會訊

會中 訊大 天 文

二 零 二 五

目錄 2 關於本會

3 關於星汐

4 莊員介紹

7 天文講座（一）

8 全港學界 天文問答比賽

14 天文知識

11 中學生天文計劃

17 未來活動

關於本會 香港中文大學 天文學會 香港中文大學天文學會（下稱本會）為一學術組織，本會志在 向大眾推廣天文，並為本會會員提供一個學術交流的平台作有 系統之天文研究，並以天文研習激發同學的互助與學習精神。

中大天文CUHK Astronomy Club http://cuhkastronomy.org/ Instagram @cuhkastronomy cuhkastro51@gmail.com 香港中文大學龐萬倫學生中心201A室

第五十一屆幹事會 - 星汐 「星」代表宇宙中的不同天體，象徵光明、探索及希望，激勵著我 們對無垠宇宙的熱愛和追求。「汐」則指潮汐漲退，與天文現象息 息相關，反映宇宙間的聯繫與互動、亦象徵自然界的循環及變化。 我們的英文莊名「Aestella」 取自拉丁文的「Stella」和 「Aestus」，分別代表星星以及潮汐、熱情之意，亦如「星汐」一 眾幹事般對天文充滿熱情。我們「星汐」將竭盡全力去推廣天文， 與大家一同分享星空的美麗。

莊員介紹 身為中天全莊最老嘅男人，鍾意俾人影靚相記錄自己青 春嘅樣貌，但每次影相永遠都唔識笑，自戀程度係去到 覺得每一張黑面嘅相都係最型。 耆英級數嘅身體，但係只得三歲智商ᕕ( ᐛ )ᕗ 會長大 人會開住電腦同時播幾條片，然後用iPad聽歌做嘢再用 手機打機㗎咿 呀 哈～ 聽歌，識變身，御守同扭蛋獵人，鍾意可愛嘅生物（當 然包括自己）快啲嚟同100分嘅會長一齊玩啦！！

↗️ ↗️

會長 蔡悠樂 新自科二

向掀開呢頁嘅你問好 :-D -> 抽 象 搞 笑 男 。 （ 因 為 唔 記 得 reg hall 而 ） 走 讀、樂天知命、唔食芫荽。 經常擔心因為自己太抽象而人地聽唔明自己講咩， 不過都係會繼續講抽象說話，有時會因為把口快過 個腦而自己都唔知自己講緊咩。 年頭話想學認星座，但係到依加都淨係識獵戶座。 支持中天喵，支持中天謝謝喵

外務副會長 陳樂桐 新生化二

內務副會長 胡創 基 逸語言二

「呢個符號係咩嚟架？」 「好想食窩夫加雪糕啊！」 只要見到Tiffany，佢唔係睇緊書，就係喺甜品舖 或者做運動嘅路上。佢之前掙扎緊讀物理定 Biochem, 雖然最後揀咗Biochem, 但仍然會「睇」 下Soc 房嘅物理書。

唔好睇佢嘅名咁sweet，Candy其實係個沉迷兇殺片嘅破 案愛好者！不過佢手中握住嗰本寫咗7年仍未完結嘅史 詩級校園愛情小說（堪稱文學界馬拉松冠軍）正係佢遊 走喺黑暗與純愛之間嘅神秘證據。 聽講呢位作者自海鹽朱古力慘案後，已單方面同全宇宙 朱古力星人斷絕邦交！

文書 劉凱蕊 逸生化二

唔知點解對木木梟情有獨鍾嘅生物。 所以擁有貓頭鷹嘅特殊技能——夜行俠，同埋 個頭識轉180度。 所以你點都逃離唔到我嘅視線範圍㗎啦（笑 不過弱點係好容易會突然傻笑……

財政 林卓賢 聯物理二

一個會著住Physics頹T隨機喺中大唔同地方刷新嘅 哥布林NPC。。。呢個sem有頗高幾率喺拉把刷新 （佢話呢個sem要追GPA，雖然佢已經係第三個sem 講呢句話）夜晚無雲嘅時候可以試吓喺龐萬倫天台 嚟捕捉一下呢隻奇幻生物，佢會用嘗試接收外星人 嘅信號。。。

學術 方嘉偉 善物理二

佢係逸夫行山之鬼，會由YIA行上逸夫，所以唔好 問佢點撘車，佢只會答你：「我帶你行」。 有嚴重拖延症嘅佢，試過早上考完final先開始從 零做當日要交嘅千字essay (最後仲要交到

