463 die courant weskus en bergrivier

courant

• Bergrivier 1Swartland Weskus • Bergrivier

dié

4 April 2018

• Free • Gratis

Wes-Kaap se #1

Bou saam met goeie nuus

Uitgawe 463

4 April 2018

•SPORT AAN DIE WESKUS BREI UIT

Nuwe stadion met Paasrugby ingewy

Bo: Die plaaslike radiopersoonlikheid en gospelsanger Vernon Vraagom en kaptein van Tygerberg Gary Williams.

Alida Buckle SALDANHA – Die blinknuwe sportstadion is die afgelope naweek met verruklike klubrugby tydens die Transnet Super 8-Paastoernooi ingewy.

Met dié eerste toernooi van sy soort, sedert die destydse City Park Top 8-toernooi, wou hulle weer die harte van klubrugby-ondersteuners aanraak, skryf Bertram Vraagom, voorsitter van die Saldanhabaai-rugbyklub, in die voorwoord van die toernooiboekie.

“Ons wil hulle vermaak en betower.”

Die skare wat die pawiljoen van ‘n duisend

sitplekke Donderdagaand, Saterdagmiddag en Maandag volgepak het, wás betower.

Die spanne van Roses United (Wellington), die toernooiwenners, Saldanhabaai, Vredenburg, Langebaan, Wesbank (Malmesbury), Darling en Tygerberg (Ravensmead) het alles uitgehaal.

Hul ondersteuners het by tye die pawiljoen se dak laat lig met hul entoesiastiese liedere en aanmoediging.

Die multimiljoen Rand stadion se bou is moontlik gemaak deur ‘n vennootskap tussen Transnet en die Saldanhabaai-munisipaliteit en sluit benewens gerieflik toegeruste pawiljoen en

kleedkamers, ook kantore en ‘n onthaallosie in.

Daar word nog ‘n gimnasium beplan en reg langs die nuwe rugbyveld is die Weskus-sportfederasie se netbalbane.

Die droom is, volgens Abé du Plessis, munisipale menslike hulpbronbestuurder, om volgende keer tegelykertyd ook ‘n netbaltoernooi aan te bied. Die toernooi is regstreeks op SuperSport uitgesaai met plaaslike radiopersoonlikheid en gospelsanger, Vernon Vraagom wat sy debuut op televisie gemaak het.

Al die hekwagters en parkeringaanwysers was meestal vriendelike Saldanhabaaiers.

NUUS • NEWS

2

4 April 2018

•'ALLES IS ALTYD KUNS'

Omgeevrou maak beelde vir tuine Alida Buckle SALDANHA – ‘n Mens sien altyd eerste die bos krulle en dan die groot, oop glimlag as Cherryl Grobler (46) aangestap kom. En bykans nooit alleen nie. Sy help al jare afvlerkvoëltjies in die buurt, die kerk, die dorp en die dwelmrehabilitasiesentrum by Vredenburg weer heel word.

Nou doen sy vir ‘n slag iets vir haarself om uiting aan haar kunsdrange te gee. Cherryl maak beelde en groot teëls vir tuine. Haar repertoire bestaan op die oomblik uit ‘n kniehoogte slak, wurm, sampioen, uil en die groot vierkantige teëls om byvoorbeeld ‘n tuinpaadjie mee te pak.

Dié projek is al drie jaar oud en die eerste twee jaar was erg frustrerend, vertel Cherryl.

Behalwe dat sy tussendeur haar verpligtinge tyd moes afknyp daarvoor, het elke stap aan die begin geflop. “Ek moes letterlik alles oor en oor doen.”

Die proses om die sementbeelde te maak begin by ‘n rowwe skelet van plastiekbottels en rommel, wat met klei bedek word. Die fyn veertjies of draadjies word in die klei uitgekrap en gevorm. Rondom dit word ‘n rubbervorm en dan ook ‘n glasveselvorm gemaak. Uiteindelik word gips in die rubbervorm in die glasveselvorm gegiet. Om tot by die suksesvolle sementeindproduk te kom, was maar moeilik. Cherryl moes met verskeie soorte klei eksperimenteer – dit het vervorm, ingekrimp of klipsteen hard geraak, totdat sy die formule vervolmaak het. Daarna het haar rubberdae begin. Sy moes leer wat kan en wat kan nie op die duur rubber geverf word nie en dat sekere soort rubber sommer dadelik in die son vergaan. “Party vat twee weke om droog te raak en ander moet jy supervinnig aanverf, want dit word binne ‘n halfuur droog”. Na elke probeerslag moes daar eers weer geld gespaar word om nog rubber te gaan koop.

