courant
• Bergrivier 1Swartland Weskus • Bergrivier
dié
11 April 2018
• Free • Gratis
Wes-Kaap se #1
Bou saam met goeie nuus
Uitgawe 464
11 April 2018
Weskus kuier by kerk se makietie
Die NG Kerk Akkerdyk het vanjaar weer die gewilde Weskus Kuierfees aangebied op die sportgronde. Met Snotkop as hoofkunstenaar en geliefde sangers soos Axene van Blackbyrd, Jennifer Zamudio, Die Broers, Wouter van de Venter en Stephan Visagie was die trekpleisters groot. Daar was oor as genoeg vir kinders om te doen: muurklim, meganiese bul, springkasteel en ‘n spintonnel asook vertonings deur Kazoo en Juldie die kulkunstenaar. Stalletjies het van roosterkoek en snoek en draairoomys tot serpe, biltong en ander handgemaakte items verkoop.
•FAMILIE DIE SPIL WAAROM SY LEWE DRAAI
Rooikoos nou stil •Alida Buckle VREDENBURG – Maart 2018 was ‘n besonderse maand vir die legendariese Koos van der Merwe, oftewel Rooikoos soos Weskussers hom geken het. Hy is dié bynaam gegee vanweë sy rooi hare. Op Saterdag 3 Maart het hy en sy vrou, Susan, die 30ste bestaansjaar van hul onderneming, Merweda Verf en Hardeware, in Breëstraat, gevier. Op Vrydag 9 Maart was hulle 50 jaar getroud en op Maandag 12 Maart het Oom Koos 76 geword. Hierdie mypale het hy saam met die spil waarom sy lewe gedraai het, sy familie, gevier. Drie kinders, Selma Pienaar (47), Charlene Hugo (45) en Francois (43), asook sy kleinkinders, Sumien (21), Zelna (17), Leandri (8) en Jacques (5). Oom Koos het op sy dag rugby vir die Vredenburg-rugbyklub gespeel en hy was ook deel van die komitee wat die klubsaal, vandag nog op die sportgronde, gebou het. As lid van die Junior Rapportryers, die be-
heerliggame van Laerskool en Hoërskool Vredenburg en die sakekamer het hy diep spore getrap. Hy was tot ongeveer twee jaar gelede ook aktief betrokke by die NG Kerk Vredenburg-moedergemeente se kerkraad. Wat sy familie in hul harte gaan dra en onthou was sy bereidwilligheid om altyd te help,
altyd die goed in ander mense raak te sien, sy vergewensgesindheid en sy glimlag. Sy liefde vir sy God, sy vrou, sy kinders en kleinkinders was wat hom deur moeilike tye, soos die kankerdiagnose vyf maande gelede, gedra het. “Oupa was altyd lief vir Jesus en baie lief vir sy Bybel,” is klein Leandri se kommentaar. “Oupa” is in 1942 op Citrusdal gebore en het in Clanwilliam grootgeword. Ná matriek het hy by Standard Bank begin werk. Daarna het hy by die groep van Federated Timbers aangesluit en homself as finansiële rekenmeester gekwalifiseer. In 1966 het hy en Tannie Susan mekaar ontmoet en het 'n jaar later verloof geraak en is in 1968 getroud. In 1988 het hy en Susan Merweda in ‘n Breëstraat geopen. Francois en sy vrou, Chantal, het bestuur van die winkel amptelik, ook in Maart, oorgeneem. Oom Koos word op Saterdag 14 April begrawe vanuit die moederkerk. Die diens begin om 11:00.