資訊 陳熙嵐 逸能環二

長毛、大西北走讀生（一個禮拜兩個八半堂 QAQ）、夜行性生物。聽講喺上年住嗰間hall到 起咗個朵，好似同秦國有關，可以試下問佢。 夢想係坐喺大堂做看更睇「Introduction to Topology」，或者攞本速寫簿出嚟玩下。

資源 吳日辰 崇數學二 有時你可以喺深夜12點中大搵到佢，以爲佢有宿 住？咁你就估錯啦！佢作為大埔友，最快可以30分 鐘由Yia 返到屋企，就算過咗尾班車，佢都有深夜 紅van，甚至一個鐘內踩單車返到屋企(^。^)雖然 佢係新亞人，但唔好問佢新亞啲路點行，佢真係唔 識⋯⋯

資源 朱卓培 新機工二

讀數學讀到有啲自閉，特別多八半堂（會睇心情走 堂）。據說佢好鍾意運動，會用pe course拉grade （其實佢所有運動都係興趣級別），假日有機會會 喺孖橋出現。佢做補習社特別有陰影，有機會可以 問下佢點解。

資源 蔡展亮 新數學二

天文講座-宇宙膨脹知多少

大家都身處喺呢個宇宙入面，但係大家對宇宙嘅認 識又有幾多呢？科學家究竟係點樣搵到原來宇宙係 不斷膨脹，而且仲以快過光速嘅速度去膨脹呢？ 四月嘅時候，我哋好榮幸邀請到朱明中教授去講解 宇宙嘅歷史、演變同現今狀態。講座介紹咗現今科 學家最主流嘅宇宙學模型ΛCDM，物理學家以唔同 類型嘅望遠鏡，或者量度相對速度等方法去測量， 從而去找出宇宙膨脹最準確嘅速度。 當中朱明中教授亦介紹中大物理系喺宇宙學嘅研究 成果，之後參加者亦發問咗好多有趣嘅問題，甚至 有啲連科學家都未搵到答案添！

今次講座係開放比所有公眾人士，當 中更有中學生以及教職員參加。講座 完畢後更設有觀星環節，由本學會設 置幾個天文望遠鏡同埋雙筒望遠鏡， 俾參加者一探蒼穹嘅奧秘。

全港學界天文問答比賽

本年度嘅「全港學界天文問答比賽」已經喺7月19日舉行。呢個活動旨在俾喜 愛天文嘅中學生有機會通過比拼天文知識，增加對天文嘅瞭解，並認識嚟自 唔同學校嘅同好。 我哋好慶幸能獲得香港中文大學物理系以及HobbyHK贊助今次比賽，以及朱明 中教授擔任比賽評審同天文比賽嘅講者。今年比賽反應熱烈，有二十七隊參 加比賽。今次亦都見到好多參與天文活動嘅新面孔，希望喺未來嘅天文活動 見到大家，欣賞同一片星空！

天文講座 比賽期間，朱教授為我哋帶嚟咗「大 爆炸的殘影」嘅講座。呢個講座講解 咗宇宙學中，宇宙微波背景輻射嘅唔 少科學細節同重要性。講座後，各位 參加嘅學生同帶隊老師都好積極咁同 朱教授交流，問咗唔少問題。相信大 家都從朱教授身上學到好多野，獲益 良多。

複賽 初賽有四十道多項選擇題，而所有隊員答啱題 目數量最多嘅十隊就可以進入複賽。複賽除咗 考驗大家天文物理嘅知識，亦都會考考大家唔 同嘅天文歷史同文化。呢個環節亦有組裝望遠 鏡嘅部分，希望參加者喺理論之外亦都有實際 使用天文儀器嘅能力。經過激烈而精彩嘅複賽 之後，最高分嘅五隊就可以晉級到最後嘅決賽 環節。

決賽 決賽有兩部分：經典而刺激嘅搶答環節同埋考驗各位同學臨場發揮能力嘅演講 題。每隊會各自抽取題目，根據題目嘅情景去以簡單易明嘅方法去同觀眾講解 天文知識。題目類型包含範圍天文攝影、恆星演化、太陽系天體等唔同嘅領 域，但係各個隊伍依然帶嚟好精彩嘅演出。

