courant
BEKROON: Weskus se 1ste keuse
swartland en weskus
Gratis • Free hugenotestraat 24, malmesbury
Swartland
dié
1
18 Februarie 2015
Uitgawe 308
tel: 022 487 3221
Weskus se GEWILDSTE en GROOTSTE Streekblad - Ons BOU saam met GOEIE NUUS
Ekspo: Die tweede Kyknet Buite-
ekspo is die naweek op die Môresonplaas buite Malmesbury gehou en het meer voete as verlede jaar getrek. Daar is gekook, gedans en gekuier dat die biesies bewe. Planne vir 2016 se ekspo is reeds besig om te broei en beloof om nog meer te bied vir ekspogangers. Bekendes soos Nadia Beukes, Neels van Jaarsveld, Manie Jackson en David Fourie het saam gekuier.
• hersonering van 1ste fases goedgekeur
Ja vir sentrumplanne
Die burgemeesterskomitee van die Swartland Munisipaliteit het verlede week goedkeuring verleen vir die hersonering van die grond wat nodig is vir fases 1 en 2 van die beoogde streekwinkelsentrum by die noordelike (Moorreesburg) ingang van Malmesbury. Daar word reeds vir bykans 10 jaar berig oor die koms van dié sentrum. Die aansoek is namens die ontwikkelaar, Kingsgate Holdings PTY Ltd (Gerry Rehrl), ingedien en behels gekonsolideerde gedeeltes van die restant plaas Tweefontein (9,67ha), asook erf 2654 (10,3 ha), erf 9215 (1,2ha) en ‘n gedeelte van erf 327 (2,5ha). Die aanvanklike aansoek is reeds in 2008 ingedien en in Mei 2013 het die Departement van Omgewingsake, ná 'n appèlproses, omgewingsgoedkeuring vir die ontwikkeling uitgereik. Die eiendom huisves op die oomblik onder
meer wingerde, die Malmesbury skouterrein, die Christelike Privaatskool, ‘n reservoir en ‘n elektriese substasie. Die persele word hersoneer van landbousone, oopruimtesone 2, gemeenskapsone 1, vervoersone 2 en owerheidsone 1 na die volgende grondgebruike: paaie, algemene oop ruimtes en algemene sakesone. Laasgenoemde sluit in: sakeperseel, woonstelle, kantore, kantoorpark, restaurant, diensbedryf en openbare parkering. ‘n Verdere aansoek was dat die eiendomme in twaalf gedeeltes onderverdeel word wat wissel van 10,23ha tot 9,67ha. Dit is ook goedgekeur, op sekere voorwaardes. Hieronder is dat die munisipaliteit die betrokke gedeelte van erf 327 teen markwaarde aan die eienaar/ontwikkelaar sal verkoop nadat die
ontwikkelaar bewys van eienaarskap voorlê van die ander eiendomme ter sprake; Die ontwikkeling word vir 5 fases beplan: Fase 1 (10,84ha) – Streekwinkelsentrum (32 400m²), parkering (1232) en oopruimte; Fase 2 (3,55ha) – Uitbreiding van die sentrum op markaanvraag (18 000m²) en parkering (800); Fase 3 (2,24ha) – Leefstylsentrum (7640 m²) en parkering (303); Fases 4 (5,65ha) en 5 (1,05ha) – Gemengde kommersiële-, kantoor- en woonstel-gebruike en parkering na gelang van markaanvraag. Burgemeester Tijmen van Essen het gesê daar is die vraag gevra of twee groot winkelsentrums op Malmesbury haalbaar is. “Markkragte bepaal behoefte. "Die raad wil nie in die pad van ontwikkeling staan nie, daarom het ons die hersonering nou goedgekeur."
NUUS • NEWS
18 Februarie 2015