Jon Hjørnevik I ein sofa frå Korea – dikt i utsal, 2001 Den vanskelege andreboka, 2002 Hjørneviks Store Norske leksikon, 2004 Shortsen til far min, 2005 Mor mi står i glaset, 2008 Dikt i oppsamling, 2008 Jon Hjørnevik samlar seg, 2010 Flukta frå rekkehuset, 2011 Heimekontor i gravferda, 2014 Alt skal ut, 2015 Ikkje alle gjorde motstand under krigen, 2018
Jon Hjørnevik
Greatest dikts Dikt
Samlaget Oslo 2019
© Det Norske Samlaget 2019 www.samlaget.no Omslag: Ole Færøvik Sats: ord & form, Gudbrand Klæstad Papir: 80 gram Munken Print Cream Trykkeri: ScandBook AB, Falun Printed in Sweden ISBN 978-82-340-0073-7
Denne boka er trykt på miljøvennleg papir.
Starten på galskapen Februar 2001. Forbanna Bergen. Bergen sitt svar på snø, altså regn, piska mot den eine ruta eg hadde på det sjukt tronge kottet eg leigde gratis i Lindebergsmauet. Eg såg ikkje særleg lyst på det. Eg hadde lite pengar. Eg hadde ikkje pengar. Eg hadde ingen fast jobb. Eg hadde heller ikkje lyst på noko fast jobb. Eg skreiv rare dikt og ville lese høgt opp for dei som måtte høyre på. Det var det eg dreiv med. Familien var seriøst urolege for den vel tretti år gamle diktarspiren, som forlét ein fast jobb for å sysla med dikt frå scenekanten. «Det har klikka for Hjørneviken», tenkte slekt og uvennar. Det kan eg forstå. Eg hadde nyleg avslutta fem veker med kabareten «I ein sofa frå Korea», på den no nedlagde konsertstaden Den Stundesløse. Her framførte eg mine eigne dikt og tekstar, som eg hadde limt inn i ein skarve Ikea-katalog. Det stod ikkje fleire førestillingar på plakaten heller. Det såg ikkje så lovande ut. Men. Eg hadde gløymt at eg hadde sendt inn ei lefse med dikt til Samlaget for å vera med på eit skrivekurs. Og eg hadde ein mobiltelefon. Den ringde. Den som ringer ein februardag i 2001 er Margit Walsø frå Det Norske Samlaget. Det gjaldt dikta eg hadde sendt inn til skrive kurset. Eg trudde eg skulle på skrivekurs, men forstod brått at Walsø og Samlaget hadde tenkt å gi dikta ut. Dei skulle altså gi dei ut i ei heilt eiga samling med dikt. Dei er galne i Samlaget, forlaget til diktarar som Tor Jonsson, Olav H. Hauge og Arne Hjeltnes. Slik blir det. Før jul 2001 kom I ein sofa frå Korea ut. Eit stort utval av dikta mine hadde stolt flytta seg frå Ikea-katalogen til ei ekte samling med dikt. Eg var sjølv også noko så patetisk som stolt, sjølv om familien min framleis var urolege. Likevel, eg var ikkje heilt nøgd sjølv heller. Eit av mine eigne favorittdikt, «Venstreving», fekk ikkje komma med i debutsamlinga. Det vart refusert, det vart
tatt vekk. Det var ikkje godt nok. Redaktør Knut Bergem hadde sett ned foten. Det måtte ut. Eg godtok det då, men snart tjue år etterpå vaknar eg framleis om nettene og lurer på kvifor eg ikkje sa at «Venstreving» måtte vera med. Punktum. I ein sofa frå Kora var den første av sju samlingar. Det betyr nesten 350 dikt. Framleis har ikkje «Venstreving» komme med. Mine to andre redaktørar gjennom desse åra, Finn Totland og Håkon Kolmannskog, har uavhengig av kvarandre, nådelaust tatt «Venstreving» ut av manus. Kanskje har dei rett, men likevel. Etter alle desse diktsamlingane er det endeleg slutt på dette redaktørtullet. I samlinga Greatest dikts har eg saman med mitt diktarpublikum (ja, eg har faktisk eit publikum) plukka ut 69 av dei beste dikta som er skrive — av meg. Dette er altså mine eigne favorittdikt. Og. Det beste for min del er at det siste diktet i Greatest dikts er nettopp «Venstreving». Så då er det bestemt. Lukke til, kjære lesar. Og endeleg kan eg få sova godt om nettene. Jon Hjørnevik, Bergen, 14. juni, 2019
Innhald Heiter hylla di Ivar? 9 Sjekking 10 Ein happy homo 11 Ekstremsport 12 Rekorden min 13 Snart heim 14 Slektserotikk 15 Naken kaptein 16 Kalle Dykkarens song 17 NM i blomsterdekor 18 VM i altfor stor bakke 19 Julebord i enkeltmannsføretaket 20 Kontaktannonsedikt 21 Ein god grunn for eit grunnfag i joik 22 Ingen draumemann 23 Referat frå årsmøte i ungkarsklubben 24 Shortsen til far min 25 Sjå på far din og lær gut 26 Eg tok bilen hans far 27 Morgonhåret til mor mi 28 Eg tar på ein kompis 29 Eg treng berre ei kvinne 30 Eg har ein fadder i Botswana 31 Eg vil berre lesa for deg 32 Big Burger Brita 33 Pelsdyrkonsulent på friarfot 34 Balladen om brørne til far min 35 Lyrisk dagsrevy 2055 36 Ingen hadde fleire blad 37 Du ser etter ein 38 Det har skjedd noko vondt mor 39 Mor mi står i glaset 40 Far min ser i glaset 41 Vareoppteljing for eldre 42 Eg ville fødd heime 43
