxokoa berriz zabaltzea Gaztetxokoaren denboraldi berria azaroaren 2an hasiko da eta, ospatzeko, Halloween festa bat antolatuko da. Egon adi sare sozialetan!

Bideoak egitea gustatzen bazaizu eta 13 eta 16 urte artean badituzu, Youtubeskolak zuretzat aproposa da. Zergatik? Tailer honetan Youtubeko bideo bat diseinatzeko, garatzeko eta argitaratzeko trikimailu guztiak ikasi ahal izango dituzulako. Tailerra urriaren 26an eta 27an egingo da Zallan, 09:30etik 18:30era. Parte hartzeko, youtubeskolak.eus helbidean aurkituko duzun izena emateko fitxa bete behar duzu.

Horrez gain, urriaren 28an hasiko da proiektu honi lotuta antolatu den lehiaketan parte hartzeko atzera-kontaketa. Lehiaketa horrek amaiera emango dio proiektuari, eta, horren barruan, parte-hartzaileek euskarazko bideo bat igo beharko dute beren Youtubeko kanalera. Bideoa egiteko gaia lehiaketa hasten den egunean bertan jakinaraziko da. Informa zaitez eta parte hartu.

Abereh-k bere azken diskoa aurkeztuko du Abereh da Erik Berganzaren bakarkako proiektuaren izena; rocka edo grunge akustikoa egiten du, zaratatik urrundua, baina distortsioa erabat alboratu gabe. Azaroaren 17an aurkeztuko digu bere azken diskoa, “Laino eta belatz artean”, Horkasitas Jauregian.

19:00etan izango da, eta sarrera doakoa da.

14/10/19 13:56

7

BALMASEDAKO ERREKETAREN ANTZEZPENA

Balmaseda hiribilduak, bere ohitura eta tradizioei helduta, aspaldiko gertaera historiko bat antzeztuko du: Independentzia Gerran, 1808ko azaroaren 8an, Napoleonen soldaduek Enkarterriko hiribildu hau erre zutenekoa.

Horrenbestez, 211. urteurrena ospatzeko, eta ostirala izango dela aprobetxatuta, bertako jendea kalera irtengo da antzezlana egiteko.

Balmaseda hiribilduak, bere kokapen geografikoagatik, bidegurutzeengatik eta jaurerriaren barruan zuen garrantziagatik, 1808. urtean izandako gertaera historiko haien eragina jasan zuen.

1808ko maiatzaren 2an Madrilen izandako frantsesen aurkako altxamenduak eman zion hasiera Independentzia Gerrari. Gertaera horrek eragina izan zuen Balmasedan ere.

1808ko azaroaren 8a egun euritsua izan zen, eta egun horretan iritsi ziren Balmasedara Frantziako tropak, Villate, Sebastiani eta Levalen Dibisioekin. Víctor mariskala, berriz, Orrantiara iritsi zen. Espainiarrek Nava aldera joan behar izan zuten, eta Balmasedan geratzen zen atzeguardia Santander aldera erretiratu zen.

Agian iraina iruditu zitzaien aurreko egunetako borrokak galdu izana, agian balmasedarrek babestu ez zituztelako zigortu nahi izan zituzten edo agian Balmaseda abandonatuta gelditu zelako izan zen, baina kontua da Chassé jeneralaren brigadakoek su eman ziotela hiribilduari, inguruko herriak ohartarazteko.

1808ko azaroaren 8an gertatu zen hori.

Lau aldeetatik hartu zuen suak hiribildua.

Ospitaletik lehengo udaletxera arteko etxeak, Erdiko kalearen eta Kale Zaharraren artekoak (gaur egun Pío Bermejillo eta Martin Mendia kaleak), Erdiko Kaleko guztiak eta Hedegile kalearen inguruko guztiak, Merkatuko plazara arte. Aipatu beharra dago eraikin garrantzitsu ugari erre zirela, hala nola Legarda Markesaren Jauregia edo Salcedorena, Merkatuko plazako Leinu dorre zaharra eta Hedegile eta Aldapa kaleen artean zeudenak: Quintanatarren etxea edo Martín de los Heros jaunaren aitarena (Merkatuaren aurrean eta Aldapa kalearen izkinan zegoena).