Volgende in die proses moes sy die regte “release agent” vir die rubber gekry het, want as die twee nie saamgaan nie, is dit ‘n gemors, óf die hele spulletjie smelt.

Die eerste paar veselglasvorms, wat die rub-

Cherryl Grobler (46) by een van haar sementuile. By die beeld is die rubber- en glasveselvorms waarin die sement gegiet was. Foto: Alida Buckle ber stewig moet hou as die sement daarin is, het die rubbervorms geskeur.

Met tye wou sy alles net weggooi, maar sy het deurgedruk, danksy haar geloof. “Ek is ‘n kind van God. Dit is wat my staande hou deur moeilike tye. God is my fondasie, my anker”.

“Alles wat ek altyd doen is kuns, maar nou’t ek besluit dat ek iets kunstigs wil doen wat geld kan maak.” Cherryl het twee pragtige meisiekinders en twee gestremde seuns. Dit het jare gelede bepaal dat sy van die huis af moes werk sodat sy hulle kon versorg en so het sy vir die Protea Hotel Saldanha lekkergoedjies vir gaste se kussings begin maak en gekookte etes verkoop. Sy verkoop steeds bruintjies en fudge vir ekstra geld.

“Ek het doen wat my hand vind om te doen.

Just do it and get it over with. Maar,” sê sy, “ek is nou in ‘n ander fase van my lewe. Ek wil nou goed doen wat ek graag wil doen.” Bel haar by 076 939 7950 om haar nuwe projek te ondersteun.

NUUS • NEWS

Porterville in 'n reënboog van kleure getooi

Porterville is onlangs in kleur gehul met die "Colour Run" wat hier aangebied is.

Oud en jonk het aan dié kleurvolle gebeurtenis deelgeneem.

NUUS • NEWS

4 April 2018

•FOTOGRAFIEKLUB SE WENNER

Hond se foto kry meriete toekenning

Watching the sunset deur Heidi Prinsloo.

Alida Buckle VREDENBURG – Heidi Prinsloo se foto van ‘n hond wat in die verte tuur, is as die Weskus-fotografievereniging se wenfoto vir Maartmaand aangewys.

Juan Venter, bekroonde fotograaf van Kaapstad, het die foto’s beoordeel in die maandlikse ope-afdeling en die vaste tema-afdeling. Die tema vir Maart was agtergrond beligting.

Die foto getiteld, Watching the sunset, het ‘n hoë punt van 27 /30 gekry en is ‘n merietesertifikaat toegeken.

Venter meen dat dit ‘n puik foto is. “Alles werk – daar is genoeg randbeligting om die onderwerp, tog is daar goeie detail van die onderwerp sigbaar. Daar is geen uitgewasde kleure nie, die komposisie is uitstekend en die foto vertel ‘n mooi storie met die hond wat in die verte kyk.”

Die vereniging is vanjaar tien jaar oud en spog met sowat dertig lede dwarsoor die Weskus – Vredenburg, Langebaan, Paternoster, Jacobsbaai, Saldanha en selfs Londen, Engeland, en Duitsland.

Volgens Anna-Marie Muller, sekretaresse,

word daar elke maand na almal se inskrywings, twee per kategorie, by hul vergadering gekyk op ‘n groot skerm, met die geakkrediteerde beoordelaars se kommentaar oor elke foto op klankgrepe daarmee saam. Die kritiek is tegelykertyd reguit, maar opbouend. Beoordelaars woon ook gereeld self die vergaderings by soos die bekende fotograaf Le Roux Malan van die Paarl, wat ook gereeld vir hulle werkswinkels aanbied.

Só leer die amateur fotograwe meer oor F-stoppe, komposisies en hoe en waar om ‘n foto te sny.

Hulle het agtste geëindig in die jaarlikse Wes-Kaapse Interklubkompetisie teen elf ander klubs. “Dit was die eerste keer wat ons deelgeneem het en ons het is baie tevrede met ons resultate, gesien in die lig daarvan dat ons minder lede het as die ander,” het Muller gesê.

