courant
• Bergrivier 1Swartland Weskus • Bergrivier
dié
2 Mei 2018
• Free • Gratis
Wes-Kaap se #1
Bou saam met goeie nuus
Uitgawe 467
2 Mei 2018
•DAG ZERO VIR EERS SUKSESVOL UITGESTEL
Water vloei na Misverstand
Links: Die Wes-Kaap se LUR (provinsiale minister) vir plaaslike regering en omgewingsake, Swartlander Anton Bredell (middel) en die regs die burgemeesters van Swartland en Weskus, Tijmen van Essen en Harold Cleophas, saam met 'n deel van die wetstoepassingspan wat die water "begelei" tussen die die Bergrivier- en Misverstanddam. Misverstanddam – Die water wat ná onderhandelinge onlangs uit die Bergrivierdam gelaat is om te verhoed dat die Misverstanddam as waterbron vir die Weskus leegloop, het reeds die dam bereik. Ná vrese dat die water in dié dam volgens berekeninge teen verlede week sou opdroog, is daar ernstig onderhandel met die nasionale departement om tot die Weskus se redding te kom. Volgens die Swartland se burgemeester, Tijmen van Essen, het hulle daarteen gewaak om paniek te saai, maar daar moes agter die skerms gewerk word om die departement te oortuig. Die Wes-Kaap se LUR (provinsiale minister) vir plaaslike regering, omgewingsake en ontwikkelingsbeplanning, Anton Bredell, het al die partye wat saamgewerk het in die projek geloof vir hul bydrae. Dit sluit die nasionale departement, die blou skerpioene, die groen skerpioene, die munisi-
paliteit van Stellenbosch, Wynland Distrik, Drakenstein, Swartland, Bergrivier, Saldanhabaai en die Weskus Distrik in. Hy het tydens sy besoek aan die dam hier gesê die projek wys dat as “ons almal ons nonsens los, sal daar sukses wees. Dit is die gees van Suid-Afrika”. Bredell het gesê dit is belangrik om die omgewing te bewaar vir die toekoms. Hy het ook gesê dit is die laaste water wat die departement van waterwese beskikbaar sou stel. “Ons is nog nie uit die moeilikheid uit nie en moet bly spaar. Ons het omtrent drie jaar se goeie reën nodig, om uit die moeilikheid te kom,” het hy bygevoeg. Meer as vyf miljoen kubieke meter is uit die Bergrivierdam by Franschhoek in die Bergrivier gelaat en die verwagting was dat minstens 2 miljoen daarvan die Misverstanddam sou bereik. Die dam voorsien water aan dorpe in die
Saldanhabaai, Swartland en Bergrivier munisipaliteite. Volgens die munisipale bestuurder van die Weskus Distriksmunisipaliteit, David Joubert, was die beplanning dat die twee miljoen kiloliter die streek van water sal verseker tot einde Julie en dat genoegsame winterreëns dan verder in die behoefte sal voorsien. Die water het teen sowat 'n een kilometer per uur gevloei en die span wat die water as't ware 24 uur per dag begelei het vanaf die Bergrivierdam, het verskeie hulpmiddele ingespan. Daaronder was hommeltuie en kajakke om versperrings te identifiseer en moontlike waterdiefstal te verhoed. Munisipale wetstoepassers is ook ingespan om net die projek te help. Die Misverstanddam is in 1977 voltooi en het 'n kapasiteit van 7,737 miljoen kiloliter. - (Johan Viljoen)
NUUS • NEWS
2
2 Mei 2018
NUUS • NEWS
Ysterperd haal eerste plek Weskus spog met blink met fotokompetisie nuwe brandweerwa
VREDENBURG – Die Weskus-fotografievereniging se lede moes in April foto’s neem in die tema, Vul die raam, en die inskrywings is beoordeel deur bekende fotograaf Le Roux Malan van die Paarl. Petro Pieters, ‘n driester-fotograaf wat al 9 jaar aan die vereniging behoort, se foto, Live to ride, het ‘n merietesertifikaat gekry met 27 uit 30 punte. Malan het gesê Pieters se foto is pragtig, heeltemaal skerp en uitstekend uitgevoer. Hy sê dat dit veral suksesvol is, gesien in die lig daarvan dat dit tegnies ‘n moeilike foto is om te neem, omdat die hoë glans en polering van die onderwerp gewoonlik alles in die omgewing weerkaats, insluitend die fotograaf. “Tog het die
fotograaf dit reggekry om haarself uit die weerkaatsing te hou. Daar is wel 'n klein weerkaatsing van blou lug en groen omgewing bo aan die regterkant van die foto, maar in hierdie geval dra dit by tot die sukses van die foto”. Vir Malan dra die motorfiets se verkoelingsvinne wat sigbaar is verder by dat die kyker kan sien dat dit 'n foto van 'n motofiets is en nie bloot 'n foto van 'n kenteken nie. As jy jou foto’s wil laat opweeg, word ‘n lid van die Weskus-fotografievereniging. Die volgende byeenkoms is Dinsdag 29 Mei om 18:30 in die Ou Stalle agter die NG Kerk Vredenburg-moedergemeente. Bel Anna-Marie Muller by 084 577 7752 of stuur ‘n epos na admin@ weskusfotoklub.co.za.