Sute handi horretan eraikinik onenak galdu zituen Balmasedak. Eraikin asko erre ziren, garai hartako 153 etxeetatik 75 hain zuzen, eta herria miseria gorrian geratu zen.

Sute hura zorigaitz handia izan zen. Jabeek enkantera atera behar izan zituzten ondasunak, arrakasta handirik izan ez zuten arren. Erretako etxeak ere saldu egin behar izan zituzten, beste kalte batzuk ordaintzeko.

Legarda Markesaren etxea, adibidez, Madrilen zeukan etxea berreraikitzeko saldu behar izan zen, gertakizun horietan Madrilgo etxea ere erre egin baitzen.

Basoak ere kaltetu ziren. Kasu honetan tropek, suteek eta herritarrek beraiek kaltetu zituzten basoak, gerra ondoren etxeak eraikitzeko egurra beharrezkoa zenez, aurrean zuten guztia bota baitzuten.

Sutearen ondoren, gerrako lehenengo uneetan, Balmasedako herritarren biziraupena zaila izan zen, gogorra. Jasotzen zituzten eskariak eta hornikuntza premiak ase behar izan zituzten gerra amaitu arte, eta horren ondorioz, are kalte handiagoak izan zituen hiribilduak. Porrot eginda geratu zen.

Hala ere, tropak artatzen jarraitu behar izan zuten, gerra amaitu arte Karmeldarren komentuan egon baitziren.

Ekitaldien programa 12:00: Balmasedako herriaren eta batailoi frantsesaren arteko topaketa San Severino plazan.

Batailoi frantsesa udal-pilotalekutik aterako da, Zubi Zaharretik eta Hedegile kaletik igaro, eta, San Severino elizaren atzealdetik, udaletxearen aurreko alderaino joango da.

Berriz ere pilotalekura itzuliko dira Geltokiko Zubitik eta Martin Mendia pasealekutik.

18:30: Balmasedako erreketa Ibilbidea: Zubi Zaharra San Juan eliza Martin Mendia kalea Markes plaza San Severino plaza Batailoi frantsesa pilotalekura itzuliko da Geltokiko Zubitik eta Martín Mendia pasealekutik.

URRIA, PUTXERAREN HILABETEA Europa osoan izan ditugu treneko eltzekariak, baina hemen tradizio horri eutsi diogu lehiaketei esker. Oraingoan, Putxeraren Kofradiak nazioartean ezagutarazi nahi du ondare gastronomiko hori, eta Getxora ferryz heltzen diren turisten ibilbidearen parte izateko eskaera egin du.

Urrian Bigarren Kapitulua ospatu ondoren, Balmasedak La Roblako Putxeraren lehen topaketa ere bizi izan du, non La Roblako trenak zeharkatzen dituen hainbat udalerrik haien plater tipikoak eskaini zituzten, putxeran prestatutakoak.

EUSKERA - 232.indd 7

14/10/19 13:56

8

UDAL INFORMAZIOA

OHIKO UDALBATZA: URRIAK 5 1 Aho batez onestu zen 2019ko irailaren 5ean eginiko saioetako akta.

2 Eta, baita, aho batez Udal inbentarioan Campilla el Mimbreralen dagoen mendi bat sartzea onestu zen.

1 Urriak 5eko Ohiko Udalbatza oposizioko taldeen Eskaerak eta Galderak aztergaiarekin bukatu zen. Talde Sozialistak 40 galdera eta EAJ 5 eskaera eta 10 galdera egin zituzten.

Udalbatzaren bideo osoa badago prest Balmaseda.eus Udal webgunean.

Hobekuntzak lorezaintzan Belarra moztu ondoren, hiribilduko lorezaintza-lanak hasi dira. Hasteko, erabiltzen ez ziren zenbait jardinera kendu dira, eta gainerakoetan loreak jartzen ari dira, zubietako jardineretatik hasita. Gainera, leheneratzelanak egingo dira, eremuka. Esaterako, Horkasitas Jauregian ureztatze-sistema berri bat jarriko da, landare-lurrarekin leheneratutako da, zuhaitzak gehituko dira, etab. “B-aren plaza” deiturikoan, zuhaixka-formako sasoiko landareak jarriko dira, diseinu berri bat sortuz.

