Jon Hjørnevik
Alt skal ut Dikt
Det Norske Samlaget Oslo 2015
Innhald
INNHALD
I ein sofa frå Korea – dikt i utsal
s.
7
Den vanskelege andreboka
s.
79
Shortsen til far min
s. 153
Mor mi står i glaset
s. 233
Flukta frå rekkehuset
s. 305
Heimekontor i gravferda
s. 421
Jon Hjørnevik
I ein sofa frå Korea – dikt i utsal
Design: Kine Røst Omslagsfoto: Frøydis Geithus og Ine Syversen Foto: Einar Loftesnes: s. 23, 39, 42, 43, 56 Frøydis Geithus og Ine Syversen: s. 45 Forfattaren sjølv: s. 9 Mor til forfattaren: s. 11, 16, 24, 30, 41, 62, 70 72, 73 Far til forfattaren: s. 14 Slektsbilete: s. 53, 66 Teikningar: Forfattaren sjølv
Innhald Mellom homsar og hyller 12
Heiter hylla di Ivar?
13
Ein happy homo
14
Undring på eit kontor
15
Homo future – the choice of the last generation
16
Siste dans med ein trans
18
Oslo for alle
20
Velkommen til landet vårt
22
Verdsborgar i ein sofakrok
Klage og bønn frå det svake kjønn 24
Modellbygging
25
Trøst i ein saldo
26
Mann i kjærleikssorg
27
Sjekking
28
Mann møter vår
30
Draum i rus
32
Det mislikte diktet
Menn og marginar 35
Ekstremsport
36
Rekorden min
37
Den perfekte for meg
38
Talentet Curly
39
Kjensler for hest
Innhald
40
Berre eit sjølvmål
42
Spisskompetanse
43
Det er vår
Famling og familie 44
Livet er ein fast!
45
Kvinnedagen
46
Snart heim
48
Ei rekkje store historiske hendingar verda i større og mindre grad kunne vore forutan
50
Samlivskalenderen
52
Leveregel
Jenter, mas, tanter og fjas 53
Hittegodslyrikk
53
Filofaxen min
54
Jenter i dikt
54
Jenter i dikt
56
Motorelskov
57
Slektserotikk
58
Pusen min
59
Litt litteratur
Innhald
Oppvekst og utvekst 60
Mor Grimseth les frukostblandingslyrikk med ukjent innhald
62
Morgonstemning
62
Den første kvinna i mitt liv
64
Festskrift til kondomen
66
Fine minne frå ein oppvekst
67
Tårer frå ein barnefot
68
Krisesenteret for dikt
69
Mus og hår i den mangfaldige verda vår
Himmel, hav og helvete 71
Naken kaptein
72
Sjekk lasta di, kaptein!
74
Kalle Dykkarens song
76
Kvifor vart eg aldri surfargut?
12 Mellom homsar og hyller
Heiter
hylla di
Ivar?
Eg har ei hylle som heiter Ivar Eg har eit bord som heiter Kjell, mens sofaen eg ligg i, den heiter Isabell.
Eg har ei lampe som heiter Tommy, og nattbordet Jonatann, senga eg søv søtt i, den heiter Mimiann.
Eg ynkar, stønner og ber meg, eg er ein einsleg vilter ramn som hoppar til sengs med ei seng, ei seng som har damenamn.
Eg rullar meg rundt i dynene på Mimianns mjuke laken gnir eg meg inntil ho, men berre eg er naken.
Men så får eg ein kniv i ryggen, så drepande og kvass, for eg gløymde at det eg ligg på, er Frode Overmadrass.
Mellom homsar og hyller 13
Ein
happy homo
Eg heiter Fredrik, han heiter Bjarne, Bjarne valde meg framfor Geir Arne.
14 Mellom homsar og hyller
Undring på eit kontor Kven delte eg natt med, på mitt eige kontor, eg minnest deg vagt, var det fire du fòr? Eg trur det var kjekt, eg trur me drakk vin, – og kva gjer eg naken i kontorstolen min?
Eg trur du var flott, men det er berre sånn at eg går her og lurar, var du mørk eller blond? Sov du her litt, kor var det du låg, – eg undrar no berre, var du naken du òg?
Så lurar eg på, vart det meir enn litt klin, var eg øm, var eg god eller var eg eit svin, Kva var det i grunnen me gjorde i lag, – for det luktar litt rart på kontoret i dag?