Wees altyd aan die voorpunt van die goeie nuus met ons sosiale media. Volg ons Facebook-blad by @diecourant. Kontak ons by 022 487 3221 of stuur 'n epos na izelle@diecourant.co.za. Besoek ook ons webwerf by www.diecourant.co.za.
Bo: By die nuwe brandweerwa is E. Markus; Markus Lutz; David Joubert, munisipale bestuurder, raadsheer Harold Cleophas, uitvoerende burgemeester, Bertus Senekal, brandweerhoof, raadslid Valerie Mcquire, portfoliohoof, Wilhelm Markus, direkteur, S. Bikitsha. Foto: Heinrich Robertson Die Weskus-distriksmunisipaliteit (WKDM) het ’n splinternuwe brandweertrok ter waarde van R1,17 miljoen aangekoop om hulle vloot brandweervoertuie uit te brei. Weskus-distriksmunisipaliteit is verantwoordelik vir die voorkoming en blus van veld- en chemiese brande. Volgens Heinrich Robertson, woordvoerder, was die WKDM-brandweerdienste taamlik besig oor die somer van 2017/2018 regoor die Weskus om brande te blus. Volgens Bertus Senekal, brandweerhoof,
word sommige veldbrande steeds deur die agterlosigheid van mense veroorsaak. “Baie brande kan vermy word indien mense meer verantwoordelik optree. Brande wat naby hoofpaaie plaasvind, plaas nie net druk op brandweerpersoneel nie, maar veroorsaak ook padveiligheidsrisikos,” het Senekal gesê. Daar word ‘n beroep op die publiek gedoen om brande onmiddellik te rapporteer en ook om hul rol te speel om brande te voorkom, soos om nie sigaretstompies by die venster uit te gooi nie.
NUUS • NEWS
2 Mei 2018
•NUWE TUISTE VIR TALLE
Huiseienaars nou ook bevoorregtes
SALDANHA – Nou’t sy nie meer ‘n man nodig nie, het Marsonelle Engelbrecht aan die Wes-Kaapse minister van menslike nedersettings en ook die DA-leier in die provinsie, Bongi Madikizela, gesê nadat hy haar huissleutels vir haar gegee het ... want nou het sy ‘n huis, het sy gelag. Dít was in reaksie op Madikizela se goedige opmerking dat sy nou ‘n man moet kry om vir haar ‘n stoof en meubels vir die nuwe R160 000 se huis in die Ndifikile-behuisingsprojek langs White City te gee. Engelbrecht en nog 38 ander inwoners het verlede week uiteindelik hul huise in die nuwe ontwikkeling gekry. Daar was ‘n paar kinkels in die kabels met die konstruksieproses, maar sedert Februarie word daar onverpoosd gebou aan die 117 tweeslaapkamerhuise. Volgens raadslid Rayn Groenewald wat die behuisingsportefeulje het, is dit maar fase een. Die res van die oorblywende 78 huise sal tot en met Augustus voltooi word. Suzette Jack, wat ook Dinsdag 24 April seremonieël haar huissleutels by Madikizela en
burgemeester Marius Koen gekry het, was skoon bewoë. Sy het 14 jaar gewag vir ‘n huis. Maar, meer as net huise uitdeel, het Madikizela in sy toespraak gesê, kry hulle ook die titelakte vir die grond. “Nou is julle deel van die klein bevoorregte groepie mense in die land wat eiendom besit.” Madikizela het gesê dit is belangrik dat mense net huise kry nie, maar ook die titelaktes. “Ons moet eerlik wees met die mense van dié provinsie oor wat ons kan en nie kan doen nie, en ons kan nie vir elke mens ‘n huis bou nie. Die bevolking in die Wes-Kaap het die afgelope 15 jaar met twee miljoen mense gegroei, dit plaas geweldig druk op die regering. Meer as 500 000 gesinne wag op huise, maar ons kan net 18 000 huise ‘n jaar bou.” Hy stel voor dat daar eerder grond aan mense gegee word wat daarvoor kwalifiseer, sodat hulle self huise daarop kan bou. “Dit sal die proses versnel.” Gemeenskapsleier Gerard Cluvers het gesê hy gaan Madikizela by sy woord hou om grond aan mense te gee wat daarvoor kwalifiseer.