NUUS • NEWS
2
NUUS • NEWS
11 April 2018
•RAAD NEEM BESLUIT
Net nie-drinkbare water voortaan vir bouprojekte Die Saldanhabaai Munispale Raad het besluit dat alle bouprojekte, ook huisbouprojekte, voortaan net met nie-drinkbare water gedoen mag word. Konstruksiemaatskappy sal moet kyk na alternatiewe bronne vir nie-drinkbare water, soos behandelde afvalwater, maar hoewel dit gebruik kan word vir verdigting en die skoonmaak van gereedskap en stofbeheer, is dit nie geskik vir gebruik in beton nie. Nog ‘n bron is seewater wat vir beton sonder versterking of ander ingebedde metaal gebruik kan word. Dit kan egter nie saam met staal gebruik word nie, om roes te voorkom. Die Saldanhabaai-munisipaliteit stel voor dat bouers met winkelsentrums of ander geboue met groot dakoppervlakke reël om watertenks op te rig en reënwater te versamel vir toekomstige gebruik. Boorgatwater is nog ‘n moontlikheid, maar die munisipaliteit maan dat bouers moet seker maak dat hulle boorgatwater by 'n geloofwaardige bron kry. Die persoon wat die boorgatwater
verkoop, moet by die departement van water en sanitasie geregistreer wees om grondwater wettiglik te ontgin en te verkoop. Om behandelde afvalwater te kry, kry ‘n aansoekvorm op die munisipale webwerf by sbm. gov.za. Anton Bredell, minister van plaaslike regering, omgewingsake en ontwikkelingsbeplanning in die Wes-Kaap, sê juis dat ten spyte van hier en daar goeie reënval oor die paasnaweek, die gemiddelde damvlakke steeds daal, al is dit stadiger. Die gemiddelde vlak vir damme regoor die Wes-Kaap vir die week vanaf Maandag 2 April is 17,6% (2017: 24,3%). Bredell het verduidelik dat die watervlakke in damme net genoeg sal herstel indien daar voldoende hard en aanhoudende reën in die opvangsgebiede in die berge val. “Een of twee dae hier en daar maak nie veel verskil nie”. 'n Baie koue winter met baie sneeu sal volgens Bredell ook help. Hy het verbruikers vermaan om water steeds spaarsamig te gebruik.
Brandweer:
Die brandweer van die Langebaanweg-lugmagbasis, wat al twaalf jaar lank aangewys word as die beste lugmagbrandweer in die land, het hul noodtoerusting by die Weskus Kuierfees uitgestal. Hulle is van links sersante Mark Serfontein, Danie Du Plessis Smith, William Brits, Eleas Koopman, kapelaan Kea Kgori, en sersant Raphael Mokgothu.
NUUS • NEWS
11 April 2018
•BAAIER VIND HAAR PASSIE AGTER DIE LENS
Jong fotograaf steel harte
Alida Buckle SALDANHA – Die jong swartkop met haar vriendelike glimlag, pet en kamera het behoorlik harte gesteel langs die rugbyveld by die onlangse Transnet Super 8 toernooi, wat oor paasnaweek gespeel is. Zaakirah Dalwai (24) is ‘n gebore en getoë Baaienaar wat vanjaar haar vier jaar BTech-graad in fotografie by die Kaapse Skiereiland Universiteit van Tegnologie klaarmaak. Sy was die Saldanhabaai-rugbyklub se amptelike fotograaf vir die paastoernooi en die onthulling van die nuwe stadion – ‘n geleentheid wat sy aangegryp het. “Dit was uitdagend, maar ek glo in 'do or die'.” Zaakirah het Bertram Vraagom, voorsitter van die Saldanhabaai-rugbyklub, ontmoet tydens ‘n vroeëre studieopdrag om foto’s van ‘n sportfiguur te neem. So het sy nou amper deel van die span geword. Fotografie was nie eerste op haar lys as skoolkind in Laerskool Saldanha en toe Hoërskool Diazville nie. “Dit was iets wat ek graag op die kantlyn wou doen, maar ek wou altyd graag ‘n kamera gehad het.” Sy het eers ‘n bietjie taalonderwys gegee, voordat sy in 2015 Fotografie