最後，今次比賽分別由聖言一隊、聖芳濟書院一隊同拔萃女書院一隊獲得冠、 亞、季軍，而中華傳道會劉永生中學一隊同埋聖言中學二隊獲得今年新增嘅優 異獎。獲得再次恭喜所有得獎隊伍，同埋多謝所有參加者嘅踴躍支持！

中學生天文計劃 中大天文作為一個以推廣天文為目標嘅學會，每年都會舉辦「中學生天文計 劃」。透過迎新日同埋為期三日兩夜嘅宿營，希望俾參加者除咗認識天文之 外，亦都可以擴闊社交圈子，結識趣味相投嘅朋友仔。 「中學生天文計劃2025」以「逆時星旅」為主 題，為參加者打造一個逆轉時間、回到青春嘅回 憶之旅。迎新日同埋三日兩夜嘅正營分別喺本年 7月28日同埋29-31日順利舉行。今年嘅中計除咗 有偵探遊戲、團體遊戲俾參加者一齊玩之外，亦 都加入咗中大遊蹤，等參加者可以更深入地認識 中大；仲有天文講座同埋觀星活動，希望參加者 可以喺玩樂之餘帶到天文知識返屋企，令佢哋愛 上天文～

喺呢四日三夜入面，我哋安排咗唔同種 類嘅破冰遊戲以及團體遊戲，除咗希望 可以令參加者互相了解熟絡之外，亦都 想透過遊戲嘅內容令參加者可以對中大 同埋天文有更進一步嘅認識。

除咗玩遊戲之外，我哋都邀請咗湯兆昇博士同 埋梁寶建博士嚟同大家講天文～ 兩位先後分別喺迎新日為大家講解「地球同月 球之間嘅有趣關係」；以及喺正營第一日為我 哋主持主題為「系外行星之舞」嘅天文講座。 相信參加者聽完之後可以擴闊對太陽系同埋宇 宙嘅視野～

天文camp就當然唔少得睇星啦！正營嘅晚 上我哋喺科學館外空地架設咗唔同種類嘅 望遠鏡，除咗同參加者講解天文觀察嘅操 作，亦都比佢哋嘗試用雙筒望遠鏡去觀察 唔同嘅天體～

為咗可以令參加者留低最美好嘅回 憶，我哋安排咗大學傳統嘅營火晚 會，比參加者、組爸媽同埋籌委們共 聚一堂跳舞歡呼，一齊記錄低青春， 真係睇見都想join埋一份吖～

營主首先想多謝一班參加者支持我哋嘅活動。正營第一日朝早嘅黑雨真係意料 之外，但都淋唔熄大家玩轉個camp嘅熱情 (•̀ ᴗ•́ )‫ و‬見到你哋咁投入咁去玩、 去享受呢個camp，「營豬」我都超級開心～唔敢話俾到個最好嘅camp大家，但 真心希望呢四日可以留低最難忘、最好嘅回憶俾你哋。些些你哋！ 除此之外，亦都好多謝咁多位莊員嘅付出令呢個camp慢慢變成我理想中嘅樣， 感激大家投入好多時間去一齊準備同完成呢四日嘅活動。唔敢話係做到最好， 但希望留低最好嘅回憶俾參加呢個天文營嘅仔女們。仲有我都想多謝咁多位組 爸媽同埋上莊百忙之中抽空幫手，照顧仔女們、同我哋試流程又俾唔同嘅意 見，令到個camp變得好好睇睇。辛苦晒咁多位～ 「營豬」愛死大家了(≧◡≦) ♡各自加油！

光污染： 尋找黃金的 路上失去鑽石 唔 知 大 家 有 冇 碌 IG 嘅 時 候 見 過 右 面 呢 張 圖？隨住城市發展，大家有冇發覺，而家 想係市區抬頭望天好似唔太見到星星？而 家夜晚嘅天空，好多時都係一片黃白色。 就算無雲，睇到嘅星用手指都數得晒。呢 個就係光污染造成嘅後果。對於我哋呢啲 搞天文嘅人來講，真係一個大問題。

光污染係乜嘢？ 光污染係都市過度使用人造光，令夜晚天空變光嘅現象。多餘光線射上天，被空氣 中的塵埃散射，形成光罩，遮住咗本來應該見到嘅暗弱星光。科學家用波特爾暗空 分類（Bortle Scale） 來衡量觀測條件，分為9級： 第1級：真正黑暗嘅夜空，肉眼可見銀河細節 第3級：鄉村天空，仍可見到較暗星體 第5級：市郊天空，只能見到較亮星體 第7-8級：城市天空，僅能見到最亮嘅行星同少量恒星 第9級：市中心天空，幾乎看不到任何星星 香港作為全世界其中一個光污染最嚴重嘅地區，普遍處於第8-9級光害，得比較偏遠 嘅離島或者郊區（南大嶼山、西貢東壩）先會可以去到5級。