Wen met Piet Botha en Die Middernagtrein
Drie gelukkige lesers sal elk met die splinternuwe CD van Piet Botha, Die Middernagtrein, spog. Botha het onlangs, na 'n stilte van sewe jaar, sy nuutste CD aan die Wes-Kaap bekendgestel. "Ek het old school gegaan met hierdie een," vertel Botha. “Daar is goed in die lewe waarvoor mens nie kan weghardloop nie,” sê Piet. “Dis maar die noodlot, dís wat die Middernagtrein is. Dis spookagtig, verbode, soos wanneer mens huis toe ry ná ‘n gig in die middel van die nag. Die Middernagtrein is maar ‘n metafoor vir life on the road.” Piet het onlangs by die Vonk-familie aangesluit, wat die verspreiding behartig. Die Middernagtrein is by Musica-winkels landswyd, asook op alle aanlyn-musiekplatforms, beskikbaar. Om in aanmerking te kom vir 'n kopie van Die Middernagtrein moet jy net die volgende doen: stuur 'n Whatsapp-boodskap met die slagwoord PIET, saam met jou naam en van, tuisdorp en die antwoord op die onderstaande vraag, na 084 8333 813 voor 5 Mei om 12:00. Die wenners sal telefonies in kennis gestel word.
3
4
2 Mei 2018
dié courant
Nywerheid bereik nuwe hoogtes
Kry nóú jouself en jou maatskappy gereed om in nywerheidsontploffing te deel Die ooreenkoms wat verlede week tussen Transnet nasionale hawe-owerheid en Saldehco, deels swartbemagtigingsmaatskappy en deels in Singapoerse beleggingshande, geteken is, beteken dat die hawe ‘n inspuiting van nagenoeg R2 miljard rand kry. Die belegging vorm deel van die Saldanhabaai-nywerheidontwikkelingsone (SBIDZ) en die Spesiale Ekonomiese Sone (SEZ) wat vir die grond langs die hawe geoormerk is. Om deel te wees van projekte soos dié, moet Weskussers en Weskus-maatskappye hulle vere regskud: laat die SBIDZ se vaardigheidsontwikkelingsafdeling help. Niks gaan egter in ‘n oogwink gebeur nie. Opleiding vat tyd en om ‘n maatskappy oral te registreer waar dit geregistreer moet word neem ook tyd. Dit is bykans te laat om nog deel te word van die eerste groot konstruksieprojek, die
Dis Goeie Nuus
bou van die toegangsgebou en kantoorblokke, óf die bou van die Saldehco-dienspunt. Maar daar kom nog projekte. Daar is nog ‘n bietjie tyd. Gaan registreer op Grow-Net.bizz Daar moet volgens die kontrakte eerste gekyk word na mense wat reeds in die Weskus (Saldanhabaai munisipale-area) bly, maar indien die mense hier nie gereed is nie, gaan die maatskappy wyer moet kyk vir arbeid en verskaffing. Burgemeester Marius Koen is reg as hy dit as ‘n tsoenami beskryf wat die Weskus tref. Is jy of jou maatskappy gereed om hieraan deel te neem? Of gaan daar steeds mense wees wat bakhand staan en aan groot maatskappye, wat na entrepreneurs, 'go-getters' soek, vra wat húlle dan vir die gemeenskap gaan doen? Die geleenthede is daar. Dit wag vir diegene wat hulself gaan regruk en saam begin hardloop.