begin studeer het. Haar kosbare Canon 700D het sy as eerstejaar gekry. Haar studietake wissel. Sy moes al projekte doen oor argitektuur, portrette, natuurtonele, gemeenskapsdienste, landskappe en wildlewe. Sy onthou die keer wat sy die mense by !Khwa ttu naby Langebaan moes ompraat sodat sy verniet op een van hulle wildritte kon gaan om haar wildleweprojek te kon voltooi. “Dis was duur en ek is ‘n student. Toe smeek ek hulle.” Die oomblik wat sy op dié rit, haar pragfoto van ‘n gesin van drie kameelperde geneem het, sal sy altyd onthou. “Hulle het so in ‘n ry gestaan, van hoog na laag, en het aldrie gelyk vir my gekyk. Dit is een van my hoogtepunte.” Zaakirah se hande gesels entoesiasties saam, al raak sy bietjie stil as die pen oor die notaboek beweeg. Sy was baie skaam op skool, bieg sy. Vandag is dit nie vir haar maklik om voor ‘n groep mense ‘n aanbieding te doen nie. Wat haar selfvertroue op skool ‘n hupstoot gegee het, was haar jaarlikse deelname aan die Wetenskap Expo. Dis moeilik om haar as skaam te sien, want
met die kamera in die hand gesels sy maklik met almal, van die baldraers, SuperSport-kameramanne tot die rugbyhelde. En sy lag baie. Sy probeer altyd mense wat hartseer of moedeloos lyk, te laat lag, sê sy. “Ek hou daarvan om mense gelukkig te maak.” As fotograaf glo sy, moet jy voorbereid wees. Sy probeer altyd ‘n ekstra battery, geheuekaart en laaier byderhand hê en sorg sy dat al haar toestelle die aand voor die tyd laai. Dit is duidelik uit haar gesprek dat sy haar kamera en sy kunsies ken. Haar jaarprojek vanjaar handel oor besoedeling. Daarvoor moet sy navorsing doen, twaalf foto’s asook ‘n verslag inhandig. Haar vriendelike geaardheid kry sy van haar ma, Maveda, en haar pa, Abdul-Latief. Sy is die jongste dogter van drie en het ook drie broers. Met fotografie wil Zaakirah nuwe, wonderlike, ongelooflike mense ontmoet, reis en hoop om ook eendag die res van die wêreld te sien. “Ek wil avontuur beleef en mense ontmoet.” Sy is veral mal daaroor om troues af te neem. Haar vertroue plaas sy in “die Man Daarbo” en glo dat ‘n mens moet leef, lag en liefhê.
Hoedjiesbaai Hotel ál in 1970 gebou
SALDANHA – Die statige Hoedjiesbaai Hotel is ‘n bekende baken in die dorp, wat saam met die ewe statige Laaiplek – en Riviera Hotelle in Velddrif aan die suksesvolle Eigevis Groep Maatskappye behoort. Die Hotel is in 1970 geregistreer en het 32-kamers. Die 48 jaar oue hotel is drie jaar gelede heeltemal oorgedoen in ‘n skeepsvaarttema – vlootblou en wit, wat die gevoel dat ‘n mens op ‘n skip op die water is, verder versterk. Die hotel se restaurant, Eigebraai Restaurant, het plek vir eenhonderd gaste en ‘n unieke amper 360 grade prentjiemooi uitsig oor Saldanha, die water en die hawe Tussen die tafels hang sagte
wit afskortings van die dak af, die perfekte agtergrond vir ‘n wyn-en kos proe-aand of ‘n romantiese afspraak. Hoewel die Hotel as ‘n tweester-instelling geklassifiseer is, wil die nuwe bestuurder, Nádi Truter beslis in die toekoms daaraan werk. “Dit is lankal nie meer net ‘n tweesterplek nie. As ‘n mens kyk na die gehalte wat gaste kry, kan ons ten minste opgradeer na drie sterre, en ons gaan daarvoor mik.” Min mense weet dat die hotel eers in die gebou, wat vandag ‘n bottelstoor is, geleë was, voordat die bestaande gebou halfpad in die water in gebou is. Bel hulle by 022 714 1271.