Horrez gain, eguzki-erlojua txukundu egingo da eta hondatutako informazio-kartelak aldatu egingo dira.

Amaituta dago Pandozalesko hormigoizko pista Amaitu dira Pandozales auzoko ur-depositura sartzeko hormigoizko pista abian jartzeko lanak. Horri esker, etorkizunean egin beharko diren mantentze-lanak errazago eta azkarrago egingo dira. Eusko Jaurlaritzak %80ko dirulaguntza eman du obra hori egiteko eta guztira 24.000 € izango dira.

Hurrengo ohiko osoko bilkura azaroaren 7an egingo da (osteguna), 18:30ean.

Beti bezala, udaletxeko lehen solairuko osoko bilkuren aretoan izango da.

DATUAK BABESTEKO SARIEN VII. EDIZIOA

Datuak Babesteko Euskal Bulegoak abian jarri du sari horien zazpigarren edizioa. Hiru kategoria egongo dira: · Ikerketaren eta Jardunbide Egokien arloko saria, bakoitza 2.500 €-koa. Datu pertsonalei buruzko lan zientifikoak edo ikerketakoak, doktorego-tesiak, monografiak eta artikuluak (banakakoak edo taldekoak, argitaratuak edo argitaratu gabeak) aurkeztu ahal izango dira, baita datu pertsonalen babeserako eskubidea hobeto bermatzen laguntzen duten teknologia- edo kudeaketa-tresna eta -soluzioen diseinu egingarriak ere. Accesitek, halakorik badago, 1.000 €-ko saria jasoko dute. · Komunikazioaren eta Sormenaren arloko saria, 2.000 €-koa. Datuen babesari buruzko prebentzio-mezuak eta mezu arduratsuak aurkeztu ahal izango dira, ikus-entzunezko modalitatean, modalitate grafikoan edo

literatura-modalitatean. · Ibilbide profesionalarentzako saria.

Kategoria honetan, aintzatespena egingo zaie bere jarduera profesionaletik datu pertsonalen babesaren funtsezko eskubidea nabarmen defendatzen eta sustatzen duten pertsonei.

Aurkezteko epea azaroaren 24an bukatuko da. Informazio gehiago hemen: www.avpd.eus.

Webgune batean sartzen garen bakoitzean, cookie izeneko mikroprogramak deskargatzen ditugu automatikoki.

Cookie horiek online egiten dugun jarduerari buruzko informazio biltzen dute, eta gure gailuari buruzko informazioa helarazten diote bisitatu dugun webgunearen jabeari.

Gripearen aurkako txertaketaren kanpaina

DOAKO GOMENDIOAK ETXEBIZITZA JASANGARRIAGO BATERAKO

Urriaren 14an hasiko da eta azaroaren 24an amaituko da. Konplikazioak izateko arrisku handiagoa duten pertsonak immunizatzera zuzenduta dago, baita infekzioak transmititzeko arriskua dutenak ere: 65 urte edo gehiagoko pertsonak, gaixotasun kronikoak dituztenak, haurdun dauden emakumeak edo osasun-arloko profesionalak eta gizarte-langileak.

Oso garrantzitsua da pertsona horiek txertoa hartzea. Horretarako, anbulatorioan hitzordua eskatu besterik ez duzu egin behar, eta, bertan, izan ditzakezun zalantzak argituko dizkizute.

ReActívate+ programa lagungarria izan daiteke etxeko ohiturak hobetzen laguntzeko eta etorkizun jasangarriagoa eraikitzeko. Izena eman nahi duten etxebizitzek doan egin dezakete, honako webgune honen bidez: https:// www.reactivatemas.eus/. Erregistratu ondoren, plataformak zure ohituren jasangarritasuna ebaluatuko du galdera sinple batzuen bidez, eta ekintza txiki eta errazak proposatuko dizkizu ohitura horien eragin negatiboak murrizteko. Horretarako, eskuliburu informatibo praktiko batzuk erabiliko ditu. Informa zaitez eta egin bat planetaren etorkizunarekin ekoarduratsuak diren herritarrekin.