Dr. Andrew Bosman
Die woorde van ons mond
Ons sê so maklik iets as ons skrik of kwaad word, en die woorde kan nie teruggetrek word nie. ‘n Persoon is selfs gevangenisstraf opgelê vir wat gesê is. Salomo skryf in Prediker dat jy nie haastig moet wees met jou mond nie, en laat jou hart nie gou ‘n woord uitbring voor God nie, want God is on die hemel en jy is op die aarde, daarom moet jou woorde min wees. Van die Spreuke wat Salomo uitgespreek het lui ook as volg, by die veelheid van woorde ontbreek die oortreding nie, maar hy wat sy lippe inhou handel verstandig. Vriendelike woorde is soos heuningkoek, soet vir die siel en genesing vir die gebeente. Jesaja skryf van die Gesalfde van die Here wat sal kom, Hy sal soos ‘n lam stom wees voor sy skeerders, soos ‘n lam wat na die slagplek gelei word sal Hy sy mond nie oopmaak nie. Jesus voor Pilatus word deur Pilatus gevra, praat u nie met my nie? Weet u nie dat ek mag het om u te laat kruisig of los te laat nie? Dan antwoord Jesus wel: U sou geen mag teen My hê, as dit nie van bo aan u gegee was nie! Paulus skryf dat ons woorde altyd met sout besprinkel moet wees, sodat ons kan weet hoe om iedereen te antwoord. Ten slotte antwoord met ‘n seënwens, want dit is waarvoor julle geroep is, sodat julle ook seën kan ontvang.
NUUS • NEWS
Weskusnessie wy nuwe saal in VREDENBURG – Weskusnessie, die Afrikaanse Vrouevereniging (ACVV) se kleuterskool het Dinsdag 24 April hul blinknuwe saal ingehuldig en terselfdertyd ook hul jaarvergadering en oueraand daarin gehou. Die bykans R500 000 se saal met ‘n braai-area wat uitloop op ‘n speelterrein gaan nou ‘n nuttige bron van inkomste word vir dié kleuterskool wat sonder enige staatshulp of subsidies moet klaarkom. Die hele skool het CCTV-kamera’s gekry, wat ook in die nuwe saal aangebring is. Susan Rust, voorsitter van die beheerkomitee, het ouers verseker dat die geld wat die ouers betaal en wat deur fondsinsamelings verkry word baie goed bestuur word. Benewens die saaltjie en die CCTV-stelsel is daar die afgelope jaar twee ekstra klaskamers gebou, afdakke opgesit en R8 000 se bome geplant waaronder die kinders kan speel. Daar is ook nette op die grond gespan sodat dit minder stowwerig is. Weskusnessie huisves tans 150 kinders. Die babakamer het innoverende geute na asdromme buite gekry, sodat die onwelriekende doeke nie in die vertrek hoef te bly nie. Die babakamer gaan ook vergroot word, sodat daar meer baba’s versorg kan word. Verder is ou blindings en vloerbedekkings vervang, ‘n tweede rekenaar aangekoop en word die skool elke ses maande voorkomende teen peste en plae behandel. Bestuurder Hanlie Bell het by die geleentheid gesê dat die twee nuwe klaskamers vir Engelsprekende kinders van 3-4 jaar en 4-5 jaar aangebou is. Salarisse, waaraan vir die jaar R1.4 miljoen spandeer is, moet volgens Rust van so aard wees dat die personeel darem ook ‘n lewe kan leef. Sowat R142 000 is vir die jaar aan kruideniers-
ware spandeer. Volgens Rust is die komitee nie skaam om geld op opvoedkundige materiaal te spandeer nie, omdat van hulle oud-onderwysers is en hulle weet waaroor dit gaan. Die personeel word ook opgelei om met outistiese kinders (soos Aperger-sindroom) te kan werk. Toekomstige planne sluit die verbetering en uitbouing van die babakamer, waar baba’s van drie maande af versorg word. “Ouers moet daarop trots wees om hul kinders in Weskusnessie te hê,” het Rust gesê. Weskusnessie se eerste fondsinsameling vir die jaar, hul Ma-en-kind-tee, vind op Saterdag 12 Mei plaas. Om kaartjies te koop bel Weskusnessie by 022 713 1806 of besoek hulle op die hoek van Venus- en Saturnusstraat. Onderskrif: Hanlie Bell, bestuurder van Weskusnessie, kry amptelik die saal se sleutels by Susan Rust, voorsitter van die beheerkomitee.
