O Kiko thaj o vast

O KIKO THAJ O VAST

O KIKO THAJ O VAST

Kodo si o Kiko.

Thaj pasha o Kiko shaj dikhena e Kikoske amales: e vaste. ,,Numa, so lacho si te ovel tut jekh vast sar amal?,, phuchlas o Kiko. ,,But sigo dikhena sostar,, phendas o vast.

,,Lacho dives vastoreja! Me khamav te ujrav numa naj man pakha,, phendas o Kiko.

,,Mishtoj Kiko,, phendas o vast. ,,Me ovava tlo aviono/chirikli/. Shaj ukles akak, me akak ujrava.,, VUUUUUSH, gelas i chirikli/aviono/.

,,Lacho dives vastoreja! Mure phundre khamen te khelen numa naj man varesavi muzika,, phendas o Kiko. ,,Mishtoj Kiko,, phendas o vast. ,,Me ovava tlo muzikanto. Si man piano thaj mure naja dzanen sar te keren muzika.,, PLING, PLON, PLING, o piano dzala.

,,Lacho dives vastoreja! Khamav te hav varesave guglimata numa na dzanav so,, phendas o Kiko.

,,Mishtoj Kiko. Me kerava tuke guglimata,, phendas o vast. ,,Khames guglo phabajencar, chokoladasar, guglo likerosar, vaj guglo bananasar?,, ,,Me khamav phabajalo banana chokolada likerosar guglo! O Kiko phendas. ,,JAM, JAM, JAM.,,

,,Shaj astarav tlo nak?,, phuclas o vast. ,,Shaj,, o Kiko phendas.

Lacho dives vastoreja! Me khamav te bashalav numa nashti korkori!

Phendas o Kiko. ,,Laches Kiko. Me bashalav tusar,, phendas o vast.

,,Shaj te astarav tlo vast?,, phuchlas o vast. ,,Shaj,, o Kiko phendas.

,,Shaj te astarav tle bala?,, phuclas o vast. ,,Shaj,, o Kiko phendas.

,Shaj te astarav teli tle sosten?,, phuchlas o vast. ,,NA!,, o Kiko phendas. ,,NASHTI!,,

,,But laches Kiko,, phendas o vast. ,,Khonik nashti te astarel tut teli e sosten.

Kodo si Sostenengo Zakono.

Thaj te kerdas vareko kodo, phen varekaske.

Numa, ma garav kodo.,,

,,Lacho dives vastoreja!,, Me khamav te dzav ano sunengoro thagaripa numa na dzanav sar te resav kote,, phendas o Kiko. ,,Mishtoj Kiko. Me sikavava tuke o drom,, phendas o vast ,,Numa pashljov an tiro sovardo/pato/, phande tle jakha thaj ka reses kote korkoro.,,

ZZZZZZZZZZZZZ, zasutas o Kiko.

Jekh kotar panch chavore si viktima/zhertva/ katar e seksualno violence thaj seksualno bilachipa.

Kodo lil si kerdino katar e Europutno Konsilo thaj JEKH ano PANCH Kampanjasar te Stopuil pes Seksualno Violenca Mamuj e Chavore.

www.coe.int/oneinfive Š 2013 All rights reserved – RMI Koncepto: Grey Amsterdam Produkcijaki Kompanija: Naj rangiribaske Ilustracije: Punga Palikerindoj e Rikky Schrever thaj Manon Sikkel

Sikaven tumare chavoren vash e Sostenengo Zakono www.underwearrule.org

PREMS 293612

Kodo lil anglal sovibe dela eksplanacija pe Sostenengo Zakono vash e chave. Shaj te ginaven kodo lil te shaj te sichon i diferenca mashkar astaribe savo si lacho thaj savo si bilacho.

Te manglen te dzanen buteder vash kodo temato dzan pe www.underwearrule.org.