Indien jy wil deel word van dié dinamiese vereniging en meer kom leer oor die kuns en wetenskap agter fotografie, bel Muller by 084 577 7752 of kom loer in op die laaste Dinsdag van elke maand by die Ou Stalle by die NG Kerk-moedergemeente om 18:30. Ledegeld is jaarliks betaalbaar.

Moeg gekla? Kom sê jou sê by Gop-vergadering Inwoners van die Saldanhabaai munisipale area het nou weer die kans om probleme in hul buurt of met die munisipaliteit in die algemeen te kom lys en munisipale amptenare onder vier oë te spreek, tydens die volgende rondte vergaderings in die wyke.

Dié geïntegreerde ontwikkelingsplan (Gop) vergaderings geskied tot Dinsdag 10 April. Die Gop wat op die ou end op Donderdag 31 Mei voorgelê word, is belangrik want dit bepaal hoe en waar munisipale fondse aangewend word.

As jou buurt se waterstelsel dus gereeld lek of daar is geen straatligte nie, is dit die plek om jou probleme te kom opper.

Die voorlopige munisipale begroting asook die voorlopige Gop lê reeds ter insae by alle munisipale kantore en biblioteke in die gebied.

Dit kan ook op die webwerf, www.sbm.gov.za, gelees word.

Doen ‘n slag die moeite en laat die demokrasie wérk deur die dokumente deur te lees en daarna die vergadering by te woon. Munisipale amptenare sal van 15:00-17:00 beskikbaar wees om inwoners se voorstelle, kommentaar en navrae aan te hoor en op te skryf.

Die munisipaliteit tree binne bepaalde konstitusionele beperkings en vereistes op. Die Gop-proses is waar inwoners hul deel kan doen om die munisipaliteit te help om toepaslike aanpassings en veranderings teweeg te bring.

Regstelling:

3

Woensdag 4 April: Diazville-gemeenskapsaal, Hopefield-gemeenskapsaal (ook vir Koperfontein-inwoners), George Kerridgegemeenskapsaal (ook vir Ongegund), St Helenabaai-stadsaal in Sandy Point (Shelley Point, Britanniabaai, Sandy Point, Stompneusbaai en Steenberg’s Cove).

Donderdag 5 April: Witteklip-gemeenskapsaal, Schutersaal (White City en deel van dorp), Paternoster-gemeenskapsaal, Sea Breeze-saal in Langebaan (Langebaan Noord en Mykonos) asook alle staatsdepartemente om 13:30 in die raadsaal op Vredenburg.

Maandag 9 April: Dail Rock-saal (Saldanha-dorp, Blouwaterbaai en Jacobsbaai), Green Village-gemeenskapsaal (ook Langebaanweg en lugmagbasis), Louwville-gemeenskapsaal (Iscor, Selfbou en deel van Louwville).

Dinsdag 10 April: Diazville-hoërskoolsaal (Diazville-Wes), Skilpadsaal (Vredenburg-Noord) asook alle sakeondernemings om 18:00 in die raadsaal op Vredenburg.

Middelpos, Langebaan-Suid, Vredenburg-Suid, Louwville en Laingville het reeds op Dinsdag 3 April vergader.

Skriftelike voorstelle, kommentaar en navrae kan ook gerig word aan: Dr. Pierre Voges, Munisipale Bestuurder, Saldanhabaai-munisipaliteit, Privaatsak X12, Vredenburg, 7830, vóór Woensdag 25 April.

Sinnie Koegelenberg van Velddrif het ‘n spesiale sertifikaat van erkenning vir uitsonderlike diens by die 86ste konferensie van die vrouelandbouvereniging (VLV) se Weskussirkel gekry. dié courant vra verskoning vir die verkeerde foto wat in die uitgawe van 21 Maart geplaas is.

4

4 April 2018

dié courant

Weskus nie meer plek van ouds

Die akkreditasie van twee nuwe buurtwagte in Saldanha, die stig van ‘n derde een in Velddrif en die begin van stapbusse om skoolkinders teen selfoongrypers en rowers te beskerm is goeie positiewe stappe.

Dit dui daarop dat mense hul buurte weer oorneem en aan die krimenele element sê: gaan soek vir jou ‘n ander speelplek.