3
4
NUUS • NEWS
11 April 2018
dié courant Dis nooit lekker om een van die bekende inwoners van die Weskus te verloor nie, maar dit is maar deel van die wel en wee van die beste plek om in die land te woon. Die heengaan van Oom Rooikoos van der Merwe raak baie mense. Hy, saam met ouens wie se families stigters van Vredenburg was – dink maar aan die lang Laubschers en die kort Loubsers, die Walters’e, die Neethlings, die Versters, die Novellas ... daar is verskeie – het saam gebou om die Weskus die plek te maak wat dit vandag is. Dit is nie in geskiedenisboeke opgeteken nie, maar die dorp is gebou deur hulle. Harde werk en saamstaan het Vredenburg laat uitskiet as die hoofstad van die Weskus. Mense vergeet gemaklikshalwe van manne soos Oom Koos se insette en insae in die groei
As 'n seder val
van die Laer- en Hoërskole en instansies soos die Vredenburg-rugbyklub. Die fondasies is met sweet en liefde gelê. Sonder hulle sou dit nie vandag gewees het wat dit is nie. Dit is tyd dat mense die historiese bydrae van die ou sakemanne op die dorp begin vereer. Wat deur resessies, depressies en swaar ekonomiese tye vasgebyt het. Jongelinge in die sakebedryf kan by hulle gaan leer, wenke kry. Want al leef ons in ‘n vinnig-veranderende wêreld tegnologies, bly goeie sakepraktyk en gegronde sakebeginsels steeds dieselfde. Soos om jou kliënte persoonlik te ken, hul voorkeure te onthou en gewone goeie diens te lewer. Oom Koos ons salueer jou vir die voorbeeld wat jy vir almal was. AB
Jeuggroep by kerk wil soekendes help vind
Kontak ons • Contact Us
Redakteur: Izélle Garcia izelle@diecourant.co.za Bemarkingsbestuurder: JB Paterson ads@diecourant.co.za Joernalis: Alida Buckle alida@diecourant.co.za
Dis Goeie Nuus
Bemarkers: Desiré Kriel - desire@diecourant.co.za Isabella Schnetler - isabella@diecourant.co.za Finansies: Jane Gouws accounts@diecourant.co.za Web: www.diecourant.co.za
Dr. Andrew Bosman
Die woorde van ons mond
Ons sê so maklik iets as ons skrik of kwaad word, en die woorde kan nie teruggetrek word nie. ‘n Persoon is selfs gevangenisstraf opgelê vir wat gesê is. Salomo skryf in Prediker dat jy nie haastig moet wees met jou mond nie, en laat jou hart nie gou ‘n woord uitbring voor God nie, want God is on die hemel en jy is op die aarde, daarom moet jou woorde min wees. Van die Spreuke wat Salomo uitgespreek het lui ook as volg, by die veelheid van woorde ontbreek die oortreding nie, maar hy wat sy lippe inhou handel verstandig. Vriendelike woorde is soos heuningkoek, soet vir die siel en genesing vir die gebeente. Jesaja skryf van die Gesalfde van die Here wat sal kom, Hy sal soos ‘n lam stom wees voor sy skeerders, soos ‘n lam wat na die slagplek gelei word sal Hy sy mond nie oopmaak nie. Jesus voor Pilatus word deur Pilatus gevra, praat u nie met my nie? Weet u nie dat ek mag het om u te laat kruisig of los te laat nie? Dan antwoord Jesus wel: U sou geen mag teen My hê, as dit nie van bo aan u gegee was nie! Paulus skryf dat ons woorde altyd met sout besprinkel moet wees, sodat ons kan weet hoe om iedereen te antwoord. Ten slotte antwoord met ‘n seënwens, want dit is waarvoor julle geroep is, sodat julle ook seën kan ontvang.
Alida Buckle VREDENBURG – Vine, die West Coast Vineyard-kerk se jeuggroep, streef daarna om hoërskoolkinders op ‘n punt te kry waar hulle God vir hulself ontdek, waar hul geloof in Hom gegrond word op ‘n persoonlike ervaring met die lewende God in plaas van die menings van ander. Aan die woord die die groepleier, Herman Coetzee. Hy meen dat die jeuggroep nie net vir tieners is wat al klaar Christene is nie, maar ook vir die wat nuuskierig of soekend is. “Kom soos jy is, sonder maskers, met foute en al en kom ervaar God vir jouself,” is sy uitnodiging. Vine bestaan al vier jaar en die akroniem staan vir “victory is now eternal” (Johannes 16: 33). “As jeugpastoor het my hart nog altyd na die
buitestaander uitgegaan. Die onkonvensionele tiener wat nie noodwendig weet wat hul rol in die wêreld is nie. "Dis hierdie mense wat gewoonlik gebrandmerk word as ‘stout’, die uitgeworpenes,” glo Herman. “Daar is genoeg negatiwiteit in ons wêreld teenoor tieners. Iewers moet ons begin opbou in plaas van veroordeel, lei in plaas van verwerp.” Vine kom elke Donderdagaand om bymekaar, van 19:00 tot 20:30 by die Vineyard-kerk by Heuningklipweg 31, Vredenburg. Die boodskappe is spesifiek gerig op hoërskoolkinders, van 12 jaar oud af. Hul leuse is: kom soekend, kom soos jy is en kom vind self uit. Bel Herman by 078 920 3987 of gaan lees meer by westcoastvineyard.co.za
Wees altyd aan die voorpunt van die goeie nuus met ons sosiale media. Volg ons Facebook-blad by @diecourant. Kontak ons by 022 487 3221 of stuur 'n epos na izelle@diecourant.co.za. Besoek ook ons webwerf by www.diecourant.co.za.
