Helô a chroeso i Rifyn yr Haf o Mewn Cysylltiad ... â Diabetes UK Cymru!
Ni allwn gredu ei bod yn ganol haf yn barod – er nad yw'n teimlo felly weithiau! Yn y rhifyn bywiog hwn, mae gennym ddigonedd o ddiweddariadau cyffrous i'w rhannu â chi.
Yn ystod Wythnos Atal, roeddem wedi canolbwyntio ar feithrin ymwybyddiaeth o'n hofferyn Adnabod
Eich Risgiau, sy'n helpu pobl i ddeall eu risg o ddatblygu diabetes math 2 Ynystod Wythnos
Gwirfoddolwyr, roeddem wedi tynnu sylw at ymdrechion anhygoel ein gwirfoddolwyr a'r gwaith trawiadol y maent yn ei wneud yn eu cymunedau lleol.
Roeddem hefyd wedi mynd i Ali Fest, sef digwyddiad codi arian gwych yng Ngogledd Cymru a lwyddodd i feithrin ymwybyddiaeth o ddiabetes math 1 trwy gerddoriaeth ac ysbryd cymunedol. Nododd Grŵp
Diabetes UK Caerdydd ei ben-blwydd yn 70 gyda dathliad arbennig, gan fyfyrio ar ddegawdau o ymroddiad a chefnogaeth
Roedd Wythnos Diabetes yn llawn digwyddiadau cofiadwy, yn cynnwys darlleniad arbennig o lyfr Dr Rose Stewart, How to Manage a Mammoth, ar raglen Bedtime Stories CBeebies. Bu i grŵp Diabetes UK Cwm-bach gymryd rhan yn hwyl Wythnos Diabetes hefyd, a hynny trwy ymuno â Bwrdd Iechyd
Prifysgol Cwm Taf Morgannwg i gynnal stondinau gwybodaeth a oedd yn darparu adnoddau a chymorth gwerthfawr
Felly, cydiwch mewn diod oer, chwiliwch am le cysgodol i eistedd, a mwynhewch yr holl newyddion a straeon diweddaraf yn rhifyn yr haf o Mewn Cysylltiad! Fel arfer, mae croeso i chi anfon neges e bost i Walespress@diabetes.org.uk gyda'ch syniadau am stori neu i roi adborth.
Ein Cyfeiriad
Diabetes UK Cymru
Global Reach
Dunleavy Drive
Cardiff
CF11 0SN
Llinell Gymorth Diabetes UK Ffoniwch ein llinell gymorth gyfrinachol i siarad â chynghorwyr helaeth eu hyfforddiant ar 0345 123 2399 rhwng 9am a 6pm yn ystod yr wythnos, neu anfonwch neges e-bost i helpline@diabete org uk
Dilynwch ni ar Instagram @DiabetesUKCymru
Cysylltwch â'n tîm y wasg Walespress@diabetes org uk
Dilynwch ni ar Twitter @DiabetesUKCymru
Dilynwch ni ar Facebook @DiabetesUKCymru
Cynnwys
04 Y Bwletin
Y newyddion a'r digwyddiadau diweddaraf yng Nghymru
06 Grymuso Newid
Straeon trawiadol a chodi arian
12 Straeon o'r Gymuned
Eich Cadw Mewn Cysylltiad â'n Cymuned
14 Deialog Diabetes
Llywio polisïau i sicrhau gwell gofal
ybwletin
Ynewyddiona'rdigwyddiadaudiweddarafyngNghymru
YrHerMiliwnoGamauyndechrau!
Wrth i'r haf gyrraedd, mae miloedd o bobl ar hyd a lled y DU yn cynyddu eu camu ar gyfer yr Her Miliwn o Gamau. Rhwng 1 Gorffennaf a 30 Medi, mae'r cyfranogwyr yn anelu at gerdded miliwn o gamau – tua 10,000 o gamau y dydd – i hybu eu hiechyd a chodi arian ar gyfer Diabetes UK.
Bydd yr arian a godir yn cefnogi ymchwil i driniaethau newydd ac ymgyrchoedd dros well gofal, ac yn darparu cymorth hanfodol i'r nifer o bobl ifanc sy'n jyglo diabetes bob dydd Nid yw'n rhy hwyr i ymuno! Ewch i wefan Diabetes UK i gofrestru Gallwch ymgymryd â'r her ar eich pen eich hun neu mewn tîm, a defnyddio ein hadnoddau rhad ac am ddim i dracio eich cynnydd a'ch cymell eich hun
Byddem wrth ein bodd yn cael gweld eich taith, felly rhannwch eich cynnydd ar y cyfryngau cymdeithasol gan ddefnyddio #OneMillionStepChallenge neu #HerMiliwnoGamau Os ydych yng Nghymru, tagiwch @DiabetesUKCymru!