EUSKERA - 232.indd 8

14/10/19 13:56

9

MERKATARITZA ETA ENPLEGUA

SALTOKI EDO ENPRESA BAT ABIAN JARTZEKO UDAL DIRULAGUNTZAK Beherapenen azoka Urriaren 5ean, Horcasitas Jauregia tokiko merkataritzaren pagotxez bete zen. Eskerrik asko Eusko Jaurlaritzaren Turismo, Merkataritza eta Kontsumo Sailak babestutako festara hurbildu ziren guztiei.

Parte hartu Balmadendaren jardueretan Balmadendak hemendik urte bukaerara antolatuko dituen jardueretako batean parte hartu nahi zenuke, baina zure establezimendua ez da elkarteko bazkidea? Orain egin dezakezu.

Informa zaitez 946 800 738 telefono-zenbakira deituta (Juan Antonio –Andrade jostundegia).

Gaztaren azoka Gaztaren azokaren XXIV edizioa ospatuko da azaroaren 1ean Turtziozen. Azokaz gozatu ahal izango dugu gaztarekin, gozogintzarekin, txarkuteriarekin eta egur nahiz beirazko artisautzarekin. Gainera, gazta onenaren eta ogi onenaren sariak banatuko dira. Zezen plazan.

Merkataritza-ekintzailetza sustatzeko dirulaguntzak Eusko Jaurlaritzaren Turismo, Merkataritza eta Kontsumo Sailak merkataritza-ekintzailetza sustatzeko dirulaguntzen deialdia zabaldu du. Horregatik, duela gutxi negozio bat ireki baduzu edo lokalean inbertsio bat egin baduzu, laguntzen inguruan informatzera gonbidatzen zaitugu: zure negozioaren jarduera nagusiak merkataritza izan behar du.

Laguntzaren zenbatekoa diruz lagun daitekeen zenbatekoaren % 70 izango da (gehienez 20.000 euro). Eskaerak aurkezteko epea 2019ko azaroaren 15ean amaituko da, eta kudeaketa guztiak baliabide elektronikoen bidez egingo dira www.euskadi.eus webgunean. Informazio gehiagorako: 946 801 002 (astelehenetik ostegunera) eta 647 633 497 (ostiraletan). Galdetu Mirenlaz.

EUSKERA - 232.indd 9

Duela gutxi negozio edo enpresa bat ireki baduzu Balmasedan, edo tokiko inbertsio bat egin baduzu, Udalak abian jarri dituen dirulaguntzei buruzko informazioa emango dizugu. Zehazki, honako inbertsio hauetako bat egin baduzu eska ditzakezu: merkataritza-, zerbitzu- edo ostalaritza-establezimendu bat irekitzea edo eraberritzea, lokal hutsen egokitzapena, lokal edo nabe industrialen errentamendua edo 36 urtetik beherako ekintzaileen merkataritza-lokalen errentamendua.

Laguntza horiek eskuratu ahal izateko, gutxienez diruz lagun daiteken 2.000 euroko inbertsioa eskatzen da (errentamenduen kasuan izan ezik).

Gainera, beharrezkoa da Balmasedako Udalarekiko zorrik ez izatea eta obretarako eta negozioaren funtzionamendurako lizentziak izatea.

Eskaerak aurkezteko epea 2019ko urriaren 1etik 31ra bitartekoa izango da.

Informazio gehiago Elkarworkgunean (Pío Bermejillo 38) edo 946 801 002 telefonoan (Mirenla).

ZORTZI KONTRATAZIO BERRI Balmasedako Udalak hasiera emango dio “enplegua sustatzeko tokiko ekintzetarako laguntzak” programaren azken faseari. LanbideEuskal Enplegu Zerbitzuak laguntzen du diruz.

Fase horretan hiru kontratazio berri egingo dira: · Komunikazio-laguntzaile bat · Ingurumen-laguntzaile bat · Soldadurako 2. mailako ofizial bat Kontratatu beharreko pertsonak, langabeak izateaz gain, Lanbiden egon beharko dira inskribatuta, eta baldintza zehatzak bete beharko dituzte.