Dit dui ook op ‘n ander hartseer.

Dat die Weskus van selfs nog tien jaar gelede, nie meer die ongerepte vredevolle plek is wat dit was nie. Mense het regtig met oop vensters en deure geslaap, sonder enige vrese dat iemand suutjies daar sou inklim en die elektroniese toerusting, televisiestel en die vrou se handsak vir sy maatjies sou aangee nie. Dit dui op ‘n veranderde omgewing en as ‘n mens luister na die polisie se pleidooie, leef baie inwoners steeds onder die wanindruk dat hulle dit maar kan doen.

It’s Good News

Die ongekeerde instroom van mense die afgelope dekade laat die munisiapale infrastruktuur uit hul nate bars en misdaad styg.

Die nasionale en provinsiale polisie gee en neem gedurig. Net as Velddrif, byvoorbeeld, dink dat hulle nou ekstra polisiemanne en vroue bygekry het, word hulle weer verplaas na gebiede met hoër misdaad soos Nyanga en Kayelitsha. En die skelms wéét dit.

Die situasie daar was nie lank terug nie so erg dat daar elke aand net een van alles by die stasie was: iemand om die foon te beman, iemand op patrollie en ‘n polisievoertuig. Hulle het darem intussen ‘n ekstra voertuig gekry en wag vir nog een.

“Neem eienaarskap van julle buurte” word aan inwoners gesê, maar dit is meer moeite as wat die deursnit mens deesdae bereid is om vir sy medemens te doen. Elkeen sal eerder op sy eie kluit sit en kla.

Dr. Marc Blackwell Snr

Words of Grace

During the struggles of life, even true Christians can be temporarily “weighed down, but assurance - amidst life- pressures is a result of faith and a life that honour’s God” “Not everyone who says to Me, 'Lord, Lord,' shall enter the kingdom of heaven, but he who does the will of My Father in heaven.

Many will say to Me in that day, 'Lord, Lord, have we not prophesied in Your name, cast out demons in Your name, and done many wonders in Your name?'

And then I will declare to them, 'I never knew you; depart from Me, you who practice lawlessness!’” (Matt.7:21-23 2 Matt. 7:15-20; 24-27 3 Eph.2:8-10) Jesus placed these warnings in Matthew between teaching about fruit and foundations.

An intimate relationship with Jesus will result in God honouring fruit because it is built upon the essential foundation of faith and repentance.

Genuine Faith comes through grace enabled trust in Christ as the One who has paid for our sins.

We believe in our hearts and confess with our mouths that Jesus obtained victory for all who place their faith in Him and His resurrection.

To be assured of your relationship with the Lord - ask yourself: Reading 1 JOHN: • Is your walk consistent with your talk? (1:5-7) • Do you fellowship with God and confess your sin? (1:8-10) • Do you study to show yourself approved unto God? (5:3-5) • Do you demonstrate love for Christians? (4:7-11, 19-20) • Do you publicly confess Christ as your Saviour? (2:23; 4:15) • Is there evidence of the fruit of the Spirit in your life? (4:13; 5:10; See Gal. 5:22-26) • Do you rely upon the promises of God? (5:11-13)

NUUS • NEWS

Kreatiwiteit in die maak van kunsledemate

VREDENBURG - ‘n Afrikaanse radiopraatjie oor die maak van kunsledemate as ‘n beroep, het die dertienjarige Anton Visser (55) op die daad daarvan oortuig om eendag ‘n geneeskundige ortotis en prostetis te word.

Hy ontwerp en maak kunsledemate (prostetika) en chirurgiese toestelle soos spalke, kouse en chirurgiese skoene (ortotika). Hoewel hy ook in ‘n span saam met chirurge, fisioterapeute, arbeidsterapeute en verpleegpersoneel werk, werk hy meestal direk met pasiënte. Dit is gewoonlik mense met amputasies, gestremd is, geskend is deur siektes soos diabetes of kanker of in ongelukke was. Pasiënte word na hom verwys of kan direk by hom om hulp aanklop.

Anton het sy nasionale diploma in geneeskundige ortotika en prostetika by die Tswane Universiteit van Tegnologie in 1986 verwerf, maar vóór dit het hy die water getoets deur tydens sy militêre diensplig in die ortopediese departement van die 1 Militêre Hospitaal te werk.