Diagnosisauo ddiabetesmath2 ymhlithpobldan40 oedyngNghymru yncynyddu22%
Yn rhan o Wythnos Atal Math 2 (Mai 20-26), bu i ni gyhoeddi adroddiad newydd o'r enw Reverse the Trend – Reducing type 2 diabetes in young people Mae ein hadroddiad yn datgelu y bu cynnydd o bron 40% rhwng 2016-17 a 2022-23 yn nifer y bobl dan 40 oed yn y DU sy'n byw â diagnosis o ddiabetes math 2 Rydym yn amcangyfrif bod gan bron 168,000 o bobl dan 40 oed y cyflwr yn y DU erbyn hyn, sef cynnydd o dros 47,000 ers 2016-17, a dylai'r ffigurau fod yn agoriad llygad mawr i lunwyr polisïau
Yng Nghymru, mae nifer yr achosion o bobl dan 40 oed sy'n byw â diabetes math 2 wedi codi 22% i bron 7,000 yn yr un cyfnod
Mae hefyd yn glir erbyn hyn fod miloedd yn rhagor o oedolion ifanc yn debygol o fod yn byw â diabetes math 2 heb ei ddiagnosio, wedi i adroddiad diweddar gan y Swyddfa Ystadegau Gwladol amcangyfrif nad oedd 50% o'r rheiny rhwng 16 a 44 oed sydd â diabetes math 2 wedi cael diagnosis eto.
Yng Nghymru, rydym yn annog Llywodraeth Cymru i barhau i wella amgylcheddau bwyd trwy ei strategaeth Pwysau Iach: Cymru Iach, ac i fuddsoddi i sicrhau cynaliadwyedd hirdymor Rhaglen Atal Diabetes Cymru Gyfan, sy'n targedu'r rheiny sy'n wynebu'r risg fwyaf o ddatblygu diabetes, ac yn rhoi cymorth iddynt.
Rydym yn annog pobl i wirio eu risg o ddatblygu'r cyflwr trwy ddefnyddio ein hofferyn ar-lein rhad ac am ddim, Adnabod Eich Risgiau Nid yw'n cymryd mwy nag ychydig funudau i'w lenwi, ac mae'n rhoi cyngor i chi ar eich risg ac yn awgrymu'r camau nesaf i helpu i leihau eich risg I gael rhagor o wybodaeth am arwyddion a symptomau pob math o ddiabetes, ewch i diabetes.org.uk
CynhadleddBroffesiynolDiabetes UKgydaMath1Gyda'nGilydd!
Ym mis Ebrill, agorodd Cynhadledd Broffesiynol Diabetes UK ei drysau ar gyfer tridiau o wyddoniaeth ac arloesedd di-baid Roedd gan ein harweinydd ifanc, Gareth, sedd rhes flaen yn y digwyddiad Dyma beth oedd ganddo i'w ddweud am ei brofiad:
“Roedd cael fy ngwahodd i Gynhadledd Broffesiynol Diabetes UK yn gyfle enfawr i mi. Roedd cwrdd ag arweinwyr ifanc eraill o bob cwr o'r DU a chysylltu â Steve a Sally Morgan yn anhygoel. Yr hyn yr oeddwn wedi'i fwynhau fwyaf am y gynhadledd oedd y cymorth a'r anogaeth anferth yr oedd pob arweinydd ifanc yn eu cynnig, a pha mor dda y bu i bob un ohonom weithio gyda'n gilydd ”
Ewch i'n gwefan i weld uchafbwyntiau ymchwil Cynhadledd Broffesiynol Diabetes UK.
FfarwéliMichelle,einHarweinydd IeuenctidYsbrydoledig
Y mis hwn, bu i ni ffarwelio â'n Gweithiwr Ieuenctid gwych, Michelle, sydd wedi gadael Diabetes UK i ddechrau pennod newydd gyffrous yn ei gyrfa. Mae ymroddiad a chefnogaeth Michelle wedi bod yn anhygoel, a bydd pob un o'i chyd-weithwyr a'r arweinwyr ifanc a gafodd eu hysbrydoli ganddi yn gweld colled enfawr ar ei hôl
Yn sgil ymadawiad Michelle, rydym wedi bod wrthi'n recriwtio ar gyfer Gweithiwr Ieuenctid newydd Roeddem wrth ein bodd fod yr arweinwyr ifanc Divya, Catrin a Gareth wedi ymuno â ni ar y panel cyf-weld, gan ychwanegu eu mewnwelediad a'u safbwyntiau gwerthfawr at y broses. Arhoswch gyda ni i gael rhagor o ddiweddariadau!