“Eremu eta udalerri behartsuetara zuzendutako eta tokiko enplegua sustatzeko ekintzen” programaren barruan ere hiru pertsona aukeratuko dira postu hauetarako: · Igeltserotzako 2. mailako bi ofizial · Iturgintzako 2. mailako ofizial bat Halaber, Balmasedako Udalak 52.730 euroko laguntza eskatu dio Lanbideri, 30 urtetik beherako bi pertsona 12 hilabetez kontratatzeko, lanaldi osoan, lan-merkatuan sartzeko aukerak

areagotzeko. Hauek dira bilatuko dituzten profilak: · Komunikazioko teknikari bat, lizentziaturarekin, masterrarekin, kazetaritza-graduarekin, komunikazio-graduarekin, sareko marketina... · Errehabilitazio-teknikari bat, lizentziaturarekin, masterrarekin, arkitektura- edo eraikuntza-graduarekin, obra publikoko ingeniaritzarekin...

Eskaintza horiek Lanbideren webgunean argitaratuko dira azaroaren 5etik 12ra bitartean, biak barne. Izen-ematea webgunearen bidez egingo da, honako esteka honetan: https:// www.lanbide.euskadi.eus/.

Informazio gehiago behar baduzu, jarri harremanetan Balmalan-ekin 946 801 002 telefono-zenbakian edo balmalan@balmaseda. eus helbide elektronikoan (galdetu Irenerengatik). Lanbideren enplegu-zentroan ere galde dezakezu (946 800 477 zenbakia edo centrodeempleo@balmaseda.eus helbidea).

14/10/19 13:56

10

KIROLA Mendi-kluba Balmasedako Mendi Klubak konkistatuko duen hurrengo gailurra Garaio izango da (574 metro, Ugatzan -Dima, Bizkaia). Azaroaren 10ean izango da, egun erdiko jarduera batean. Informazio gehiago Mendiko Etxean.

Ongietorria Marcos Bajori, Balmasedatik igarotzen denean

Gaixotasun Arraroen aldeko III. Elkartasun Itzulia Urriaren 7an, Marcos Bajo Balmasedara iritsi zen “Gaixotasun Arraroen aldeko III. Elkartasun Itzulia” proiektuarekin. Gaixotasun arraro bat dela-eta ikusmen urritasuna duen atleta hau “Mugitu zaitez mugitu ezin dutenengatik” elkartearen sortzailea da, eta Espainia osoan barrena dabil, desgaitasuna duten pertsonak kirol osasuntsuak egitera bultzatzeko, oztopo sozialak ezabatzeko eta biztanleria gaixotasun arraroak dituztenengana eta horien senideengana hurbiltzeko asmoz. Halaber, ikerketak aurrera jarraitzea lortzeko dirua biltzea du helburu.

Erronka duatloi moduko ibilbide bat egitea da (egunero, maratoi bat oinez eta maratoi erdi bat bizikletan), 35 egunetan: guztira 1.900 km, 1.250 korrika eta 650 bizikletan.

Bajok 2018an edo 2019an bera presidente duen Elkarteak emandako bekak jaso dituzten gaixotasun arraroen arloko 5 ikerketa-zentro batuko ditu. Oraindik kilometro solidarioak eros daitezke bere webgunean: https:// mueveteporlosquenopueden.org/iii-vueltasolidaria-2019/ .

Lehenengo asteburua autokarabanentzako aparkalekuan

EUSKERA - 232.indd 10

“TXIRRINDULARITZAK ASKO BATZEN DU” Eider Merinori omenaldia Ardechetik iritsi zenean

Oraingo honetan, Eider Merinok 9. postu bikaina lortu du Italiako Giro Dell’Emilia proban. Bikaina diogu, Demi Vollering (Herbehereak) irabazlearengandik soilik 17 segundora iritsi delako. Horrela, amaiera eman dio gero eta hobeto joan den denboraldi honi eta, emaitzarekin pozik egon arren, datorren urtean “beste pauso bat eman ahal izatea” espero du.

