October 2018
Member of The Association of Independent Publishers Editorial Tel. 061 438 3365 | 021 424 2114 | Editorial Address: The Pinnacle, 6 Burg Street, Cape Town.
FUMANISA
OKUBANZI NGOKUKHWELA KWIBHASI I-MYCITI
DUNOON | JOE SLOVO PARK | WOLVERIVIER | KWA 5 | KILLARNEY GARDENS | MONTAGUE GARDENS | MILNERTON | TABLE VIEW | WITSAND
I-MYCITI EYONGEZELELEKILEYO, ENGCONO Uphuculo lweenkonzo luza kufikelela ngakwindawo yokukhwela iibhasi ekufuphi nawe ngomhla wama-27 Okhtobha 2018 Uvuselelo lwenkqubo ye-MyCiTi kulindeleke ukuba lukunikeze iindlela zokuhamba ezongezelelekileyo ongakhetha kuzo, iindawo ongaya kuzo ezintsha kunye neehambo ezimfutshane ukuze ukwazi ukujikeleza ngokulula, futhi wonwabele nangakumbi iinkonzo zethu ezikhuselekileyo, nezithembakeleyo. Ngomhla wama-27 Okhtobha 2018, i-MyCiTi iza kwenza utshintsho ngotshintsho ngokusekelwe kuphando kunye nezinye intetha ntethwano kunye nabasebenzisi bale nkonzo nezenze ukuba sikwazi ukusabela kwiimfuno zabakhweli kwaye siqhubeke nokunikezela ngenkonzo ekwinqanaba eligqibeleleyo kangangoko. Uphuculo lwakutsha nje luza kuquka utshintsho kwiimizila yendlela, ukusungulwa kwemizila yendlela emitsha neendawo zokumisa iibhasi kwakunye neenkonzo ezihamba ngqo ezongezelelekileyo, ukwehlisa imfuneko yokutshintsha iibhasi kwakunye nexesha elicithwa ngabakhweli kuhambo. Fumanisa ukuba luthetha ntoni na kuwe olu tshintsho uze wenze ukuhamba nge-MyCiTi kube yinto elula.
Imizila emitsha, iindlela zokuhamba ezingaphezulu ongakhetha kuzo Iinkonzo phakathi ezingqonge iCentury City zihlelwe ngokutsha ukuze zinikeze uqhagamshelwano olungcono kunye needlela abakheweli bangakhetha kuzo. Endaweni yomzila u-251 kuza kuvulwa umzila omtsha ongu-D08 osuka eDunoon kunye nomzila u-261 owandisiweyo, neza kuhamba ngaphaya kwase-Omuramba ukuya eCentury Gate nase-Century City Rail. Umzila wendlela u-262 uzakutshintshwa ahambe ngomnye umzila wendlela ukuze idibanise iSummer Greens nokuya elwandle eWoodbridge Island ukuyodlula eBosmansdam Road. Le ndlela iza kunikezela ngendlela elula yokudibanisa eMilnerton nakwindlela u-T01 eya kumbindi wesixeko naseTable View. Indawo entsha yokumisa iibhasi eCorsair iza kunikezela ngenkonzo kuzo zombini iindlela u-260 no-262. ESunningdale, indlela esanda kuthiywa engu-223 iza kunika abakhweli abakwindlela engu-213 Sunningdale – West Beach – Table View – Sunningdale uhambo olufutshane ukuya kwelinye icala.
Utshintsha-tshintsho olumbalwa, iihambo ezimfutshane Umzila u-214 uya kuhamba ukusuka eParklands ukuya eDuynefontein idlule eTable View naseMelkbosstrand. Iza kuthatha indawo yeendlela ezindala ezingu-214, 217, no-230 ezingenamfuneko yokutshintshela kwenye ibus ekuhambeni kwendlela. Le ndlela izakwandiswa ngaphaya kwendawo yokumisa iibus eseParklands Main North ukuze inikezele ngeenkonzo kwiindawo zokumisa eDartfort naseMorningfield kwakunye nezinye iindawo ezintathu ezintsha zokumisa iibus, eLewisham, eSouthwark naseWalworth, ngakwiDartford Drive.
I-MyCiTi yindlela yezothutho ongayikhetha nekwenza ukuba ungabi nakuxinzeleleka ngokwasengqondweni kwaye wonge imali – nokuba ngaba kukwiihambo zakho zemihla ngemihla okanye ukuya kuphola ngeempela-veki.
INGABA UDINGA UNCEDO? YIYA KU-WWW.MYCITI.ORG.ZA Iwebhusayithi ye-MyCiTi ikholo ukukunceda. Yiya ku-www.myciti.org.za ufumane lonke ulwazi oludingayo malunga notshintsho olwenzekayo, kuquka neemephu kunye nezicwangciso zamaxesha ongazidawunloda. Kananjalo ungazifumanela isikhokelo sakho senkqubo esibhaliweyo okanye ucele uncedo kummeli we-MyCiTi kwizikhululo. Kananjalo ukusuka ngomhla wama-27 Okhtobha, uza kukwazi ukucwangcisa uhambo lwakho ngokulula usebenzisa isiCwangcisi soHambo sethu esikwiwebhusayithi kwangaphambi kokuba usuke ekhaya. Khetha iindawo ongathanda ukuqala nokugqibela kuzo uhambo lwakho uze ubone ukuba ungakhetha ntoni na, kuquka nokuba ungathatha eziphi na iibhasi ngawaphi na amaxesha.
Kubakhweli abahamba phakathi kwendawo yaseDunoon naseCentury City, iindaba ezimnandi zezokuba ngoku kukho indlela entsha ehamba ngqo engu-D08 neyenza kungabikho mfuneko yokuba utshintshe iibhasi kwisikhululo saseCentury City, nehamba ingene eMontague Gardens naseCentury Boulevard. Jonga ngaphakathi ukufumana iinkcukacha ezimalunga noko kutshintshileyo.
Tsalela umnxeba kwiZiko leenkcukacha ngeZothutho (umnxeba ongahlawulelwayo 24/7) 0800 65 64 63 www.myciti.org.za
SEBENZISA I-R30 UZE UFUMANE IKHADI ELITSHA Abameli be-MyCiTi baza kutyelela iindawo ezahlukeneyo ezineevenkile ezinkulu, nalapho unokufumana ulwazi olungaphezulu malunga neenkonzo kwakunye notshintsho olwenzekayo. Ukuba ngaba ungumsebenzisi webhasi omtsha ungafumana ikhadi elisimahla le-myconnect esele lifakwe iiMover points ezingama-50 nge-R30 nje kuphela – zii-Mover points ezingama-20 ezisimahla ezo kwaye wonga intlawulo yekhadi eyi-R35. Khangela kwiphepha elingasemva ukufumana iinkcukacha.
Imephu entsha yenkqubo ye-MyCiTi Utshintsho kwiinkonzo kunye nokusungulwa kweendlela ezintsha kukhokhelele kwinkangeleko entsha yemephu ye-MyCiTi, neya kuthi iqatshelwe ngabakhweli abaninzi nanjengokuba izalathiso kunye nolwazi luhlaziywa kwiindawo zokukhwela iibhasi ngaphambi komhla wama-27 Okhtobha 2018. Injongo yemephu entsha kukunceda abakhweli ukuba bakwazi ukuziqhelanisa ngaxesha linye bayifumane ngokulula indlela yokuhamba kuthungelwano lweMyCiTi.
MyCiTi Bus
@MyCiTiBus