Mae'r Pwyllgor Iechyd a Gofal Cymdeithasol yn cynnal ymchwiliad i'r broses o atal afiechyd – gordewdra.
Mae'r ymchwiliad yn cwmpasu:
Bylchau/meysydd i'w gwella yn y polisi presennol a'r fframwaith rheoliadol cyfredol (gan gynnwys mewn perthynas â bwyd/maeth a gweithgarwch corfforol);
Effaith penderfynyddion cymdeithasol a masnachol ar ordewdra;
Ymyraethau yn ystod beichiogrwydd a phlentyndod cynnar i hybu maethiad da ac atal gordewdra;
Y stigma a'r gwahaniaethu a wynebir gan bobl sydd dros bwysau/sy'n ordew;
Gallu pobl i gyrchu gwasanaethau cymorth a thriniaeth priodol ar gyfer gordewdra;
Y berthynas rhwng gordewdra ac iechyd meddwl;
Enghreifftiau rhyngwladol o lwyddiant (gan gynnwys y posibilrwydd o’u cymhwyso i gyddestun Cymru)
Mae Cynghrair Gordewdra Cymru wedi anfon ymateb ar y cyd
Grymuso Newid Straeon trawiadol a chodi arian
Dathlu llwyddiant ar ein Taith Cerdded Llesol gyntaf yng Nghaerdydd!
Ddydd Sadwrn 16 Mehefin, pleser o'r mwyaf oedd cynnal y Daith Cerdded Llesol gyntaf yng Nghaerdydd! Roedd y diwrnod yn llwyddiant ysgubol gan iddo ddenu 523 o gerddwyr brwdfrydig a chodi dros £30,000 ar gyfer Diabetes UK. Cawsom ein bendithio gan awyr las a heulwen, ac roedd y digwyddiad yn ddiwrnod perffaith ar gyfer taith 8 milltir o hyd o amgylch ein dinas hyfryd.
Bu i'r cerddwyr fwynhau diwylliant cyfoethog, hanes, a thirnodau anhygoel Caerdydd wrth fynd o amgylch y brifddinas. Roedd y daith yn cychwyn ac yn gorffen yng Nghaeau Pontcanna, a chafodd y cyfranogwyr weld golygfeydd megis yr Eglwys Norwyaidd, Canolfan Mileniwm Cymru, Stadiwm y Principality, a Thaith Taf Roedd pob tirnod yn ychwanegu blas unigryw at y daith, gan ei gwneud yn brofiad cofiadwy i bawb
Un o uchafbwyntiau arbennig y dydd oedd yr orsaf hanner ffordd, lle cafodd y cerddwyr eu cyfarch gan gerddoriaeth ddyrchafol y band jazz cymunedol, The Gentle Rain, dan arweiniad un o wirfoddolwyr Diabetes UK, Rob Lee. Darparodd y band hwb o egni a llawenydd yr oedd mawr ei angen, gan gadw pawb mewn hwyliau da ac ychwanegu ychydig o hud a lledrith at y digwyddiad.
Rydym hefyd yn hynod o ddiolchgar i'r gwirfoddolwyr niferus a neilltuodd eu hamser a'u hymdrech i sicrhau bod y digwyddiad hwn yn llwyddo.
O ddosbarthu medalau i gymeradwyo'r cyfranogwyr ar hyd y daith, roedd eu cefnogaeth yn amhrisiadwy Roedd eu brwdfrydedd a'u hanogaeth yn hanfodol i greu awyrgylch cynnes a chroesawgar ar gyfer yr holl gerddwyr
Felly, i'r holl gyfranogwyr, cefnogwyr, a gwirfoddolwyr a gyfrannodd at y diwrnod campus hwn, diolch i chi am wneud Taith Cerdded Llesol Caerdydd yn ddigwyddiad bythgofiadwy. Mae eich haelioni a'ch ysbryd cymunedol wedi cael effaith sylweddol, ac edrychwn ymlaen at sawl digwyddiad llwyddiannus yn y dyfodol.