NUUS • NEWS
2 Mei 2018
5
6
Dagboek • Diary Weekliks
Alkoholiste Anoniem, Maandae in Vredenburg, Woensdae in Langebaan en Vrydae in Saldanha – 073 179 0751.
Geleenthede
Vrydag 4 Mei: Markie by die Ipic-sentrum, 09:00-15:00 – Nadine 083 255 6610. Vrydag 4 Mei: Fliekaand by Weskus Mall, Ferdinand om 17:30, Star Wars 19:30, free popcorn – 022 703 6900. Jo Martin bring hulde aan Neil Young, The Barn Owl, St Helenabaai, 18:00, R150 pp, table bookings –062 996 5406, barnowlonthebay@ gmail.com. Saterdag 5 Mei: Port Owen-mark, 10:0014:00, stalletjies R60 – Wilna 082 449 1121 ná 15:00. Huis Wittekruin-dans, R50 pp, 19:00, tema Werkersdrag, Vincent die Singende Byeboer maak musiek, sop en brood te koop – 022 713 2230. Sunday 6 May: Mykonos-mark, 10:00-15:00 – 022 707 7000. Donderdag 10 Mei: Jaarvergadering van Velddrif Animal Care, Riviera Hotel, 18:30 vir 19:00 – Dennis 074 740 1111. Vrydag 18 Mei: Matthys Roets, Hoërskool Velddrif, R120 pp – 022 783 0028. Vrydag 25 Mei: Weskus-jeugorkes, Die Plaasmol, Hopefield, 19:00, drag semi-formeel, R100 volwassenes, R70 studente en pensioenarisse – Tania 074 428 2802, oornagkampeerplek Fransie 074 924 8478. Saterdag 26 Mei: Kom drink tee saam met aktrise Quanita Adams, Weskus Mall, 14:00, gelukstrekkings, R120 pp – Olivia 022 703 6900. Internasionale pik-en-slukaand, ATKV Saldanhabaai, disse van vyf lande, 18:00, lede R120 pp, nie-lede R150 pp, geen kinders o.18 – Corné by 083 235 8619 of Hedwig 083 364 5827. Dinsdag 29 Mei: Weskus Fotografiese Stigting, maandelikse byeenkoms en terugvoer, 18:30, Ou Stalle by NG Kerk-moedergemeente – Anna-Marie by 084 577 7752. Saterdag 2 Junie: Jurie Hayes Primêr hou Debutantebal en dinee by Hoërskool Vredenburg,
2 Mei 2018
NUUS • NEWS
R200 pp – 022 766 1568. Saterdag 14 Julie, Franja du Plessis en Ruan Josh by die Bergrivier-winterkarnaval by Riviera Hotel, Velddrif. Vrydag-Saterdag, 15-16 Desember: Mykonosfees, Langebaan, met onder meer Snotkop, Francois van Coke, Emo Adams, Jay, Refentse en Juanita Du Plessis. Hekke open Vrydag om 14:00, R100 pp per dag, R50 kinders o.14 – Kaartjies by Computicket / 022 707 7000 / info@clubmykonos.co.za.
