Cymdeithas Cymraeg Dyserth

Cymdeithas Cymraeg Dyserth

Pleser mawr oedd croesawu ein siaradwr gwadd, Eifion Griffiths, i’n cyfarfod mis Hydref. Bu pawb yn mwynhau clywed am natur trwy’r tymhorau gan Eifion a gyflwynodd y pwnc mewn ffordd gwybodus, difyr a hwyliog.

‘Brethyn Cartref’ oedd teitl ein cyfarfod mis Tachwedd, sef noson tipyn-o-bob-dim. Y syniad oedd i bawb ddod ag eitem gyda nhw oedd yn bwysig neu yn ffefryn iddyn nhw a sgwrsio am ychydig amdano. Wrth sbio ymlaen i mis Rhagfyr, mae pawb yn edrych ymlaen i ddathlu yn y Dafarn Newydd dros bryd blasus ar noson ein cyfarfod misol. Mwy o hanes am hynny yn y Dyserth Times nesaf!

Cofiwch fod croeso i aelodau newydd, yn siaradwyr Cymraeg rhugl neu yn ddysgwyr. Rydym yn grŵp croesawgar ac fe gewch banad a sgwrs. Beth am ymuno â ni yn y flwyddyn newydd? Dewch draw i Neuadd Paterson, y tu cefn i gapel Horeb ar stryd fawr Dyserth erbyn 7pm ar nos Lun yr 20fed o Ionawr.