Os oes arnoch awydd ymuno â'r hwyl a cherdded i sicrhau dyfodol hapusach, iachach, bydd tair Taith Cerdded Llesol arall yn cael eu cynnal ledled y DU yr haf hwn Ewch i'n gwefan i gael rhagor o wybodaeth
Ddydd Sadwrn 6 Gorffennaf, roedd seiniau bywiog Ali Fest yn llenwi'r aer yng Ngogledd Cymru, gan ddwyn y gymuned ynghyd i ddathlu bywyd Alastair Thomas, cerddor talentog a fu farw'n drasig o Getoasidosis Diabetig (DKA). Cynlluniwyd y digwyddiad gan ei fam, Dee, a'i ffrindiau a'i deulu agosaf, a hynny er cof amdano ac i feithrin ymwybyddiaeth o ddiabetes math 1 a DKA
Roedd y digwyddiad yn cynnwys cerddoriaeth gan
Ysgol Gitâr y Fflint, Monkey Wrench, Muddy Elephant, Royle Branch a llawer mwy! Roedd yr awyrgylch yn drydanol ac yn llawn cariad, atgofion, ac ymrwymiad a rennir i feithrin ymwybyddiaeth o ddiabetes math 1. Siaradodd mam Ali, Dee, mewn modd ysbrydoledig am fywyd ei mab a phwysigrwydd deall a rheoli diabetes, yn y gobaith y gellir atal teuluoedd eraill rh fi ll d mor ddofn
alifest
Anrhydeddu Cerddor Talentog a Meithrin
Ymwybyddiaeth o Ddiabetes Math 1
Diolch o galon i deulu a ffrindiau Ali am eu cryfder a'u hymroddiad anhygoel yn trefnu Ali Fest Mae eu hymdrechion wedi tynnu sylw y mae mawr ei angen at ddiabetes math 1 ac wedi anrhydeddu Ali yn y ffordd orau posibl. I'r holl gerddorion a berfformiodd a'r holl bobl a ddaeth i gefnogi'r digwyddiad, diolch i chi am wneud Ali Fest yn llwyddiant rhyfeddol.
Mae ysbryd Ali a'i frwdfrydedd dros gerddoriaeth yn parhau'n fyw trwy'r artistiaid a ysbrydolwyd ganddo a'r ymwybyddiaeth a gafodd ei meithrin yn Ali Fest
Darllenwch ragor am stori Ali ar ein gwefan.
Jonathana'iffrindiauyn GorchfyguTriChopaCymru
Ym mis Mehefin, aeth Jonathan o'r Barri, ynghyd â'i ffrindiau Rhys a Sam, i'r afael â her Tri Chopa Cymru, gan godi dros £1,000 ar gyfer Diabetes UK
Ymgymerodd Jonathan â'r her hon i godi arian ar gyfer achos sy'n agos at ei galon gan fod ei frawd Josh wedi byw â diabetes math 1 ers dros 10 mlynedd. Roedd hefyd am ledaenu ymwybyddiaeth o arwyddion diabetes math 1 i helpu eraill i adnabod y symptomau'n gynnar.
MeddaiJonathan,“Rwyfwedigweldynuniongyrcholyreffeithiauymaediabetesmath1wedieucaelarfy mrawdhŷnynystody10mlyneddddiwethaf,effeithiausyddwedinewideifywyd.Bubroniddogael diagnosisanghywirargyfereiddiabetes,aallaifodwediarwainato'nmarwcynamser.”
Ysbrydolwyd Jonathan a'i ffrindiau gan yr ymgyrch Ailysgrifennu Stori Peter a arweinir gan Beth Baldwin, a gollodd ei mab Peter i ddiabetes math 1 heb ei ddiagnosio, a bu iddynt ymgymryd â'r her er cof am Peter hefyd.
Esboniodd Jonathan, “Gyda chefnogaeth Beth, roeddem am gyflawni'r her hon er cof am Peter Baldwin hefyd Rydym am wneud yn siŵr bod plant a rhieni'n fwy ymwybodol o symptomau diabetes math 1, yn y gobaith y caiff ei ganfod yn gynt a'i drin yn gyflymach.”