NUUS • NEWS
11 April 2018
'Hello' op Hopefield vier een jaar se sukses
Bo: Orton Ilz bedien gaste. HOPEFIELD – Mooi goed en mooi lekker kos is vir Ilze Mostert, eienaar van Hello, sinoniem. Sy kan nie in ‘n lelike plek eet nie en sy kan ook nie lelike kos eet nie ... dit is hoekom afval nooit op die Hello se spyskaart sal wees nie. Dié pragtige eetplek en dekorwinkel vier vanjaar sy eenjarige bestaan. Ilze het elf jaar gelede begin om twee keer ‘n jaar ‘n dekorwinkel in haar tuin op te slaan. Sy het “alles wat mooi was gehad” en natuurlik ook ‘n teetuin tydens die geleenthede ingerig. “So het mense my begin vra om funksies en etes te doen, omdat hulle die kos so geniet het.” Sy het deur die jare ‘n paar moontlike persele ondersoek om ‘n winkel in oop te maak, maar dit het nie uitgewerk nie. “Dank die Vader! Alles gebeur met ‘n rede en nou is Hello is al ‘n jaar oud.” Ilze se gelukkige sones is juis haar houtwerkmotorhuis, kombuis en dekor-uitlegtafel. “Alles gaan oor kreatiwiteit.” Ilze, oorspronklik van Stellenbosch, se man, , het in 2007 ‘n hortologie pos in Hopefield aanvaar. Gelukkig, glo sy, kan kreatiewe mense soos sy amper enige plek werk. Ilze het van 1994-1997 kuns met onderwys by die Stellenbosch Universiteit studeer. Ilze het deurentyd met haar houtwerk volgehou. Houtwerk was ook Ilze se pa, ook ‘n plantkundige, se stokperdjie. “Ek was maar my pa se skaduwee van kleins af.” Haar houtwerk, te koop in Hello, is ‘n mengsel van herwinning, 'upcycling' en ‘n natuurlike voorkoms. Sy het begin met klein dekoritems en maak nou unieke meubelstukke en winkelpasstukke soos byvoorbeeld vir Vanilla Paws in St Helenabaai en 'Hair Affair' in Vredenburg. Ilze doen ook binnenshuisversiering. Hoe kry sy tyd vir alles? “Hoe meer jy doen, hoe meer kry jy gedoen! Ek kyk nie televisie nie en woon selde ‘n teeparty by ...” Hoogtepunte die afgelope jaar was die groei in personeel en die groei van ‘n klein restaurant na ‘n plek waarheen mense al die pad van die Kaap af
kom, op tevrede gaste se aanbeveling. Hello kry ook gereeld groot funksiekontrakte omdat mense lekker by hulle geëet het. ‘n Kliënt het eendag vir Ilze gesê dat hulle Hello nie net as ‘n besigheid ervaar nie, maar as ‘n toevlug vir kalmte en vrede asook mooi, vriendelike, opregte én lekker kos. In Hello se kombuis word alles self gemaak, van die pasteie, quiches en brood tot die hamburgerfrikkadelle en die slaaisous. Hier word nie gekoop, opgewarm, op ‘n bord gesit en bedien nie. Gaste wat vir die tweede of derde keer kom ervaar dat die personeel weet hoe hulle hul koffie drink. “Dit gaan oor persoonlike interaksie,” sê Ilze. Volgens haar kom mense weer en weer terug vir hulle mosbolletjie Franse braaibroodjies. Die toekoms hou groot dinge in vir Hello. Ilze glo dat ‘n mens na jou mark en jou hart moet luister. Besoek die winkel, wat ook pragtige geskenke verkoop, by Kerkstraat 31, Hopefield, of bel hulle by 079 873 1526.