Eg lurar og lurar, ja det går litt i ring, og i sanninga minnest eg slett ingenting. Kor er bukse og jakke, har du sett mine sko, – eg undrar no berre, var du han eller ho?
Mellom homsar og hyller 15
Homo future – the choice of the last generation I framtida kan nok ein barndom bli rar, når barnesinn lurar på bestefar.
Ein gut sit på fanget, og spør når det var, når var det det var du bestefar møtte bestefar?
16 Mellom homsar og hyller
dans med ein trans Siste
På ein søvnig Bangkok bar står ein einsleg vossing att, eg er ingen Lucky Luke, eg er nattas attpåklatt.
Baren stenger, vi går heim, vi er kvinnelause menn som no er utan håp, og ruslar tomhendt heim igjen.
Men i ei Bangkokgate, i eit busskur ser eg han, mot meg kjem ei kvinne, som ein gong var ein mann.
Det var Bangkok, det var Kho San Road, og ein frå Voss byr opp til dans, i eit busskur, under neonlys, med ein villig thailandsk trans.
Det er min første date, med det eg kallar trans, vi dansar nokså tett, eg kjenner varmen hans.
Mellom homsar og hyller 17
Eg trur transen likar meg, ho tek hardt om mine lår, kan eg lika at han klår? Det er kanskje best eg går.
På trynet i eit skur, det er dit eg skubbar han, no dansar transen trinn som ingen andre kan.
Ja, det var Bangkok, det var Kho San Road, og ein frå Voss fekk siste dans, i eit busskur, under neonlys, med ein villig thailandsk trans.
Dagen etter vaknar eg, eg ser ut og sola skin, eg pustar letta ut, ingen trans på armen min.
Der ute står eit skur, og i det ligg ein trans, eg vinkar bort til han som ein takk for siste dans.
18 Mellom homsar og hyller
Oslo for
alle
Oslo er for alle, Oslo har alltid vore bra, heilt sidan den gongen, Oslo heitte Kristiania.
Oslo for sm책ting, Oslo for Storting. Oslo for alt, og ingenting.
Mellom homsar og hyller 19
Oslo for Blitz, Oslo for monarken, Oslo for han, som sit og skjelv nedi parken.
Oslo for pengar, både svarte og kvite, Oslo for dei, som tener for lite.
Oslo for bygdefolk og andre framandkulturelle, Oslo for deg, med piercing i stellet.
Oslo for dei kule, Oslo for dei grå, om du vil ha ecstasy eller brunost på.
Oslo for Bislett, Oslo for trikken, Oslo for kjønnsoperasjon på den private klinikken.
Oslo for lesber, Oslo for homofil, Oslo for deg, som er litt i tvil.
20 Mellom homsar og hyller
Velkommen til landet vårt Umbele Kontiki, ein mørkhuda gut, kom til Gardermoen, han såg usikker ut.
Umbele Kontiki, ein framand profet med slørete blikk og ein analfabet.
Mellom homsar og hyller 21
Umbele Kontiki frĂĽ Afrikas land vart lett plukka ut av ein tenestemann.
Umbele vart ført til eit heilt eige rom, eit hemmeleg rom nesten ingen veit om.
Tenestemannen var høfleg og snill, han ba Umbele ta av seg nedantil.
Der stod guten, med lese- og skrivevanskar, og fekk eit handtrykk, frĂĽ ein med plastikkhanskar.
22 Mellom homsar og hyller
Verdsborgar i ein
krok
sofa-
Eg har sofa frå Korea, eg har krukke frå Sudan, eg har sokkar ifrå Dale og shampo frå Milan.
På veggen heng det pynt frå Mallorca og frå Kos, eit smalahove ifrå Voss og eit flybilde av Os.
Rundt meg heng heila verda, så liten kloden er i grunn, når maska ifrå Kenya er kjøpt i Ålesund.
Eg er ein verdsborgar og irriterer meg som fa n når det er folkefest og moro hjå min nabo frå Iran.
Ja min nabo frå Iran lagar fest med mat og løk, og ein verdsmann som meg kjem aldri på besøk.
Mellom homsar og hyller 23
Eg er inneslutta nordmann, i min sofa trivst eg best, nei, det er ikkje denne karen du tar med på fest.
Eg er ein verdsborgar og irriterer meg som fa n når det er folkefest og moro hjå min nabo frå Iran.
Eg stemmer SV utad, men innad Frp, eg er ein sofarasehatar som drikk arabisk te.
Eg dansar stovesamba på mitt orientalske teppe, eg har ein engelsk setter som eg kallar Vidar Kleppe.