Llwyddodd Jonathan a'i ffrindiau i gwblhau tri chopa Cymru mewn dim ond 18 awr, gan eu gwthio eu hunain i'r eithaf a threchu nifer o heriau ar y ffordd
gyda Grŵp Diabetes UK Caerdydd
'Nôl ym mis Mai, dathlodd grŵp Diabetes UK Caerdydd ei ben-blwydd yn 70 oed, gan nodi saith degawd o ddarparu cadernid, arweiniad, a chymuned i'r rheiny sy'n byw â diabetes Nodwyd yr achlysur yng Nghlwb Golff Caerdydd, a hynny yng nghwmni Prif Weithredwr Diabetes UK, Colette Marshall, Arglwydd Faer Caerdydd, Bablin Molik, a'r Athro Susan Wong Trwy gydol y noswaith buom yn edrych yn ôl dros gyflawniadau anhygoel y grŵp ar hyd y blynyddoedd, ac yn gwrando ar straeon ysbrydoledig
Yn bresennol yn y dathliadau yr oedd menyw eithriadol dros ben o'r enw Ann, a oedd hefyd yn bresennol yng nghyfarfod cyntaf y grŵp ’nôl yn 1954. Cyflwynwyd gwobr arbennig iddi i anrhydeddu ei hymroddiad a'i hymrwymiad i'r grŵp ac i'r gymuned leol.
Roedd yn hyfryd cael cefnogaeth Ymchwilydd Her Fawr Math 1, James Pearson, grŵp Diabetes UK Cwm-bach, Cyfarwyddwr Cenedlaethol Diabetes UK Cymru, Rachel Burr, a llawer mwy o wynebau cyfarwydd! P'un a ydych wedi bod yn rhan o'r grŵp ers blynyddoedd neu newydd ymuno, rydych yn rhan o hanes o gymorth a chyfeillgarwch.
Ar hyd y blynyddoedd, mae'r grŵp wedi codi dros £100,000! Mae hyn wedi ein galluogi i barhau â'n gwaith ym maes ymchwil, addysg, ymwybyddiaeth a chymorth ar gyfer diabetes.
Diolch o galon i chi a llongyfarchiadau i holl aelodau grŵp Diabetes UK Caerdydd am eu gwaith caled a'u hymroddiad anhygoel. Da iawn a diolch yn fawr!
Dathlu Wythnos Diabetes
Uchafbwyntiau a Gweithgareddau
Bob blwyddyn yn ystod ail wythnos mis Mehefin, rydym yn dathlu Wythnos Diabetes. Dyma ein cyfle i wneud sŵn, meithrin ymwybyddiaeth a chodi llais ynghylch y pethau sy'n bwysig i bobl â diabetes, gan daflu goleuni ar sut beth yw byw â diabetes trwy'r dydd, bob dydd. Yr Wythnos Diabetes hon, roedd gennym nifer o weithgareddau cyffrous wedi'u trefnu. Dyma grynodeb o rai o eiliadau mwyaf cofiadwy yr wythnos:
Yr actor James Norton yn darllen How to Manage a Mammoth gan Hyrwyddwr Clinigol Diabetes UK, Dr Rose Stewart, ar raglen
Bedtime Stories
CBeebies!
Un o uchafbwyntiau Wythnos Diabetes oedd pan fu i'r actor James Norton ddarllen llyfr plant o Gymru am reoli diabetes ar raglen Bedtime Stories CBeebies Ysgrifennwyd y llyfr How to Manage a Mammoth yn 2021 gan Dr Rose Stewart, sy'n Seicolegydd Clinigol, ac yn Hyrwyddwr Clinigol i Diabetes UK Nod y llyfr yw helpu plant â diabetes math 1 a'u teuluoedd i ddeall a rheoli eu cyflwr.
I ddathlu, aethom ati i gynnal parti gwylio arbennig yn swyddfa Diabetes UK Cymru yng Nghaerdydd ddydd Gwener 14 Mehefin, yng nghwmni Dr Rose Stewart, staff y GIG, a phlant sy'n byw â diabetes math 1. Daeth pawb yn eu hoff byjamas i wylio James yn dod â llyfr Rose yn fyw! Wedi i'r rhaglen gael ei darlledu, ymunodd Dr Rose Stewart â James Norton ar Instagram i gynnal sgwrs fyw am y modd y dechreuodd hyn oll!