Eiderrek hitz onak besterik ez ditu Balmasedarentzat: “bi gurpilen gainean jaio nintzela esan dezaket. Zazpi urte nituenetik Balmasedako Txirrindularitza Elkartean egon naiz eta nire aita ere taldean zegoen; hemen ikasi dut dakidan guztia, eta asko eskertzen dut”. Elkarteak ez du bere izar distiratsuena ahaztuko, eta irailaren 21ean, Enkarterri Retrobike ekitaldia egin zela aprobetxatuta, besarkadekin eta maitasun handiz egin zioten harrera, Tour De Ardeche (Frantzia) probatik

iritsi zenean. Horrez gain, Aitor Larrinaga alkateak emandako lore-sorta jaso zuen. Esan behar dugu, bide batez, Ardecheko proba horretan ondo merezitako hirugarren postua lortu duela.

Merinori pena ematen dio gaur egungo haurrak bizikletan ez ibiltzeak, errepidean istripuak izateko beldurrarengatik. Gurasoak animatzen ditu “beldur hori ez izatera, familiarteko kirola delako, asko batzen duen kirola delako eta txikia zarenean kirol guztiak probatu behar dituzulako, zein gustatzen zaizun ikusteko”. Esan zuen, halaber, txirrindularitzak, kirol-emaitza bikainak emateaz gain, lagunik onenak eman dizkiola; “proba dezatela, besterik gabe”, azpimarratu zuen.

Hurrengo denboraldirako sasoi onean egoteko, orain atseden hartzeko momentua da.

Zorionak eta jarraitu pedalei eragiten!

14/10/19 13:56

11

BESTELAKOAK TELEFONO INTERESGARRIAK

Udaletxea · Tel.: 946800000 /· Faxa: 946102053 / · ayto@balmaseda.eus Salinillas futbol zelaia · balmasedafc@ hotmail. com Pasioaren Interpretazio Zentroa · Tel.: 946801438/ · c.pasion@balmaseda.eus ElkarworkGune: Enplegu eta Sustapen Ekonomikoko Saila/ Behargintza ordezkaritza · Tel.: 946801002/ · ODC@balmaseda.eus · Balmalan@balmaseda.eus Emakumearen Etxea · Tel.: 946103099/ · mujer@balmaseda.eus ENKARTUR - Turismo bulegoa · Tel.: 946802976/ · info@enkartur.net Gaztetxoko · Tel.: 946800240 Haurreskola · Tel.: 946800762 Kultur Etxea · Tel.: 946802974 ·Kultura saila - 1go ext./ · cultura@balmaseda.eus · Klaretantzokia@balmaseda.eus ·Liburutegia - 2. ext. ·Gaztezer - 3. ext/ · balmazer@balmaz.org ·Txiki-Park - 4. ext KZgunea · Tel.: 944033317/ · tutor.balmaseda@kzgunea.net Mendiko Etxea · Tel.: 946800646 “LA ENCARTADA” txapel museoa · Tel.: 946800778 Historia Museoa · Tel.: 657795806 Udal igerilekuak · Telk.: 946038543/ 946800549/ · igerilekuak@gmail.com Errotarena kiroldegia · Tel.: 946038543 SAC / HAZ · Tel.: 010/ · Ayto@balmaseda.eus Gizarte ekintza · Tel.: 010/ · gizarte@balmaseda.eus ALKOHOLIKO ANONIMOAK 944 150 751 AMBULANTZIA

94 4970387/ 94 4970100 AMBULATORIOA

94 6102325 SUHILTZAILEAK

94 6000183 GURUTZE GORRIA

94 6670584 DYA

94 6399222 ERTZAINTZA

94 6802701 UDALTZAINGOA

657 795800 BABES ZIBILA 629535240 S.O.S. DEIAK

112 AIREPORTUA

94 3211000 ALSA

902 422242 AECC

94 6103099/ 94 4241300 BIZKAIBUS

902 222265 BUTANOA

94 6800196 NEKAZARITZA GANBARA 94 6800690 UR PATZUERGOA 94 4873187 KORREOAK

94 6800983 EMERGENTZIAK

94 4100000 FEVE

94 6801964 GARBIGUNE

652 774521 GAS NATURALA

902 123456 HAZIENDA

901 502000 IBERDROLA

901 202020 EPAITEGIA

94 6039952 NOTARIOTZA Carlos A. Muley 94 6800037 NOTARIOTZA Igone Aretxaga 94 6102198 PARROKIA