Ná sy studies het hy eers by die destydse Boksburg-Benoni-hospitaal en toe by die Johannesburg-hospitaal gewerk. Van 1996 tot 2009 werk hy by die Polokwane-hospitaal waarna hy sy eie praktyk begin. “Ek het ‘n plafon in die staatsdiens bereik en wou weer self met pasiënte werk.”

Anton was in dié tyd in Polokwane die hoof van sy beroep in Limpopo asook vir tien jaar die verteenwoordiger vir sy beroep op die Raad vir

Gesondheidsberoepe van Suid-Afrika.

Die besluit om in 2016 Weskus toe te verhuis was maklik. Anton en sy vrou, Helia, het altyd hier kom vakansie hou en besluit om dit hul tuiste te maak.

“Wat my die meeste vreugde verskaf is om iemand hier te sien inkom in ‘n rolstoel of met ‘n kruk of stut, en dan aan die einde van die proses hulle by die deur te sien uitstap.” Hy geniet ook die kreatiewe proses om die kunsledemate te maak.

Die proses begin by meet en pas, nadat ‘n gipsafdruk van die “stompie” gemaak is. Daarna word nog vorms van veselglas gemaak en aanmekaargesit met onderdele van aluminium of titanium met ‘n enkel, knie of voet by, afhangende vanwaar daar geamputeer is. waarna gietvorms van die ledemaat gemaak word. Daarna word nog vorms gemaak van sterker gips.

Met die droogwordtye in ag genome, meen Anton dit neem hom gemiddeld ‘n maand om ‘n prostese klaar te maak. Bors prosteses bestel hy volgens pasiënte se voorkeur. Die minimum koste van kunsledemate wissel van R40 000 vir onder die knie en R80 000 vir bo die knie prosteses.

Sy jongste pasiënt was ‘n tweejarige gestremde kind vir wie hy bilaterale bo-knie prostesis gemaak het. “My werk is baie vervullend en is my passie.” In sy vrye tyd maak hy tuin, loop langs die see en hy versamel lapelwapens.

NUUS • NEWS

4 April 2018

Ou toring by Akkerdyk afgebreek VREDENBURG – Dit was onafwendbaar dat die kerktoring by die NG Kerk Akkerdyk afgebreek sou moes word.

Volgens ds. Willie Greef, het ‘n struktuur-ingenieursfirma reeds in 2016 die toring as ’n veiligheidsrisiko verklaar, nadat opgemerk is dat stene loskom as gevolg van sigbare krake.

Die firma se ondersoek het bevind dat die staalbewapening in die betonsuile begin roes, uitgeswel en die konstruksie van binne af begin oopforseer het.

“Dit het die hele toring onstabiel gemaak en ‘n geweldige veiligheidsrisiko geskep, wat met verloop van tyd vererger het.”

Die Kerkraad het vir meer as ‘n jaar met die gemeente daaroor gekonsulteer via inligtingsbladjies en ook tydens eredienste.

“Uiteindelik het die onvermydelike aangebreek en moes ons die toring begin afbreek,” het Greeff gesê.

Die Sondag voor die afbreekwerk sou begin, is daar spesiaal tydens ‘n erediens seremonieël van die toring afskeid geneem.

“Vir die eerste keer in my 30 jaar-loopbaan het ek ‘n toring-gebed geskryf, waarmee ons die Here gedank het vir die verskeie rolle wat die toring oor jare vervul het, om mense nader te roep. Dit was ‘n helende moment vir ons almal.”

Greeff het gesê die afbreekwerk kos ‘n arm-en-‘n-been, maar sodra daar vorentoe weer fondse beskikbaar is, sal hulle dit dalk weer oorweeg om ‘n toring te bou.

Die NG Kerk Akkerdyk is vanjaar 44 jaar oud.

Kriekethelde van Hopefield vereer

In elke gemeenskap is daar diegene wat ‘n voetspoor laat in ‘n pogings om die gemeenskap op te hef. Ironies genoeg besef hulle dit nie eens nie en verwag gewoonlik niks in ruil daarvoor nie.