點解光污染對天文學咁大影響？ 睇少咗星： 最直接就係天上可見嘅星數量大減。係光污染嚴重嘅市區，你可 能只睇到最光嘅幾粒星。好多較暗嘅星、星雲、星團同星系，冇望遠鏡已經 睇唔到，有望遠鏡都會因為天空太光而難以觀測。 降低對比度： 天文觀測好依賴天體同背景嘅反差。一個星系本身已經唔光， 而啲光亦分散開而唔係集中係一點。如果個天底太光，佢就會同個背景天空 融為一體，好似條變色龍融入個背景咁，難以觀測。 耗費金錢同時間： 對專業天文台來講，光 污染意味住要飛去更遠、更偏僻（例如智 利嘅高山）地方起巨型望遠鏡，成本極 高。而且城市擴張所導致嘅光污染亦都會 威脅現有嘅天文台，令佢哋收集嘅數據質 素下降，甚至變得失去科研價值。對業餘 天文愛好者來講，為咗睇到靚星空，就要 山長水遠入去冇光害嘅郊外，浪費時間同 車錢。 右圖係筆者今年參觀美國威爾遜山天文台 時拍攝嘅100英寸虎克望遠鏡。呢支望遠鏡 係當年哈勃發現宇宙膨脹嘅地方。支望遠 鏡已經落成超過100年，光學性能至今依然 非常良好，但係因為山下面洛杉磯嘅光害 嚴重，近年呢支望遠鏡已經無再參與科 研，變為主要從事科普相關活動。

我哋可以點樣應對光污染？ 參 考 光 污 染 地 圖 ： 出 發 觀 星 前 ， 可 以 用 光 污 染 地 圖 網 站 （ 例 如 ： Dark Site Finder、Clear Dark Sky等）查清楚目的地嘅波特爾等級。呢類地圖用顏色區分光 污染程度，深藍色代表最好（第1-2級），紅色代表最差（第8-9級）。透過地圖可 以計劃去邊度觀星有更暗嘅夜空，睇星睇得更盡興。

善用濾光鏡：光害濾光鏡可以安裝在相機或望遠鏡上，專門阻隔常見人造光源（如 鈉燈、水銀燈）的特定波長，同時讓星光通過。對於天文攝影同觀測特別有用，能 夠顯著提升影像對比度，令到原本睇唔到嘅星雲、星系變得可見。

右圖係一款光害濾光鏡嘅透光率 圖，紅色綫係濾鏡唔同波長下嘅透 光率、綠色綫係天體發射譜綫嘅位 置、橙色係人造光源多會出現嘅譜 綫。

改善照明習慣：室外照明應該選擇向下照射嘅燈具，加裝燈罩，確保光線只照亮需 要嘅地方，而唔係射向天空或周圍環境。呢種設計唔單止減少光污染，仲可以節省 能源，提高照明效率。如果係住村屋或者有花園，可以係選擇室外燈具嘅時候留意 呢啲細節，保護屋企附近嘅夜空。

保護黑暗嘅夜空，其實就係保護我哋與自然嘅連繫。下次熄咗盞唔需要嘅燈，望一 望上天，或者試下搵個黑暗嘅地方，感受一下宇宙帶畀你嘅震撼。呢片星空，係我 哋共同嘅財產，唔好俾佢喺我哋現代社會入面消失。

未來活動 傾二 9月18日 18:45-21:00 蒙民偉樓703室

迎新營 9月20-21日 烏溪沙青年新村

迎新夜/傾一 9月16日 18:45-21:00 蒙民偉樓703室

傾三 9月22日 18:45-21:00 蒙民偉樓703室

藝墟 9月10-12日 百萬大道C17

傾四 9月26日 18:45-21:00 蒙民偉樓703室

中大天文x崇基攝影 夜空攝影工作坊 11月（暫定）

天文講座（二） 11月13日（暫定）

聯天文學會燒烤 10月17日 17:00-22:30 大埔大尾篤

快閃觀星 不定期