Grŵp Diabetes UK Cwm-bach a Bwrdd Iechyd Prifysgol Cwm Taf
Morgannwg yn dod ynghyd ar gyfer
Wythnos Diabetes
Chwaraeodd grŵp Diabetes UK Cwm-bach rôl hanfodol yn ystod Wythnos Diabetes trwy gynnal stondinau gwybodaeth yn Ysbyty Tywysoges Cymru, Ysbyty Brenhinol Morgannwg, Parc Iechyd Kier Hardie, ac Ysbyty Cwm Cynon
Roedd y stondinau hyn yn darparu gwybodaeth a chymorth gwerthfawr i'r rheiny sy'n byw â diabetes, a hefyd i'w teuluoedd a'u gofalwyr. Cafodd y rhai a oedd yn bresennol y cyfle i siarad â gweithwyr gofal iechyd proffesiynol, a chyngor ar reoli eu cyflwr, a chawsant gysylltu ag eraill yn y gymuned ddiabetes
Diolch yn fawr iawn i'n gwirfoddolwyr gwych o Grŵp Diabetes UK Cwm-bach, a neilltuodd eu hamser a'u hegni i wneud Wythnos Diabetes 2024 yn llwyddiant. Rydym yn gwerthfawrogi'n fawr ymdrechion Allan, Gary, Martin, Sheila, Wendy, Ann, Jim, ac Andrea, a oedd yn Ysbyty Cwm Cynon trwy'r wythnos yn darparu cymorth a gwybodaeth. Mae eich ymrwymiad a'ch gwaith caled wedi cael effaith sylweddol ar ein cymuned, ac ni allem fod wedi llwyddo heboch!
Dywedodd Wendy, ca yn BIPCTM yn llwyddiant ysgubol; roeddem mor falch bod gennym stondinau gwybodaeth ledled y pedwar safle Hoffem ddiolch i Sarah Powell, Rhiannon Miskin a'r myfyrwyr Deieteg Jo Lloyd Jones, Julie Haycox o'r adran Bediatrig a Liz Burnell o'r Gwasanaethau Oedolion, a ddarparodd gyngor a chymorth trwy gydol yr wythnos. Hoffem hefyd ddiolch i Sean Newton o Diabetes UK a ddarparodd y llyfrynnau gwybodaeth ac a gefnogodd y fenter. Ac yn olaf, diolch i Elusen Iechyd Meddwl New Horizons a ddarparodd wybodaeth yn ardal Cynon. Mae hon yn enghraifft wych o gydweithio â'r Tîm Gofal Iechyd Seiliedig ar Werth, staff diabetes, a gwirfoddolwyr Diabetes UK Edrychwn ymlaen at gydweithio ar gyfer Diwrnod Diabetes y Byd ”
Mae eich Archwiliadau Diabetes yn Bwysig!
Eleni roeddem hefyd am feithrin ymwybyddiaeth o'r archwiliadau rheolaidd sy'n ofynnol os ydych yn byw â diabetes Mae llawer o bobl yn ansicr ynghylch pa archwiliadau y dylent eu cael, neu'n teimlo nad oes arnynt eu hangen Fodd bynnag, mae'r archwiliadau iechyd diabetes rheolaidd hyn yn hanfodol i'ch cadw'n iach a sicrhau eich bod yn parhau i fyw bywyd llawn.
Mae'r archwiliadau hyn yn cynnwys profion i wirio eich lefelau siwgr gwaed cyfartalog a gweithrediad eich calon a'ch arennau, yn ogystal ag archwiliadau o'ch llygaid a'ch traed Bydd y canlyniadau'n dweud rhagor wrthych chi a'ch tîm gofal iechyd am eich diabetes, y modd y mae'n effeithio ar eich corff, a sut i'w reoli. Gallant helpu i nodi arwyddion o unrhyw newidiadau yn gynnar, fel y gallwch gael yr help a'r cymorth angenrheidiol.
I gyrraedd cynifer o bobl â phosibl, bu i ni ddosbarthu taflenni What Care to Expect i dros 700 o fferyllfeydd ar hyd a lled Cymru Mae'r taflenni hyn yn darparu gwybodaeth hanfodol am naw proses ofal ac yn esbonio eu pwysigrwydd wrth reoli diabetes yn effeithiol.
Gallwch ein helpu i feithrin ymwybyddiaeth o'r archwiliadau hyn a pham y maent mor bwysig trwy archebu neu lawrlwytho ein posteri archwiliadau iechyd a'u harddangos yn eich cymuned leol
Straeon o'r Gymuned
Eich Cadw Mewn Cysylltiad â'n Cymuned
DathluWythnosGwirfoddolwyr:TafluGoleuni areinGwirfoddolwyranhygoel
Yn ystod Wythnos Gwirfoddolwyr, cawsom y fraint o daflu goleuni ar yr unigolion anhygoel sy'n rhoi eu hamser a'u sgiliau yn hael i Diabetes UK Mae eu brwdfrydedd a'u hymrwymiad wedi bod yn gonglfaen i’n hymdrechion i wella bywydau'r rheiny y mae diabetes yn effeithio arnynt Trwy gydol yr wythnos, cawsom sgyrsiau ystyrlon â nifer o'n gwirfoddolwyr er mwyn deall beth a'u hysbrydolodd i gefnogi Diabetes UK Roedd eu straeon nid yn unig yn amrywiol ond hefyd yn ysbrydoledig iawn, gan adlewyrchu ymrwymiad a rennir i gael effaith gadarnhaol ar fywydau pobl eraill
Dewchigwrddâzara
Dechreuodd Zara wirfoddoli gyda ni 'nôl ym mis Medi 2023, a hynny yn rôl Hyrwyddwr Byw'n Dda; mae'n disgrifio'r rôl fel ‘tipyn o hwyl’. Mae rôl yr Hyrwyddwr Byw'n Dda yn golygu meithrin ymwybyddiaeth o ddiabetes a chyfeirio pobl at gymorth yn eu cymuned leol.