94 6800074 TRESNEN BILKETA 665738196 JABETZEN IZEN EMATEA 94 6800310 GIZARTE SEGURTASUNA

94 6801000 BEILATOKIA

94 6103096 TAXI-GELTOKIA

94 6801694 ETXEKO TRATU TXAR EMAKUME BIKTIMA 900 840 111

AGENDA

· OEJ Ekintzak urriko asteburu guztietan · San Severino jaiak Urriak 18-20, urriak 23 eta urriak 25-27. · Kolitzako errekorra Urriak 19, 10:00etan, San Severino plazatik.

Emakume Idazlearen Eguna. IV. edizioa: emakumeak, maitasuna eta askatasuna Jarduerak urriak 18 eta 20, liburutegian. ·Zinema: “Día de lluvia en Nueva York” Urriak 25, 20:00etan.

Urriak 27 eta 28, 19:30ean, Klaret Antzokian. ·Gazte Eguna Urriak 26. · Youtubeskolak Urriak 26 eta 27, 09:30etik 18:30era.

Abian Zentroan, Zallan. · Halloween jaia Azaroak 2, Gaztetxokoan. ·Balmasedako Erreketa Azaroak 8, 12:00etan eta 18:30ean. ·Gurasolagunen magia Azaroak 8, 17:30ean, Kultur Etxean. · Garaiora igoera Azaroak 10, Mendi Taldea. ·Antzerkia: “Deje su mensaje después de la señal” Azaroak 16, 20:00etan, Klaret Antzokian. · Abereh taldearen kontzertua Azaroak 17, 19: 00etan, Horkasitas Jauregian. · Santa Zeziliako kontzertua Azaroak 24, 20:15ean, San Severino elizan. · Errubizko ezteien ospakizuna Azaroak 23, San Roque hotelean.

Udaltzaingoak aurkitutakoak Honako haue galdu badituzu, zatoz Udaltzaingoaren buegoetara eskatzeko: giltza desberdinak, gizonezko eskumuturreko erlojua eta intsulina banatzailea.

Aldaketak Aholkularitza Juridikoan Urritik aurrera, Emakumearen Etxeko doako Aholkularitza Juridikoko zerbitzua astelehen goizetan eta astearte arratsaldetan izango da, txandaka, beti bezala. Hauek dira hurrengo hitzorduak: · Urriak 21, 09:30etik 12:00etara. · Urriak 29, 16:30etik 19:30era.

LANA -Pertsona serio eta arduratsuak behar dira jendaurrean lan egiteko. Arratsaldetan eta asteburuetan. Soldata: 900 € + Gizarte Segurantza. 699 363 178.

-Cambridgeko Unibertsitateko tituludun batek ingeles-klaseak eskaintzen ditu. 635 717 039.

-Garbiketa-lanak egiten dituen neska; atariak, etxeak eta obra amaierak garbitzeko.

616508986.

-Mugikortasun murriztua duten pertsonak zaintzen espezializatuta dagoen pertsona bat, gaueko ordutegian behar duenarentzat. Ospitaleko edo etxeko arreta. 616508986.

ALOKAIRUA -Pisu bila Balmasedan, 400 eta 500 €, epe luzerako. 600090168.

SALMENTA -Pisua salgai Villasana de Menan (San Antonio plazan): 3 gela, bainugela eta komuna, sukaldea, egongela handia, bi balkoi (bat plazara begira), altzariz hornitua, horma-armairuak, kontsumo baxuko berogailua eta estufa tximiniarekin. Gas hargunea leihoraino.... 626834575 -Etxe adosatua saltzen da Villanueva de Mena herrian. 4 logela, sukaldea, 2 egongela, 2 komun, 2 autorentzako garajea, txokoa eta lorategia. Gasolio-berogailua. 200.000 euro. 679597404.

KZgunea Ikastaroak Urriaren ordutegia: 16:00etatik 20:00etara.

Azaroaren ordutegia: 9:00etatik 13:00etara.

-Canvas. Ikasi diseinatzen: urriaren 21a eta 22a, 18:00etatik 20:00etara.