5
6
Dagboek • Diary Weekliks
Alkoholiste Anoniem, Maandae in Vredenburg, Woensdae in Langebaan en Vrydae in Saldanha – 073 179 0751 Silwer Vleuels-seniorklub, Woensdae, Ou Waenhuis langs NG Kerk-moedergemeente – 022 713 1724. Happy Hookers-hekelklub, Donderdae, Afsaal-padstal op Trekoskraalpad, tussen Vredenburg en Paternoster, 10:00-14:00, R70 pp – 022 715 3096. Sketsaande, Maandae, Pumpkin House, Langebaan, 19:30, R100 pp – Hanli Theron 082 853 8187.
Geleenthede
Vrydag 6 April: Karin Kay, De See Kat-restaurant, Paternoster, 18:30, vertoning en tweegangmaal, bespreek vooraf – 082 445 5540. Saterdag 7 April: Spore-oppi-sandfees met Armand Hofmeyr, Die Plaasmol, Hopefield, R20 pp, kinders o.12 gratis – 074 924 8478. Weskus Kuierfees van 06:30 tot laat, Vredenburg-sportterrein, Esperiastraat, Vredenburg, met onder meer Wouter van der Venter, Jennifer Zamudio, Stephan Visagie, Gypsy-G, Snotkop, Bianca en Axene, bespreek vooraf. –Computicket / Elfrieda 082 854 3145. Car Boot Sale, Catholic Chruch, Suffren Street, Langebaan, 09:00-12:00. – Heidi 083 779 5127 / heidi.engelbrecht@gmail.com. Port Owen-markdag, 10:00-14:00, Port Owen-seiljagklub, stalletjies R60 – Wilna 082 449 1121 ná 15:00. Arno Carstens-vertoning, Rhythms on the Stoep, Paternoster, R200 pp – Camilla 082 876 2711. Stonehaven-ekoplaasmark, Longacres, Langebaan, 10:00-14:00, entrance is free. – Fleur 082 323 4361. Musiekgroep Fluister, Redberry Coffee Shop, Long Acres, Langebaan, R250 pp – 082 831 3751. Duo West, On Ice, Vredenburg, 20:00, R20pp, bookings welcome – 076 377 0022 / 084 443 2005. Vrydag 13 April, Wouter van de Venter, Pirates Bar, Langebaan, 21:00-24:00 – 064 907 6884. Saterdag 14 April: Aan Oewer-dienssentrum hou basaar, 09:30 by NG Kerk Velddrifsaal, Smitlaan – 022 783 0048 Wednesday 18 April: Curro Langebaan Inde-
11 April 2018
pendent School - Langies Mini School Tour Tuesday-Wednesday, 20-21 April: The Fundamentals of Photography, The Pumpkin House, Langebaan, bookings – storyteller-media.co.za Wednesday 21 April: How to grow exotic mushrooms workshop, 14:00-16:30, Langebaan, R 550 pp – dayoraoystermushrooms18@gmail. com Woensdag 25 April: Vredenburg-tuinbouklub, Marietjie Pienaar van Bredasdorp praat oor bio-organiese groete en kruie in tonnels, R60 pp – Ansie 083 284 3941. Donderdag 26 April: Darling Trust Swart Das-aandete en veiling, Evita se Peron, Darling, 19:00-22:00, R950 pp – 072 573 7937 / tasha@ thedarlingtrust.org. Sondag 29 April: Buitelugmark, Groote Post-wynlandgoed, Darling, 10:00-15:00 – 082 877 6677 / grootepostcountrymarket.co.za Friday 4 May: Movie Night: Weskus Mall will be hosting a Movie night in the Food court at 17:30. Watch this space to see what movie will be screened. Contact Weskus Mall on 022 703 6900 for more details. Wednesday 9 May: Curro Langebaan Independent School - Langies Mini School Tour Saturday 26 May: Curro Langebaar Golf Day 2018 from 11:45 Saterdag 14 Julie, Franja du Plessis en Ruan Josh by die Bergrivier-winterkarnaval. Vrydag-Saterdag, 15-16 Desember: Mykonosfees, Langebaan, met onder meer Snotkop, Francois van Coke, Emo Adams, Jay, Refentse en Juanita Du Plessis. Hekke open Vrydag om 14:00, R100 pp per dag, R50 kinders o.14 – Kaartjies by Computicket / 022 707 7000 / info@clubmykonos.co.za.