Sjølvmordsbombar på slektsstevne 44 Eg tenkjer på kommunen min 45 Kvar er du, min kjære? 46 Handlelista frå helvete 47 Helsing til den tilbakeståande svenske arkitekthomoen som truleg teikna garderobeskapet pax 48 Fotball VM 1987 49 Sverre med fingen 50 Brev til dine bryst 51 Eg, ein djævel? 52 Eg hatar frukost på senga 53 Me manglar berre purreløk 54 Eg ringjer til alle i Oslo 55 Eg ville ta bjørka 56 Stakkars, sjefen er sjuk 57 Sanningas nekrolog 58 Eg har mitt yin og yang 59 Mor mi ho sleit seg 60 Kven skal tømme oppvaskmaskina? 61 O Store Oslo 62 Det er dyrt 63 Den styggasta dama i dalen 64 Erwin Rommels tørketrommel 65 Sluttprogram 66 Heimekontor i gravferda 67 Det verste eg veit, det er ikkje krig 68 Dei fekk berre søner 69 Hei, Hitler 70 Kystens hore, Magga Higen 1905–1946 71 Proviant må lagast frå grunnen av når det kjem austlendingar til gards 72 Kva skal puddingen heita? 73 Eg trudde at far min var borte 74 Krigens regel nummer 1: Eg kan ikkje læra far min å drikka 75 Du må ikkje sova i timen 76 Publikumsfavoritten/refusert dikt: Venstreving 77
F Ø RST E D I K T
Heiter hylla di Ivar? Eg har ei hylle som heiter Ivar Eg har eit bord som heiter Kjell, mens sofaen eg ligg i, den heiter Isabell. Eg har ei lampe som heiter Tommy, og nattbordet Jonatann, senga eg søv søtt i, den heiter Mimiann. Eg ynkar, stønner og ber meg, eg er ein einsleg vilter ramn som hoppar til sengs med ei seng, ei seng som har damenamn. Eg rullar meg rundt i dynene på Mimianns mjuke laken gnir eg meg inntil ho, men berre eg er naken. Men så får eg ein kniv i ryggen, så drepande og kvass, for eg gløymde at det eg ligg på, er Frode Overmadrass.
9
ANDRE DIKT
Sjekking Eg sjekka opp meg sjølv ein gong, men vart ikkje noko gla, for det sjokka meg kor lett det heile va.
10
T R E DJ E D I K T
Ein happy homo Eg heiter Fredrik, han heiter Bjarne, Bjarne valde meg framfor Geir Arne.
11
FJ E R D E D I K T
Ekstremsport Nokre hoppar fallskjerm, andre heng i fjell, basehopp er farleg, men dei gjer det likevel. Fridykking er dristig, det er ogsü bokseringen, eg driv òg ekstremsport og hoppar av i svingen.
12
FEMTE DIKT
Rekorden min Eg er ikkje raskast i verda, har aldri hoppa lengst, eg kan aldri løfta mest når rekordløft trengst. Eg har aldri klatra opp på det høgste fjell, eg hadde ramla ned nokså tidleg likevel. Eg er ingen sikker vinnar, eg er ein som sjeldan vinn, men eg har faktisk ein rekord, og den er berre min. Rekorden min, den er ekstrem, ei grense ingen andre har kryssa, ei fin jente sa til meg ein gong: «Du er den eldste eg har kyssa.»
13
SJET TE DIKT
Snart heim No ligg eg med ei tobarnsmor, det er tysdag klokka tre, eg stakk innom for ein kaffikopp, og då kan den slags skje, eg vert omringa av puppar i ein annan mann sin heim, dei dinglar lystig over meg, mens eg er bunden med ei reim. Ho har nokså strøken kropp, trass i sine to, den dansar ho med oppå meg mens eg ligg heilt i ro. I ein vilter vill orkan brakar me i hop, før to daude dyr dett om i ei himmelsk dynegrop. Men der kom ein bil på tunet, det var mannen som kom heim, kona søv og eg ligg her, framleis i ei reim, det er ei kjønnsleg slagmark, i stova ligg ein eim, nei, det luktar ikkje kjøttkaker, når mannen no kjem heim.
14
S J UA N D E D I K T
Slektserotikk Eg er så glad i tanta mi, eg ser kor fin ho er, eg er så glad i tanta mi, ho er så tett og muskulær. Eg er så glad i tanta mi, ho er så snill og god, eg er så glad i tanta mi, eg vil sova inntil ho. Eg er så glad i tanta mi, for meg er ho perfekt, ho er kvinna i mitt liv, berre synd me er i slekt. Det er eit drisitig opplegg, men sjølv om eg tar skade, tenkjer eg som så, av sine eigne skal ein ha det. Så i all hemmelegheit, i ei stove mørk og dunkel, så klemmer eg på tante og kjenner lukt av onkel.
15