c urant
dié
1 Swartland • Bergrivier
• Free • Gratis
Wes-Kaap se #1
19 April 2017
21.1%
Bou saam met goeie nuus
Uitgawe 416
19 April 2017
Swartland trek herfskleed aan
Dit kwik draai anderkant 30 grade in die Swartland, maar plek-plek begin die bome en plante 'n herfskleed aantrek. Die blare verkleur na bruin of brons, terwyl die wolkbanke van tyd tot tyd dig oor die streek hang, sonder enige lafenis van 'n bietjie reën. By Nuwerus in die Darling-distrik, staan die karkas van 'n gebou wat al talle seisoene meegemaak het, en wag vir die komende winter en koue weer wat steeds die streek ontwyk.
•KONSEPBEGROTINGS BEKYK - KRAG MIN OP
Water styg skerpste
Watertariewe sal die skerpste toename op munisipale rekenings toon as die konsepbegrotings van die Swartland en Bergrivier-munisipaliteite deur hul onderskeie rade goedgekeur word. Dié twee owerhede se konsepbegrotings vir 2017/2018 maak voorsiening vir 'n styging van onderskeidelik 12% (Swartland) en 7,9% (Bergrivier) in die tariewe vir waterverbruik. Daarteenoor is die voorgestelde styging in elektrisiteitstariewe vir die komende jaar, soos voorgeskryf deur Nersa (nasionale Energiereguleerder), 1,88% (Swartland) en 2.11% (Bergrivier).
• Swartland Munisipaliteit (SM) Die voorgestelde tariefverhoging sal die kostes van water van R11.23/kl na 12.58/kl (vanaf 4kl tot 25kl) verhoog. Die 4kl gratis water per huishouding is vir 2017/2018 se finansiële jaar na 3kl gratis water verlaag. Die 8kl gratis water vir deernishuishoudings is na 7kl verlaag. In ‘n poging om die munisipale rekening bekostigbaar te hou, die finansiële volhoubaarheid van die munisipaliteit te verseker en die geloofwaardigheid van die meerjarige begroting te verbeter, sal die gemiddelde verhoging op huishouding vir die 2017/2018 se finansiële jaar min of meer tussen 5.5% en 6.5% wees. Die munisipaliteit se begrote inkomste uit tariewe en belasting, het met 5.2% van R647 894 024 na R681 697 053 gegroei, terwyl die bedryfsuitgawe (voorgestel) van R636 140 909 na R664 504 937 (4.5%) styg. Elektrisiteitstariewe se voorgestelde verhoging vir rekeningkliënte is vanaf R0.84 per eenheid tot R0.8558 vir gebruik tussen 0 tot 50kWh.
Vanaf 51 tot 350kWh verbruik, klim die tarief van R1.08 tot R1.1003. Vanaf 351 tot 600kWh verbruik, styg die tarief van R1.52 tot R1.5486 en bo 600kWh verbruik is die konseptarief voortaan R1.8237 teenoor die huidige R1.79 per eenheid. Die voorgestelde sanitasie en vullisverwyderingstariewe styg met ‘n gemiddelde tariefverhoging van 6% elk. Vullisverwydering het in die 2016/2017-boekjaar R107.18 beloop en daar word nou vir die 2017/2018-boekjaar voorgestel dat die tarief styg tot R113.61 per maand. Die voorgestelde verhoging vir belastingtariewe vir residensiële eiendom is ook 6%. Dit is van 0.5449 sent tot 0.5776 sent. Die verhoging vir belastingtariewe vir sakeeiendom is 8%. Daar is voorgestel dat landbou-gebiede ‘n afslag van 75% (dié tarief is 25% van residensieel) ontvang. Die totale konsep-kapitaalbegroting vir 2017/2018 beloop R84 433 miljoen, nadat dit verhoog het van die huidige R81 428 miljoen. Onder die algemene aanbevelings wat gemaak word, tel die bou van verdere spoedwalle, die bou van speelplekke vir kinders met spesiale verwysing na laekoste-behuisingsbuurte asook 'n beleidsaanpassing om die aanbring van elektroniese waterbeheerstelsels afdwingbaar te maak waar nodig. Die finale begroting sal op 25 Mei aan die raad voorgelê word vir goedkeuring vir die komende boekjaar. Die publiek het geleentheid om kommentaar op die konsepbegroting en voorgestelde tariefverhogings te lewer. Die inligting is by die munisipale kantoor en
op hul webtuiste by www.swartland.org.za beskikbaar.
• Bergrivier Munisipaliteit (BM) Die munisipale bestuurder, adv. Hanlie Linde, het gister met dié courant gepraat oor die gemeensakapsvergaderings wat dié munisipaliteit op nege dorpe gehou het en die goeie bywoning deur inwoners. Sy sê ook die BM se nuwe geïntegreerde ontwikkelingsplan (GOP) is die beste een nog en met 'n nuwe web-gebaseerde weergawe sal dit soveel meer toeganklik wees vir die publiek. Linde sê die program is ontwikkel in samewerking met die provinsie. Die voorgestelde tariewe vir 2017/18 sluit 7.9% op riolering (<R11 tot R153) en ook 7.9% op vullisverwydering (<R15 tot R206). Die konsepverhoging in eiendomsbelasting beloop 7,9%. Die watertarief (voorgestel) styg van R6.57 per kiloliter vir 0 tot 6kl water verbruik, tot R7.09. Vanaf 7 tot 50kl, klim die tarief van R13.285 tot R14.30. Vanaf 51kl tot 100kl verbruik, sal die tarief van R15.25 tot R16.46 aangepas word. Diegene wat 101kl tot 200kl in 'n maand verbruik, sal voortaan R17.29 gehef word, in plaas van R16.03. Die totale konsepbedryfsbegroting beloop R329 667 000, waarvan personeeluitgawe 37% en grootmaatdiensaankope 25% die grootste komponente uitmaak. Die voorgestelde kapitaalbegroting beloop R30 269 500, met die grootste komponent dié van tegniese dienste (81%). Deernishuishoudings wat by die munisipaliteit geregistreer is, sal 'n totaal van 6kl gratis water per maand ontvang.
NUUS • NEWS