SPORT Weekliks
Vredenburg-judoklub oefen Dinsdae en Donderdae, 17:00-19:00, Louwville-gemeenskapsaal, Vredenburg – Frazer 064 475 3097. Langebaan Stars-gimnastiekklub, oefen Dinsdae en Donderdae, Seebries Park, Langebaan – Madeleine 082 811 8118. Salkoriane-atletiekklub oefen Maandae, Dinsdae en Donderdae – stappers (Vernon 083 392 9356) en atlete (Sakkie 071 427 6731). Vre-
denburg-tennisklub oefen Woensdae 16:00 en Saterdae 13:30. – Benice 078 577 7997 / Annamari 083 356 6192. Langebaan Parkrun, Saterdae, 08:00, Langebaan Country Estate, Oostewalstraat. Gratis, registreer vooraf – parkrun.co.za/langebaan. Weskus-klawerjasunie (‘n streekskaartspelliga baie soos troewe), Sondae, kom speel saam – Charles 073 928 9004. Langebaan-atletiekklub, elke weeksdag, atlete oefen baan, veld, landloop, tweekamp, stap en pad. – Christopher 073 232 0046 / chrodgers1@gmail.com. Neem deel/ gaan kyk: Woensdag 18 April: Nagwedloop, Langebaanweg-lugmagbasis, 8km (R40) en 4km (R20) ten bate van beskermingsdiens-afdeling – sers. Geldenhuys of kpl. Bruines 022 706 2308. Saterdag 21 April: Weskus-marathon, Langebaan Country Estate (42.2km, 21.1km, 10km en 5km pretloop) – 074 233 8865 / weskusmarathon@gmail.com.
NUUS • NEWS
Vrydag-Sondag, 27-29 April: Weskus Skaak Ope Kampioenskap, 07:00, Masiphatisane Primêre Skool, Vredenburg. Registrasiegeld R150. Apr Saterdag 5 Mei: MTB-uitdaging, Patrysberg-plaas, St Helenabaai (5km en 10km R40; 16.5km R150; 22km en 41km R150) – 082 381 6333 / kobuslock@telkomsa.net Saturday 26 May: Curro Langebaan Golf Day, 11:45-13:30, Langebaan Country Estate, R1400 per four-ball, R750 per two-ball, bookings – Dommonique Forte, dommo.f@curro.co.za Woensdag-Saterdag, 11-14 Julie: Bergrivierkanomarathon, Velddrif – berg.org.za Sunday 2 September: Premier Drag Racing, Saldanha Airstrip, 09:30-17:30. Vrydag-Dinsdag, 28 September-2 Oktober: Hobie 16 SA Nasionale Kampioenskap, Hobie Beach, Club Mykonos – 083 300 1663 / hobiesun@ mweb.co.za. Stuur asseblief inligting vir die gratis dagboek na alida@diecourant.co.za vóór Maandae om 08:00.
NUUS • NEWS
11 April 2018
Night racing from midnight Verskeidenheid by Port on Friday 13th April Owen-mark
Andy Haigh-Smith and Tania Vermaak racing in a Mitsubishi Lancer GT1600.They ended fourth overall in the first round for 2018. PHOTO: Patrick Vermaak MALMESBURY – Eighteen car drivers has entered round two of the 2018 Western Province Rally Championship. According to Patrick Vermaak, spokesperson, the rally will prove exceptional if the opening round is anything to go by. The event starts at 00:05 Saturday 14 April at the Malmesbury Rugby Club with six special stages totalling 82.26km and a 06:30 finish for the first crew, after a total distance of 240.90km. A number of good spectator points are be-
ing planned at Wittedam, Wolfgat and Nieuwedam. Documentation and scrutineering starts at 21:00. Vermaak said that the 2017 Western Province Rally Championship was great, with both numbers and quality of entries raising the standards throughout the field. “Competitors have to deliver their best efforts on wet and dry gravel, tarmac and face both day and night driving, before the final positions are tallied at the end of the season”. Read more at www.wbmk.co.za.
VELDDRIF – Die maandelikse mark by Port Owen is besig om te groei. Saterdag 7 April was geen uitsondering nie, met baie belangstellendes wat die mark kom ondersteun het. Dit word elke maand op die tweede Saterdag by die seiljagklub gehou, van 10:00 tot 14:00. Om uit te stal kos R60. Bel Wilna by 082 449 1121 daagliks ná 15:00.