-Sortu bideoak zure irudi gogokoenekin: urriaren 24a eta 25a, 18:00etatik 20:00etara.

-LibreOffice Writer. Sortu zure testu-dokumentuak: urriaren 28tik 31ra, 18:00etatik 20:00etara.

-Ikasi PCa, teklatua eta sagua maneiatzen hutsetik: azaroaren 4tik 6ra, 11:00etatik 13:00etara.

-Ikasi Google aplikazioen bidez kudeatzen: azaroaren 7tik 18ra, 11:00etatik 13:00etara.

-Atera argazkiak zure Smartphonearekin: azaroaren 14a eta 15a, 9:00etatik 11:00etara.

-LibreOffice Writer. Sortu zure testu-dokumentuak: urriaren 19tik 22ra, 11:00etatik 13:00etara.

-Planeatu zure bidaia: azaroaren 25etik 27ra, 11:00etatik 13:00etara.

-Eusko Jaurlaritza zure Smartphonean: azaroaren 28a eta 29a, 11:00etatik 13:00etara.

·Instalazioak ·Konponketak ·Aparatu sanitarioak ·Sukalde eta komunetako konponketak...

Telefonoa: 687 535 874

EUSKERA - 232.indd 11

BALMASEDA

14/10/19 13:56

12

BESTELAKOAK Jorge Gómez Balenziaga, XII Hemendik Sariak edizioan saritua Jorge Gómez Balenziaga izan da DEIA egunkariak Laboral Kutxarekin elkarlanean antolatzen dituen Hemendik sarietako irabazleetako bat, urriaren 9an ospatu zen XII. edizioan. Oso merezita irabazi du saria, ekintzailetza-espirituak Alboan Zerbitzu Turistikoak abian jartzera eraman baitzuen gure udalerrian duela hainbat urte.

Jorgek adierazi du ez dagoela aitzakiarik gure eskualdea ez ezagutarazteko, uste baitu Bizkaiko gainerako pertsonek uste

dutena baino gertuago dagoela. Egunero egiten du lan mentalitate hori aldatzeko.

Hemendik Sariak edizioan beste 14 pertsona eta elkarte saritu zituzten Enkarterriko aberastasuna ordezkatzeagatik: Etxedom, El Arka de Noé, Artzentales Kultur Elkartea, Entzutekoa elkartea, Rosa Martín, Mendi Ona koroa, Idoia Terreros, Gordexolako eta Karrantzako kirol-klubak, Xabier Murias, Zallako Bidegintza saskibaloi-kluba, Sopuertako San Viator, Pablo Olmos eta Unai Llantada.

Zorionak!!!

Jose Sampedroren argazkia

BALMASEDAKO ZERBITZUEI LOTUTAKO BERRIAK Olatz Inmobiliaria

Olatz Inmobiliaria enpresa San Severino plazako 14 zenbakira lekualdatu da, lokal handiagoa izateko betiko zerbitzu profesionala eskaini ahal izateko. Bazenekien enpresak mugikortasun jasangarriaren alde egin duela eta Balmasedan pisu bat erakutsi behar duenean bizikletaz joaten direla hara? Are gehiago, atearen ondoan dauden bizikletak eskuragarri daude behar dituztenentzat. Soilik bulegoan sartu eta zure NANa erakutsi behar duzu.

Olatz Inmobiliariak eskaintzen duen guztia jakiteko, informazio gehiago eska dezakezu info@olatzinmobiliaria.es helbide elektronikoan edo 659 651 201 eta 946 854 701 telefono-zenbakietan. Edo, bestela, www. olatzinmobiliaria.es webguneari begiratu bat bota diezaiokezu, eta bertan aurkituko dituzu eskaintzen dituen zerbitzu guztiak.

Orrialde honetan azaldu nahi baduzu zure denda edo ostalaritza-establezimendu berria, idatzi honako helbide honetara: nagore@balmaseda.eus

LANDER ONDOVILLA OTEGUI -ABOKATUA-

Foru plaza, 4-3.F 48800 BALMASEDA (Bizkaia)

EUSKERA - 232.indd 12

Telefonoa 626 09 28 92 Faxa 94 680 16 37

14/10/19 13:56