Cape Coast Youth (CCY), ‘n jeuggroep op Hopefield gee eersdaags erkenning aan die stigterslede van die Hopefield Wanderers Krieketklub om dankie te sê dat daar vandag ‘n sportklub is waarheen jong inwoners kan gaan om hul gunsteling sport te beoefen.

Die Hopefield Wanderers-krieketklub is in 1975 gestig. Aanvanklik is dié sport deur ‘n paar jong manne in die stofstrate van Oudekraalfontein beoefen.

Die klub was in sy tweede bestaansjaar as die Weskus-ligakampioene gekroon, ‘n titel wat hulle sewe jaar suksesvol verdedig het, vertel een van die stigterslede, oudspeler én boonop kaptein van daardie span, Freddie Papier.

Daar is vereers vriendskaplike wedstryde teen gevestigde klubs gespeel voor die klub by die destydse Weskus Krieketunie registreer is.

“As aspoestertjieklub, was ons behoorlik deur die top-klubs geboelie,”vertel hy.

“Ek onthou nog goed hoe ons spelers vir nulletjies uitgehaal is.”

Dít het die klub egter nie van stryk gebring nie, danksy baie lesse wat tydens die spel geleer is. Volgens Papier is die spelers geweldig dankbaar teenoor ‘n destydse bestaande klubafrigter op Hopefield wat selfs sy Vrydagaande opgeoffer het om hulle touwys te maak in die fynere kuns van krieket.

Die klub sluit uiteindelik in 1975 by die liga aan om teen spanne van Darling, Moorreesburg en Piketberg te kan meeding.

“Die res is geskiedenis,” voeg hy by.

“Ons het behoorlik wraak geneem teen spanne wat ons goedkoop uitgehaal het in vriendskaplike wedstryde,” skerts Freddie.

Sommige spelers word vandag nog onthou as van die beste wat al op die krieketvelde van die Weskus uitgestap het.

Sommige van die spelers is al oorlede.

Spelers wat tussen 1975 en 1985 vir die klub gespeel het, sal op 28 April deur CCY in die plaaslike Thusongsaal vereer word.

Stigterslede en spelers gaan elk ‘n medalje onvang, terwyl beste spelers van daardie tyd met trofees sal wegstap.

Toegang is R100 en kaartjies moet vooraf by Charlene Thomas of George April gekoop word.

(Geen kaartjies mag by die deur gekoop word nie.)

Afbreekwerk aan die kerktoring by die NG Kerk Akkerdyk vorder vinnig.

Kontak ons • Contact Us Redakteur: Izélle Garcia- izelle@diecourant.co.za Bemarkingsbestuurder: JB Paterson- ads@diecourant.co.za Joernalis: Alida Buckle- alida@diecourant.co.za Bemarkers: Desiré Kriel - desire@diecourant.co.za

Isabella Schnetler - isabella@diecourant.co.za Finansies: Jane Gouws - accounts@diecourant.co.za Web: www.diecourant.co.za Facebook: @diecourant Tel: 022 487 3221

5

6

Dagboek • Diary Weekliks

Silwer Vleuels-seniorklub, Woensdae, Ou Waenhuis langs NG Kerk-moedergemeente – 022 713 1724. Happy Hookers-hekelklub, Donderdae, Afsaal-padstal op Trekoskraalpad, tussen Vredenburg en Paternoster, 10:00-14:00, R70 pp – 022 715 3096.

Geleenthede

Vrydag 6 April: Karin Kay, De See Kat-restaurant, Paternoster, 18:30, vertoning en tweegangmaal, bespreek vooraf – 082 445 5540.

Saterdag 7 April: Spore-oppi-sandfees met Armand Hofmeyr, Die Plaasmol, Hopefield, R20 pp, kinders o.12 gratis – 074 924 8478.

Weskus Kuierfees van 06:30 tot laat, Vredenburg-sportterrein, Esperiastraat, Vredenburg, met onder meer Wouter van der Venter, Jennifer Zamudio, Stephan Visagie, Gypsy-G, Snotkop, Bianca en Axene, bespreek vooraf. –Computicket / Elfrieda 082 854 3145.

Car Boot Sale, Catholic Chruch, Suffren Street, Langebaan, 09:00-12:00. – Heidi 083 779 5127 / heidi.engelbrecht@gmail.com.