Gofynasom i Zoe beth oedd wedi ei hysbrydoli i wirfoddoli gyda Diabetes UK: “Rwy'n astudio Iechyd y Cyhoedd ac yn edrych yn benodol ar Ddiabetes. Mae gennyf hefyd lawer o ffrindiau a theulu o'm cwmpas sydd â diabetes math 2, felly mae bob amser wedi bod o ddiddordeb mawr i mi. Po fwyaf yr wyf wedi'i astudio, mwyaf yr wyf wedi sylweddoli bod angen dull amlweddog i helpu pobl â diabetes math 1, ac rwyf am fod yn rhan o hyn ”
“Rwyf wedi bod yn gwirfoddoli gyda Diabetes UK ers tua 20 mlynedd Dechreuais yn rôl gwirfoddolwr cyffredinol, gan helpu mewn digwyddiadau a chynnal cyfarfodydd Ar ôl ychydig flynyddoedd, penderfynais ymuno â'r pwyllgor a dod yn Gadeirydd Grŵp Sir y Fflint Tra oeddwn yn y rôl hon, cefais gefnogaeth wych gan Diabetes UK Cymru ”
Pan ofynnwyd iddo beth a'i hysbrydolodd i wirfoddoli, dywedodd Terry:
“Roeddwn yn gwybod sut deimlad oedd cael diagnosis am y tro cyntaf. Beth allaf i ei wneud? Beth y mae hyn yn ei olygu? Darparodd Diabetes UK, yn arbennig tîm Cymru a grŵp Sir y Fflint, yr atebion a'r help yr oedd arnaf eu hangen, felly roeddwn am wneud yr un fath i eraill!”
DewchigwrddâNicolaacanne
Y ddeuawd ddynamig y tu ôl i Grŵp Llesiant Castell-nedd! Mae Nicola ac Anne yn hanu o ardal Castell-nedd a Phort Talbot, ac mae'r ddwy wedi byw â diabetes am gyfanswm o dros 47 o flynyddoedd Cysylltodd Nicola â Diabetes UK gyntaf yn 2021, a hynny am nad oedd yna lawer o gymorth yn ei chymuned leol ar gyfer pobl sy'n byw â diabetes math 1 Tua'r adeg hon, cysylltodd Anne â Diabetes UK hefyd.
Dywedodd Anne, “Roeddwn am wirfoddoli am fy mod wedi ymddeol ers dwy flynedd. 'Nôl yn 2023, cefais sgwrs ag un o'r rheolwyr gwirfoddolwyr, a'm cyflwynodd i Nicola, a dyna lle y dechreuodd popeth. Rwyf bob amser wedi gweithio yn y gymuned i helpu a chefnogi pobl, ac roeddwn am barhau i wneud hynny.”
Ers iddynt ddod ynghyd, maent wedi creu grŵp ar gyfer pobl sy'n ceisio gwella eu hiechyd a'u llesiant Dywedodd Anne, “Rydym wedi annerch Canolfannau Gwaith, Canolfannau Hamdden, a grwpiau cerdded lleol, ac mae pob un wedi bod yn fodlon iawn ar yr wybodaeth yr ydym wedi'i rhoi iddynt ”
I'n holl wirfoddolwyr, diolch o galon i chi. Mae eich ymroddiad wedi ein
grymuso i barhau â'n gwaith hanfodol, o ariannu ymchwil arloesol i eiriol dros well polisïau gofal iechyd. Chi yw asgwrn cefn ein sefydliad, ac mae eich cyfraniadau'n amhrisiadwy.
P'un a ydych yn gwirfoddoli, yn ein cefnogi'n ariannol, neu'n helpu i ledaenu'r neges am ein hachos, mae eich cyfraniad yn cael effaith ystyrlon.
