Dunoon Community Health facility officially opens. -------page 4 >>
Avoid delays... ------page 4 >>
August 2015 Editorial Tel. 084 229 6399 | 021 4222 228 Editorial Address: 85 St. George’s Mall Cape Town. Member of The Association of Independent Publishers DUNOON | JOE SLOVO PARK | WOLVERIVIER | KWA 5 | KILLARNEY GARDENS | MONTAGUE GARDENS | MILNERTON | TABLE VIEW | WITSAND
Slyaza tsotsi naba abagadi BAKRUQIKILE lulwaphulo mthetho abahlali base Dunoon kwaye abanye babo ingakumbi abafazi bangenele umlo wokuthibaza oku.
A
bo bafuna ukwenza utshintsho bavuselele iDunoon Neighbourhood Watch nalapho bathi bajikeleze ezitrato ebusuku betyelela iindawo zodushe nentselo. Ongumququzeleli weliphulo uNoluthando Ludziya, umfazi onabantwana abathathu uthi ukwanda kobundlobongela kumkholele ekubeni avuke alwisane nabo. Encediswa yindoda yakhe uJoel Ludziya baqalise Dunoon Neighbourhood Watch enamalunga angama 32 sithetha nje. Uthi kudala ebona abantu bengamaxhoba okukhuthuzwa nokuhlatywa nto leyo emkhokelele ekubeni avuke alwe. “Ndabona indoda ihlatywa zizikoli ezibini. Babezame ukumthathe-
SOLUPTA UJoel Ludziya nomfazi wakhe uNoluthando kunye no Xolani Matiwane abayinxalenye ye Dunoon Neighbourhood Watch ejikeleza izitrato zalengingqi. PHOTO. PETER LUHANGA.
la izinto awayeziphethe kwaye bemhlaba. Ndisoyika ndavela ndakhwaza ndicela uncedo suka zabaleka ezizikoli. Ukusukela ngoko ndaqonda kuba mandenze utshintsho ekuhlaleni ndangenela iDunoon Neighbourhood watch,” uLudziya uchaza atsho. Benxibe iimpahla ezikhanyayo bekwakhanyisa ngeetosthi uLudziya neqela lakhe bangena ilokishina yase Dunoon ngenyawo. Baqalise lomsebenzi ngowe 2014 kwaye bakholelwa kwelokuba inkulu indima esele beyidlalile. Ezona ndawo athi zinobungozi yi Ethembeni, Siyahlala, Ekuphumleni ne Bhekhela apho kusoloko kukho isikhalo somntu
omoshwayo. “Into eninzi eyenzekayo kukurojwa kwabantu kodwa siye sibaleqe sibafumane oonqevu xa isenzeka sikhona lonto. Maxa wambi siye sifike oonqevu bebetha ixhoba labo sisuke sibize amapolisa ke ngoko,” utshilo. Uthe ingxaki enkulu ibangwa zizimokolo ezingavali ngexesha neziqhuba kude kuse abantu bezintyintya ngobhelu lomsele. Okunye zindawo ezithengisa utywala ngaphandle kwemvume - ezizimokolo zezona zibanga inkathazo enkulu. Okunye ukuba qaqambisela intloko kukufumana abantwana abadingayo ezitratweni ezinzulweini zobusuku. “Sibachola sibase emapoliseni ngoko nangoko abo,”uchaza atsho. Lo mbutho wabo usadinga izinto ezifana nebhayisekile kunye nezinye izinto
eziluncedo kubo, kwaye bafuna nendawo yokuncathama phambi kokuba bangene ilokishi. Omele ibhunga ledolophu kwi Mayoral Committee Member for Safety and Security, uJean Pierre Smith uthi besisiXeko sele bekhova kukuqeqesha amalungu a Neighbourhood Watch eDunoon. “Mabancede bandifowunele kwa Community Safety Liaison Department on 021 444 7966 ukuze sibone ukuba singabanceda njani,” utshilo uSmith. Othethela iMilnerton SAPS uDaphne O’Reilly uthe uyawazi umsebenzi we Dunoon Neighbourhood Watch. “Amapolisa asebenza eDunoon asebenzisana kakuhle neliqela kwaye siyayincoma lonto,”utshilo uO’Reilly.