SPORT
Weekliks Vredenburg-judoklub oefen Dinsdae en Donderdae, 17:00-19:00, Louwville-gemeenskapsaal, Vredenburg – Frazer 064 475 3097. Langebaan Stars-gimnastiekklub, oefen Dinsdae en Donderdae, Seebries Park, Langebaan – Madeleine 082 811 8118. Salkoriane-atletiekklub oefen Maandae, Dinsdae en Donderdae – stappers (Vernon 083 392 9356) en atlete (Sakkie 071 427 6731). Vredenburg-tennisklub oefen Woensdae 16:00 en Saterdae 13:30. – Benice 078 577 7997 / Annamari 083 356 6192. Langebaan Parkrun, Saterdae, 08:00, Langebaan Country Estate, Oostewalstraat. Gratis, registreer vooraf – parkrun.co.za/langebaan. Weskus-klawerjasunie (‘n streekskaartspelliga baie soos troewe), Sondae, kom speel saam – Charles 073 928 9004. Langebaan-atletiekklub, elke weeksdag, atlete oefen baan, veld, landloop, tweekamp, stap en pad. – Christopher 073 232 0046 / chrodgers1@gmail.com. Neem deel/ gaan kyk: Vrydag-Sondag, 27-29 April: Weskus Skaak Ope Kampioenskap, 07:00, Masiphatisane Primêre Skool, Vredenburg. Registrasiegeld R150. Saterdag 5 Mei: MTB-uitdaging, Patrysberg-plaas, St Helenabaai (5km en 10km R40; 16.5km R150; 22km en 41km R150) – 082 381 6333 / kobuslock@telkomsa.net Saterdag 26 Mei: Curro Langebaan Golf Day, 11:45-13:30, Langebaan Country Estate, R1400 per four-ball, R750 per two-ball, bookings –
Dommonique, dommo.f@curro.co.za Woensdag-Saterdag, 11-14 Julie: Bergrivierkanomarathon, Velddrif – berg.org.za Sunday 2 September: Premier Drag Racing, Saldanha Airstrip, 09:30-17:30. Vrydag-Dinsdag, 28 September-2 Oktober: Hobie 16 SA Nasionale Kampioenskap, Hobie Beach, Club Mykonos – 083 300 1663 / hobiesun@ mweb.co.za.
KERKDIENSTE OP SONDAE * CHURCH SERVICES ON SUNDAYS
NG Kerk Vredenburg Akkerdyk, Herculesstraat: erediens om 09:30 – 022 713 1314. AGS Weskus Lighuis, Hoofstraat, Vredenburg: diens om 09:00 – 083 230 5656 / 084 205 6944. Baptist Church, De Klip Street, Vredenburg: 10:00 – 076 370 2132. West Coast Vinyard Church, Heuningklip Street, Vredenburg: service starts at 09:30 - 022 713 4253. Nuwe Lewe Kerk, bo-
-op FNB, Hoofstraat, Vredenburg: vooraf koffie, diens om 10:00 – 073 179 0992. NG Kerk Vredenburg-moedergemeente, Hoofstraat, Vredenburg: 09:30 – 022 715 1276. Stuur asseblief inligting vir die gratis dagboek na alida@diecourant.co.za vóór Maandae om 10:00.
NUUS • NEWS
2 Mei 2018
Kenner gesels oor seewater vir gesonde plante Alida Buckle VREDENBURG – Nie sommer gewone tuinpraatjies nie. Marietjie Pienaar se lesing oor die gebruik van seewater in die huistuin by die Vredenburg-tuinbouklub se byeenkoms op Woensdag 25 April 2018, “was omtrent ‘n mondvol”, soos na die tyd gesê is. Pienaar gebruik al jare ‘n mengsel van seewater en water suksesvol vir die verbouing van yslike groente en vrugte. Sy glo dat jou grond eerstens gesond moet wees, sodat jou plante gesond kan wees en jy dan ook ‘n gesonde liggaam en gees kan hê as jy dit eet. Wat seewater in die tuin betref: Pienaar het uit ondervinding geleer dat seewater gemeng met chloorvrye vars water (soos met die Sondvloed) wonders doen vir grond, plant en menslike gesondheid. Verskillende plante het verskillende behoeftes. Seewater bevat omtrent vyf keer meer mikrobes as grond, wat dit pro-bioties maak. Dit hermineraliseer die grond met 84 minerale waar kunsmis beperk is tot die minerale gespesifieer op die produk. Seewaterdosering moet aangepas word vir die verskillende grondsoorte. Seewater gee plante meer voedingswaarde, ‘n langer rakleeftyd en die plante leef langer.