Gyda'n gilydd, rydym yn creu byd lle na fydd diabetes yn gallu gwneud unrhyw niwed.
Deialog Diabetes
Llywio polisïau i sicrhau gwell gofal
DiabetesUKCymruyngalwamgamaubrysi gefnogiplantyngNghymruâdiabetesmath1
Mae dau adroddiad a gyhoeddwyd gan Bwyllgor Plant, Pobl Ifanc ac Addysg y Senedd yn cefnogi'r hyn y mae Diabetes UK Cymru wedi bod yn ei ddweud ers sawl blwyddyn – nad yw plant yng Nghymru yn cael y gofal y mae arnynt ei angen i gymryd rhan lawn mewn addysg.
Canfu'r Pwyllgor fod nifer sylweddol o hawliau plant i addysg yn cael eu tramgwyddo. Mae Diabetes UK Cymru yn clywed adroddiadau rheolaidd gan rieni sy'n gorfod brwydro i sicrhau'r gofal y mae ar eu plant ei angen yn ysgolion Cymru. Mae nifer ohonynt yn teimlo nad yw eu plentyn yn cael gofal digonol, ac maent yn aml yn gadael gwaith am dâl i reoli cyflwr eu plentyn, yn newid ysgol, neu'n ymgymryd ag addysg gartref
Cafodd Toby Beasley, sy'n saith oed ac yn dod o Dredelerch yng Nghaerdydd, ddiagnosis o ddiabetes math 1 pan oedd yn 18 mis Mae ei fam, Zoe, wedi bod yn brwydro dros gael gofal ar ei gyfer ers iddo ddechrau yn yr ysgol Bu'n rhaid iddi symud Toby o ysgol yng Nghasnewydd i un yng Nghaerdydd, rhoi addysg gartref iddo am gyfnod, a 'nawr mae unwaith eto'n wynebu colli'r cymorth y mae ar Toby ei angen oherwydd diffyg cyllid. Dechreuodd Zoe ddeiseb ynglŷn â'r mater yn 2023, deiseb a ddenodd 350 o lofnodion, a chyfrannodd dystiolaeth i ymholiad diweddar y Pwyllgor.
Dywedodd Zoe: “Rwy'n eithriadol o ddiolchgar i'r Pwyllgor am fynegi'r pryderon sydd gennyf ers amser maith ynghylch lefelau gwael y ddarpariaeth a'r cymorth sydd ar gael i Toby yn system addysg Cymru Bu'n rhaid i ni symud fy mab Toby o'i ysgol gynradd gyntaf, brwydro yn erbyn ail ysgol, ac rydym 'nawr yn ystyried addysgu gartref fel ateb hirdymor o ganlyniad i'r methiant i ddiwallu ei anghenion
“Mae'r methiant hwn nid yn unig wedi effeithio ar ddysgu Toby, ond arnom ni fel teulu gan fy mod wedi gorfod rhoi'r gorau i weithio i wneud yn siŵr fy mod ar gael pan fydd ar Toby fy angen. Mae'n effeithio ar ei allu i ddysgu, chwarae a datblygu yn yr ysgol, ac yn golygu bod sefydlu trefn yn her ddyddiol. Nid fy stori i yn unig yw hon, ond stori nifer o deuluoedd yn yr un sefyllfa sy'n brwydro yn erbyn y diffyg cymorth a chyllid.”
Dywedodd Rachel Burr, Cyfarwyddwr Diabetes UK Cymru: “Rydym ni yn yr elusen yn bryderus iawn am y profiadau a amlinellir yn yr adroddiadau hyn Maent yn tanlinellu'r angen brys am ddiwygio i sicrhau na wrthodir yr hawl i gael addysg lawn a chynhwysol i unrhyw blentyn.
“Ni ddylai unrhyw blentyn deimlo nad yw'n cael ei gefnogi neu wynebu heriau addysgol ychwanegol o ganlyniad i gyflwr y mae'n byw ag ef. Rhaid i Lywodraeth Cymru wrando ar y galwadau clir am ddiwygio a chymryd camau ar fyrder i fynd i'r afael â'r bylchau difrifol hyn Mae Diabetes UK Cymru yn barod i gydweithio â Llywodraeth Cymru i sicrhau bod plant sy'n byw â Diabetes yn cael y gofal a'r cymorth sy'n ofynnol iddynt ffynnu yn yr ystafell ddosbarth ”
Darllenwch adroddiadau Pwyllgor Plant, Pobl Ifanc ac Addysg y Senedd.