7
courant
8
dié
11 April 2018
Tel: 022 487 3221
NUUS • NEWS
SPORT
11 April 2018
Laaste kans om aanlyn in Roeiers reg vir Berg te skryf vir die marathon Die jaarlikse Bergrivier-kanomarathon begin op Woensdag 11 Julie in die Paarl en eindig op Saterdag 14 Julie by Velddrif. Deelnemers aan die Bergrivierkanomarathon kan van nou tot Woensdag 27 Junie aanlyn inskryf. Daar is verskillende vlakke van inskrywings en ‘n nuwe mededingende tweemanspanfor-
maat vir dié vierdaagse resies. Roeiers sal nou met ‘n maat kan saamwerk deur die rivier se uitdagende dele, maar soloroeiers sal steeds individueel ook kan deelneem. Minder ervare roeiers kan in ‘n aflosspan van drie deelneem. Skryf in by www.berg.org.za. Ná Woensdag 27 Junie sal ‘n R250-boete vir laat inskrywings geld.
Langebaan-parkrun behaal nuwe rekord
• Alida Buckle LANGEBAAN – Atlete van oor die hele land en wêreld trek weer op Saterdag 21 April saam om aan die Langebaan Country Estate (LCE) Weskus Marathon deel te neem. Dit is só gewild dat verskeie oorsese paartjies al hul wittebrood rondom die wedloop gereël het. Dié wedloop begin by Tsaarbank in die Weskus Nasionale Park. Deelnemers aan die 42.2km roete word per bus daarheen aangery. Die eerste twee kilometer is grondpad, waarna dit al die pad teerpad is tot by die eindpunt op die LCE. Vanjaar gaan daar weer stalletjies en aktiwiteite wees vir deelnemers, ondersteuners en toeskouers. Die 21.1km roete begin in die LCE en maak ‘n draai deur die park. Die 5km-pretdraf en die 10km roetes loop hoofsaaklik deur die LCE se gronde, met die eindpunt vir al die roetes op die LCE. Die hardlopers spring tussen 07:15 en 08:15 weg vir die verskillende wedlope.
Vriendelike Weskussers, meestal sakemense beman die waterpunte al langs die roete, waarvoor die organiseerders jaar na jaar pluimpies kry. Die organiseerders probeer dit ook by alle deelnemers inprent om nie hul leë bottels, sakkies en papiere langs die pad of in die veld te gooi nie. Geen voertuie word tydens die wedloop in die park toegelaat nie. Ereveldwagters van die Weskus Nasionale Park het die eerste marathon deur die park in 2001 aangebied as deel van die destydse jaarlikse Weskus-karnaval in Desember. Daarna is die Langebaan Strandlopers gestig en het hulle in 2002 die wedloop oorgeneem en dit ‘n amptelike Atletiek Suid-Afrika-wedloop gemaak. LCE is sedert 2013 betrokke as gasheer en hoofborg. Skryf betyds in vóór Maandag 16 April by www.weskusmarathon.co.za vir al die wedlope. Inskrywings vir die 5km-pretdraf vind tydens registrasie by die LCE plaas.
Kontak ons • Contact Us Redakteur: Izélle Garcia- izelle@diecourant.co.za Bemarkingsbestuurder: JB Paterson- ads@diecourant.co.za Joernalis: Alida Buckle- alida@diecourant.co.za Bemarkers: Desiré Kriel - desire@diecourant.co.za Isabella Schnetler - isabella@diecourant.co.za Finansies: Jane Gouws - accounts@diecourant.co.za Web: www.diecourant.co.za Facebook: @diecourant Tel: 022 487 3221
Regs: Hardloper in die Paas-parkrun. LANGEBAAN – ‘n Rekord 422 hardlopers het aan 132ste parkrun op Paas-Saterdag by die Langebaan Country Estate deelgeneem. Die naaste nog was in Desember toe 416 mense kom deelneem het. Die parkrun word sedert Augustus 2015 elke week om 08:00 by LCE gehou, is landwyd gratis, registreer net vooraf aanlyn by www.parkrun.
Foto: Awie Badenhorst. co.za/register, en bring jou strepieskode saam. Benader LCE van die Prinro-ingang af, as jy van Langebaan kom, ry verby die hoofhek en draai in die volgende pad regs. Die parkrun word georganiseer deur vrywilligers. As jy wil help, stuur ‘n epos na langebaanhelpers@parkrun.com.