Hierdie navorsing is bevestig deur mediese dokters in die vroeë 1900’s asook deur Acres USA. Pienaar raai mense aan om eers kraanwater vir ‘n dag of twee in ‘n drom oop in die son te laat staan, sodat die chloor daarin kan afbreek, voordat dit met die seewater gemeng word, want die chloor maak die mikrobes tot niet. Korrekte seewaterkonsentrasies en ‘n lewendige bioom sal siektevrye en kunsmisvrye toestande lewer. Pienaar staan dit voor dat mense hul eie groente en vrugte moet kweek, want dan weet hulle dit is vry van chemikalieë en glufosaat. Die plantmateriaal of saad moet sorgvuldig gekies word, omdat die besmetting geneties van aard is. “’n Mens is geneig om te vergeet dat kos nie net energie bevat nie, maar ook instruksies tot op genetiese vlak van die menslike liggaam”. Pienaar glo ook dat elke huis ‘n eie komposhoop moet hê. Sy vertel dat dit ’n ryk bron van mikrobes, minerale en organiese plantmateriaal is en daarom kan dit vrylik in beddings gestrooi word. Die gebruik van engelse sout op plante is ook bespreek. Deklaag is krities belangrik, sê Pienaar, en dit moet maandeliks of soos nodig aangevul word, so 10-15cm hoog. “Erdwurms is gaande oor papier, grassnysels en houtsaagsels, maar
7
nie bloekomhout of glanspapier nie.” “Eet oorspronklik, anders is jy in die moeilikheid,” het sy gesê in verwysing na allerhande ongesonde middels in verwerkte kos soos te veel verfynde sout en geneties gemodifiseerde produkte. Pienaar het gewaarsku teen die gebruik van wit tafelsout, omdat al die goeie minerale daarin uitgewas is en daar onder meer jodium en aluminium (sodat dit vloei) bygevoeg word. “Dit is eintlik ’n gesuiwerde grondstof vir chloorvervaarding. Verfynde produkte is meestal ongesond vir die mens, omdat broodnodige bestanddele vanaf die Skepper daaruit verwyder is”. Sy raai mense aan om eerder pienk Himalaja-sout te gebruik en gee dié oulike wenk om hardlywigheid te verlig: drink elke oggend op jou nugter maag: 1 liter lou water met die sap van een suurlemoen en 1 teelepel solé (een derde koppie Himalaja sout opgelos in een koppie filter water). Die volgende tuinbouklubbyeenkoms is op Woensdag 30 Mei wanneer die Khoisan-soutfabriek besoek gaan word en by die Riviera Hotel (R50) geëet gaan word. Bel voorsitter Ansie Louden by 083 284 3941.
Bote sonder brandstof - visserman soek ST HELENABAAI – Volgens Mike Shaw, NSRI Mykonos se pligkontroleur, het hulle op Sondag 29 April ‘n versoek om hulp gekry om die Melissa Jade-vissersboot te help, wat nie genoeg brandstof gehad het nie. Die reddingsboot, die Gemini Rescuer II, is na St Helenabaai geneem en te water gelaat, maar op daardie tydstip het nog bote gerapporteer dat hulle sonder brandstof is. Dit blyk dat die vissersbote die hele dag uit was, maar eers laatmiddag 10 seemyl van die strand kon begin visvang. Die NSRI Mykonos se reddingsboot, die Spirit
of Surfski 5, en die NSRI Lambertsbaai se seereddingsboot, die Douglas Murray, is na St Helenabaai gestuur. Hulle het in al verswakkende lig probeer om al tien geaffekteerde bote te bereik. Die polisie en die regering se gesondheidsorg het ook gereageer en die NSRI bygestaan. Gemini Rescuer II het by die vissersboot, Normandie, 10 seemyl noord van St Helenabaai en 10 seemyl van-land-af aangekom net toe dit omslaan. Dit is op daardie tydstip deur ‘n ander vissersboot getou, maar het water opgetel omdat dit so swaar met vis gelaai was. Daar was ag bemanningslede aan boord.
Toe die NSRI die Normandie bereik het dit omgeslaan. Sewe bemanningslede is deur die NSRI opgepik, maar een bemannings lid is nog soek ten spyte van die NSRI en polisieduikers se pogings. Daar is ook onbevestigde verslae van 'n tweede boot wat omgerol het. Ander vissersbote kon die vissersbote in nood met brandstof help en die bote het veilig by die hawe aangekom. Die Telkomseevaartradiodiens het uitgesaai dat bote op die uitkyk moet wees vir die vermiste visserman. Teen saktyd was die man nog soek.