Port Owen-markdag, 10:00-14:00, Port Owen-seiljagklub, stalletjies R60 – Wilna 082 449 1121 ná 15:00.

Arno Carstens-vertoning, Rhythms on the Stoep, Paternoster, R200 pp – Camilla 082 876 2711.

Stonehaven-ekoplaasmark, Longacres, Langebaan, 10:00-14:00, entrance is free. – Fleur 082 323 4361.

Musiekgroep Fluister, Redberry Coffee Shop, Long Acres, Langebaan, R250 pp – 082 831 3751.

Duo West, On Ice, Vredenburg, 20:00, R20pp, bookings welcome – 076 377 0022 / 084 443 2005.

Vrydag 13 April, Wouter van de Venter, Pirates Bar, Langebaan, 21:00-24:00 – 064 907 6884.

Tuesday-Wednesday, 20-21 April: The Fundamentals of Photography, The Pumpkin House, Langebaan, bookings – storyteller-media.co.za Wednesday 21 April: How to grow exotic mushrooms workshop, 14:00-16:30, Langebaan, R 550 pp – dayoraoystermushrooms18@gmail.

4 April 2018

NUUS • NEWS

com Donderdag 26 April: Darling Trust Swart Das-aandete en veiling, Evita se Peron, Darling, 19:00-22:00, R950 pp – 072 573 7937 / tasha@ thedarlingtrust.org.

Sondag 29 April: Buitelugmark, Groote Post-wynlandgoed, Darling, 10:00-15:00 – 082 877 6677 / grootepostcountrymarket.co.za Saterdag 14 Julie, Franja du Plessis en Ruan Josh by die Bergrivier-winterkarnaval.

Vrydag-Saterdag, 15-16 Desember: Mykonosfees, Langebaan, met onder meer Snotkop, Francois van Coke, Emo Adams, Jay, Refentse en Juanita Du Plessis. Hekke open Vrydag om 14:00, R100 pp per dag, R50 kinders o.14 – Kaartjies by Computicket / 022 707 7000 / info@clubmykonos.co.za.

SPORT Weekliks

Vredenburg-judoklub oefen Dinsdae en Donderdae, 17:00-19:00, Louwville-gemeenskapsaal, Vredenburg – Frazer 064 475 3097.

Langebaan Stars-gimnastiekklub, oefen Dinsdae en Donderdae, Seebries Park, Langebaan – Madeleine 082 811 8118.

Salkoriane-atletiekklub oefen Maandae, Dinsdae en Donderdae – stappers (Vernon 083 392 9356) en atlete (Sakkie 071 427 6731). Vredenburg-tennisklub oefen Woensdae 16:00 en Saterdae 13:30. – Benice 078 577 7997 / Annamari 083 356 6192.

Langebaan Parkrun, Saterdae, 08:00, Langebaan Country Estate, Oostewalstraat. Gratis, registreer vooraf – parkrun.co.za/langebaan.

Weskus-klawerjasunie (‘n streekskaartspelliga baie soos troewe), Sondae, kom speel saam – Charles 073 928 9004.

Langebaan-atletiekklub, elke weeksdag, atlete oefen baan, veld, landloop, tweekamp, stap en pad. – Christopher 073 232 0046 / chrodgers1@gmail.com.

Neem deel/ gaan kyk: Woensdag 18 April: Nagwedloop, Lange-

baanweg-lugmagbasis, 8km (R40) en 4km (R20) ten bate van beskermingsdiens-afdeling – sers.

Geldenhuys of kpl. Bruines 022 706 2308.

Saterdag 21 April: Weskus-marathon, Langebaan Country Estate (42.2km, 21.1km, 10km en 5km pretloop) – 074 233 8865 / weskusmarathon@gmail.com.

Vrydag-Sondag, 27-29 April: Weskus Skaak Ope Kampioenskap, 07:00, Masiphatisane Primêre Skool, Vredenburg. Registrasiegeld R150.

Apr Saterdag 5 Mei: MTB-uitdaging, Patrysberg-plaas, St Helenabaai (5km en 10km R40; 16.5km R150; 22km en 41km R150) – 082 381 6333 / kobuslock@telkomsa.net Saturday 26 May: Curro Langebaan Golf Day, 11:45-13:30, Langebaan Country Estate, R1400 per four-ball, R750 per two-ball, bookings – Dommonique Forte, dommo.f@curro.co.za

Woensdag-Saterdag, 11-14 Julie: Bergrivierkanomarathon, Velddrif – berg.org.za Sunday 2 September: Premier Drag Racing, Saldanha Airstrip, 09:30-17:30.