Wees altyd aan die voorpunt van die goeie nuus met ons sosiale media. Volg ons Facebook-blad by @diecourant. Kontak ons by 022 487 3221 of stuur 'n epos na izelle@diecourant.co.za. Besoek ook ons webwerf by www.diecourant.co.za.
The history of Mother's Day Celebrations of mothers and motherhood can be traced back to the ancient Greeks and Romans, who held festivals in honor of the mother goddesses Rhea and Cybele, but the clearest modern precedent for Mother’s Day is the early Christian festival known as “Mothering Sunday.” MOTHER’S DAY AROUND THE WORLD While versions of Mother’s Day are celebrated worldwide, traditions vary depending on the country. In Thailand, for example, Mother’s Day is always celebrated in August on the birthday of the current queen, Sirikit. Another alternate observance of Mother’s Day can be found in Ethiopia, where families gather each fall to sing songs and eat a large feast as part of
Antrosht, a multi-day celebration honoring motherhood. In the United States, Mother’s Day continues to be celebrated by presenting mothers and other women with gifts and flowers, and it has become one of the biggest holidays for consumer spending. Families also celebrate by giving mothers a day off from activities like cooking or other household chores. At times, Mother’s Day has also been a date for launching political or feminist causes. In 1968 Coretta Scott King, wife of Martin Luther King Jr., used Mother’s Day to host a march in support of underprivileged women and children. In the 1970s women’s groups also used the holiday as a time to highlight the need for equal rights and access to childcare. History.com
As jy dink jou ma verdien 'n lekker bederf op Moedersdag, hoekom dan nie inskryf vir dié courant se Moedersdagkompetisie nie? Stuur 'n Whatsapp-boodskap na 084 8333
813 met die slagwoord: MOEDER, jou ma se naam, van, tuisdorp en kontakbesonderhede voor 10 Mei om 10:00 om in aanmerking te kom hiervoor.
Wen met Moedersdag
courant 2 Mei 2018
dié
8
Tel: 022 487 3221
NUUS • NEWS
SPORT
2 Mei 2018
Judo-klublede kwalifiseer vir SA's
Vredenburg wen met twee punte VREDENBURG – In ‘n vriendskaplike wedstryd op die dorpsveld kon Vredenburg net-net hul oorwinning hou met Langebaan wat in die tweede helfte verbeter teruggeveg het om hul agterstand in te haal. Die eindpunt was 33-31 in die guns van Vredenburg. Vredenburg se pragdrieë is aangeteken deur Ruan Kleinsmit (twee drieë), Monray Jacobs, Rowen Syster en Ashley Esau. Brendon Olivier het vier keer oorgeskop. Langebaan se puntemakers was: drieë Deeno Davids, Masimphati Cekiso (2), Monre Thorne en Gary Ocks; Russell Smith het twee doelskoppe oorgekry en Stephan Josephs een doelskop. In nog vriendskaplike wedstryde op Vrydag 27 April het Darling verloor met 10-17 teen Saldanha en op Saterdag 28 April het Hopefield gewen 2017 teen St Helenabaai. dié courant Weskus het verneem dat die Boland-ligawedstryde dalk so gou as die komende naweek afskop... hou ons Facebook-blad dop vir die nuutste inligting.
Kontak ons • Contact Us Redakteur: Izélle Garcia- izelle@diecourant.co.za Bemarkingsbestuurder: JB Paterson- ads@diecourant.co.za Joernalis: Alida Buckle- alida@diecourant.co.za Bemarkers: Desiré Kriel - desire@diecourant.co.za Isabella Schnetler - isabella@diecourant.co.za Finansies: Jane Gouws - accounts@diecourant.co.za Web: www.diecourant.co.za Facebook: @diecourant Tel: 022 487 3221
Die volgende studente van Piketberg het aan die Weskus Judo-proewe in Mamre deelgeneem. Sempai Gerrit Gal, Jayden Maartins, Rayghana van Rooy, Sensei Herman Kordom, Keagon Beukes en Abdoulaye Niang. Na vele gevegte en strawwe kompetisie, het hul goeie karakter en deursettings vermoeë, hulle in staat gestel om te kwalifiseer vir die S.A-kampioenskappe wat gedurende die Julie-vakansie in Port Elizabeth aangebied gaan word.