Vrydag-Dinsdag, 28 September-2 Oktober: Hobie 16 SA Nasionale Kampioenskap, Hobie Beach, Club Mykonos – 083 300 1663 / hobiesun@ mweb.co.za.

Stuur asseblief inligting vir die gratis dagboek na alida@diecourant.co.za vóór Maandae om 08:00.

NUUS • NEWS

7

4 April 2018

Paastoernooi op Saldanha sorg vir aksierugby

Sien berig agter - Foto's: Alida Buckle

8

courant

dié

4 April 2018

Tel: 022 487 3221

NUUS • NEWS

SPORT

4 April 2018

•SPAN VAN WELLINGTON KRAAI KONING IN PAASTOERNOOI

Roses United doring in Saldanha se vlees Alida Buckle SALDANHA – Die uitstekende span van die Saldanhabaai-rugbyklub kon al amper die oorwinning proe, toe Roses United van Wellington in die laaste tien minute ‘n bal tussen die pale deurgestuur het. Die eindtelling was Saldanhabaai 20 en Roses United 22.

Die eerste wisseltrofee in die Transnet Super 8 Paas-rugbytoernooi, wat hopelik ‘n jaarlikse instelling word, gaan dus Wellington toe.

Die twaalf wedstryde wat in die toernooi gespeel is, was titanies, met die ander ses spanne wat net so graag wou wen. Hulle was Vredenburg, Langebaan, Wesbank (Malmesbury), Darling, Tygerberg en Robertson.

Die spanne het dit Donderdagaand onder die helder spreiligte uitgespook met die tellings op die ou end: Roses United 34 Darling 10; Tygeberg 36 Langebaan 10; Saldanha 13 Vredenburg 12; Wesbank 24 Robertson 20. Aan die einde van Saterdag het die tellings so gelyk: Darling 26 Langebaan 14, Vredenburg 22 Robertson 18, Tygerberg 17 Roses United 25, Saldanhabaai 22 Wesbank 8.

Robertson het die Skild-eindstryd teen Langebaan gewen met 35-19.

Die stryd om die Baktrofee, tussen Darling en Vredenburg was fel en Darling-kaptein Earl Lewis se harloopdrie van een kant van die veld na die ander, moet genoem word.

Die eindtelling was Darling 36 Vredenburg 32.

Tygerberg het die Plaat-eindstryd met een punt voor Wesbank weggeraap, met 20-19.

Shilton van Wyk van Saldanhabaai is aangewys as die Speler van die Toernooi, Thurlow March, kaptein van Roses United as die Voorspeler van die Toernooi en Riaan Louw van Saldanhabaai as die Agterspeler van die Toernooi.

Die manne het gesorg vir pragtige hardlooprugby, met verbete verdediging, brute oorstootdrieë en kragtige skrums en losgemale. Die blitsige drieë telkemale sommer in die eerste drie minute vandat die wedstryde begin het, was asemrowend.

Devon Joshua het ook Saldanhabaai se net-net nederlaag gesê dat die span van Roses United hulle dié dag uitoorlê het.

Thurlow het gesê dat Saldanhabaai hulle van die eerste oomblik af onder druk gesit het. “Dit was karakter wat ons deurgetrek het.”

Die manne van Roses United was waarlik “together standing tall”, soos hulle uit volle bors gesing het, met die Transnet Super 8 Paas-rugbytoernooi-beker omhoog.

Burgemeester Marius Koen het in kommentaar gesê dat die toernooi verskillende rasse, kulture en gemeenskappe saamgebring en hulle alles vir die duur van die wedstryde laat vergeet het.

“Dit was ‘n voorreg vir die Saldanhabaaimunisipaliteit om almal te kon verenig en die liefde vir rugby te bevorder.”

Regs bo: Betram Vraagom, voorsitter van die Saldanhabaai-rugbyklub en burgemeester Marius Koen oorhandig die wenbeker aan Thurlow March, kaptein van Roses United. Hy is ook as Agterspeler van die Toernooi aangewys.